Муҳрим

“Ҳозир “Амир Темур ёди”га ўхшаш ижобий маънода яхши ғоявий ижодий ишлар йўқ, ҳисоби” деганим – бундай ишлар умуман йўқ дегани эмас. Бор экан. Маҳмуд Намозов сўнгги концертида шекилли, “Кўк бўри” деган қўшиқ куйлаган экан (лекин негадир у хонанданинг ижтимоий тармоқлардаги, мусиқа сервисларидаги саҳифаларида йўқ). Ўзбек санъаткоридан жуда кучли баёнот. Чуқур ҳурматимни билдираман. Миннатдорман!

1990 йиллар барибир бошқачароқ, ижод эркинроқ, ижодкор ичидаги, кўнглидаги гапини айтиши мумкин бир давр бўлган-ку. Рустам Ғоиповнинг “Амир Темур ёди” деган жуда таъсирли, ҳис-ҳаяжонга тўла, мусиқаси ҳам эсда қоларли қўшиғига ишланган видеоклип телевизорда кўп бериларди. Беш яшарлик маҳалим бир эмас, бир неча марта кўрганман, шундан эсимда қолиб кетган. Ҳозир интернетдан қидириб тополмадиму, лекин клип ростдан таъсирли эди – сочлари ўсган Рустам Ғоипов чўлда юриб келади, қўшиқнинг мустамлака даври ҳақидаги қисмларида тарихий хроникалар кўрсатилади. Бу гап камситиш сифатида қабул қилинмасину, лекин видеоклип ижобий маънода яхши пропаганда материали бўлган, қўшиқнинг сўзи ҳам, куйи ҳам одамнинг ҳиссиётларини қитиқлайди, уйғотади – бунақа сифатли ғоявий иш ҳозир йўқ, ҳисоби.

Тошкент вилоятининг Зангиота тумани “Файз” маҳалла фуқаролар йиғинидан ёзишибди. “Темирйўл кўчаси анча йиллардан бери шу аҳволда. Одамлар охири ўзи пул йиғиб, амаллаганича шағал тўктирди, лекин шу билан яхши бўлиб қолмади-да”, - дейди муштарий. Мошинада юрганга қийинмасдиру, лекин пиёда ёғин-сочинли кунда юролмай қолади-да бунақа “йўл”да. Пиёдалар учун сал эпақага келтириб берилса бўларкан. Бомба тушгандек бўлиб кетибди. #мурожаат

Уфф.узда, “Чемпион”да ишлаб, ёзиб юрганимда йўл-йўриқ кўрсатиб турган, ўзимнинг яқинларимдан тайинли фидбек ололмаганимда хато-камчилигимни айтиб турган (20 га тўлиб-тўлмаган ёш болага “Ўзбекистон футболи”ю, “Ёшлар”ни ишга туширган одам тавсия, маслаҳат бериб турса, вақти келганида мақтаб турса — томинг кетади-да), “Стадион”да қисқа муддат бўлса-да бирга ишлаганимизда кичик суҳбатларимизда кўп нарсани ўргатган, йўқ демай диплом ишимга-да ёрдам берган устоз Аброр ака Имомхўжаев бугун 60 ёшга тўлдилар. Биз ҳам устознинг ёшларига етиб юрайлик, шу ёшга етганда бизга ҳам Аброр акадек замон билан ҳамнафас бўлиш, Аброр акадек ёшлар билан тенгма-тенг ҳаракат қилиш, Аброр акадек ёшларга ишонишу уларга имкон бера олиш, Аброр акадек ҳар доим навқирон бўлиб қолиш насиб қилсин! Туғилган кунингиз билан, Устоз!

Яна бир мурожаат: “Мен [шу] университетда иккинчи курс талабасиман... Муҳрим ака, менимча, бу – ёлғон, чунки университетнинг ижтимоий тармоқлардаги каналларида фақат халқаро фан олимпиадалари совриндорлари, президент мактаби битирувчилар ва ПИИМАга қарашли қолган ихтисослашган мактаблар битирувчиларининг топ-5 фоизига 4 йиллик грант берилиши айтилган эди. Қолган талабалар 1 йилга грант олади ва ўқишдаги эришган академик салоҳиятига қараб, факультет ва курс бўйича академик рейтингда турган топ-10 фоиз талаба 100 фоизлик грант, яна топ-10 фоиз 70 фоизлик грант ва қолган топ-15 фоиз эса 50 фоизлик грант олиши айтилган эди. Университетда иккинчи йил ўқиётган бўлсам, ҳа, бизга берилган кўп ваъдалар бажарилмаган, лекин грант борасида ҳеч кимни алдашмаган, менимча. Тўлиқроқ маълумот берай дегандим”

Муштарийдан мурожаат “Биз Янги Ўзбекистон университети талабаларимиз. Ҳозир университетимиз раҳбарияти томонида жуда кўплаб адолатсизликларни кўриб, сизга ёзяпмиз. Бу каналимиз (https://t.me/NUU_reality) ва шу ерда ҳаммасини ёзиб боряпмиз, илтимос, бизга ёрдам беринг. Яқинда Масачуссетс университети келиб, шартнома имзолангани ва унга кўра биз MIT’га амалиётга юборилишимизни эшитиб, хурсанд бўлдик. MIT’дан келганлардан сўрасак, ҳеч қанақа амалиёт бўйича шартнома имзоланмаганини айтишди. Университет проректорлари ёлғончи. Ҳаммани алдаб, аҳмоқ қилиб келишмоқда, бизга ҳам 4 йил грантда ўқийсан, деб алдашган эди. Аслида грант 1 йилга экан. Бу ёлғончиларни йўқотиш керак”. PS. Бу университет мутасаддилари ва талабалар ўртасидаги оддий тушунмовчиликдир. Университетларнинг мутасаддилари, илтимос, янги Ўзбекистон талабалари билан очиқ ва тушунарли гаплашинглар. Мавҳумлик янги Ўзбекистонга ярашмайди. PPS. Мурожаатлари хатоларга тўла ёшларни ўқишга қабул қилган университетлар тугатилиб, мутасаддилари эски Ўзбекистонга бадарға қилинишга лойиқ (мен бу мурожаатни чиқаришдан аввал хатоларини тузатиб чиқдим).

💰 Telegram kanallarida yosh oilalar uchun imtiyozlar haqidagi videorolik o‘tgan haftada ko‘pchilikning e’tiborini tortdi. Aytilishicha, yosh oilalarga 1 million 20 ming so‘m moddiy yordam ko‘rsatilmoqda ekan. ✅ Keling, hukumat yosh oilalarga nima taklif qilayotganini aniqlaylik. Yangi fakt tekshiruvi allaqachon saytda! 🔹🔹🔹🔹 💰 Видео в телеграм-каналах о пособиях молодым семьям привлекло внимание многих на прошлой неделе. Утверждается, что молодым семьям предоставляется финансовая поддержка в размере 1 миллиона 20 тысяч сумов. ✅ Разбираемся, что на самом деле предлагает правительство молодым семьям. Новый фактчек уже на сайте! #социальныепособия #молодыесемьи #фактчек #ijtimoiyfoydalar #yoshoilalar #faktchek 👍 Facebook ❤️ Instagram 📩 Telegram

Абдулла Қодирий 1926 йилда нега судланганди ва судда нима деганди? Ўқиб чиқишни тавсия қиламан. Қодирийнинг ўша вақтдаги Ўзбекистоннинг де-юре раҳбари ("биринчи президенти") билан муносабатлари ҳақида ҳам қизиқ тафсилотлар бор (1926 йили судланишига, қисман, ўша "биринчи президент"нинг "устидан кулгани" ҳам сабаб бўлган). https://www.gazeta.uz/uz/2024/04/30/qodiriy/

Футбол бўйича Ўзбекистон олимпия терма жамоаси Париж-2024 Олимпиадаси йўлланмасини қўлга киритди. Ўзбекистон тарихида илк бор жамоавий спорт турлари бўйича жамоамиз Олимпиадада қатнашадиган бўлди. Тарихий воқеа гувоҳига айландик. Бу муваффақият билан барча ватандошларни табриклайман!

Бўладию, бирор киши қилган бирор ишни кўрасан-да, энди, жуда ёқади-да! Шунчалик ёқадики, ҳавас қолиб ҳасад қила бошлайсан. Эҳ, дейсан, “нега шу нарса менинг хаёлимга келмади-я?”, дейсан ўзингга ўзинг. Ўша қилинган иш ич-ичингдан сеники, ўз-ўзингники бўлиб қолишини хоҳлайсан. Бўлади-а шунақа, бўлганми сизда ҳам? Сенинг ичингни ёндирган ўша иш катта бир нарса ёки атиги бир қаторгина гап ҳам бўлиши мумкин. Бу сафар мени шу дардга мубтало қилган нарса – айнан бир қатор гап. Бўлганда ҳам ўрнида, жойида, иссиғида ёзилган, қарши томонни мажағлаб, пачоқлаб ташлайдиган гап. Шу: “Ҳокимларни халқ сайлаши керак. Бутун дунёда шунақа”. Менимча, инсондаги мана шундай ҳолатга Лутфий эффектими, Лутфий синдромими, шунақароқ бир илмий ном бериш керак, агар ҳали берилмаган бўлса 😉