ائلیمیز - دیلیمیز elimiz_dilimiz

✍ «قفسلنمیش قارتال» ایچیمده قفسلنمیش بیر قارتال وار گؤیلری اؤزله‌ییر... #میرحسین_دلداربناب ۱۴۰۲/۱۲/۱۱ @eldilimiz

✍ «قوجالان اوشاق!» ایچیمده بیر قارا گونلو اوشاق وار بؤیومه‌دن قوجالیب!... #میرحسین_دلداربناب ۱۴۰۲/۱۲/۱۰ @eldilimiz

✍ «سوسقونلوق» سوسقونلوق دویونله‌نیب بوغازیما هارایلاریم ایچیمده دوستاق اولوب قولاقلار سؤزلریمه بوشلو دئییل کیم دئییر سوسقونلوق ان اوجا هارای‌دیر؟! سوسقونلوق یالنیز سوسقونلوقدور یا بوش‌اورکلیکدن یا قوش‌اورکلیکدن... #میرحسین_دلداربناب ۱۴۰۲/۱۲/۰۸ @eldilimiz

✍ «یئله گئدن وارلیق» یئل اسیر یئل اسیر یئل اسیر سویوق یئل آغ یئل قارا یئل دوداقلاریمدا اومودلاریمدا اوره‌ییمده دوداقلاریم قورویور اوره‌ییم قان آغلاییر اومودلاریم قیریلیر توز اولورام کول اولورام توپراق اولورام یئله گئدیرم یئله گئدیرم یئله گئدیرم آند اولسون یئله گئدنلره... #میرحسین_دلداربناب ۱۴۰۲/۱۲/۰۷ @eldilimiz

✍ «سووقات» اورک‌لری قیرماییم دئیه سؤزلریمی گؤمدوم ایچیمه سوسدوم سوسدوم سوسدوم سوسدوقجا سؤزلر ایچیمده کؤك سالدی بوی آتدی چیچکلندی سؤزلر یئنگج خسته‌له‌گینی منه سووقات گتیردی... #میرحسین_دلداربناب ۱۴۰۲/۱۲/۰۶ @eldilimiz

✍ «دایاناق» قارداشلارینا یاسلانا بیلمه‌دیگیندن بیر قارا داشا یاسلانمیشدی یازیق اینسان... #میرحسین_دلداربناب ۱۴۰۲/۱۲/۰۵ @eldilimiz

✍ «دومانلی داغلار» یوکسک داغلاردان دومان اکسیک اولسا دا ایچیمین داغلاریندان اولماز... #میرحسین_دلداربناب ۱۴۰۲/۱۲/۰۴ @eldilimiz

✍ «سن‌سیزلیک» یئنه من یئنه سن یئنه سن‌سیز اوزون گئجه‌لر... #میرحسین_دلداربناب ۱۴۰۲/۱۲/۰۳ @eldilimiz

✍ «آنا دیلی» سوسورام سوسورام سوسورام آنا دیلینده سوسورام!... میرحسین_دلداربناب ۱۴۰۲/۱۲/۰۲ @eldilimiz

✍ «قاچیش یاریشماسی!» قاچیش یاریشماسی وار سانکی! گئجه‌لر گوندوزو کئچیر گوندوزلر گئجه‌نی کئچیر... اویوموش اینسان سئوینه- سئوینه بو یاریشمانی ایزله‌ییر... #میرحسین_دلداربناب ۱۴۰۲/۱۲/۰۱ @eldilimiz

✍ «یاشام» گوندوزلر گلیر گئدیر... گئجه‌لر گلیر‌ گئدیر... بیر آزیم گوندوزلرده قالیر بیر آزیم گئجه‌لرده! هئچه گئدیرم پوچا گئدیرم... #میرحسین_دلداربناب ۱۴۰۲/۱۱/۲۹ @eldilimiz

✍ «ایتگین» ایتمیشم! ائله ایتمیشم کی؛ اؤزومو تاپا بیلمیرم... #میرحسین_دلداربناب ۱۴۰۲/۱۱/۲۹ @eldilimiz

✍ «آج‌یالاواجلار!» بلیرسیز یئردن گلیرلر! بلیرسیز یئره گئدیرلر! یوز ایرمی دؤرد مین یالاواجین یولونو گئدن آج یالاواجلار! #میرحسین_دلداربناب ۱۴۰۲/۱۱/۲۷ @eldilimiz

✍ «اوشویورم!» اوشویورم یوسیفین کؤینه‌یینی گتیرین گئییم اگنیمه! بوردا باخیشلار چوخ سویوقدور... #میرحسین_دلداربناب ۱۴۰۲/۱۱/۲۶ @eldilimiz

✍ «بیرلیک» سن من داش باش داش‌باش... #میرحسین_دلداربناب ۱۴۰۲/۱۱/۲۶ @eldilimiz

@saharxiyavi @mh_deldar_b @dolunay1979 @Turkyazar1401 @Mahrokh_afra Amir. @sultanaraz @iAzna @soz111 @bayram_az @SayanZabihian @min300gadim @samodi91 سلام دوستلار لیستی واقتیندا پایلاشین🌹 ساعات ۱۰ دا فوروارد ائدین ❌کپی اولونماسین

✍ «سئوگی» دیری‌یم می؟ دیری‌سن می؟ دیری‌ییک می؟ او زامان، بس، هانی سئوگی؟! آه سارماشیق کیمی سئودیکلریمه ساریلماق ایسته‌ییرم... #میرحسین_دلداربناب ۱۴۰۲/۱۱/۲۵ #eldilimiz