Uzbekistan Weightlifting Federation
Open in Telegram
🏋️♂️🇺🇿O'zbekiston Og'ir Atletika Federatsiyasining rasmiy kanali! Admin: @ax1222
Show more2 368
Subscribers
+424 hours
-207 days
-6130 days
Posts Archive
+5
🏋🏻♂️ O‘zbekiston kubogi oldidan yangi og‘ir atletika zalidagi sharoitlar ko‘zdan kechirildi
O‘zbekiston og‘ir atletika federatsiyasi raisining birinchi o‘rinbosari Shaxrillo Maxmudov Respublika olimpiya va paralimpiya sport turlariga tayyorlash markazida yangi tashkil etilgan og‘ir atletika zalida sportchilar uchun yaratilgan sharoitlar bilan yaqindan tanishdi.
Tashrif davomida zalning zamonaviy sport jihozlari bilan ta’minlangani, mashg‘ulotlar uchun yaratilgan qulayliklar hamda sportchilarning sifatli tayyorgarlik ko‘rishi uchun mavjud imkoniyatlar ko‘zdan kechirildi.
Ma’lumot uchun, 8–15-sentabr kunlari mazkur markazda kattalar va yoshlar (U-20) o‘rtasida O‘zbekiston kubogi musobaqasi o‘tkazilishi rejalashtirilgan. Shu munosabat bilan musobaqani yuqori saviyada tashkil etish, sportchilar uchun barcha zarur sharoitlarni yaratish hamda tayyorgarlik jarayonlarini sifatli tashkil etish yuzasidan mas’ullarga tegishli topshiriqlar berildi.
💻Instagram | 🎞YouTube
📝Telegram | 📝Facebook
+8
📚🏋🏻♂️ Yangi o‘quv yili — yangi maqsadlar va yangi g‘alabalar sari!
Bugun yurtimiz bo‘ylab yangi o‘quv yili boshlandi. Ta’lim va sportni uyg‘unlashtirgan holda kelajakdagi ulkan marralar sari intilayotgan yoshlar uchun yana bir mas’uliyatli va imkoniyatlarga boy davr boshlandi.
Shu munosabat bilan ta’lim muassasalarida “Bilimlar kuni” tadbirlari o‘tkazilmoqda.
Xususan, Samarqand olimpiya va paralimpiya sport turlariga tayyorlash markazida tashkil etilgan tadbirda viloyat hokimi o‘rinbosari H. To‘xtayev hamda markaz direktori O. Bag‘irov ishtirok etib, yosh sportchilarni yangi o‘quv yili bilan tabrikladi va ularga ta’lim hamda sportda muvaffaqiyatlar tiladi.
Tadbir doirasida yaqinda poytaxtimizda o‘tkazilgan og‘ir atletika bo‘yicha Osiyo chempionatida o‘z vazn toifasida oltin medalni qo‘lga kiritgan Hikmatullo Haydarov ham tantanali kutib olindi. Markaz tarbiyalanuvchisi bo‘lgan yosh sportchimiz musobaqada qit’a chempionligini nishonlash bilan birga, yoshlar o‘rtasidagi Osiyo rekordini ham yangiladi.
Shuningdek, Hikmatullo Haydarov tadbir ishtirokchilariga samimiy tilaklarini bildirib, yosh sportchilarni yangi marralar sari intilishga chorladi.
Tadbir yakunida nufuzli musobaqalarda yuqori natijalarga erishib kelayotgan bir guruh sportchi-yoshlar munosib taqdirlandi.
O‘zbekiston og‘ir atletika federatsiyasi yosh sportchilarimizga yangi o‘quv yilida ulkan zafarlar tilaydi!
💻Instagram | 🎞YouTube
📝Telegram | 📝Facebook
🏋🏻♂️ Sharofiddin Amriddinov — xorijiy OAV e’tiborida!
O‘zbek og‘ir atletikasining yorqin vakillaridan biri, yoshlar va kattalar o‘rtasidagi nufuzli xalqaro musobaqalar g‘olib va sovrindori Sharofiddin Amriddinovning sportdagi faoliyati xorijiy OAV e’tiborini tortmoqda.
Jumladan, Rossiyaning og‘ir atletika yangiliklarini yoritib boruvchi WeigliftingNews saytida O‘zbekiston terma jamoasi a’zosi Sharofiddin Amriddinov haqida maxsus material e’lon qilindi. Unda sportchimizning navbatdagi nufuzli musobaqa — Jahon chempionatiga olib borayotgan tayyorgarligi va mashg‘ulotlarda qayd etayotgan natijalari haqida so‘z yuritilgan.
Xususan, nashr Sharofiddin Amriddinovning avvalgi yutuqlarini ham alohida e’tirof etib, shunday yozadi:
“Sharofiddin Amriddinov 2024-yilgi Jahon chempionatida -109 kg vazn toifasida dast ko‘tarish bahslarida 181 kg natija bilan g‘olib bo‘lgan. Ayni paytda esa u Xitoyda bo‘lib o‘tadigan navbatdagi Jahon chempionatiga faol ravishda sport formasini yaxshilamoqda. Ko‘tarayotgan vaznlari uning musobaqaga juda jiddiy tayyorgarlik ko‘rayotganidan dalolat bermoqda: Dast ko‘tarish — 200 kg. Siltab ko‘tarish — 230 kg.”Bu natijalar Sharofiddin Amriddinovning tobora yuqori sport formasiga kirib borayotganidan dalolat beradi. Eng muhimi, sportchimizning xalqaro OAV e’tiboriga tushayotgani uning nafaqat O‘zbekistonda, balki jahon og‘ir atletikasi sahnasida ham salohiyati yuqori atlet sifatida e’tirof etilayotganini ko‘rsatadi. 💻Instagram | 🎞YouTube 📝Telegram | 📝Facebook
🇺🇿 Istiqlolimizning 35 yilligi muborak, aziz yurtdoshlar!
Mustaqillik yurtimiz hayotining barcha jabhalarida bo‘lgani kabi, sport sohasida ham keng imkoniyatlar yaratdi. Bugun mamlakatimiz sportchilari jahon arenalarida yurtimiz bayrog‘ini yuksaklarga ko‘tarib, xalqaro maydonlarda munosib raqobat qilmoqda. Qo‘lga kiritilayotgan yutuq va g‘alabalarimiz — istiqlol va erkin taraqqiyotimizning yorqin samarasidir.
Vatanimiz ravnaqi, sportimiz taraqqiyoti va mustaqilligimizni yanada mustahkamlash yo‘lida sidqidildan xizmat qilish — barchamizning sharafli burchimizdir.
O‘zbekiston og‘ir atletika federatsiyasi barcha yurtdoshlarimizni O‘zbekiston Respublikasi Mustaqilligining 35 yilligi bilan samimiy muborakbod etadi!
Ushbu qutlug‘ ayyomda yurtimizga tinchlik va osoyishtalik, xalqimizga sihat-salomatlik, har bir xonadonga baxt-saodat, farovonlik va fayzu baraka tilaymiz.
Vatanimiz tinch, osmonimiz musaffo, mustaqilligimiz abadiy bo‘lsin!
💻Instagram | 🎞YouTube
📝Telegram | 📝Facebook
📹📺📺 “O‘zbekiston 24” telekanalining “O‘zbekiston vaqti bilan” dasturida yosh va iste’dodli sportchimiz, yoshlar o‘rtasidagi jahon chempionati sovrindori va Osiyo chempioni Omadillo Olimovning sportdagi faoliyati hamda erishayotgan yutuqlari haqida so‘z yuritildi.
💻Instagram | 🎞YouTube
📝Telegram | 📝Facebook
+4
Nurullo Tog‘oyev va Kamila Abdullayeva “O‘zbekiston Respublikasi mustaqilligining 35 yilligi” esdalik nishoni bilan taqdirlandi
O‘zbekiston Respublikasi mustaqilligining 35 yilligi munosabati bilan mamlakatimizda jismoniy tarbiya va sportni rivojlantirish, yoshlarni sportga keng jalb etish, sog‘lom turmush tarzini targ‘ib qilish hamda yurtimiz sharafini xalqaro maydonlarda munosib himoya qilishga munosib hissa qo‘shib kelayotgan soha vakillari “O‘zbekiston Respublikasi mustaqilligining 35 yilligi” esdalik nishoni bilan taqdirlandi.
Quvonarlisi, mazkur yuksak e’tirofga O‘zbekiston og‘ir atletika terma jamoasi murabbiylari Nurullo Tog‘oyev hamda Kamila Abdullayeva ham munosib ko‘rildi.
Ular ko‘p yillik samarali mehnati, sportchilarni nufuzli musobaqalarga tayyorlashdagi fidoyiligi, yosh va iqtidorli og‘ir atletikachilarni tarbiyalash, shuningdek, mamlakatimiz og‘ir atletikasi rivojiga qo‘shib kelayotgan munosib hissasi bilan alohida e’tirofga sazovor bo‘lib kelmoqda.
Mazkur mukofot murabbiylarimizning samarali faoliyati va sportchilarimizning yuqori natijalarida aks etayotgan mehnatining munosib e’tirofi bo‘ldi.
O‘zbekiston og‘ir atletika federatsiyasi jamoasi Nurullo Tog‘oyev va Kamila Abdullayevani ushbu yuksak mukofot bilan samimiy muborakbod etadi hamda kelgusidagi faoliyatlarida ulkan zafarlar tilaydi!
Yurtimiz og‘ir atletikasi rivoji yo‘lidagi samarali faoliyatingizda yangi yutuqlar yor bo‘lsin!
💻Instagram | 🎞YouTube
📝Telegram | 📝Facebook
+2
Shaxrillo Maxmudov Navoiy viloyatida sayyor qabul o‘tkazdi
Sport vaziri o‘rinbosari, O‘zbekiston og‘ir atletika federatsiyasi raisining birinchi o‘rinbosari Shaxrillo Maxmudov Navoiy viloyatiga xizmat safari doirasida sport sohasi vakillari hamda fuqarolar uchun sayyor qabul o‘tkazdi.
Tadbirda Navoiy viloyati Sport boshqarmasi boshlig‘i Jasur Murtozayev, sport maktablari rahbarlari, yo‘riqchi-uslubchilar, xodimlar hamda trener-murabbiylar ishtirok etdi.
Uchrashuv davomida viloyatda sportni rivojlantirish, sport federatsiyalari faoliyatini yanada takomillashtirish, shuningdek, trener-murabbiylar faoliyatida mavjud dolzarb masalalar muhokama qilindi. Yaqin kunlarda start oladigan “Prezident olimpiadasi” musobaqalariga tayyorgarlik jarayoni yuzasidan ham atroflicha ma’lumot berildi.
Sayyor qabul davomida trener-murabbiylar, sportchilar va soha vakillarining taklif hamda murojaatlari tinglanib, ko‘tarilgan masalalarni hal etish yuzasidan mas’ullarga tegishli topshiriq va ko‘rsatmalar berildi.
💻Instagram | 🎞YouTube
📝Telegram | 📝Facebook
+6
🎁🎂 Bahrom Mendiboyevni tavallud ayyomi bilan muborakbod etamiz!
Bugun O‘zbekiston og‘ir atletikasi rivojiga ko‘p yillik samarali mehnati, boy tajribasi va fidoyiligi bilan munosib hissa qo‘shib kelayotgan, O‘zbekiston terma jamoasi bosh murabbiyi, “O‘zbekiston Respublikasida xizmat ko‘rsatgan sport ustozi” faxriy unvoni sohibi Bahrom Mendiboyev tavallud kunini nishonlamoqda.
Bahrom Mendiboyev sportchi sifatida faoliyat yuritgan davrida yirik xalqaro musobaqalarda mamlakatimiz sharafini munosib himoya qilgan bo‘lsa, bugun tajribali murabbiy sifatida o‘zining boy bilim va ko‘nikmalarini yosh avlod tarbiyasiga yo‘naltirib, O‘zbekiston og‘ir atletikasining yangi avlodini shakllantirishga katta hissa qo‘shib kelmoqda.
Bugun O‘zbekiston og‘ir atletikasi xalqaro maydonda o‘zining munosib o‘rniga ega. Sportchilarimizning dunyoning kuchli og‘ir atletikachilari qatorida e’tirof etilayotgani, nufuzli musobaqalarda yuksak natijalarga erishayotgani, avvalo, fidoyi ustoz va murabbiylarning, xususan, Bahrom Mendiboyevning ko‘p yillik mehnati va tajribasi bilan chambarchas bog‘liq.
Ustozning professional yondashuvi, talabchanligi, sportchilarga bo‘lgan e’tibori va ularga bildirgan ishonchi natijasida terma jamoamiz vakillari Osiyo va jahon chempionatlari, Olimpiya o‘yinlari kabi nufuzli musobaqalarda yurtimiz sharafini munosib himoya qilib, Vatanimiz bayrog‘ini yuksaklarga ko‘tarib kelmoqda.
O‘zbekiston og‘ir atletika federatsiyasi jamoasi nomidan hurmatli Bahrom Mendiboyevni tavallud ayyomi bilan samimiy muborakbod etamiz!
Ustozga mustahkam sog‘lik, oilaviy xotirjamlik, kuch-g‘ayrat, murabbiylik faoliyatida yangi zafarlar va shogirdlari bilan hali ko‘plab ulkan g‘alabalarni qo‘lga kiritishini tilaymiz!
Tavallud ayyomingiz muborak bo‘lsin, Bahrom Rustamovich!
💻Instagram | 🎞YouTube
📝Telegram | 📝Facebook
+4
🇺🇿🇺🇿🎂 Tavallud ayyom muborak, Oybek Omilovich!
Bugun O‘zbek sporti va Olimpiya harakati rivojiga munosib hissa qo‘shib kelayotgan, O‘zbekiston Milliy Olimpiya qo‘mitasi Bosh kotibi, O‘zbekiston Tekbol federatsiyasi raisi, O‘zbekiston Regbi federatsiyasi raisining birinchi o‘rinbosari, OOK Etika qo‘mitasi a’zosi, “Do‘stlik” hamda Osiyo Olimpiya kengashining “Buyuk xizmatlari uchun” ordenlari sohibi Oybek Omilovich Kasimov tavallud topgan kun.
O‘zbekiston og‘ir atletika federatsiyasi jamoasi Oybek Omilovich Kasimovni tavallud ayyomi bilan samimiy muborakbod etadi.
Fidokorona mehnati va sport sohasini rivojlantirish yo‘lidagi samarali faoliyatini yuksak qadrlagan holda, Oybek Omilovichga mustahkam sog‘lik, uzoq umr, oilaviy xotirjamlik va farovonlik, mas’uliyatli faoliyatida yangi muvaffaqiyatlar, ulkan zafarlar hamda yuksak marralarni tilaymiz.
Tavallud ayyomingiz muborak bo‘lsin, Oybek Omilovich!
💻Instagram | 🎞YouTube
📝Telegram | 📝Facebook
🏋🏻 Navbatdagi marralar sari!
Osiyo o‘yinlari va Jahon chempionati oldidan Akbar Jo‘rayevning tayyorgarlik jarayonlari qizg‘in davom etmoqda. Olimpiya va jahon chempioni bo‘lajak nufuzli musobaqalarda yuqori natijalar qayd etish maqsadida mashg‘ulot jarayonlarini izchil davom ettirmoqda.
💻Instagram | 🎞YouTube
📝Telegram | 📝Facebook
🏋🏻 Yangi marralar, yangi maqsadlar sari: ayollar terma jamoasi tayyorgarlikni davom ettirmoqda
O‘smirlar va yoshlar o‘rtasidagi Osiyo chempionatini muvaffaqiyatli yakunlagan O‘zbekiston ayollar terma jamoasi endilikda navbatdagi muhim musobaqalarga tayyorgarlikni davom ettirmoqda.
Jamoamizning asosiy e’tibori oldinda turgan Yozgi Osiyo o‘yinlari hamda Xitoyning Ningbo shahrida o‘tkaziladigan kattalar o‘rtasidagi Jahon chempionatiga qaratilgan.
Sportchilarimiz ushbu nufuzli musobaqalarda munosib ishtirok etish, yurtimiz sharafini munosib himoya qilish va yuqori natijalarga erishish maqsadida mashg‘ulot jarayonlarini kuchaytirilgan tartibda olib bormoqda.
💻Instagram | 🎞YouTube
📝Telegram | 📝Facebook
🏋🏻♂️🤩 8 kunlik shiddatli bellashuvlar va unutilmas lahzalar!
Poytaxtimiz mezbonligida yuqori saviyada o‘tkazilgan o‘smirlar va yoshlar o‘rtasidagi Osiyo chempionati ortda qolgan bo‘lsa-da, uning hayajoni va harorati, jo‘shqinligi hamda unutilmas lahzalari hamon biz bilan.
Ushbu videoda musobaqaning 8 kunlik eng yorqin va hayajonli lahzalari, sportchilarimizning murosasiz bellashuvlari, shohsupadagi quvonchli onlar, rekordlar, muxlislar olqishi hamda siz ko‘rmagan ko‘plab qiziqarli jarayonlarni bir videoga jamladik.
Yurtimiz sharafini munosib himoya qilgan yosh polvonlarimizning unutilmas chiqishlarini yana bir bor tomosha qiling!
Musobaqaning eng yorqin lahzalarini quyidagi havola orqali tomosha qilishingiz mumkin: 👇
https://youtu.be/ziSweZ7CC4Y?si=ThF95ovbY766zFh2
💻Instagram | 🎞YouTube
📝Telegram | 📝Facebook
📹📺 📺📺 “Sport” telekanalining “Yulduzli oqshom” dasturida O‘zbekiston terma jamoasi a’zosi, yoshlar o‘rtasida jahon va Osiyo chempionatlari sovrindori Ziyoda Xudoyqulova bilan samimiy suhbat bo‘lib o‘tdi.
Suhbat davomida yosh sportchimizning sportdagi faoliyati, erishgan yutuqlari va kelgusidagi maqsadlari haqida so‘z yuritildi.
💻Instagram | 🎞YouTube
📝Telegram | 📝Facebook
🎂 Tavallud ayyom muborak, Sherzod Saidjonovich!
Bugun O‘zbekiston Respublikasi Qurilish va uy-joy kommunal xo‘jaligi vaziri, O‘zbekiston og‘ir atletika federatsiyasi raisi Sherzod Saidjonovich Hidoyatov tavallud kunini nishonlamoqda.
Sherzod Saidjonovichning mamlakatimiz qurilish sohasi, uy-joy va kommunal xo‘jaligini rivojlantirish, zamonaviy infratuzilmani shakllantirish hamda xalqimiz farovonligini yuksaltirish yo‘lidagi samarali faoliyati bilan bir qatorda, O‘zbekiston og‘ir atletikasini rivojlantirishga qaratayotgan e’tibor va tashabbuslari ham alohida e’tirofga loyiq.
Federatsiya raisi sifatidagi faoliyati davomida sportchilar uchun munosib sharoitlar yaratish, terma jamoalarimizning xalqaro musobaqalardagi ishtirokini qo‘llab-quvvatlash, yosh va iqtidorli atletlarni tarbiyalash, shuningdek, mamlakatimizda og‘ir atletikani yanada rivojlantirish borasida muhim ishlar amalga oshirilmoqda.
Bugun og‘ir atletikachilarimizning nufuzli xalqaro musobaqalarda yuqori natijalarni qayd etib, O‘zbekiston bayrog‘ini munosib himoya qilayotgani ham ushbu sport turiga qaratilayotgan e’tibor va qo‘llab-quvvatlashning amaliy natijalaridan biridir.
O‘zbekiston og‘ir atletika federatsiyasi jamoasi nomidan Sherzod Saidjonovichni tavallud ayyomi bilan samimiy muborakbod etamiz!
Sherzod Saidjonovichga mustahkam sog‘lik, uzoq umr, oilaviy xotirjamlik hamda mas’uliyatli faoliyatida ulkan muvaffaqiyatlar tilaymiz. Yurtimiz taraqqiyoti va O‘zbekiston sporti rivoji yo‘lidagi ezgu ishlarida yangi zafarlar hamroh bo‘lsin!
Tavallud ayyomingiz muborak bo‘lsin, Sherzod Saidjonovich!
💻Instagram | 🎞YouTube
📝Telegram | 📝Facebook
