Adinadarixirdodağim

▫️منه داریخاندا منه داریخاندا بیر ماهنی اوخو، ایچینده بیر قاطار دوماندا ایتسین! سیسلی جاملاریندا بیر اؤپوش ایزی، منله یولداش اولوب غوربته گئتسین! منه داریخاندا دفتریمی آچ! شئعیرلر ایچینده تاپارسان منی. اوردا یازیم کیمی سن‌له یاشادیم، اورداکی کلمه‌لر تانیییر سنی. منه داریخاندا ساچینی اوخشا! یانیندا اولسایدیم بئله ائلردیم. آلنینی مؤهور تک آلنیما قویوب- گؤزل گؤزلرینه باخیب گولردیم. منه داریخاندا پالتاریمی گئی! اوزاقدان اوزاغا اییینی توتوم. سنی قوجاقلاسین خاطیره‌لریم، سنین قوجاغیندا دردی اونودوم. سنه کیم داریخیب، آینادان باخان؟! آخی کیم گله‌جک توْزونو سیلسین؟ آغلایا-آغلایا نه‌دیر گولورسن؟ سنه یالقیزلیغیم قوربان کسیلسین! #حمید_عیوضی @adinadarixirdodagim2

▫️گله‌جه‌یم من. دئییرلر هر آخشام غوروب دوشنده، منی یادا سالیب سن آغلاییرسان. کؤنلون عشق ائوینده غریب دوشنده، آنامین بوینونو قوجاقلاییرسان. آنام دیله توتور سنی هر گئجه، هؤرور ساچلارینی، سیلیر گؤزونو. اونون آنا قلبی اود اله‌دیکجه، سندن یاشماقلاییر پؤرتموش اوزونو. بلی، او گیزله‌دیر دردینی سندن، منی ایتکین بیلیر هله اؤز آنام. سنه صؤحبت ائدیب دئدیکجه مندن، داغلارین باشیندا قارالیر آخشام. سن قارا گؤزونو گؤیه دیکیرسن، قارالیر بیر آندا گئنیش اوفوق‌لر. کؤوره‌لیب اورکدن بیر آه چکیرسن، آهیندان اود توتوب یانیر شفق‌لر. بیزی آیری سالان قارا بولودلار گؤزونون اؤنوندن سورونوب کئچیر. خیالین گزدیکجه دیاربه‌دیار، خیالیم گؤزونه گؤرونوب کئچیر. سونرا اینجی‌لنیر کیرپیگینده یاش، بیر جوت اولدوز قونور سانکی گؤزونه. قلبینده قاینایان او حیس، او تلاش، بۏز بیر کؤلگه چکیر اسمر اوزونه. گؤزون دومان‌لانیر حسرت ایچینده، هر یانا ائله بیل تۆل پرده دوشور. منی دوشوندوکجه مؤحنت ایچینده، اوره‌یین یئنه ده مین درده دوشور. بو زامان گؤرورسن: داغین باشیندان، منیم کهر آتیم سورعتله ائنیر. توفنگیم دوشمنی گؤتورور نیشان، قیلینجیم دؤرد یانا قووّت‌له ائنیر. قارانلیق دوغرانیب لای-لای تؤکولور، بولودلار قاریشیر بیر یوماق کیمی. سسیمدن ظولمتلی گؤیلر سؤکولور، اولدوزلار پارلاییر چیلچیراق کیمی. سن سیلیب گؤزونو خیال ایچینده، بیردن چاغیریرسان منی اوزاقدان. آنام هیجانلی بیر حال ایچینده، سیچراییب بیر آندا چیخیر اوتاقدان. لاکین نه من وارام، نه ده ایشیق وار، یئنه ده قارانلیق ساللانیر گؤیدن. یئنه ده آلدادیر سنی خیال‌لار، اوتانجاق صیفتین قورخور یئنیدن. سن هله بیلمیرسن، نیشانلین ساغ‌دیر، اریدیر بو شوبهه، بو خیفّت سنی. مندن اؤلوم سؤزو هله اوزاق‌دیر، اوزمه‌سین، سئوگیلیم، بو مؤحنت سنی! کیم دئییر اؤلموشم؟ هله ساغام من، دوشمنی اود کیمی یاخیب کئچیرم. سنگردن سنگره شیغیییب بعضاً، اودلو شیمشک کیمی چاخیب کئچیرم. منی قاری دوشمن سوسدورا بیلمز، من آنا وطنین اوره‌یینده‌یم. منیم سوراغیما اؤلوم ده گلمز، چونکی من آزادلیق دیله‌یینده‌یم. سیل قارا گؤزونو ظریف الین‌له، آغلاما، هر آخشام یادا سال منی! سسله نیشانلینی شیرین دیلین‌له، یاشاتسین بو ایستک، بو ووصال منی! گله‌رم، یولومو گؤزله هر سحر، من سنه آزادلیق گتیریم گرک! صاباح قیزاراندا گئنیش اوفوق‌لر، الیمی الینه یئتیریم گرک! #سهراب_طاهر #شعر_اوجاغی @SheirOcagi @adinadarixirdodagim2

▫️آنالی گئجه بیز یولا دوشنده ساعات یاتیبمیش، هله قاباقدایمیش باغری‌قان گئجه. یاخین یونجالیقدا بال'ا باتیبمیش، اوزاق بولودلوقدا باغیران گئجه. ائوه قاییدیردیق اوجاق سۇیۇندان، کؤنول آت چاپیردی اۆزۆ دونیایا. قایادا قایناییب آغرینی اۇدان، یئنیدن دوغموشدو بیزی دونیایا. چیغنانیب¹ دینیردی چینقیللی یاماج، باشی هرله‌نیردی باییلان اۏوون. تپه قاشقاسیندا² پول-پول یانان داش، اۆزۆردۆ گؤلونده ایشیق آلووون. یانیردی اوزاغین شیمشک داماری، بولاق نئی توتوردو اؤز اؤیۆدۆیله.³ او مونجوق دۆزۆملۆ ایلهام داغلاری، ایشیق یوغوروردو ذیروه سۆدۆیله. «بونلار یازمالی‌دی» دئییردین منه، قوزئیی قۇجۇردۇ قالایلی قاناد. یاش آلماس چیله‌ییب یای گونئیینه، بیزه پای وئریردی گئجه آد-با-آد. یوخو بیشیریردی یایلاق دورناسی، هاوانی یاران قوش بالا پری‌یدی. اورَکدن جارلانان آنا دوعاسی، کؤنول چیراغی‌یدی، جان چپری‌یدی. گؤرکَمی باشقایدی او تۇنج⁴ گئجه‌نین، گئجه‌نی گؤزویله یۏنموشدو آنام. فیل دومان اوچوردان قورخونج گئجه‌نین، لاپ آی‌دۆشمزینده یانمیشدی آنام. آغ-آلا گئییملی قارا گئجه‌نین، اوچقوندان آسیلمیش قالا گئجه‌نین، اؤزومه بنزه‌ین قابا گئجه‌نین، اینجه آناسینا دؤنموشدو آنام. اوغوروم مینمیشدی اولدوز آتینا، هاردا دۇیانیم وار اوردا دا خوشدو. قویوب قۏل بالینجی باشیم آلتینا، آنام گئجه‌‌یه ده آنا اولموشدو. منه قۏل آچمیشدی او سیغناق آدا، آج آیی ایشینی بیلیب قاچیردی. سۆله‌نیب-سۆمسۆنن آغزی‌قارا⁵ دا، آنا هنیریندن⁶ سیلیب قاچیردی. دئمیرم یئل ایینه، یئلپیک سویوق‌دو، آنا اولان یئرده گوج غمی بوغور. آنا اولان یئرده قارانلیق یوخدو، آنا اولان یئرده یئر ایشیق دوغور. ساعات برک یاتیبمیش آن اۇدا-اۇدا، هر کس بیر یانلیشین یول یولداشی‌دی. بالانین چاش-باشلیق آغریسینی دا، هامیدان بیرینجی آنا داشیدی. گل منی باشا دوش، آی «منم» دئین! ائله آتا کیمی آنا دا بیرمیش. آنا اته‌ییندن توتوب یئرییَن، تانری ائوینه‌جن گئده بیلیرمیش. #آغا_لاچینلی ¹-تاپدالانماق، آیاقلانماق ²- آلنین تام اورتاسی ³- نصیحت ⁴- قورغوشون- قالای ⁵- جاناوار- قورد ⁶- یاواش سس #شعر_اوجاغی @SheirOcagi @adinadarixirdodagim2

من هردن بئله اولورام، بعضن بوتون آداملار خوشوما گلیر، بویونلارینا آتیلماق، اونلاری قوجاقلاییب اؤپمک ایسته‌ییرم. بعضن ده حتی بیر آدامین صیفتینی ده گؤرمک‌دن چکینیرم. بو نیفرت فیلان دئییل... اینسانلارا نیفرت ائتمه‌یی هئچ آغلیما دا گتیرمه‌میشم... ساده‌جه، بو، تنهالیغا احتیاجدان دوغور. ائله گونلریم اولور، اطرافدا جزیی بیر حرکتین ده اولماسینی، چوخ آلچاقدان ائشیدیلن بیر سسین ده اولماسینی ایسته‌میرم. بو واختلار حیس ائدیرم، قلبیم دوپ‌دولودور و ایندیجه آشیب-داشاجاقدیر. بئینیم‌ده هئچ بیر واسیطه ایله دَییشیلمه‌یه‌جک و حیاتا کئچمه‌یه‌جک خیال‌لار، منه هر شئی‌دن داها قوّت‌لی گؤرونن فیکیرلر بیر-بیرینی عوض ائدیر... فقط سونرا بیردن-بیره اطرافیمدا منه یاخین اولان بیر آدام آختاریرام. بئینیم‌دن کئچن‌لری باشا دوشه‌جک بیر آدام. 📕 ایچیمیزده‌ اولان شیطان ✍ صباح‌الدین علی