Xurshid Abdurashid

Март ойида Габриэл Гарсия Маркеснинг “Августда кўришамиз” номли сўнгги романи нашрдан чиқди. Роман ҳақида турли фикрлар билдириляпти. Масалан, мана бу тақризга диққат қилинг: “Буни аниқ у ёзганми? О, Габриел, сиз ўша Гарсиясиз. Албатта, сизни кўрганимдан хурсанд бўлдим, лекин бу ерда нимадир хатолик бор. Эҳтимол, бу асарни чоп эттирмаганингиз тасодиф эмас. Сиз уни ўзингиз учун, қизиб олиш учун, кўнгил учун ёзгансиз. Ҳа, албатта, ўша таниш белгилар, фақат сизгагина хос бўлган кайфият ва бошқалар бор, лекин ростини айтсам, буни қандайдир чап қўлда ёзиб ташлагандайсиз. Хўш, брендлар, сумкалар, кийим-кечакларнинг қалбакиси бўлгани каби, мен бу асарда қалбаки адабиётни кўрдим. Бу асар муаллифи “Ёлғизликнинг юз йили” ва “Вабо давридаги муҳаббат” у ёқда турсин, “Ошкора қотиллик қиссаси” ёки “Бахтсиз суюқоёқларим ҳақида хотиралар”ни ёзган инсон эканига ишонолмайман. Кимдир Маркесдан қолган қораламани олиб, ўзиникини қўшиб қўйди. Йўқ, бу ерда лотин ифори йўқ, фусун йўқ. Фақат номи учунгина уч балл қўёламан. Агар бошқа биров бу ишни қилган бўлса, бу қилган иши нолга тенг”. 👉 @xurshidabdurashid

“Бу шўрлик Ромео нима қилиб юрибди экан? Бошида муҳаббат ғавғоси, ёр ғалвоси, умр савдоси, аммо ҳали олис эди висол ҳалвоси...” (#) 👉 @xurshidabdurashid

“Бу шогирд деган рутба – чой ташувчиликдан бошланиб, охири касод билан тугайдиган камтарроқ лавозим. Чой ташувчиликдан карьера бошловчилар саноғи талайгина бўлса-да, бу кичик лавозимнинг ҳам ёзилмаган қонун-қоидаси бисёр. Амал қилдингми, тепага томон юксаласан, бўйнинг ёр бермадими, орқага қараб ўсасан, тамом...” 👉 @xurshidabdurashid

“Ухлайвериб ҳаётимдаги бебаҳо йилларнинг шўрини қуритибман”. 👉 @xurshidabdurashid

СЎНГГИ ҚЎНҒИРОҚ Омонмисан, синфдош дўстим? Ёдга солди сени қўнғироқ. Бир партада ўтирардик-ку, Энди эса партамиз йироқ. Тўққиз йилдан тўққиз умрнинг Роҳатини туйгандек эдим. Аммо андак оқибатсизман, Сал унутиб қўйгандек эдим. Ёдимдадир... Қадрдон мактаб Ва қаттиққўл ўқитувчилар. Уришса-да ўша вақтлари Кўнгиллари кўп юмшоқ улар. Аммо буни кейинроқ билдим, Бошим тошни олганда нишон. Мана энди ўйга тутилдим, Бўлмоқдаман хотирпаришон. Кетар чоғи... эсла мактабдан Тўкиб солдик ғам-афсусларни. Тўққиз йилда тўполон билан Еб битирдик танаффусларни. Афсусдаман... Ҳаммадан бурун Қўл силкидим ва хайр дедим. Ўша сўнгги қўнғироқни ҳам Кечиринглар... Мен чалган эдим. Ўйин битди, тугади деркан, Чалинганда унинг зарблари. Қолар экан партага ўйиб Битилган ул севги хатлари. Мана, тағин сўнгги қўнғироқ Садолари янграр хотиржам. Бўлак қилди йўлларимизни Бўлак қилди партамизни ҳам... 👉 @xurshidabdurashid

... Ёмғирда эзилма, бошқар ўзингни, бу ёмғир бошқадир ва сен ҳам бошқа. Томчилар рақсига қўшма кўзингни, бу ёмғир янгидир ҳаддан ташқари. Тўкилиб-тўкилиб охир тинади, табиат ҳукмидан ташқи бу илм. Осмон ҳар ёғишда янгиланади, сен ҳам осмон бўлсанг нетар, севгилим? 👉 @xurshidabdurashid

ИКС бадиҳаси. 👉 @xurshidabdurashid

​​Nihoyat Xurshid Abdurashidning "Dardisar"ini oʻqib tugatdim. Mutolaa xuddi qiliqlariga hech kim kulmayotgan masxarabozni tomosha qilishday ayanchli, ovozi yoʻq hofizni tinglashday yoqimsiz kechdi. Kitob yoqmasa ham boshlagandan soʻng tugatib qoʻyish odatimdan yana bir bor jabr chekdim. Topilma zoʻr – sehrdan mahrum jin (biroq syujet jihatdan hatto shu ham notugal va nomukammal). Mana shuning oʻzini markazga qoʻyib ham zoʻr asar yaratsa boʻladi. Muallif esa buni jamiyat ahvolini koʻrsatish uchun vosita qilib tanlaydi. Bu ham maqtovga sazovor. Zero bugun va bugungi kun odami badiiy adabiyotda yoʻq. Bularni ham kimdir yozishi kerak edi. Lekin... Shu lekini borda. Butun asar quruq bayonchilikka asoslangan. Uslub yoq. Yozuvchilik mahorati yoʻq. Mahorat tajriba bilan keladi. "Dardisar" esa maktab bolasining ilk qoralamasiga oʻxshaydi. Ortida qancha mehnat yotganidan qat'i nazar pishmagan, oʻxshamagan asarni oʻquvchilarga chiqarib yubormaslik kerak edi. Buning ustiga bunchalik hajmdor kitobni. Muallif jamiyatning ahvolini satira orqali koʻrsatmoqchi boʻladi. Biroq uning yozganlari ijtimoiy tarmoqlardagi trollingdan farq qilmaydi. Deylik, kimdir "Kuniga 5600 soʻm topgan odam kambagʻal hisoblanmaydi" deydi, soʻngra butun tarmoq buni trolling qiladi. "Dardisar" mana shunday trollinglardan iborat. Asar jamiyat ahvolidan emas, ijtimoiy tarmoqlardagi fikrlardan taʼsirlanib yozilgan. Taassurotlar ham, xulosalar ham yuzaki. Mavzular, hazillar siyqa, beoʻxshov. Tilga olingan hech bir soha, tibbiyot, mahalla, maktab, hokimiyat borasida yetarli maʼlumot yoʻq. Barchasiga ijtimoy tarmoqdagi oddiy kuzatuvchi darajasida yondashilgan. Dialoglar soxta. Obrazlar ustida umuman ishlanmagan. Undagi hech bir qahramon gapirmaydi, faqat muallif gapiradi. Biroq u qahramon nomidan gapirmoqchi boʻlgani uchun quruq bayon boʻlib qoladi. Ismlar masalasida ham shu hol. Hokimni "Kattaxonov" deyish kabi harakatlarni ramz deb boʻlmaydi. Yana nima deyishgayam odam hayron. Misol uchun, sariq adabiyot ham nimasidir bilan kishini qiziqtiradi. Yo fahsh, yo jangari sahnalar, sarguzashtlar, yo balandparvoz didaktika bilan diqqatni tortadi. U qadar katta maqsadni koʻzlamaydi. "Dardisar"da esa katta maqsad koʻzlangan, lekin qarich kichkinalik qilgan. @salimov_blogi