Huquqiy axborot | Lex.uz

#Президент_қарори

❗️“Қўқон” ЭИЗ ҳудуди кенгайтирилади

“Қўқон” эркин иқтисодий зонасининг ҳудудини кенгайтириш чора-тадбирлари тўғрисида”ги Президент Қарори (ПҚ-250-сон, 10.07.2024 й.) қабул қилинди 🔰 Қарорга кўра, Фарғона вилоятида импорт ўрнини босувчи ва экспортбоп маҳсулотлар ишлаб чиқариш қувватларини ташкил қилиш мақсадида, Қувасой шаҳри ҳокимлиги захирасидаги жами 210,4 гектар ер участкалари ҳисобига “Қўқон” эркин иқтисодий зонаси (“Қўқон” ЭИЗ) ҳудуди кенгайтирилади. Ҳужжатнинг расмий тўлиқ матни: https://lex.uz/pdfs/7010370 Каналга уланиш👇👇👇 https://t.me/lexuzofficial

#Президент_қарори

❗️Давлат харидлари тизимида жамоатчилик назорати кучайтирилади

“Давлат харидлари тизимини такомиллаштириш ва унда кичик тадбиркорлик субъектлари иштирокини рағбатлантириш чора-тадбирлари тўғрисида”ги Президент Қарори (ПҚ-249-сон, 10.07.2024 й.) қабул қилинди 🔰 Қарорга кўра, 2024 йил 1 сентябрдан электрон дўкон воситасида давлат харидларини амалга оширишда нарх ва бошқа шароитлар тенг бўлган ҳолларда, белгиланган мезонларнинг бири асосида ногиронлиги бўлган шахслар, хотин-қизлар ва ёшларнинг бандлигини таъминлаган кичик тадбиркорлик субъектларининг таклифлари устунликка эга бўлади. Ҳужжатнинг расмий тўлиқ матни: https://lex.uz/pdfs/7010370 Каналга уланиш👇👇👇 https://t.me/lexuzofficial

#Президент_қарори

❗️Бўш ер участкаларидан самарали фойдаланилади

“Ҳудудларнинг иқтисодий салоҳиятини рўёбга чиқариш ва бўш ер участкаларидан самарали фойдаланиш чора-тадбирлари тўғрисида”ги Президент Қарори (ПҚ-245-сон, 08.07.2024 й.) қабул қилинди 🔰Қарорга кўра, 2024 йил 1 августдан жорий йил якунигача белгиланган мастер-режаларга мувофиқ замонавий хизмат кўрсатиш мажмуалари ва сервис объектларини, жумладан жойлаштириш воситалари, турар жойлар, савдо-кўнгилочар марказларини ташкил қилиш учун мастер-режа ҳудудидаги ер участкалари аукцион савдоларига чиқарилади. Ҳужжатнинг расмий тўлиқ матни: https://lex.uz/pdfs/7004480 Каналга уланиш👇👇👇 https://t.me/lexuzofficial

#Қонун

❗️“Умра” тадбирларини ташкил этиш ва ўтказиш лицензияланадиган фаолиятнинг алоҳида тури сифатида белгиланди

Президент томонидан имзоланган Қонун (ЎРҚ-935-сон, 02.07.2024 й.) билан айрим қонун ҳужжатларига ўзгартириш ва қўшимчалар киритилди ✅ “Лицензиялаш, рухсат бериш ва хабардор қилиш тартиб-таомиллари тўғрисида”ги Қонунга киритилган ўзгартириш ва қўшимчага кўра, “Умра” тадбирларини ташкил этиш ва ўтказиш бўйича хизматлар кўрсатишга доир фаолият лицензияланадиган фаолиятнинг алоҳида тури сифатида белгиланди. Ҳужжатнинг расмий тўлиқ матни: https://lex.uz/pdfs/6993988 Каналга уланиш👇👇👇 https://t.me/lexuzofficial

#Президент_фармони

❗️Мактабгача таълим агентлиги фаолияти тугатилди

“Мактабгача ва мактаб таълими соҳасида давлат бошқаруви тизимини такомиллаштириш чора-тадбирлари тўғрисида”ги Президент Фармони (ПФ-98-сон, 02.07.2024 й.) қабул қилинди 🔰 Фармонга кўра, Мактабгача таълим агентлиги (Агентлик) фаолияти тугатилди ҳамда Агентликнинг ташкилий тузилмасидаги ташкилотлар Мактабгача ва мактаб таълими вазирлиги тасарруфига ўтказилди. Ҳужжатнинг расмий тўлиқ матни: https://lex.uz/pdfs/6994138 Каналга уланиш👇👇👇 https://t.me/lexuzofficial

#Ҳукумат_қарори

❗️Қишлоқ хўжалиги экинлари ҳосилини суғурталашда суғурта мукофотининг бир қисми учун субсидия ажратиш тартиби белгиланди

Ҳукумат Қарори (373-сон, 02.07.2024 й.) билан “Қишлоқ хўжалиги субъектларига қишлоқ хўжалиги экинлари ҳосилини суғурталашда суғурта мукофоти учун тўлов харажатларининг бир қисмини қоплаш тартиби тўғрисида”ги низом тасдиқланди ⚡️ Унга кўра, қишлоқ хўжалиги субъектларига қишлоқ хўжалиги экинлари ҳосилини суғурталашда суғурта мукофоти учун тўлов харажатларининг 50 фоизини, бироқ суғурта суммасининг 4 фоизидан кўп бўлмаган қисмини қоплаш учун Давлат бюджетидан субсидия ажратиш тартиби белгиланди. Ҳужжатнинг расмий тўлиқ матни: https://lex.uz/pdfs/6993258 Каналга уланиш👇👇👇 https://t.me/lexuzofficial

#Президент_қарори

❗️Йўл объектлари алоҳида рухсатнома олингандан сўнг қурилади ва таъмирланади

“Йўллар ва йўл инфратузилмасининг яхши ҳолатда сақланишини таъминлаш ҳамда ҳудудларни ободонлаштириш бўйича амалдаги механизмларни такомиллаштириш чора-тадбирлари тўғрисида”ги Президент Қарори (ПҚ-241-сон, 01.07.2024 й.) қабул қилинди 🔰Қарорга кўра, 2024 йил 1 сентябрдан қуйидаги тартиблар жорий этилади жисмоний шахслар ва мулкчилик шаклидан қатъи назар ҳар қандай юридик шахс томонидан йўллар, тротуарлар ва бошқа йўл инфратузилмаси объектларида қурилиш ишларини олиб бориш, йўл объектини ҳар қандай кўринишда таъмирлаш, бузиш, қазиш, ўзгартириш ёки реконструкция қилиш фақатгина тегишли рухсатнома олингандан сўнг амалга оширилади. Ҳужжатнинг расмий тўлиқ матни: https://lex.uz/pdfs/6992205 Каналга уланиш👇👇👇 https://t.me/lexuzofficial

#Президент_қарори

❗️Ёшлар ишлари агентлигига қўшимча функциялар юкланди

“Ёшларни хорижий тилларга ўқитиш тизими самарадорлигини ошириш бўйича қўшимча чора-тадбирлар тўғрисида”ги Президент Қарори (ПҚ-239-сон, 27.06.2024 й.) қабул қилинди 🔰 Қарорга кўра, имтиҳон топшириш харажати қопланадиган халқаро имтиҳон тизимлари бўйича инглиз, немис, француз, корейс, хитой ва япон тилларидан камида С1 ёки унга тенглаштирилган мос даражадаги сертификат олган ёшларни имтиҳон топшириш харажатларини компенсация қилишга қўшимча равишда ўқиш харажатларини қоплаш учун БҲМнинг 3 баравари (1 млн 20 минг сўм) миқдорида бир марталик моддий рағбатлантириш тизими жорий этилади. Ҳужжатнинг расмий тўлиқ матни: https://lex.uz/pdfs/6986619 Каналга уланиш👇👇👇 https://t.me/lexuzofficial

#Президент_қарори

❗️Парранда гўштини экспорт қилишда мавжуд барча чекловлар бекор қилинади

“Паррандачилик соҳасини янада қўллаб-қувватлаш, замонавий генетик технологиялар ва кооперация тизимини жорий этиш чора-тадбирлари тўғрисида”ги Президент Қарори (ПҚ-238-сон, 27.06.2024 й.) қабул қилинди 🔰Қарорга кўра, кооперация тизимига асосланган “Агропарранда кластери” лойиҳаси амалга оширилади. ✔️ 2030 йил 1 январгача паррандачилик маҳсулотлари ишлаб чиқарувчи тадбиркорлик субъектлари юридик шахслардан олинадиган ер солиғини (экин майдонларидан ташқари) тўлашдан озод этилади. 🗓 2024 йил 1 июлдан парранда гўштини (ТИФ ТН коди 0207) экспорт қилишда мавжуд барча чекловлар бекор қилинади. Ҳужжатнинг расмий тўлиқ матни: https://lex.uz/pdfs/6986765 Каналга уланиш👇👇👇 https://t.me/lexuzofficial

#Ҳукумат_қарори

❗️Ҳукумат Қарори (354-сон, 25.06.2024 й.) билан “Тазйиқ ва зўравонликка учраган хотин-қизлар ва уларнингвояга етмаган фарзандларига ижтимоий хизмат кўрсатишнинг маъмурий регламенти” тасдиқланди

✅ Унга кўра, Тазйиқ ва зўравонликдан жабрланган шахслар, бошқа жисмоний ҳамда юридик шахслар томонидан тазйиқ ва зўравонлик ҳолати тўғрисида қуйидаги шаклларда мурожаат қилинади: 🔹“Инсон” ижтимоий хизматлар марказлари ёки ижтимоий ходимга; 🔹ички ишлар органлари навбатчилик қисмининг “102” телефон рақамларига ёки бевосита профилактика инспекторларига; 🔹“112” ягона диспетчерлик хизмати ҳамда 1146 қисқа рақамли “ишонч телефони”га. Ҳужжатнинг расмий тўлиқ матни: https://lex.uz/pdfs/6982043 Каналга уланиш👇👇👇 https://t.me/lexuzofficial