Diinii kee Anaakara (Md Ali)

المقطع 7️⃣ من تراويح رمضان 1446ه‍ #الشيخ_عفيف_محمد_تاج https://t.me/AfefMahamedTaj

Ramadhaan Kassiisi...!! Ramadhaan Laqo soomuh yan mari xeflih masjid addal inaaqitaanam tamballe! Masjid addal inaaqitah yan marah dagoo kassis liyo....! Qimboh axcem geyya heenik masjid addal inaaqite waanam aysuk raqta! Ase weenik, Masjid addal inaaqittan waqdi, sinnii kee masjid fidok fanat sinni saro fidsittaanam faxximta! Woh kah innam,.... ①, xagar siinik dooqah yan waqdi, woo doq muslimiin salat elle abta musalla/fido fan taba, woh kaaduk Sarrak suruy umaane bahtaah, Muslimiinih aza yakkeenim edde tan! Tonnah kaaduk Yallaa kee Yallih malaaikah aza yakkeenim edde tan. ② marak baali xiinan waqdi afak lageegu(maqlal) baahan, toh kaaduk najaasa, masjidil woo lageegi sinaamak caxitaamak, fan saro haysitaanam faxxinta! ③ , Xiinit xagar numuk yaffiriggimem(sawaawaqitam) bictah, tooway shahwat masjid fido fan tabam xiiqimtah! Toh kaxxam umaama! Tonnaleemiik, dagal kah kassiisennah, masjid addal inaaqite waanam faxximta, ase weeniih gersi doorit kak weenik, sinni kee musallak fanat saro/fido haysitaanam faxxinta! ④ Tonnah kaaduk masjid addal xiinih takkay, salaatah takkay, culan waqdi, Silki #Silentil haanam faxxinta, muslimiin taqbisaamak naharal....! [ Abitnah nan soom Yalli nek Raabitay! Aamiin] Md Ali

Ascossa ......03 Soomuh ase num yayfutureenim, kaxxam meqe taama kinni, yuyfuturen numih ajirik tu ankuse kal, yuyfuture num soomuh ase numih gideh ajri edde geya. Futre iyyan waqdi , kaxxa qizuumatah faxximtam mali(xiqa num abitam aysuk raqta), tamirak inki lafoyta takke way, xabcin leek inki kunbayya takke way, sambusah cabbat takke way,......geennaanimil Yallih taagah sinam yuyfuturek addunyaay, akheera noori numuh takke. Eddeey laqin baaxol yan mara xabcin leel yayfutureenim ceela mali !! A Ramadhaanah cubbusem, Duma mango mari masaajidil futre geyak yenen, futre daggoysita mari woo masaajid fanah yamaaten. (qalê buxa dibuk hinna qafar gaba dagoytit edde anuk) qajabak tanim, woo masaajidil duma geyak yenen futre wonnal mageyan, (Baxaabaxsale sababitteh....) Tohih taagah, meqe qunxaaneytaw, masaajidil mango maray tu sinni tu elle geenno axcuk yamaateenimih taagah, tamiri inki kiilo takke way, xabcin leeh gomma takkke way, xiqqa haynaamal masaajid hawwasusnam faxximta. Salaatah namaate waqdi, masaajid khidma abeeniitil neceek meqeemi, wanna hinnay futreh uddur ninni gabaak ken nuyfutem kaxxam tayseemi. Maqaanek yoobbeemil taamita mara nee abay, abitnah nan soom Yalli nek raabitay. 👆Md Ali @httpsDiiniKeeAnaakara

Ascossa... . Meqe taamak inkih Ramadhaan addat aban meqe taama tayse, eddeey baxsaluk gaba dagoytit cataanam kaxxam assakatleeh, cato kah aban marah qokol yakkeeh, dagal Yalli kicna taama kinni Tohih taagah, Tamirak inki lafoyta takke way, boolaysita mara nayfuturem gibbatnam faxximta. Md Ali

Futreh uddur habballa sunnaani...! 1. Azaan yakke wak muazzin gabbaaqaanam 2. Maghrib salaatak lakal zikri abaanam(33* subcanallaah, 34*Alcamdulillaah, 34* Allahwakbar..) 3. Maghrib salaatih lakal tan sunna

Kassiisi. futreh uddur maghrib salaatih lakal kaxxa sissikaane tambulle,  mango mari salaamatta gacseeniik wadir kulli num mawqah yarden, laakin aysuk raqtam, zikri abittaay, sunnâ namma rakqat lakal ciggiilissa heenih caatih sakiinal  yawqeenim aysuk raqta! Yalli net koobaahisay. ✍Md Ali @httpsDiiniKeeAnaakara