ائلیمیز - دیلیمیز elimiz_dilimiz

✍ «یوخلوق» داغ باشیندایام بیر قارا بولودلار وار بیر سوسقونلوق بیرده من یوخ یوخ یوخ نه داغ وار نه من وارام نه قارا بولودلار نه سوسقونلوق یالنیز یوخلوق وار یوخلوق وار یوخلوق وار... #میرحسین_دلداربناب ۱۴۰۲/۱۲/۲۹ @eldilimiz

✍ «دادسیز دونیا!» دونیانین دادی قاچیب! بیر آز دوز وئرین سؤز وئرنده کیشی کیمی سؤز وئرین آداملارین بیر یوخ، اون یوخ، یوزلر اوزو وار منه بیر جوت دوغرو اوزو گؤرن گؤز وئرین دونیانین هر زادی سیزین اولسون بو یئتر منه... #میرحسین_دلداربناب ۱۴۰۲/۱۲/۲۸ @eldilimiz

✍ «چتینلیک» گئجه‌لر دایانیب گوندوزلر کئچمیر! نه یاشامدی بو یاشام؟! جان چکیشمه‌سی! کیم بیلیر کی؛ یالقیز جانیم، نه‌ آجی‌لار چکیر! هر نفسده یوز یول آتشدن کئچیر... #میرحسین_دلداربناب ۱۴۰۲/۱۲/۲۷ @eldilimiz

✍ «بیر آغیزدا مین دیل!» بیر آدام وار بیر آغیزی بیر دیلی بیر آدام وار بیر آغیزی مین دیلی!... #میرحسین_دلداربناب ۱۴۰۲/۱۲/۲۶ @eldilimiz

✍ «ایچیمده اولان دیکتاتور» ایچیمده بیر قورخاق دیکتاتور وار قوشقو ایچینده یاشاییر یاشاماق نه؟! هر گئجه مین یول اؤلور_ دیریلیر آه نه چتینمیش دیکتاتورلوق!... #میرحسین_دلداربناب ۱۴۰۲/۱۲/۲۵ @eldilimiz

✍ «خزر اولان اورک!» بیر گؤزومده آراز آخیر بیر گؤزومده کور بو یانیق اوره‌ییم خزر اولاجاق... bir gözümdə araz axır bir gözümdə kür bu yanıq ürəyim xəzər olacaq... #میرحسین_دلداربناب ۱۴۰۲/۱۲/۲۴ @eldilimiz

✍ «سئچیم» ان سربست سئچیم سورون‌سوز سئچه بیلرسینیز یا بیزی یادا بیزی!... #میرحسین_دلداربناب ۱۴۰۲/۱۲/۲۴ @eldilimiz

✍ «دینج» نه باشیندا یایلیغی! نه اگنینده پالتاری! چیلپاقجا یویونور دنیزلرده بخته‌ور بالیق... بیر بالیق اولسایدیم... #میرحسین_دلداربناب ۱۴۰۲/۱۲/۲۲ @eldilimiz

✍ «قومارلانمیش» قاشیما قار یاغیر گؤزومه یاغیش! قالمیشام قیش ایله یاز آراسیندا!... #میرحسین_دلداربناب ۱۴۰۲/۱۲/۲۱ @eldilimiz

✍ «طوفان» داغلاریم سئل دوغور سئل‌لریم دنیز! نوحا دئیین؛ بؤیوک طوفان یولدادیر... #میرحسین_دلداربناب ۱۴۰۲/۱۲/۲۰ @eldilimiz

✍ «یارا» سن ان درین یاراسان اوره‌ییمده آی گونومو گؤی اسکییه توتان جان‌یاخان... #میرحسین_دلداربناب ۱۴۰۲/۱۲/۱۹ @eldilimiz

✍ «یارالی» سن ان دیرلی یاراسان اوره‌ییمده آی منه یارالار ووران... #میرحسین_دلداربناب ۱۴۰۲/۱۲/۱۹ @eldilimiz

✍ «وطن» سلام اولسون یارالارینا آی آرخاسیز وطن... #میرحسین_دلداربناب ۱۴۰۲/۱۲/۱۸ @eldilimiz

✍ «گیز» بوغازیمدا بیر کؤهنه دویون وار نه آچا بیلیرم نه آغارتا بیلیرم!... #میرحسین_دلداربناب ۱۴۰۲/۱۲/۱۷ @eldilimiz

✍ «ترسلیک!» باخ سن آللاه؛ من دونیادان واز کئچدیم دونیا منی یاخالادی!... #میرحسین_دلداربناب ۱۴۰۲/۱۲/۱۶ @eldilimiz

✍ «سویوق» اوشویورم اوشویورم اوشویورم هاوا سویوق! قانلار سویوق! باخیشلار سویوق! هوف... هوف... اوف... #میرحسین_دلداربناب ۱۴۰۲/۱۲/۱۵ @eldilimiz

✍ «ایچیمده نه‌لر وار!» ایچیمده بیر قورو گؤل وار دورنالاری اؤزله‌ییر ایچیمده دورنالار دیدرگین دوشوب! ایچیمده اوچوروملار اوچوقلاییرلار... #میرحسین_دلداربناب ۱۴۰۲/۱۲/۱۴ @eldilimiz

✍ «مین یاشلی!» منیم مین یاشیم وار! آخی من هرگون مین یول اؤلوب، دیریلیرم!... #میرحسین_دلداربناب ۱۴۰۲/۱۲/۱۳ @eldilimiz

✍ «سیخینتی» ایچیمده ائله بیر سیخینتی وار کی؛ سانکی بیر دنیزی تؤکوبلر بیر بارداغا!... #میرحسین_دلداربناب ۱۴۰۲/۱۲/۱۲ @eldilimiz