عائلة رغده صيرفي

اليوغا الاكسس الثيتا الرصد التامل الترددات والموجات الطب الشعوري tft peat الاحجار الكارما التاروت الخريطة الفلكية الوقوف العائلي الشاكرات الطاقة الانثوية والذكورية الطفل الداخلي تفعيل اسماء الله الحسنى اوراد او ايات باعداد او اوقات محددة برانا السبلمنال الساوند باث ( الغمر الصوتي ) قانون الجذب جلسات التنفس التخاطر الريكي الرايك البندول بالبداية ممكن تلجأ لهذه العلوم وانت ماتدري انك رايح للهلاك وللاسف للجهل بامور العقيدة ماراح تعرف اش هي علوم الطاقة .... ممكن تلاقي اثر بسيط ومؤقت معاها لكن بيكون الثمن عقيدتك وماراح تحس انك واقع في مصيبة في دينك لأنه زي ماقلت الجهل بالعقيدة وعدم معرفة جذور هذه العلوم ومن فين جات وكيف بتستخدم بتخليك تصدق هالعلوم وتنجرف معاها ..... سبحان الله زمان كنت ارفض علوم الطاقة جدا ولكن ماكنت اعرف اش هي علوم الطاقة ومااتوقعت انه بتكون بهذه السهولة انك تكون واقع في سحر وشركيات والعياذ بالله بدون ماتكون منتبه وبالتدريج تمشي مع الموجة الى ماتنسلخ من قيمك ومبادئك ودينك وعقيدتك وانت تحسب نفسك ماشي صح مهم جدا دراسة العقيدة التحصين والمحافظة على اذكار الصباح والمساء قراءة سورة البقرة يوميا الصلاة الابراهيمية الصحبة الصالحة التوكل على الله بحق اللجوء للحلول والخطوات المنطقية والملموسة وليس التغيير بتاملات وغيره انصح بمتابعة قناة سحر اليوغا والطاقة وقناة قرار إزالة عاليوتيوب للمزيد وقناة اسال البيضاء في التيلجرام ♥️

#بعد_قليل إن شاء الله علموا أبناءكم 24 | خُلاصات + أسئلة وتطبيقات ومُراجَعات https://www.youtube.com/live/axVmBMpdYy4?feature=shared .

بسم الله الرحمن الرحيم والسلام عليكم ورحمة الله وبركاته جميلات كوني أنت مبارك عليكم الشهر ويارب عتق من النيران والفوز بالجنان لي ولكم ولكل احبابكم حابة اشارككم شي مهم لاننا عشرة عمر تعرفو كنا سوا من 2014 وكثيييييير كانت جروباتنا ومحتواها لها فايدة لحياتكم ولي شخصياً وكثيييير كنت اكون سعيدة وقت ترسلو استفادتكم واشوف اثر مجهوداتي انا وفريق العمل التطوعي اللي كانو ليل نهار خلف الكواليس يجهزو ويرتبو وينسقو ويبحثو عن افضل المعلومات اللي ممكن تفيدكم وتساعدكم تعيشو حياة اجمل مااقدر اجازيهم لكن اسال الله انه يجازيهم خير الجزاء والعطاء اكيد عارفين لي فترة ماصرت رغده اللي اتعودتو عليها سنوات بس دائما سبحان الله ربنا يرجعنا له ويخلينا نتعلم لاننا بشر معرضين للخطأ لكن المهم مانستمر فيه من 2018 كنت امر بظروف كانت صعبة في كل جوانب حياتي واكيد كثير كانو معايا في هالرحلة من خلال برنامج كوني ملكة الحب ولكن الحمدلله غيرت اشياء كثير في حياتي واشياء حلوة واشياء مو حلوة لكن رغم كل اللي مريت فيه بحلوه ومره اتاكدت من شي واحد ومهم بعد ماجربت الطريقين طريق الله وطريق الهوى او الدنيا زمان كنت اعبد الله بتشدد وبشعور الذنب لانه كانو يقولو لنا اتذكرو ذنوبكم دايما بس هالشي مع الضغوط اللي مريت فيها ذيك الفترة دخلت مرحلة اكتئاب بسيطة كان العرض اللي اعاني منه بس هو ضيق التنفس وكنت كل ثانية اتمنى بس اتنفس بشكل طبيعي لكن طرقت ابواب كثييييير عشان اتعالج من هذا العرض ومن ضمنها كانت ادوات جديدة عليا لكن لقيت فيها شفاء بفضل الله ثم هي صح راح العرض ولكن صرت وحدة مختلفة للأمانة صرت احب الله اكثر وعلاقتي مع الله صارت حلوة ومريحة لكن تفكيري كان اكثره دنيوي رغم انه كنت سعيدة وسبحان الله الفترة الاخيرة مريت بظروف وكانت السبب اللي خلتني اراجع نفسي واسال نفسي رغده ايش بتسوي فين رايحة تركت الحجاب وكثير اشياء كنت اتهاون فيها .......... قبل اسبوع تقريبا بجلسة صادقة مع نفسي دعيت الله بعمل خيري كان بيني وبين ربي فقط سالته يارب بهذا العمل دلني نورني اللي انا عليه صح او لا وفجاة صرت مقبلة على قراءة سورة البقرة التزمت فيها يوميا اقراها رغم ثقل هالشي عليا لاني من فترة لاهية بالدنيا واش ابغى احقق وفين ابغى اوصل وكانت نيتي بس ابغى تنوير تطهير وادعي اللهم اجعل همي الاخرة هذه دعوتي كانت دايما وكانت تجيني الدنيا وكل شي مسخر ليا فتحت اليوتيوب يومها الاقي مقطع لأخت فاضلة تتكلم عن الله والقرب منه والحياة وكيف كل شي يتحقق مع الله اتذكرت فعلا كل شي كان جميل بالقرب من الله وصرت ملازمة قراءة سورة البقرة والصلاة الابراهيمية والدعاء وصرت اشعر بنفس الشعور اللي كنت اشعر فيه قبل من الراحة والطمأنينة والسعادة لذلك قررت اني اترك تقديم الجلسات اللي كنت اقدمها ( الثيتا - الاكسس ) رغم انها فادتني مثل ماذكرت قبل لكن فيها شبهات كثير ومن يتق الله يجعل له مخرجا ويرزقه من حيث لايحتسب لذلك حبيت انوه عن هالشي وابريء ذمتي من اي وحدة دخلت هالمجال بعدي او اقتدت فيا ممكن اللي انا وصلت له الان لاني قدمت خير وهي الجروبات اللي كان فيها خير كثير او مشتركات برنامج كوني ملكة الحب اللي اتغيرت حياتهم واللي كانو كثير يرسلولي ويدعولي مااعرف لكن الحمدلله ان معي ربي سيهدين الان اعبد الله بدون شعور بالتانيب الدائم مثل قبل لانه كل بني ادم خطأ وخير الخطائين التوابون لكن تعلمت انه نسعى للدنيا والاخرة واتذكرو دايما اي شي يطغى راح يكون اختبارك فيه اذا كنت متعلقه في زوج وخايفة يتركك او غيره ومشغولة فيه ليل نهار عن الله اذا كنت متعلقه بوظيفة بمال باطفال وغيره او عندك مخاوف وقلق ولخبطة وافكار فيها سوء ظن او توقعات سيئة الله راح يخليك تمري بفترة مؤلمة عشان ترجعي له لعلهم يرجعون لعلهم يرشدون في جعبتي كثيييير دروس اتعلمتها في رحلتي لكن حاليا حابة اشارككم واشكركم لانه ممكن كنتو سبب من الاسباب اللي فوقتني ممكن دعوة منكم بظهر الغيب الله اعلم اتمنى دعواتكم بالثبات والتوفيق والفلاح احبكم 💖 رغده صيرفي