Камолиддин ШУКУР | Kamoliddin SHUKUR
Open in Telegram
Ушбу каналга шоир, ёзувчи, сценарист Камолиддин Шукур қаламига мансуб бўлган асарлар мунтазам равишда қўйиб борилади. Муаллифлик ҳуқуқлари ҳимояланган !!! Мурожаат учун: @kamoliddinshukur
Show more542
Subscribers
-224 hours
-27 days
No data30 days
Posts Archive
МУБОРАКБОД
Мамлакат Мустақиллигининг 35 йиллигига..
Диёрим — сенгадир мангу эҳтиром,
Шаънингга айтилгай табаррук калом.
Кун сайин энг илғор соҳалар аро
Юксалиб бормоқда ўзбек деган ном.
Бугун дилимизда ўзгача қувонч,
Инсон қадри юксак, меҳр улуғвор.
Ҳар юракка ҳамроҳ умид ва ишонч,
Ҳар кўнгил тубида улкан орзу бор.
Шижоатлар тошсин денгиздай бўлиб,
Тафаккур чорласин тараққиётни.
Ягона Ватан ва якдил халқ бўлиб
Бирга яратайлик янги ҳаётни.
Боқий обод бўлсин сўнмас гулшаним,
Самода Истиқлол қуёши кулсин.
Эй сен — Жаннатмакон Ўзбекистоним,
Ўттиз беш баҳоринг муборак бўлсин!
Камолиддин ШУКУР
@kamoliddinshukur1
АКСИОМА
Дўст — анча йил яшаб қўйдик биз,
Ҳаёт деган лойга қоришиб.
Умримизнинг ярми ўтибди
Майдакашлар билан олишиб.
Англадимки бари бефойда,
Аламлар соч юлаверади.
Суйкалишин қўймайди мушук
Ит итлигин қилаверади.
Камолиддин ШУКУР
@kamoliddinshukur1
https://t.me/kamoliddinshukur1
Repost from Buxoro_Filarmoniyasi
🅰🅰🅰🅰🅰🅰 🅰🅰🅰🅰🅰
📹 Bahodir Mamajonov - "Qaydanam bilsin"
✍️ Mazkur kompozitsiya O‘zbekiston davlat filarmoniyasi Buxoro viloyati bo‘linmasi ijodkori shoir Kamoliddin Shukur qalamiga mansub
✍️ O‘zbekiston davlat filarmoniyasi Buxoro viloyati bo‘linmasi Axborot xizmati
😁 @Buxoro_Filarmoniyasi
📷 instagram.com/bukhara_philharmonic
Repost from Buxoro_Filarmoniyasi
🅰🅰🅰🅰🅰🅰 🅰🅰🅰🅰🅰
📹 Soyibjon Niyozov & Bekzod Xaqqiyev - "Qizlarimni"
✍️ Mazkur kompozitsiya Oʻzbekiston davlat filarmoniyasi Buxoro viloyati boʻlinmasi ijodkori shoir Kamoliddin Shukur qalamiga mansub
✍️ O‘zbekiston davlat filarmoniyasi Buxoro viloyati bo‘linmasi Axborot xizmati
😁 @Buxoro_Filarmoniyasi
📷 instagram.com/bukhara_philharmonic
ДАРЁ
Тунлари сирлашдим сен билан,
Вужудимга югурди музлар.
Баъзан кўнглим қолди севгидан
Юрагимни юлганда қизлар.
Сен юпатдинг, мен бошим қўйдим,
Тўлқинлар кўпчиган кўксингга.
Сўнг шунчаки жимгина куйдим,
Суйганим ёр бўлди дўстимга.
Англадимки, менга кўп қийин,
Ўйларимнинг тубига етдим.
Одам бўлмоқ қасдида кейин
Олисларга бош олиб кетдим.
Қўймади бир кунимга яраб,
Сийламади бағритош шаҳар.
Тақдир мендай соддани авраб
Қайта-қайта ичирди заҳар.
Хотирамдан қандай тонаман?
Омад менга кулиб боқмаган.
Мен ўша жайдари боламан
Олифта қизларга ёқмаган.
Дарё-дарёжоним шуни бил,
Мен учун энг суюк одамсан.
Мен сенинг инингман соддадил,
Сен менинг туғишган акамсан.
Мана келдим — онажон қишлоқ,
Соғингандим сени бағоят.
Қайта-қайта айладинг муштоқ,
Қучоғингга қайтдим ниҳоят.
Ота уйим насибам борми,
Остононангда бир зум ухласам.
Ўша ўтган маҳзун кунларни
Йиғлагим келади эсласам.
Дарё-дарё, акам дарёжон...
Камолиддин ШУКУР
@kamoliddinshukur1
https://t.me/kamoliddinshukur1
Nurbek_Mahmudov_Onamni_sog'inib_yig'lasam_Official_Music_Video.mp33.43 MB
МАРСИЯ
Асло мендан ранжиманг эркам,
Гоҳо бу дунёга сиғмасам.
Юрагимни ўртайди алам,
Онамни соғиниб йиғласам.
Она десам лаббай де қизим,
Бўйларингдан айланай ўзим.
Кўз ёшларда ювилиб юзим,
Онамни соғиниб йиғласам.
Қадами ҳикматим онам-а,
Йўқотган давлатим онам-а,
Оҳ менинг жаннатим онам-а,
Қийин бўлди сизсиз яшамоқ.
Онам ўрнин босолмас ҳеч ким,
Соғинаман, ўртанаман жим.
Ҳайрон бўлиб қарайди ўғлим,
Онамни соғиниб йиғласам.
Она сўзи такрор тилимда,
Суратлари турар қўлимда.
Туғёнлар уйғонар кўнглимда,
Онамни соғиниб йиғласам.
Онам эди суянган тоғим,
Уйимдаги ёнган чироғим.
Ўсаверар дилдаги доғим,
Онамни соғиниб йиғласам.
Тиргагим бўл — ёнимдан кетма,
Ён недир сен жонимдан кетма.
Айб этма жигарим — айб этма,
Онамни соғиниб йиғласам.
Қадами ҳикматим онам-а,
Йўқотган давлатим онам-а,
Оҳ менинг жаннатим онам-а,
Жуда қийин сизсиз яшамоқ.
Камолиддин ШУКУР
@kamoliddinshukur1
https://t.me/kamoliddinshukur1
Ажойиб санъаткор укамиз Нурбек Маҳмудов ижросидаги дил қонимиз билан ёзилган қўшиғимиз "Кечир юрак.." Эшитиб баҳо беринг азизлар.
@kamoliddinshukur1
Беғубор ёшликни, оқибатни, меҳрни эслатадиган янги таронамиз "Ёшликдаги дўстларим". Ёшликдан бирга ўсган қадрдонларимиз омон бўлишсин!
Камолиддин Шукур сўзи, Шаҳзод Ражабов ҳамда Жаббор Исроилов ижросида.
ЁШЛИКДАГИ ДЎСТЛАРИМ
Йўлингизда кўзларим,
Ишонинг — чин сўзларим.
Сиз барибир бошқача
Ёшликдаги дўстларим.
Кўрсатиб дўстлик кучин,
Сарфладим кўнгил ўтин.
Бу қўшиғим сиз учун
Ёшликдаги дўстларим.
Дўстларим эҳ дўстларим,
Ажиб ширин сўзларим.
Бу қўшиғим сиз учун
Ёшликдаги дўстларим!
Дийдорлашиб тўймаган,
Доим мени ўйлаган.
Мени ташлаб қўймаган
Ёшликдаги дўстларим.
Тарк этмаган ҳеч маҳал,
Дўст бўлиб қолган азал.
Ҳаёт сиз билан гўзал
Ёшликдаги дўстларим.
Қишми, ёзми, ё баҳор,
Қилмагайсиз интизор.
Сиздайин дўст қайда бор?
Ёшликдаги дўстларим.
Бирга ўйнаб қувнаган,
Бирга чопиб ўйнаган.
Ҳеч ёмонлик билмаган
Ёшликдаги дўстларим.
Дўстларим эҳ дўстларим,
Ажиб ширин сўзларим.
Бу қўшиғим сиз учун
Ёшликдаги дўстларим!
Камолиддин ШУКУР
@kamoliddinshukur1
