RİSOLAT

Агар келажак авлодга: Аллоҳ ва Расули, ҳалол-ҳаром, дунё-охират, таҳорат-намоз ўргатилмаса, бундан бошқа ҳохлаган дунёвий дарслар ўқитилса ҳам; улардан яхши одамлар чиқмайди. © Абу Солиҳ

Ким макр билан яшаса, фақир-зор бўлиб ўлади. © Ибнул Қоййим, «Иғосатул луҳфон», 1/358.

• Солиҳларни бегуноҳ деб ўйлайсизми?! - Йўқ, фақат улар гуноҳларини беркитиб ошкора қилмайдилар. - Тавба қилиб гуноҳларида давом этмайдилар. - Тан олиб гуноҳларига баҳона топмайдилар. - Яъни ёмон иш қилсалар кейин яхши бўла оладилар. • Салафлардан бирига айтишди: - Сиз билан динингиз ўртаси қай аҳволда? Айтдики: - Маъсиятлар уни йиртиб ташлайди, хайрият истиғфор билан ямаб оламан. Воҳ, жуда етук саволга! Пур маъно жавоб бўлди, а?! © Ибнул Қоййим Эй Аллоҳ! Бизларни ҳам раҳматинг билан солиҳ бандаларингдан қилгин, омийн.

✍🏻 Улуғ саҳобий Абдуллоҳ ибн Масъуд розиаллоҳу анҳу насиҳат қилиб айтади: - Илм чашмалари бўлинглар. - Ҳидоят чироқлари бўлинганлар. - Уйда эгар бўлинглар, (оилага хизмат қилинглар). - Тунни ёритинглар. - Қалбни янгилаб туринглар. - Либосингиз ахлоқ бўлсин. - Осмонда таниқли бўлинг. - Ер аҳлига яширин бўлинг. - Банда иймон ҳақиқатига унинг чўққисигача чиқмаса эришолмайди. - Унинг чўққисига эса токи бойликдан кўра фақирликни, шуҳратдан кўра тавозеъликни кўпроқ яхши кўрмагунча эришолмайди. - Ва токи яхши ишига мақтов, айбига айблов эшитиб; иккисини тенг кўрмагунча бунга эришолмайди. Қуръонни қўлига олган киши: - Кечаси одалмар ухласа бедорликни билсин, - Кундузи одамлар рўза тутмаса рўзасини билсин, - Одамлар хурсанд бўлса қайғусини билсин, - Одамлар кулса йиғисини билсин, - Одамлар гапга берилса сукутини билсин, - Одамлар ўзидан кетиб қолса хушусини билсин. © Ибнул Қоййим, «Фавоид».

ҚУРЪОН ҲАҚИҚАТЛАРИ Қуръони Каримда : «Ана ўша катта ютуқ», [Буруж: 11] дея фақатгина Ухдуд асҳоблари ҳақида келган холос. Уларнинг барчаси йўқ бўлиб кетса ҳам, улардан бирортаси қолмаса ҳам. Шундай бўлсада Аллоҳ улар ҳақида «ана ўша катта ютуқ», деди; чунки улар ҳақда собит турган, тойилиб кетишмади ва охиригача тик туришди. Кўринишда ҳалок бўлишгандай бўлсада, аслида катта ютуққа эришган эдилар. © Доктор Муҳаммад Юсрий

Қаерда илм оз бўлса, у ерда ихтилоф кўп бўлади. © Абу Солиҳ

Собит ибн Қурро раҳимаҳуллоҳ айтади: - Бадан роҳати: Овқат озлигида. - Руҳ роҳати: Гуноҳ озлигида. - Тил роҳати: Гап озлигида. © Ибнул Қоййим, «Зодул маъод», 4/186.

Эй Аллоҳ! Барча қийинчиликни енгил қилиб қўй, омин!

Эй Парвардигор! Агар Сенинг улуғлигингни қалблар билса эди; Қуръон билан ҳайқирар, зикр билан инграр эди. © Ибнул Қоййим

✍🏻 Ибн Таймия раҳимаҳуллоҳ айтади: Ашуро - у кунда рўзадан бошқа (хослаб) қилинадиган ҳар қандай нарса қораланган бидъатдир. Имомлардан бирортаси уни жоиз кўрмаган. © «Минҳож», 8/151.

✍🏻 Лайс ибн Саъд раҳимаҳуллоҳ айтади: Ким ғарибликни ҳис қилмаса, у суннатда эмас экан. © Ҳаровий, «Заммул калом».

Расулуллоҳ соллаллоҳу алайҳи ва саллам айтадилар: «Албатта, агарда мусулмон - ажр умидада ўз аҳлига нафақа қилса, унга садақа бўлади». (Муслим). Ибн Таймия раҳимаҳуллоҳ айтади: «Ҳалоллик исташ ва оилага сарфлаш катта бир ишдир, унга бошқа яхши амаллардан бирортаси тенг келмайди». «Иймонул авсот», 609.

САЛОВАТНИ КЎПАЙТИРИНГ «Аниқки Аллоҳ ва Унинг фаришталари Пайғамбарга саловат-мақтов айтадилар. Эй иймон келтирганлар, унга саловат ва салом айтинглар». (Аҳзоб: 56). Жобир ибн Самуро розиаллоҳу анҳу айтади: - Расулуллоҳ алайҳиссолату вассаломни ойдин кечанинг бирида кўрдим. Устиларида қизил бир кийим бор эди. Кейин мен, бир у кишига ва бир ойга қарай бошладим. Шубҳасиз, у киши кўз-ўнгимда ойдан ҳам чиройлироқ эди. (Термизий, саҳиҳ). - Қачонки ойни кўрсам; Расулуллоҳ алайҳиссолату вассаломни эслайман, у кишини кўришга ошиқиб, саловат айтишни ҳам, кўпайтириб юбораман. © @risolat_net

НОМУС • Рўмолли ўқувчи қизлар "ўсал"* бўлаётганини кўриб Ҳажжож ибн Юсуф ёдимга тушди! • У зулм қилиб турсада ғаюр, жасур эди. Бир муслиманинг номуси учун Синд ва Ҳинд фатҳига сабаб бўлган эди. • Нидо қилган мазлума аёлга Ҳажжож: лаббайки, деди-да: сенинг ўчинг ва номусинг учун денгизда урушадиган ва йигирма мингта ерда жанг қиладиган икки қўшин юбордим, деб қўшин юборади. - Қўшинга қўмондонлик қилган Синд фотиҳи Муҳаммад ибнул Қосим номус ўчи ва эркаклик қандай бўлишини намуна ўлароқ тарихга муҳрлаб қўйган. • Номусни эркаклар тушинади фақат! • Мактаб, кўча, бозор фарқ этмас, рўмолингни ҳеч ечма эй аёл... Иффатинг ва номусингни сақлашинг дунё ва ундаги нарсалардан афзалдир. ____ * Аслида иззат рўмолни ечмай охиригача туришдир. © Абу Солиҳ