کاناڵی فەرمیی ماملێ 🎶

مێژووی گۆرانی (ڕاوچیان) لە زمان مامۆستا "سێمان شاوەلە" ـوە. زیندوویاد کاک سێمان شاوەلە، هاوتەریب لەگەڵ ئەدیب و شاعیربوونی، دەنگخۆشێکی لێهاتووی سەردەمی خۆی بوو. ئەو وەک پارێزەرێکی بەئەمەکی فۆلکلۆر، ئەو گۆرانییە کۆنانەی لە پێشینانی خۆیەوە پێی گەشتبوون، بە ئەمانەتەوە سپاردنی بە محەممەدی ماملێ، تا لە دەنگی ئەو هونەرمەندەوە بە نەمری بمێننەوە. ئەو ئاواز و هۆنراوانەی کاک سێمان، بوونە هەوێنی بەشێک لە کارە هونەرییە درەوشاوەکانی ماملێ. لەسەر ئەو هونەرمەندە مەزنە لە ماڵپەڕی ماملێ بابەتێکی تێر و تەسەل نووسراوە کە لە رێگای ئەم لینکەی خوارەوە کە لە ستۆڕیش دامانناوە دەتوانن سەردانی بکەن و بیخوێننەوە. https://mamle.net/archives/10511 WEBSITE | YOUTUBE | FACEBOOK | SPOTIFAY | SOUNCLOUD | TELEGRAM | VIMEO | TIKTOK

🎥 بینەر بن// 🔴 یادگارییەکی زیندووی مامۆستا ماملێ بەسەر کراوە ١۴٠۵٫۰۴٫١٣ 🆔 @HajeMedia 🆔 @HajeNews

بازی بێریان هۆنراوەی: مامۆستا هێمن گۆرانی: محەممەد ماملێ ماڵپەڕ:👇 www.mamle.net کاناڵی یوتیوب:👇 https://www.youtube.com/user/4chratv/videos ببە ئەندامی کاناڵی فەرمی ماملێ :👇 https://t.me/mamlemu

ناوێرم بیکوشم

با جارێکیش ماملێ شیعرمان بۆ بخوێنێتەوە: مەمکوژە تۆ گەردەنی خۆت ڕووت لە زولفان دەرخەوە ئەی سەبای ساڵحان ئەتۆ بکەی ئەم شەوە ڕۆژ بێتەوە تاقەتم چوو ئارەقی گەردنت بە زولفان ون مەکە ئەی ستارەی سوبحدەم ئەوشۆکە زووتر دەرکەوە سووتبووم خۆم دا پەنای زولفت دەمێک ئاسوودە بم ڕووت نیشان دام باز لە سایەی تۆوە ئاورم گرتەوە زولفت ئەفشان کرد و پەنهان بووی و دونیات کردە تەم خۆت وەدەرنا عالەمت سووتاند و ئاورت کردەوە با بە هەویای پایبووسیت عومری من کۆتا نەبێ مەیخە پشت گوێ، مەرگی من، بێ زولفەکانت بەردەوە ئولفەتی زولفت چییە قوربان لەگەڵ ڕوخساری تۆ؟ خۆ بە هیچ دینێکی نابێ کوفر و ئیمان پێکەوە هاتە سەر خەندە کە من سوڵتانی حوسن و دڵبەرم غایەتی سووڕەت نومای ڕۆژی جەماڵی من شەوە بای سەبای بەرقەع گوشا بوو؟ یا ئەتۆ بووی خۆت نواند؟ ئاهـ و ناڵەی بێقەراریم عالەمی خستۆتە جۆش گوڵ بەناز پەروەردەیە ئەی دڵ دەمێکی بسرەوە تۆ هەڵستای بەو دەمە ڕۆحی وەفاییت زیندە کرد با قیامەت کەس نەڵێ هەر یێکە توخودا هەستەوە WEBSITE | YOUTUBE | FACEBOOK | SPOTIFAY | SOUNCLOUD | TELEGRAM | VIMEO | TIKTOK

چارەنووسی شآعیر بەهار بوو فەسڵی زستانم، ئەگەر یارم لەگەڵ بایە درۆیە گەر گوتوویانە بە خونچێکی بەهار نایە لە بارانێ مەپرسە تا هەور بگرێ بەری ڕۆژێ دەبێ بگریم هەتا ڕووی تۆ لە ژێر چارشیۆی ڕەشدایە هەناسەم لادەدا چارشێو و ڕووبەندی ڕەشت ئاخر هەور هەرچەندە پڕ بێ کوا حەریفی قودرەتی بایە؟ لەژێر سایەی برۆکەتدا حوکمڕانی دەکا چاوت لە سایەی دووخی شمشیرە کە حاکم حوکمی ئیجرایە لەسەر بەفرێ بەکار نایە وەکوو بیستوومە داوی ڕەش لەسەر کوڵمەت ئەدی بۆ دڵگرە ئەو بسکە تاتایە؟ هونەر ناتوانێ جوانی تۆ بە هیچ شێوێکی بنوێنێ لە مەڕمەڕ چۆن دەتاشرێ هەیکەلی ئەم بەژن و باڵایە؟ بەڕیشی بۆزەوە سوجدەی دەبەم من بۆ جەماڵی تۆ ئەدی بۆچی دەیانگوت دار کە پیر بوو تازە دانایە؟ بزەت نایێتە سەر لێو و بەزەت نایە بە حاڵمدا ئەگەرچی زۆر لە مێژساڵە لە دووت دەخشێم وەکوو سایە دەزانی بۆ چی من هێندە پەرێشان و خەفەتبارم لە بازاڕی ژیان غەیری هونەر نیمە چ سەرمایە لەگەڵ چارەڕەشی و دوورەبەشی و نەگبەت دەبێ هەڵکەم لەمێژە چارەنووسی شاعیرانی کوردی هەر وایە هۆنراوەی مامۆستا هێمن گۆرانی محەممەد ماملێ بە دەنگی محەممەد ماملێ

ئەرێ هات جا دیسان هات ئاوازی: فۆلکلۆر بەندەکان: مەلا حوسێن عەبدوڵڵازادە بە دەنگی محەممەد ماملێ 👈ئەم ئاوازە یەک لە ئاوازە کۆنەکانی دەڤەری موکریانە کە لە باپیرانمانەوە بۆ کورد ماوەتەوە و بەزمی هەڵپەڕکێ زەماوەند و خۆشی و شادییەکانی خەڵکی ناوچەکەی پێ گەرم کراوە. ئەو گۆرانییە پێش ئەوەی ماملێ لە دایکبووبێ، هەبووە. سینگ بە سینگ هاتووە تا گەیوەتە نەسلی ماملێ و مەلا حوسێن. 👈دیمەنەکان ئی "دەریاچەی بەنداوی ئیلام" کە لە نێوان خەڵکی ناوچەکەدا زیاتر بە "بەنداوی چەم گەردەڵان" (سد چم گردلان) ناسراوە. ئەم شوێنە یەکێکە لە جوانترین و سەرنجڕاکێشترین ناوچە گەشتیارییەکانی پارێزگای ئیلام. دەکەوێتە نزیکەی ٢٠ کیلۆمەتریی باشووری ڕۆژهەڵاتی شاری ئیلام، لەسەر ڕێگای بەرەو شاری مەلەکشاهی. بەهۆی هەڵکەوتنی لە نێوان دارستانە چڕەکانی بەڕووی ناوچەی شەلەم و کێوەکانی دەوروبەری، دیمەنێکی سروشتیی یەکجار جوانی هەیە و خەڵکێکی زۆر بۆ سەیران و کات بەسەربردن سەردانی دەکەن.

زۆر مێلۆدی و گۆرانی هەن، کە پێش ئەوەی سنووری جوغرافی و نەتەوەیی درووست ببن، بەرهەمی تێکەڵاوییەکی فەرهەنگی قوڵە لە ناوچەکاندا. هەموو نەتەوەکان هاوبەشیی فەرهەنگییان هەیە. لەخواردن و جل و بەرگ ڕا گرتوویەتی تا داب و نەریتی زەماوەند و سەرەخۆشی. گۆرانیش لەو تێکەڵاوییە بێبەری نەبووە. بۆیە کارناسانی بواری میوزیک، بەو گۆرانییانەی کە لەلایەن هونەرمەندانی نەتەوە جیاوازەکان گوتراونەوە دەڵێن ( گۆرانی یا مێلۆدی هاوبەش). گۆرانی سەر لەسەر ڕانی یەک لەو گۆرانییانەیە و سنوری فەرهەنگی، هونەری، جوغرافی و نەتەوەیی تێپەڕاندووە و گۆرانی هاوبەشی زۆربەی نەتەوەکانی ناوچەکەیە. لەسەر ئەم گۆرانییە لە ساڵی ٢٠١٩ وتارێکی ورد لە ماڵپەڕی فەرمیی ماملێ نووسراوە. ئەوەش لینکەکەیەتی. https://mamle.net/archives/10188. سپاس لەو پەیجە کە ژیرانە لە بابەتەکە دواوە و ئەم کیلپەی درووست کردووە. هەڵسەنگاندنی ئەو بوارە بە دەمارگرژی ناوچەگەرایانە و شارچێتی و لایەنگرانە لە هونەرمەندایکی تایبەت ، ناکرێ. کە بەداخەوە ئەو دیاردە ناشیرنە دونیای سۆسیال مێدیای تەنیوە و زۆر کەسی یەکشەوە کردۆتە مامۆستای موزیک.

دەنگێکی تاقانە و خۆش ❤️ دەک تەمەندرێژ بی مام عرزیزی چاوشینی.