ادبیات سئونلر

اوشاق ادبیاتی کارتون

اوشاق ادبیاتی آذربایجان افسانه لری سؤیله ین:« صمد بهرنگی - بهروز دهقانی» چئویرن:« منیژه جم‌نژاد» تولکویله کو٘پ قاریسی۱ 🧙‍♀🦊 بیر گو٘ن واریدی، بیر گو٘ن یوخودو.  بیر پادشاه واریدی، بونون بیر اوغلو واریدی. پادشاهین آروادی، اونون اوغلونا عاشیق اولموشدو. بیر گون اوغلان دئدی: مندن ال چکمسن پادشاها دئیه جه یم. آرواد قاباقدان گلنلیک ائلییب پادشاها دئدی کی اوغلون منه پیس باخیر. پادشاه امر ائله دی: جلاد، گل بو حرامزادانین بوینونو وور. وزیر، وکیل، پادشاهین یاخینلاری دئدیلر: قبله عالم ساغ اولسون، اونو اؤلدورمه. شهردن سال ائشیه، گئدیب داغ دا داشدا یوخا چیخسین. اوغلانا بیر آت وئریب شهردن قوودولار. اوغلان گئدیب بیر کوهوله یئتیشدی، اوردا قالارغی اولدو. گو٘ندوزلر آوا گئدیب گتیریب یئییب، یاتیردی. بیر گو٘ن اوردان بیر تو٘لکو کئچیردی، گؤزو  یئره تؤکولن سوموکلره، ات پارچالارینا دو٘شدو. اوتوروب قارنینی دویوردو. اؤز یانیندا  دئدی: من ائله بوردا قالیم، یقین بوردا آدامدان زاتدان وار. آخشام اوغلان گلیب تو٘لکونو گؤردو. بیر آز آو اتیندن یئییب، قالانین اونا وئردی. بیر گو٘ن ده بیر قوردون یولو اورا دو٘شدو. تو٘لکونو گؤردو کوهولون آغزیندا اوتوروب تاماشا ائلیر. دئدی: تو٘لکو یولداش نه اوتورموسان؟ سانکی بوگون آوا گئتمیه جکسن. تولکو دئدی: آوی نئیلیرم؟ منیم بیر آغام وار، هر گون آوا گئدیر، گتیریر  منیم ده پاییمی وئریر. قورت دئدی: قویارسان منده بوردا قالام؟ تولکو دئدی: نیه قویمارام؟ قورت دا قالدی. آخشام اوغلان گلیب گؤردو بیر قورت دا گلیب. اؤز - اؤزونه دئدی: بو جیک - جاناوار  هاردان گلیر منیم دؤوره مه ییغیشیر؟ گئنه بیر آز آولادیغیندان یئییب، قالانین تولکویله قوردا وئردی. صاباح داها چوخ آولادی، جاناوارلار آج قالیب اونو یئمه‌سینلر دئیه. اوبیری گو٘ن بیر ایت کئچیردی. گؤردو تو٘لکویله قورت کوهولون آغزیندا اوتوروب دانیشیرلار. دئدی: آی تولکو یولداش، قورت یولداش، نه اوتورموسوز؟ سانکی بوگون اوروج توتموسوز. دئدیلر: یوخ یولداش، بیزیم بیر آغامیز وار، گو٘نده آولییب گتیریر بورا، بیزیم ده پاییمیزی وئریر، یئییریک. ایت دئدی: قویارسیز منده قالام بوردا؟ دئدیلر: نیه قویمیاق؟ ایت ده قالارغی اولدو. آخشام اوغلان گلیب گؤردو تولکویله قوردون یانیندا بیر ایت ده اوتوروب. صاباح داها چوخ آولادی، جیک جاناوار آج قالیب اونون اؤزونو توتوب یئمه سین دئیه. اوبیری گون بیر قارتال گؤیدن کئچیردی. گؤردو قورت لا تولکویله ایت، دینج اوتوروب دانیشیرلار. دئدی: تو٘لکو یولداش، قورت یولداش، ایت یولداش، نه راحات اوتورموسوز؟ سانکی بو گون یئمک یئمیه جکسینیز؟ دئدیلر: بیر آغامیز وار آولییب گتیرر، بیزیم ده قارنیمیزی دویورار. قارتال دئدی: قویارسیز منده بوردا قالام؟ دئدیلر: نیه قویماریق؟ آخشام اوغلان گلیب گؤردو موفته یئینلر دؤرد اولوبلار. اؤز -اؤزونه دئدی: بولار منیم جانیمدان نه ایستیرلر؟ نئچه گون کئچدی، بیر گون تولکو گئدیب یئکه بیر داش دیغیرلادیب گتیردی بیر بوجاغا قویدو، چیخدی او٘ستونه دئدی: آی قورت یولداش، ایت یولداش، قارتال یولداش، اینصافدی ائله آغا آولییب، زحمت چکسین، بیز اوتوروب یئیک؟ دئدیلر: تو٘لکو یولداش، ایستیرسن نه ائیله یک؟ تولکو دئدی: گرک پادشاهین قیزینی آغایا گتیرک. دئدیلر: اولاسی دئییل، پادشاهین قیزین نئجه گتیره بیلریک؟ تولکو دئدی: سیز گئدین، بیر آووج رنگلی مینجیق، بیر ایکی زینقیروو دان زاتدان گتیریب باغلیین منیم قویروغوما، سیزه دئییم... گئدیب مینجیق ییغدیلار، بیر ایکی زینقیروو دا تاپیب گتیردیلر. هامیسین تولکونون قویروغونا باغلییب، بزه دیلر. تو٘لکو دئدی: هامیمیز گئدیریک پادشاهین قیزینین ائوینه. من سو یولوندان حیطه گیریم، ایت ایله قورت قاپی آغزیندا دورسون، قارتال دا حیطین باشیندا اوچسون. پادشاهین قیزی منی گؤرمه‌یه چیخاندا قارتال اونو گؤتوروب آپارسین. دوروب گلدیلر پادشاهین قیزینین ائوینه. ایت ایله قورت قاپی دا دوردولار؛ قارتال دا گؤیده اوچوردو. تو٘لکو سو یولوندان حیطه گیریب، ادا وئریب اویناماغا باشلادی. قوللوقچونون بیری تو٘لکونو گؤروب خانیمی سسله دی: خانیم گل باخ. حیطه بیر شئی گلیب نه دئییم! خانیمین آیاغی حیطه چاتینجا قارتال ائنیب اونو گؤتوروب اوچدو. تولکو یله ایت له قورت دا قاچیب کوهوله گلدیلر. پادشاهین قیزینی کوهوله یئرلشدیردیلر. قیز هویوخدو: بورا هارادی، بولار کیمدیلر! آخشامدا گؤردو جاناوارلارین دؤردو ده چیخیب گئتدی. اوغلان قاییت باش گؤردو جاناوارلار پئشوازینا گلیبلر. تولکو قاباغا دو٘شدو، اوینایا - اوینایا آغانی کوهوله گتیردیلر. آردی وار... https://t.me/Adabiyyatsevanlar

اوشاق ادبیاتی سونایین تنقیدلری «سونای عابدین پور» بالاجا تنقیدچی‌میز داها یاخچی اینجه‌له‌مک له دقتله نظرینی سؤیله‌مک اوچون گئدیر کتابینی گتیریر

اوشاق ادبیاتی سونایین تنقیدلری «سونای عابدین پور»

اوشاق ادبیاتی https://t.me/Adabiyyatsevanlar

اوشاق ادبیاتی ⭕️13 یاشلێغێندان بیزه پای وئر یازان:«گون آی زیاد زاده » 13یاشیندا پارس آبادان ! ✍حاضرلایان:«محمد_عابدین‌پور»  بیرینجی بؤلۆم سلاملار و سایقێلار جناب عابدین‌پور! من اۇشاقلێقدان شعر و حکایه‌نی چوْخ سئوردیم. کتاب اوْخۇماغێ چوْخ سئوردیم و همیشه آتام و آنام منه هدیه اوْلاراق کتاب آلاردیلار. حکایه‌یه ۷ یاشێمدان باشلادێم. اوْ زمانلار ساده‌جه آتام و آنام حکایه یازدێغێمێ بیلردیلر. ۵ یاشێندا ایکن «شهریار»ـێن کیم اوْلدۇغۇنۇ آنلادێغێمدا اؤزۆم ده شهریار کیمی شعر یازماغێ دیله‌میشدیم. ایللر بوْیو قافیه‌لر دۆزلدر، شعر یازماغا چالێشاردێم. سوْنرا بیر گۆن ۱۰ یاشێندا ایکن اوْخول سِرویسینده اوْتۇردۇغۇم وقت ذهنیمه بیر شعر گلدی، آما اوْنو یازمادێم. سوْنرا نئچه گۆن کئچدی. بیر گۆن من اوْ شعری فکرلشن وقت ذهنیمه باشقا بیر شعر داها گلدی و اوْ شعری دفتریمه یازدێم. بئله‌لیکله ۹۷.جی ایلین آبان آیێ‌نێن دؤردۆنده ایلک شعریمی یازدێم. ایلک شعریمی یازدێقدان سوْنرا منه أن چوْخ فائده‌سی اوْلان آنامێن شاعر دوْستو «آنلار شریفی» اوْلدو و بۇ بؤیۆك شاعرین سایه‌سینده من «شهریار شعر و ادب» انجمنینه گئتدیم. اوْندان سوْنرا جناب پاشاپور سایه‌سینده شعرلریم مهد تمدّن (مونجوق) درگیسینده چاپ اوْلۇندۇ. بیر نئچه آی سوْنرا «بئش‌داش» آدلێ بیر درگی قۇرۇلدۇغۇ و اوْندا اۇشاقلارێن یازێلارێ‌نێن چاپ اوْلدۇغۇنۇ آنلادێم و ۹۸.جی ایلین آذر آیێندا منیم «آراز» آدلێ حکایه‌م «بئش‌داش»ـدا چاپ اوْلدو. ایلک شعیریمدن سوْنرا، حکایه یازماغا دا جدّی شکیلده باشلادێم. سئودیڲیم شاعرلر «بختیار واهابزاده، نُصرت کسمنلی، رامیز روشن، ظلیمخان یعقوب، نادر الهی، فتح‌اله پناهی (عربلی)، شهریار و...دیر. سئودیڲیم یازارلار «الیف شافاک، مارک تواین، جک لندن، صمد بهرنگی، ژول وِرن و...دیر. ایندییه قدر هئچ بیر کس منیم شعریمی ویرایش ائتمه‌ییبدیر. ⭕️«بو گئجه» تانرێ‌نێن دۇیغۇلارێ دنیانێن گؤزۆندن یاغێر چیچکلر اِنتحار ائده‌جکلر پنجره‌نین قاباغێندا و من... دلی‌لر کیمی دانس ائده‌جَڲم انقلاب کۆچه‌لرینده بو گئجه تانرێ‌نێن گؤزلری سیقوْرتالاناجاق آی بۇلۇدلارێن یاسێن تۇتاجاق بو گئجه پاییزلاناجاق گؤزلریم یارپاقلارلا دردلَشه‌جَڲم پاییز منیم دردلریمه گۆله‌جک... *** 🔹13 یاشلێغێندان بیزه پای وئر! ✍:«محمد_عابدین‌پور» گۆنای دوْستۇم! نه یاخجێ کی سن یازێرسان؛ ایسترسه حکایه اوْلسون، ایسترسه شعر و س. نه یاخجێ کی سن بو سَفر شعرلریندن بیرینی یوْللادێن بیزه. اۆچ دؤردۆنۆ یوْللاسایدێن داها یاخجێ شعرلرینه گؤره دانێشاردێق. اڲر، باخ! دئییرم «اڲر»، سؤزۆمه قطعیّت وئرمه‌ییرم! اڲر بو شعر یالنێز و یالنێز سنین چالێشماغێ‌نێن سوْنۇجۇدۇر و اؤزۆن دئمیشکن هئچ کیمسه اوْنا هئچ ال گزدیرمَسه؛ گئنه ده منجه یاخجێ بیر شعر دڲیل، اۆسته‌لیک بو کی، یاشێنا هئچ اۇیغۇن بیر شعر اوْلمایاراق سنین ایزینی بو شعرده ایزله‌مک و گؤرمک اوْلمور: نه فوْرماسێندا، نه مُحتواسێندا، نه ده کلمه‌لر ایله ایماژلارێندا (تصاویرینده). یوْخ! دئمیرم سن یاشدا اوْلانلار بئله بیر شعر یازا بیلمز. اوْلا بیلسین یازسێن دا؛ نئجه کی سن ده یازمێسان! دئییرم بو شعرده سنی گؤره بیلمیرم! قایناق:« بئش داش» https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

طنز بویوک آغا افندی. یاریم ساعات اوتوراندان سونرا نوبت مولودا چاتدی ، فالچی قویون دریسی نین اوستونده اوتورموشدو،قیرمیزی شاپا- شاپا گوللو میتککه لره سویکنمیشدی,  الینده  ایری دنه شاه مقصود تسبئیحی, قاباغیندایئکه بیر کیتاب, تاس,ساری اوستورلاب صفحه سی وارایدی. ساققالین سهمانلایا - سهمانلایا دئدی : خانیم باجیم  نئیه باخدیراجاقسینیز ؟ مولود اوتانا -اوتانا دئدی : واللاه آللاهدان گیزلین دئییل سیزدن نه گیزلین بوشهرده دوکتورقالمادی گئتمه یک تهرانادا گئتدیک  اینیمیزدن قارنیمیزدان کسدیک  تاپدیغیمیزین  هامیسینی وئردیک داوا درمانا آمما اوشاغیمیز اولمادی دوکتورلر دئیرلرگئدین حیلال احمردن اوشاق گتیرین . فالچی نه آلدی نه ساتدی بیردن قیشقیردی  , په  آللاه بو دوکتورلرین ائوین یخسین جماعاتین دریسین سویورلار,واریوخونو الریندن آلیرلار آخیردا دا اللریندن بیر ایش گلمیر گوندریرلر  بیزیم باشیمیزا .ارین نه دئیرهله ؟ مولود آغلایا- آغلایا دئدی : اریم موخالیف دیر . دئییر من اولوسم ده یوز ایل سونسوز قالسامدا گئدیب اوزگئنین تانیمادیغیم آدامین اوشاغین گتیرمرم ائویمه, نه معلوم اونون دده ننه سی کیمدی نه چی کاره دیر. فالچی یئریندن آیاغا  قالخدی اللرین اولچه- اولچه دئدی : آللاه او کیشینین آتاسینا رحمت ائلسین ,معلومدو حلال سوفرانین باشیندا اوتوروب ,بیری یوخدودئییه آغای دوکتور کوپک اوغلو, ایتین اوغلوایت اولار بئیه آدم گئده اوزگئنین قودوغون کی معلوم دئییل هانسی ایتین توره مه سی دیر گئتیره ائوینه ؟ بیه زینازاده دیر ؟ آدامین اوز اوشاغی نه پوخ اولورکی گئده سن خالقین  قور -قودوغون گتیرسن کی بللی دئییل کیمین توخومودور ,معلوم  دئییل هاردان توتوبلار, نجورتوتوبلار. ائله بو ایشلری گوروسونوزکی بو گونه قالیریق  . فالچی قایدیب اوتوردویئرینده تسبئحین سیغارلییا- سیغارلییا  دئدی: بوایش بیرزاد دئییل خانیم من بیر دعا یازارم  ایش دوزلر . یئردن کیتابی گوتوردواوجادان بیر صلوات چئویردی، باخدی مولودون اوزونه سوردو : آدینیز ندیر؟ مولود . آتانین آدی ندیر ؟ میر احمد . فالچی بیر ایکی صحیفه کیتابی اویان بویان ائله دی دئدی : من یالان دییمرم کیتابدا سیزین باره نیزه ده بیرزاد یوخدو ائله بیل بیر آزایش چتین اولدو گرک جین چاغیرام گورم سنین اصلی دردین ندیر ، جینین  آدین ائشیدجک مولودون آز قالدی باغری چاتلاسین . فالچی دئدی: قورخماین سیز جین لری نه گوره جکسینیز، نه ده سسینی ائشیده جکسینیز یالنیز بو ایشین  بیر آز خرجی چوخدو. مولودون اوره یی بیر آز یئرینه گلندن سونرا دئدی :    سن آللاه فقط ایرانی جین گتیرمه یین خانیملار دئیرلر ایرانی جین لرین ائله باشی چیخمیر. فالچی دئدی:  موطمعن اولون بیزیم جین لریمیزین هامیسی خارجی دیر .اصلی ژاپون دولار، یئرین آلتیندان ،اوستوندن ،آدامین ایچیندن، ائشیین دن ده خبرلری وار. مولود یئنی دن سوردو :حاجی آغا باغیشلایین  جین لرین خرجی نئچه اولار؟ فالاچی دئدی : نه دیم واللاه سیزی دوکتورلرائله سویوب لارآدامین اوزوندن گلمیر بیر سوز دئسین , سیز  اوچ یوزمین وئرسه نیز گورر  . فالچی باشین سالدی آشاغی بیر آز میزیلدیاندان سونرا دئدی : سیز قاپیدان گیرنده من بیلدیم نه یه گلیب سینیز جین لرده ائله من گورنی دئدیلر , جین لر دئیرلر طایفانیزدالاپ یاخین آداملارینیزدا قاراشین بیر آرواد وار اصلن سنی گوزوگوتورمور, ایسته میر سنین اوزون گولسون هامان آدام توی گئجه سی سیزی جادولایب , پیسیدیب ساری دستمالا یئدی دیرماندا دارتیب توکوب یییم لرینیزه  پولچوک گئدیب اوشاق یولون توتوب اونا گوره سیزین اوشاغینیز اولمور. سیز ایجازه وئرین من اونابیرایش گوروم  تیفاغی داغیلسین .   اوزسوزلوک، دورچوخ باغیشلایین خانیم باجی، سن گرک گئجه قارانلیقدا توالته گئدسن ،اوردا میس تشته سیچاسان،  فقط یادیندا قالسین تشت حتمن  میس اولسون بیردن اولمایاها بو پیلاستکی تشت لره سیچاسان،  سونرا ائله قارانلیقدا اوتوردوغونو  اون ایکی یئره بوله جکسن یادیندا ساخلا هئچ بیری نوخودان خیردا اولماسین سونرا ال ایاق بارماقلارنین دیرناغیندان توتوب اون ایکی یئره بولوب اوتوردوغورنا قاتیب پوخ مازیسی دوزلده  جکسن چوخدا یومورو اولمادی عیبی یوخدو سودیمه میش ایپک  قوماشا باغلایاجاقسان گئجه آی ایشیغینداپوخ مازیلارین آپارین اوچون قویون طرفین دووارینین دلیک دئشیینه، ائله قویون ائشیک دن گورنمه سین کسیرین آتین حیط لرینین دورد بوجاغینا، سونرا بیر دوعا یازدی دورد قات بوکوب نارینجی ساپینان موحکم باغلادی بیر ایستکان دا سوگتیردی ایکی دفه توپوردو ایچینه  توکدو بالاجا بیر نوشابه شوشه سینه دئدی : بو گئجه بو دوعانی سالین بو سویون ایچینه چالخالایین ار آرواد ایچین سونرا مشغول اولون... اینشاآللاه گلن ایل بوزامان بیری اوغلان بیری قیز قوجاغینزدا بیر قویون بیر قوتو شیرینی ایله گلرسینیز بورا. https://t.me/Adabiyyatsevanlar

- رحمان معللیم،  شاگیردلرین ده، ائله بیزیم ده گؤزوموزده بیر افسانه‌سینیز. دوغرودور، معللیم‌لیگین یاشی اولمور، بو یگانه صنعت‌دیر کی واخت کئچدیکجه قیمتی آرتیر، آمما نئیله‌یه بیله‌ریک، قانون قانوندور. بو مکتبده یاشی هشتادی آشمیش چوخ معللیم‌لر وار. سیزین آتمیش یاشینیز بو گون تامام اولور. نه اولوب، نه خبردی؟ رحمان معللیم گولومسه‌دی، اینجه یومورو دینج دورمادی: - قانون قارشیسیندا بوینوموز قیلدان اینجه‌دیر غضنفر معللیم، من گئتدیم افسانه اولماغا، اؤزونوزه یاخشی باخین، چالیشین قوجالمایین. معللیم‌لر هامیلیغا آیاغا قالخیب رحمان معللیمی مکتبین دروازاسیناجا اؤتوردولر. آیاغینی مکتبین حیطیندن کنارا قویاندا، هه، او آندا رحمان معللیمین اوره‌یینده ائله بیل نسه قیریلدی. سونرا ائله بیل اوره‌ییندن داش آسیلدی. " معللیم‌لر گئدیب داش آتسینلار"،- دئمیشدی ابلهین بیری. گرک او گون مکتبی ترک ائده‌یدی. زغال آراغی ائله یاندیردی کی، اوره‌ییندن تیکان چیخاردی. کالباسا، پئندیر دیلیم‌لری بیر اوجدان یوخا چیخیردی. گؤزو آراق شوشه‌سینده قالمیشدی. ایچمک ایسته‌میردی، آمما اؤزونو شوشه‌نین یانیندا سیندیرماق دا ایسته‌میردی. دؤردونجو باده‌نی کونجده تور قوروب اؤزونه لایلا چالان هؤرومچه‌یین ساغلیغینا ایچه‌جکدی. بو ائوده گؤزه دیه‌ن ایکی جانلی یاشاییردی. او و هؤرومچک. چوخدان بو تورو گؤرموشدو، آمما اونونلا دؤرد دیوار آراسیندا یاشاماغا کؤنوللو راضی اولان هؤرومچه‌یین یوواسینی داغیتماق ایستمه‌میشدی. داغیدا بیلمزدی، اَلی گلمزدی. هردن پنجره‌دن، قاپیدان ایچری سوخولان آغجا قاناددان- زاددان نه ایسه تاپیب گونونو کئچیریردی. او، هؤرومچه‌یه صنعتکار اولدوغو اوچون حؤرمت ائدیردی. هئچ بیر جانلی اؤز ایشینی هؤرمچک قدر مکمل گؤرموردو. بئله ظریف توخوجونون تورونا نه دوشورسه دوشسون، حلال خوشو اولسون،- دئییب دؤردونجو باده‌نی بیر نفسه باشا چکدی. آغزیندان اود چیخدی. مطبخه کئچیب اودو سؤننه‌جن سو ایچدی. اؤزونه بوزاردی:" اؤزونو سوناجا لیاقتلی آپار، آز قالیب، لاپ آز"- دئدی. زغال آراغی‌نین ظریف قوخوسو اوتاغا یاییلمیشدی. دیواردا کی بولودلار تالا- تالا اولوب اوچماغا حاضیرلاشیردی. هؤرومچک اوز یئللنجه‌یینده یئلله‌نه- یئلله‌نه آرا- بیر فیت چالیردی. بورنونا هاردانسا سئویملی آروادی‌نین عطری توخوندو...آیاقلاری دولاشا- دولاشا گئدیب پنجره‌نی آچدی، سونرا دؤنوب الی ایله دیواردا کی بولودلاری هده‌له‌دی: - هامینیز آزادسینیز، چیخین گئدین بو خارابادان، هارا ایسته‌ییرسینیزسه  اورا گئدین، تکی گئدین، جانینیزی قورتارین... دیوارلار اَریییردی، بولودلار پنجره‌یه طرف آخیردی، رحمان معللیمین اَییلمیش قامتی‌نین کؤلگه‌سی پنجره‌ده تیتره‌ییب سونونجو بولودون آزادلیغا چیخاجاغینی گؤزله‌ییردی... https://t.me/Adabiyyatsevanlar

رحمان معللیمین آغ بنیزی کتان کیمی آغاردی، سونرا یاناقلارینا قیزارتی چؤکدو. - نازیله معللیمه مکتبیمیزه خوش گلیب. ایذین وئرین درسی بیتیریم، سونرا نئجه مصلحتدیرسه ائله ده اولسون،- دئدی. سبینه معللیمه‌نین چوخدان پلانلاشدیردیغی عملیات اوغورلا باشا چاتدی. رحمان معللیمین شرفینی اوشاقلارین گؤزو قارشیسیندا یئرله- یکسان ائتمیشدی. خاصیتینی بیلدیردی، بو عملیاتدان سونرا، ناظر ده گلسه گئده‌جکدی. بیر آندا عاغلیندان کئچیردی کی:" لیاقتلی آداملارا جان قوربان. نه قیشقیریرلار، نه باغیریرلار، قوزو کیمی اوزلرینی چئویریب گئدیرلر". سونرا اؤزونو ییغیشدیردی، چلیمسیز صیفتینده بیر ایلدیریم چاخدی. سون گؤستریشینی وئردی: - اوشاقلار، بو گوندن سیزه نازیله معللیمه درس وئره‌جک. او انگلیس دیلینی سئویملی رحمان معللیمیزدن داها یاخشی بیلیر، کامپیوتر بیلگی‌لرینده ده تایی یوخدو. اومود ائدیرم کی اونونلا دیل تاپاجاقسینیز،- دئییب گلدییی کیمی ده چیخیب گئتدی. صینیفه چؤکن ساکیت‌لییی زومرودون هؤنکورتوسو پوزدو. اوشاقلارین گؤزونده تلاشلا قورخو بیربیرینه قاریشمیشدی. بوتون صینیف زومروده قوشولوب آغلاییردی. صینیفین ان نادینج اوشاغی نیهاد آغلایا- آغلایا قاچیب رحمان معللیمی قوجاقلادی. بوتون اوشاقلار قاچیب معللیم‌لرینین باشینا ییغیشدیلار. اوشاقلارین هؤنکورتوسو، کؤرپه‌جه اوره‌کلرینین دؤیونتوسو، گؤزلرینده کی قورخو... رحمان معللیمین اوره‌یی هئچ واخت بئله سیخیلمامیشدی، هئچ واخت بئله علاجسیز قالمامیشدی، هئچ واخت هئچ کیم اونو سبینه معللیمه‌نین سیلاحی کیمی آغیر سیلاحلا وورمامیشدی... دیواردان گؤزونو چکیب قدحه آراق سوزدو. دیلینه گتیرمه‌سه ده ایلک باده‌نی دیوارلارین ساغلیغینا ایچدی. اینسانلار بیر عؤمور دؤرد دیوارین آراسیندا یاشاییر. یاخشی- پیس گونلری دیوارلارین آراسیندا کئچیر. آرزولاری هردن دیوارلاری آشسا دا، گئج- تئز گئری دؤنوب دؤرد دیوارا سیغینیر. آداملار دیوارلارین آراسیندا دوغولوب، دیوارلارین آراسیندا اؤلور. او، عاغلی کسندن دیوارلاری سئومیردی. دفعه‌لرله بو دیوارلاری دیدیب- پارچالاماق، یئرله یکسان ائتمک ایسته‌میشدی. آمما بیر عؤمور چابالاسا دا، باجارمامیشدی. دوغرودو، زهله‌سی گئتدییی، نیفرت ائتدییی، اوره‌یینی بولاندیران مطیع‌لیگی هئچ واخت یانینا قویمامیشدی، مایماق کیمی یئرینده قالمامیشدی، باشقالاری کیمی اولمامیشدی. وحشی آت آرزوسو ایله یاشاییب اله باخیم یابویا دؤنمه‌یبن آجیسینی یاشاماق آغیر ایدی... ایکینجی باده‌نی شوبهه‌سیز:" مادام کی، یالان، آداملارین خوشوناگلیر، بو باده‌نی ایچیرم یالانین ساغلیغینا"،- دئییب باشینا چکدی. زغال آراغی بوغازینین دیوارلارینی یاندیرا- یاندیرا عنوانینا چاتدی. گوزلری آزاجیق یاشاردی، بورنو قیزاردی، کالباسانین بیر دیلیمینی آلیب دیشله‌دی. " کرال کالباساسی. کرال... یاخشی آد دیر"،- دئدی. دوداغینا تبسسوم قوندو...باشینی قالدیراندا گؤزو ساعاتا ساتاشدی. ایندی درمان ایچمه‌لی ایدی. جابیر حکیم کئچن هفته اونو معاینه ائدنده:" اوره‌یین چوخ ضعیفدی، معالجه اولونماسان، آخیری یاخشی اولمایاجاق"،- دئمیشدی. بیردن- بیره سئویندی. بوندان سونرا نه حکیمه گئده‌جکدی، نه اود قیمتینه درمان آلاجاقدی، نه ده اؤلومون یولونو گوزله‌یه‌جکدی. سئویندی، اوشاق کیمی قهقهه چکیب گولدو... اوچونجو باده‌نی یئددی ایل اوّل خرچنگ آپاردیغی عؤمور- گون یولداشی‌نین شرفینه ایچه‌جکدی. سئویب ائولندییی قادین، سوزون بوتون معنالاریندا قادین ایدی. حساس، رمانتیک، خیاللاری سونسوز، نیشانلی واختیندا سئوگیلیسینه" منیم ایلاهه‌م" - دئییردی، او دا بو سؤزدن یاز قاری کیمی اریییردی. تویلاریندان بیر هفته سونرا ایلاهه باشا دوشدو کی، احتیاجلارلا دولو بیر حیات اونو گؤزله‌ییر. خیال قیریقلیغی بو شَن، سئویملی قادینی سیندیرا بیلمه‌دی. دؤرد دیوارین آراسیندا کی اکثر قادینلار کیمی او دا آرزوسوز مَلَک‌لردن بیرینه چئوریلدی. یوخلوقلارین، آزلیقلارین، دانلاقلارین ایچینده یاشادی و سونرا خرچنگ کؤمه‌یینه گلدی. نه قدر آغیر اولورسا اولسون او بو مشققتلی حیاتدان، اریندن آیریلماق ایسته‌میردی. گئجه‌لرین بیرینده هامینی یوخویا وئریب هئچ کیم‌له وداعلاشمادان سسسیز- سمیرسیز چیخیب گئتدی. اؤلومو ایله اَرینی بئله اینجیتمک ایستمه‌دی. او واختدان یئددی ایل کئچیردی... اوره‌یی دولاندی، شاگیردی زومرود کیمی هؤنکور- هؤنکور آغلاماق ایسته‌دی...‌ صینیفدن چیخاندا اوشاقلار آغلایا- آغلایا الیندن- آیاغیندان یاپیشیب گئتمه‌یه قویموردولار. معللیم‌لر اوتاغینین قاپیسینا قدر اوشاقلاری بیر تهر دیله توتوب ساکیتلشدیردی. معللیم‌لر اوتاغیندا ائله بیل یاس دوشموشدو. هامی گوناهکارجاسینا سوسوردو. آخیر کی غضنفر معللیم اؤزونده تپر تاپیب هامینین یئرینه دانیشدی:

اوچان بولودلار ✍یازان:« ترانه واحید» کؤچورن:« سحرخیاوی» حاضیرلایان:«ادبیات سئونلر» او گئجه رحمان معللیمین شاگیردلری یوخودا اوچان بولودلار گؤردولر. گؤردولر کی اوچان بولودلارین گؤزلری وار. گؤردولر کی بو گؤزلر رحمان معللیمین گؤزلرینه اوخشاییر، گؤردولر کی، یئر کوره‌سی رحمان معللیمین گوزلرینده بیر دامجی یاشا دؤنوب، یاغماغا یئر آختاریر... رحمان معللیم خسته اوره‌یینین کونج- بوجاغیندا، اونو حیاتا باغلایاجاق نه ایسه تاپماق ایسته‌ییردی، لاپ ائله ایلان گؤزو بویدا بیر ایشارتی، اومید قیریغی، خیریم- خیردا نه‌سه... چیخیش یولونو تاپدی: بو گئجه هر شئیه سون قویاجاق. بو آرزو بئینین‌ده ایلدیریم کیمی چاخیب اوقاتینی ایشیقلاندیردی. ال- آیاغا دوشوب ساچینا- باشینا ال گزدیردی. جیبینده کی آزاجیق پوللاری قپیینه‌جن ساییب یئنی‌دن یئرینه قویدو. سویودوجودان کالباسا، پئندیر چیخاریب اؤزونه سوفره آچدی.اوشاقلیق دوستو کَرَمین کنددن گؤندردییی زغال آراغینی بالکوندا کی ایشکافدان چیخاریب گتیردی. چؤره‌ک قابیندا نئچه گوندن بری قورویوب قاخا دؤنموش، یانی قوپاریلمیش چؤره‌یی سوفره‌یه قویوب قدح دالینجا گئتدی. رحمان معللیمین دیلینه ایلده ایکی- اوچ دفعه ایچگی دَیَردی. آمما بو گئجه عؤمرونده هئچ واخت ایچمیه‌جه‌یی قدر ایچیب اوره‌یینی بوشالداجاقدی. بیرینجی باده‌نی نه‌یین ساغلیغینا ایچه‌جکدی؟ گؤزو دیوارا ساتاشدی. کؤهنه سولوخموش دیوار کاغیذلاریندا، اوچان بولودلار وار ایدی. بولودلار گؤزونه بیر تهر دَیدی‌. ائله بیل بولودلار تالا- تالا اولوب اوچماغا حاضیرلاشیردی. 27 ایل قاباق بو دیوار کاغیذینی اؤزو سئچیب آلمیشدی. ماوی بولودلار اوشاق واختی اوبالاریندا گؤردویو بولودلارا اوخشاییردی. بولود شکیللی کاغیذی سئچمیشدی کی هر دفعه بولودلارا باخاندا دوشمن تاپداغی آلتیندا اولان کندلری‌نین قوخوسونو آلسین. نه واخت ایسته‌سه، یاغسین، نه واخت ایسته‌سه گونشین قاباغیندان چکیلسین، بیرجه اوچوب گئتمه‌سین. بیرجه اونو ترک ائتمه‌سین. آمما ائله بیل اؤزو کیمی بولودلار دا یورولموشدو. بو ائودن اوچوب گئتمه‌یه بهانه گزیردیلر. ساده‌جه پنجره‌لری آچماق لازیم ایدی... عادتی ایدی سحر تئزدن اویانیب، گونشین ایلک ذرره‌سی ایله اوره‌یینی آلیشدیریب، سونرا مکتبه گئدیب قلبینده کی اودلا کؤرپه‌جه اوشاقلارین تر- تمیز قلبینی ایشیقلا دولدورسون. اوشاقلار رحمان معللیمین گوزلری ایله، اوره‌یی ایله، آرزولاری ایله دونیایا بویلانیب، قاناد آچیب اوچوردولار. رحمان معللیم ابتدایی صینیف معللیمی ایدی. قیرخ ایلده قیرخ نسیل رحمان معللیمین خئییر- دوعاسینی آلمیش، قیرخ ایلده قیرخ اوره‌کلی نسیل بؤیوموشدو. بو اوشاقلارین تمل‌لری یاخشی اولدوغوندان، سونرالاری دا یاخشی اولموشدو. بو سحر ده گونشدن ائرکن اویانیب قلبینی ایشیقلا یویوب، صالاواتلایاندان سونرا مکتبه یوللانمیشدی. ایکینجی صینیفده اوخویان شاگیردلری اونو گؤرنده قوش بالالاری کیمی اوستونه قاچمیش، سئوینجلری دوعا کیمی اوستونه یاغمیش، او دا تر- تمیز دوعالاری شوکرانلیق‌لا روحونا چیله‌ییب چؤپ کیمی نازیک بارماقلاری ایله اوشاقلارین باشینا سیغال چکیب، اونلارا خئییر- دوعا وئرمیشدی... زنگ چالیناندا رحمان معللیم همیشه کی قیوراق، ایناملی آددیملارلا دوغما صینیفینه یوللانمیشدی. درسی سوروشاندا کؤرپه‌لرین اللری هاوادا آلچا آغاجی کیمی چیچک آچمیش، رحمان معللیمین اوره‌یی آتلانمیشدی... قاپی دؤیولوب مکتب مودورو سَبینه صینیفه گله‌نه‌جن، حیات دوزنده‌ کی چای کیمی ساکیتجه آخیردی. سبینه معللیمه بویالی دوداغینین بیر اوجونو چئینه‌یه- چئینه‌یه، سورمه‌لی گوزلرینی قیرپا- قیرپا نسه دئمه‌یه حاضیرلاشیردی. آمما سؤزو هاردان باشلایاجاغینی، نه دییه‌جه‌یینی بیلمه‌دییندن دوروخوب قالمیشدی. هاندان- هانا: - رحمان معللیم بو گون سیزین آتمیش یاشینیز تامام اولور. هامی بیلیر کی مکتبیمیزین ان یاخشی معللیملریندن بیریسینیز، بلکه ده بیرینجیسینیز. بوتون کادر آدیندان سیزی تبریک ائدیرم. رحمان معللیمین ایشیقلی اوزو بیر آز دا ایشیقلاندی. چکینه- چکینه: - تشککور ائدیرم سبینه معللیمه. اینانین بو گونو اؤزوم بئله اونوتموشام،- دئدی. سبینه معللیمین گؤیده آختاردیغی فورصت یئرده الینه دوشدو: - رحمان معللیم ائله قانون دا بونو دئییر ده، اینسان یاشا دولور، اؤزو کیمی یادداشی دا یورولور. ایندی سیزین استراحت ائتمک واختینیزدی. تحصیل شعبه‌سی بونو نظره آلیب، سیزی بوتون قایغیلاردان قورتارماق اوچون یئرینیزه نازیله معللیمه‌نی یوللاییب‌. بو ایل معللیملیک یونیورسیته‌سینی بیتیریب، گنج کادردی. سیز اؤزونوز ده همیشه دئییرسینیز کی گنج‌لر بیزدن چوخ بیلیر. یئرینیزی اونلارا وئرمه‌یین واختی چاتیب. ایسته‌دیم کی بو علامتدار حادیثه‌نی دوغوم گونونوزه هدیه ائدیم.

«میر هادی مظلومی» ادبیات سئونلر گوزگوسونده زمان: بوگئجه سه شنبه 1402/2/12 ساعات: 21 آپاریجی:«کریم قربانزاده» https://t.me/Adabiyyatsevanlar

«هادی_قاراچای» ایشچی لر گونو مندن قاچاجاغینیز یوخ! بیلیرم سئویرسینیز منی منی سئویرسینیز ایشلک اللریم‌له، ایپک تئللریم‌له هله، دوغولمامیش مندن سئویملی‌سی. قانیمین آلینا آند ایچه‌رک بو ائلین، بو یوردون، ان قارانلیق دلمه-دئشیکلریندن گلیرم. داملا-داملا سئوگی قوخویور قورخاق باخیشلارینیز سیز و اوستوموزه گلن گونلر. گؤزلریمین بوغدای قوخوسویلا اللریمین بیچاق کسمز قاباری‌یلا یولسوز یولونوزو کسن یوخونوزدا گزن بو قان، بو قیلینج منم! اؤلسم، اؤلوموم ایزله‌ییر سیزی قالسام، اوره‌ییم دؤیوش طبیلی! مندن قاچاجاغینیز یوخ! بیلیرم سئویرسینیز منی منی سئویرسینیز، ایشلک اللریم‌له ایپک تئللریم‌له هله دوغولمامیش مندن سئویملی‌سی! https://t.me/Adabiyyatsevanlar

«شیرکو_بیکس» روز_جهانی_کارگر بر سر یک خیابان وسیع منتظر تکه نانی بود که خدا برساند؛ خدا سرما فرستاد طوفان فرستاد گردباد و گردوخاک فرستاد شهربانی چند مامور و حکومت چند پلیس فرستاد، آنچه هرگز نیامد نان بود. ترجمه:«سحر خیاوی» گئنیش بیر خیاوان باشیندا تانریدان بیر تیکه چؤره‌ک گوزله‌ییردی تانری، شاختا گؤندردی طوفان گؤندردی قاسیرغا، توزاناق گؤندردی نظمیه نئچه مٵمور حکومت، نئچه پلیس گؤندردی هئچ واخت گلمه‌ین بیرجه چوره‌ک اولدو. https://t.me/Adabiyyatsevanlar

به همت ادبیات سئونلر ویاران... ساخت مدرسه ابتدایی تبریز در روستای زلزله زده قیرخ یاشار خوی رو به پایان است، نصب کانکس خانه بهداشت وکتابخانه روستای قیرخ یاشار انجام گردیده است