شعری عاشقانه هورامان

عاشقەنی پەوکەی نامەت کیاسەن ئەی چی دیدٚارت پەی سەبەی ئاسەن؟ تاقەتم تاقا مەوزەشەو سەبای به یەک موو بەننا بەننوو وەشەسیای واتەنت گا مەی دیدٚارت بە سەبر سەبری هەزار جار بەردانێ نە قەبر خوماری گێرتەن جەسسە و رەوانم کاردی خەم یاوا پێشە و ئوسخانم چی دنیا شادٚی بێ‌تۆ حەراما تۆ نەبی ئاخر شادٚی من کاما؟ من هەنا جە تۆ نامێو یادگار تەڕ بۆ جە هەرسام هەرشەو هەزار جار هەر جۆرێو گا مەی یاونەم وێساڵی یا بۆرێ یا بدٚەم دەسوو زەواڵی کارت تەماما بێچارە بێدەنگ پی دەردێ هەنه‌ت سەر منیەی وە سەنگ #بێ‌ده‌نگ

شێعر : بێدەنگ ئەوەوانای :بیستون شەبرەندی میکس و ونارای :نەجمەدین مۆرادی

کاروو ئی دنیای گرڏ وەڵاودیما ژیوای شۆڵێو بێ دیما و نەڏیما هیچێو مەئێژۆ چەنەش حەر مەنی رۆخانەیچ بینە تا مدرەی گەنی ویەرڏە ویەرڏ، مەگێڵەش پۆنە هەرگیزای هەرگیز مەرڏە مەخۆنە بە سەرجەنجاڵی جە وێت بەرمەشە ساتێ چەنی من بێدەنگی چەشە جە لەمەو شادٚی خەفەت پەیڏا بۆ خەفەت رۆڵێوا پەی شادٚی گرەڤۆ دەنگێ بەرمەیا گرڏ جە بێدەنگی ڕەنگێ مزیاوە گرڏ جە بێرەنگی ساتێ مەیانێ گرڏ جە بێ‌ساتی قەلبێ گرڏ ملاوە دیسان لاو زاتی سەرڏی گەرمی دزۆ، وار سەری چڕۆ جەنگا جەنگ کاکە! دەس دەسی بڕۆ پەیڏا ناپەیڏان، ناپەیڏا پەیڏان نیشان بێ‌نیشان، بێ‌نیشان نیشان بیەی گرڏ نەبیەین، نەبیەی گرڏ بیەین دیەی گرڏ نەڏیەین، چەم‌بەسای دیەین وێرانە شارەن، شارەن وێرانە بەربەی جە یانە، گێڵیوە یانە جیا نیا هیچکەس جە دژمەنوو وێش گردچێو سرەڤۆرە بە هەمجنسوو وێش دژ بە هەرچێوی مدری بی ئانە واتما، گلەی نەبا بێدەنگ بزانە #بێده‌نگ @hawramyanah

واقعا دەسوو کاک جەماڵی وەش بۆ پەی ئی شێعرە وەشێ

خەموو من هەر دڵوو ژانی مزانۆش خەزان بڕیا جه یارانی مزانۆش هەواڵوو تەژنەیی و گریای جە قاقی شەرا بەردەو بیابانی مزانۆش نەواو ناڵەو دەسەو بێڵێ هەژارێ فەقەت پۆسوو سەروو ڕانی مزانۆش قەباڵەی چەرمە کریۆ مۆره، ماناش قەبیلەو مەرگی هەرزانی مزانۆش دڵی تەنگی پەڕی کۆس‌کەوتە حاڵش هەواو پاییزە وارانی مزانۆش کزەو پرمەو ئەدٚای بۆ و وێرەگا بۆ هەناسەو وێرەگاو بانی مزانۆش چفەو دیدٚەی تەڕوو تاتەی خەمینی دەلاقەو ڕوو به زمسانی مزانۆش مەزەو ئاواتەکاو بێخوو ددٚانی تریتوو یانە باوانی مزانۆش #جەماڵ_قادرپوور

شەراو خۆماروو دەم و ددٚانوو تۆن شەماڵ ئاوارەو بۆو ڕیانوو تۆن مانگە ئارەزووش ڕووی جوانوو تۆن واران جە تاسەو تەڕی زوانوو تۆن گەردوون شۆن که‌وته‌و چەرخوو چەماو تۆن نەورۆز قەرزاروو حاڵ و هەواو تۆن شەوگار شاگردوو پرچە سیاواو تۆن خەزێنەی شاهی تا حەشر گەداو تۆن خاوەت کەردەوە قەیتانەو سەرەیت خۆمارێ دنیای کەوتێ دلێ بەرەیت حوزوورێو قاچوو زەینیت بەساوە ڕۆجیاروو دڵیت جە سای ئەساوە ڕازێوەت بە ڕەمز جە گۆشم وانا هەرچی واتە هەن پەیم کەردت مانا ئەیرێو بێ ئارگا جە لام گڕە مشانۆ دڵ سۆچۆ پەنەش هیچ کەس مەزانۆ ئی ڕاز و ڕەمزە کەسی واز نەکەرد کاسیەرە ساچە دڵەی پەڕ جە دەرد زوان مەیارۆ تخوونوو شۆڵەی گنۆ داخۆ بێ دەنگی سەروو لچی منیۆ #بێ‌ده‌نگ @horami