သိင်္ခ

🙏🙏🙏

မ‌လေးရှားမှ  ပြန်လည် ခေါ်ယူမည့် မြန်မာနိုင်ငံသား၆၂ ဦးစာရင်း သံရုံးအသိပေး မြန်မာသံရုံး၊ ကွာလာလမ်ပူမြိုမှ တာဝန်ယူ၍ မလေးရှားနိုင်ငံ လူဝင်မှုကြီးကြပ်ရေးဌာန ထိန်းသိမ်းရေးစခန်း Kemenyan Camp နှင့် Beranang Camp တိုမှ မြန်မာနိုင်ငံသား(၆၂) ဦးကို စက်တင်ဘာ ၁၇ ရက်(ကြာသပတေးနေ့) တွင် မြန်မာ့လေကြောင်းအမှတ်စဉ်၊ 8M-502 ဖြင့် ပြန်လည်ခေါ်ဆောင်မည်ဖြစ်ကြောင်း သိရသည်။ မြန်မာနိုင်ငံသို ပြန်လည်ပိုဆောင်မည့်စာရင်းအား သက်ဆိုင်သူ မိသားစုဝင်များ သိရှိနိုင်ရန် မြန်မာသံရုံး၊ ကွာလာလမ်ပူမြိုက ယနေ့တွင် လူမှုကွန်ယက်စာမျက်နှာမှတစ်ဆင့် အသိပေးထုတ်ပြန်ထားသည်။

သတ်မှတ်ချက်များပြည့်စုံမှသာ Telematics စက်တပ်ဆင်/သက်တမ်းတိုးခွင့်ပြုမည် ရန်ကုန်-မန္တလေးအမြန်လမ်းမကြီးအားအသုံးပြုသွားလာလျက်ရှိသော ကုန်တင်ယာဥ်များနှင့် အဝေးပြေးခရီးသည်တင်(Express)ယာဥ်များအား ဆောက်လုပ်ရေးဝန်ကြီးဌာန၊ လမ်းဦးစီးဌာန၊ အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲက Telematics စနစ်တပ်ဆင်ပြီးမှသာဖြတ်သန်းသွားလာခွင့်ပြုထားကြောင်း သိရသည်။ ထိုကြောင့် Telematics စက်တပ်ဆင်/သက်တမ်းတိုးလိုသူများအနေဖြင့် ယာဉ်၏ တာယာပန်း၊ ဘရိတ်၊ ဆိုင်းထိန်းစနစ်(Suspension System)၊ ဟွန်း၊ ရှေ့မီး၊ နောက်မီး၊ ဘေးမီးနှင့် အချက်ပြမီးစနစ်များကောင်းမွန်ရန်လိုပြီး ယာဉ်၏ ကိုယ်ထည်နှင့် ဖရိန်များကြံ့ခိုင်၍ ကိုယ် ထည်ဆေးရောင်တောက်ပသစ်လွင်မှုရှိမှသာ စာရင်းသွင်းနိုင်မည်ဖြစ်ကြောင်း သိရသည်။

AI ကို ထိန်းချုပ်နိုင်မှု လျော့နည်းလာမည်ကို စိုးရိမ်လာချိန် EU က ကမ္ဘာလုံးဆိုင်ရာ AI စည်းမျဉ်း သတ်မှတ်ရေး ဆွေးနွေးမည် အဆင့်မြင့် ဉာဏ်ရည်တု (AI) နည်းပညာများ လျင်မြန်စွာတိုးတက်လာမှုနှင့်အတူ AI စနစ်များကို လူသားများအနေဖြင့် ထိန်းချုပ်နိုင်မှု လျော့နည်းလာနိုင်သည့်အပေါ် စိုးရိမ်မှုများ မြင့်တက်လာချိန်တွင် ဥရောပသမဂ္ဂ (EU) တာဝန်ရှိသူများက ကမ္ဘာလုံးဆိုင်ရာ AI လုံခြုံရေးစည်းမျဉ်းများ သတ်မှတ်နိုင်ရေး ဆွေးနွေးသွားမည်ဖြစ်ကြောင်း Politico သတင်းဌာနက ဖော်ပြထားသည်။

ဖလမ်းမြိုတွင် ဘဏ်လုပ်ငန်းများလျင်မြန်ချောမွေ့စွာဆောင်ရွက်နိုင်ရေး မြန်မာ့ဆက်သွယ်ရေး B2B Satellite Terminal တပ်ဆင်ထားရှိမှုကိုလူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ဒုတိယဝန်ကြီး ကြည့်ရှုစစ်ဆေးခဲ့ပြီး ဒေသခံတိုင်းရင်းသားပြည်သူများ ဌာနဆိုင်ရာများနှင့် တွေ့ဆုံ

ရန်ကုန်တိုင်းအတွင်းရှိ မြိုနယ်များတွင် တရားမဝင် Online လောင်းကစားလုပ်ကိုင်သူ အမျိုးသား ၁၃ ဦး၊ အမျိုးသမီး ၂၃ ဦးကို သက်သေခံပစ္စည်းနှင့်အတူ ဖမ်းဆီး ရန်ကုန်တိုင်းအတွင်းရှိ မြိုနယ်များတွင် တရားမဝင် Online လောင်းကစားလုပ်ကိုင်သူ အမျိုးသား ၁၃ ဦး၊ အမျိုးသမီး ၂၃ ဦးကို သက်သေခံပစ္စည်းနှင့်အတူ ဖမ်းဆီးရမိကြောင်း သိရသည်။

ဥရောပကမ္ဘာမြေစောင့်ကြည့်ရေး ဂြိုဟ်တုနှစ်စင်းကို ကမ္ဘာပတ်လမ်းထဲသို လွှတ်တင် ဥရောပအာကာသအေဂျင်စီက ရာသီဥတုပြောင်းလဲမှုနှင့် ဆက်စပ်လျက်ရှိသော ပြင်းထန်မိုးလေဝသအဖြစ် အပျက်များကို ကောင်းကောင်းသတိပြုမိစေရန် ပုံစံထုတ်ထားသော ဂြိုဟ်တုနှစ်စင်းကို ကမ္ဘာပတ်လမ်းကြောင်းထဲသို အောင်မြင်စွာလွှတ်တင်လိုက်သည်ဟု တာဝန်ရှိသူများက ပြောကြားသည်။ စက်တင်ဘာ ၁၄ ရက် ည ၁၀ နာရီ ၂၀ မိနစ်တွင် ဖရန့်ဂီယာနာရှိ Kourou အာကာသစင်တာမှ ပျံတက်သွားပြီးနောက် European Vega-C ဒုံးပျံက Sentinel-3C ဂြိုဟ်တုနှင့် Flex ဂြိုဟ်တုတိုကို အောင်မြင်စွာလွှတ်တင်လိုက်သည်ဟု ဂြိုဟ်တုလွှတ်တင်ရာနေရာကို ရောက်နေသည့် AFP သတင်းထောက်များ၏ ပြောကြားချက်အရ သိရသည်။ ဂြိုဟ်တုနှစ်စင်းသည် ပျံတက်သွားပြီး နှစ်နာရီနီးပါးအကြာတွင် နေနှင့်အချိန် ကိုက်ဖြစ်နေသောပတ်လမ်းထဲရောက်သွားသည်။

ပြည်တွင်းထုတ်လုပ်မှုမြှင့်တင်ပြီး တိုက်ရိုက်ပိုကုန်တင်ပိုနိုင်ရေး ဆောင်ရွက်ရန် နိုင်ငံတော်သမ္မတ တိုက်တွန်း   ပြည်တွင်းထုတ်လုပ်မှုနှင့် ပိုကုန်ကဏ္ဍ တိုးမြှင့်ရေး၊ စိုက်ပျိုးမွေးမြူရေး ထုတ်လုပ်မှုမြှင့်တင်ရေးအပြင် လူ့စွမ်းအားအရင်းအမြစ် ဖွံဖြိုးရေးနှင့် ဘတ်ဂျက်ငွေများ ထိရောက်စွာသုံးစွဲရေးအတွက် နိုင်ငံတော်သမ္မတ ဦးမင်းအောင်လှိင်က ယနေ့ကျင်းပသည့် ပြည်ထောင်စုအစိုးရအဖွဲ အစည်းအဝေး (၈/၂၀၂၆) တွင် အလေးထားမှာကြားခဲ့ကြောင်း သိရသည်။ အလားတူ ဗီယက်နမ်နှင့် ကမ္ဘောဒီးယားနိုင်ငံတို၏ ဖွံဖြိုးတိုးတက်မှုကို လေ့လာပါက နိုင်ငံရေးတည်ငြိမ်မှုနှင့် လုံခြုံရေးကောင်းမွန်ခြင်းတိုကြောင့် စီးပွားရေးတိုးတက်လာခြင်းဖြစ်ကြောင်း၊ ဗီယက်နမ်နိုင်ငံအနေဖြင့် ၂၀၃၀ ပြည့်နှစ်တွင် စက်မှုနိုင်ငံဖြစ်ရန်နှင့် ၂၀၅၀ ပြည့်နှစ်တွင် ဖွံဖြိုးပြီးနိုင်ငံဖြစ်ရန် ရည်မှန်းထားကြောင်း ပြောကြားခဲ့သည်။

အင်းစိန် မီးရထားလမ်း ခုံးကျော်တံတား စီမံကိန်းကြောင့် ယာဉ်ကြောပိတ်ဆိုမှု သက်သာစေမည် ရန်ကုန်တိုင်းဒေသကြီး အင်းစိန်မြိုနယ်ရှိ ရန်ကုန်-ပြည် မီးရထားလမ်းနှင့် ခရေပင်လမ်းဆုံတွင် လေးလမ်းသွား ခုံးကျော်တံတားတစ်စင်း တည်ဆောက်သွားမည်ဖြစ်ကြောင်း ဆောက်လုပ်ရေးဝန်ကြီးဌာနမှ သိရသည်။ အဆိုပါ ခုံးကျော်တံတားကို PC Girder နှင့် Steel Box Girder အမျိုးအစား လေးလမ်းသွားအဖြစ် တည်ဆောက်သွားမည်ဖြစ်ပြီး ပြီးစီးပါက အဆိုပါဧရိယာအတွင်း ယာဉ်ကြောပိတ်ဆိုမှုများကို ထိရောက်စွာ ဖြေရှင်းပေးနိုင်မည်ဖြစ်သည်။ ယင်းလမ်းဆုံတွင် AADT စာရင်းစစ်ဆေးချက်များအရ ၆ ဘီးအထက် ယာဉ်ကြီးများနှင့် အိမ်စီးကား ပေါင်း ၃,၀၀၀ ကျော် နေ့စဉ်ဖြတ်သန်းနေပြီး ရန်ကုန်-ပြည် မီးရထားလမ်းပေါ်တွင်လည်း မြိုပတ်ရထား အပါအဝင် အစုံ/အဆန် ရထား ၂၃ စင်းအထိ ပြေးဆွဲနေသောကြောင့် ယာဉ်ကြောကျပ်တည်းမှုကို လျှော့ချရန် ယခုစီမံကိန်းကို အကောင်အထည်ဖော်ခြင်း ဖြစ်သည်။

ဂျပန်၌ အသက် ၁၀၀ ပြည့်သူဦးရေ ၁၀၀၀၀၀ ကျော်ရှိသည်ဟု ဂျပန်ကျန်းမာရေးဝန်ကြီးဌာန ထုတ်ပြန် ဂျပန်နိုင်ငံတစ်ဝန်းတွင် အသက် ၁၀၀ ကျော်ရှိသူ အရေအတွက်သည် ပထမဆုံးအကြိမ် ၁၀၀၀၀၀ ကျော်သွားပြီဟု ကျန်းမာရေးဝန်ကြီးဌာနက စက်တင်ဘာ ၁၅ ရက်တွင် ပြောကြားခဲ့သည်။ ကမ္ဘာ့ဘဏ်၏ထုတ်ပြန်ချက်အရ ပျမ်းမျှအသက် ၄၉ ဒသမ ၉ နှစ်ရှိနေခြင်းနှင့်အတူ ဂျပန်သည် မိုနာကိုပြီးလျှင် ကမ္ဘာပေါ်၌ ဒုတိယအသက်အကြီးဆုံး လူဦးရေရှိနေသည်ဟု သိရသည်။ လာမည့်အပတ် နှစ်စဉ် ပြည်သူ့အားလပ်ရက်ဖြစ်သည့် Respect for the Aged မတိုင်မီ နောက်ဆုံးပြုလုပ်သော အစိုးရလေ့လာချက်တွင် စက်တင်ဘာ ၁ ရက်အထိ အသက် ၁၀၀ ပြည့်သူ သိုမဟုတ် အသက် ၁၀၀ ထက်ကြီးသူ အရေအတွက်သည် ၁၀၇၆၇၇ ဦးရှိသည်ဟု ဖော်ပြထားသည်။ Noted: ဂျပန်ရဲ့ စားသောက်နေထိုင်မှုတွေ၊ တစ်နေ့တာ ဖြတ်သန်းမှုတွေနဲ့ Lifestyle တွေကို ရိုက်ကူးထားတဲ့ documentary တွေကို ကိုယ်တွေနိုင်ငံမှာ ပြသသင့်ပါတယ်။

ပဲခူးတွင် အထည်ချုပ်စက်ရုံ ကြိုပိုယာဉ်ဘရိတ်ပေါက်ပြီး ယာဉ်တိုက်မှုဖြစ်၊ ၅ ဦးဒဏ်ရာရ ပဲခူးမြို ကျွန်းသာယာရပ်ကွက် မဟာမြိုင်မီးပွိင့်အနီးတွင် စက်တင်ဘာ ၁၄ ရက် ည ၉ နာရီခွဲခန့်က အထည်ချုပ်စက်ရုံ ကြိုပိုယာဉ် ဘရိတ်ပေါက်ပြီး ရှေ့မှမောင်းနှင်နေသည့် ပရာဒိုယာဉ်ကို ဝင်ရောက်တိုက်မိခဲ့ရာ စက်ရုံလုပ်သားများအပါအဝင် ၅ ဦး ထိခိုက်ဒဏ်ရာရရှိခဲ့ကြောင်း ဒေသခံများထံမှ သိရသည်။

Thai Airways လေယာဉ်မယ်၏ ဟီရိုအင်းအမှု အောက်တိုဘာ ၁၂ ရက်အထိ ရုံးချိန်းရွှေ့ဆိုင်း ဩစတြေးလျနိုင်ငံ မဲလ်ဘုန်းမြိုရှိ Magistrates' Court က Thai Airways လေယာဉ်မယ်ဟောင်း Meena Kondo အသက် ၂၆ နှစ်၏ ဟီရိုအင်းတင်သွင်းမှုအမှုကို အောက်တိုဘာ ၁၂ ရက်အထိ ရုံးချိန်းရွှေ့ဆိုင်းလိုက်ကြောင်း သိရသည်။

အင်္ဂလန်နဲ့ စကော့တလန်ကြား ‘ဝီစကီစစ်ပွဲ’ စတင်ဖြစ်ပွားလာ အင်္ဂလန်ရဲ့ Single Malt ဝီစကီကို နိုင်ငံတော်က အကာအကွယ်ပေးထားတဲ့ အမျိုးအစားအဖြစ် သတ်မှတ်ပေးဖို ဗြိတိန်အစိုးရရဲ့ ဆုံးဖြတ်ချက်ကြောင့် ကမ္ဘာကျော် စကော့ချ် (Scotch) ဝီစကီ ထုတ်လုပ်သူတွေရှိတဲ့ စကော့တလန်မှာ မကျေနပ်မှုတွေ ဖြစ်ပေါ်လာခဲ့ပြီး အဲဒီထုတ်လုပ်သူတွေကလည်း တုံပြန်ဖို ပြင်ဆင်နေကြပြီလို The Telegraph သတင်းစာက ဖော်ပြခဲ့ပါတယ်။ ပြီးခဲ့တဲ့အပတ်က ဗြိတိန်အစိုးရဟာ အင်္ဂလိပ် single malt ဝီစကီကို ဒေသဆိုင်ရာ အကာအကွယ်ပေးမှုအဆင့် သတ်မှတ်ပေးခဲ့တာပါ။ အဲဒီလို သတ်မှတ်လိုက်တာဟာ အင်္ဂလိပ်ဝီစကီကို သီးသန့်အမျိုးအစားတစ်ခုအနေနဲ့ အသိအမှတ်ပြုလိုက်တာဖြစ်ပြီး စကော့ချ်၊ ဝေးလ်နဲ့ အိုင်းရစ်ရှ် ဝီစကီတွေလိုမျိုး တန်းတူအဆင့်အတန်း ရသွားစေခဲ့ပါတယ်။

မြန်မာ-ရုရှားနှစ်နိုင်ငံ စီးပွားရေးနှင့် ရင်းနှီးမြှုပ်နှံမှုပူးပေါင်းဆောင်ရွက်ရန်ဆွေးနွေး မြန်မာ-ရုရှားနှစ်နိုင်ငံ စီးပွားရေးနှင့် ရင်းနှီးမြှုပ်နှံမှုပူးပေါင်းဆောင်ရွက်ရန် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီးဦးအောင်ကျော်ဟိုးနှင့် တာဝန်ပြီးဆုံး၍ ပြန်လည်ထွက်ခွာမည့် မြန်မာနိုင်ငံဆိုင်ရာ ရုရှားနိုင်ငံသံရုံးမှ စီးပွားရေးသံမှူး Mr. Andrei Iunak တိုဆွေးနွေးခဲ့ကြသည်။ ပြည်ထောင်စုဝန်ကြီးဦးအောင်ကျော်ဟိုးနှင့် ရုရှားနိုင်ငံသံရုံးမှ စီးပွားရေးသံမှူး Mr. Andrei Iunak တိုသည် စက်တင်ဘာ ၁၄ ရက်က နေပြည်တော်၌တွေ့ဆုံခဲ့ကြခြင်းဖြစ်သည်။

AI ကို ထိန်းချုပ်ဖိုအတွက် IQ မြင့်တဲ့ သမ္မတတစ်ယောက်ရှိရင် ရပြီလို ထရမ့်ပြော AI နည်းပညာအပေါ် အကန့်အသတ်အသစ်တွေ ထိန်းချုပ်ပေးဖို ထိပ်တန်း AI ကုမ္ပဏီအရာရှိတွေရဲ့ တောင်းဆိုမှုကို သမ္မတ ဒေါ်နယ်ထရမ့်က တနင်္လာနေ့မှာ ပယ်ချလိုက်ပါတယ်။ AI လုပ်ငန်းအတွက် လိုအပ်တဲ့ တစ်ခုတည်းသော စည်းကမ်းဘောင်ဆိုတာဟာ "ကြံ့ခိုင်ပြီး ဉာဏ်ကောင်းတဲ့ IQ မြင့်တဲ့ သမ္မတတစ်ယောက်"ပဲလိုအပ်တာဖြစ်ပြီး အမေရိကန်မှာ အဲဒီလိုသမ္မတမျိုး ရှိပြီးသားလို Truth ဆိုရှယ်မီဒီယာမှာ သူကရေးခဲ့တာပါ။

ထရမ့်ပ်အစိုးရ၏ စာတိုက်မှတစ်ဆင့် မဲပေးမှု ကန့်သတ်ချက်များကို အမေရိကန်တရားလွှတ်တော်ချုပ် ပယ်ချ ဝါရှင်တန်၊ စက်တင်ဘာ ၁၄ အမေရိကန်နိုင်ငံတွင် နိုဝင်ဘာလ ကြားဖြတ်ရွေးကောက်ပွဲများ ကျင်းပရန် နှစ်လပင် မလိုတော့သည့်အချိန်၌ သမ္မတ ဒေါ်နယ်ထရမ့်ပ်အစိုးရက စာတိုက်မှတစ်ဆင့် မဲပေးမှုအပေါ် ချမှတ်ရန် ကြိုးပမ်းထားသည့် ကန့်သတ်ချက်အသစ်များကို အမေရိကန်တရားလွှတ်တော်ချုပ်က တနင်္လာနေ့တွင် ပယ်ချခဲ့သည်။ ပြည်နယ်နှင့် ဒေသဆိုင်ရာ ရွေးကောက်ပွဲတာဝန်ရှိသူများအနေဖြင့် ရွေးကောက်ပွဲမတိုင်မီ စည်းမျဉ်းအသစ်ကို ပုံမှန်အတိုင်း အကောင်အထည်ဖော်ရန် အချိန်လုံလောက်မှုမရှိသဖြင့် ၂၀၂၆ ခုနှစ် ရွေးကောက်ပွဲများတွင် ယင်းစည်းမျဉ်းကို ကျင့်သုံးခြင်းသည် အုပ်ချုပ်ရေးလုပ်ထုံးလုပ်နည်းအက်ဥပဒေကို ချိုးဖောက်ရာရောက်နိုင်ကြောင်း ဆုံးဖြတ်ချက်တွင် ဖော်ပြထားသည်။

ပေကျင်းတွင် လုံခြုံရေးအကြောင်းပြချက်ဖြင့် ဒရုန်းပိုင်ဆိုင်မှုကို နိုဝင်ဘာလလယ်တွင် စတင်ပိတ်ပင်မည် တရုတ်နိုင်ငံ၏ မြိုတော်ပေကျင်းတွင် လုံခြုံရေးအခြေအနေများကြောင့် ဒရုန်းများ ပိုင်ဆိုင်ခြင်းနှင့် သိမ်းဆည်းထားခြင်းကို လာမည့် နိုဝင်ဘာလမှစ၍ ပိတ်ပင်သွားမည်ဖြစ်ကြောင်း တရုတ်အာဏာပိုင်များက ကြေညာထားသည်။ ယင်းသည် ဒရုန်းများ ရောင်းချခြင်းကို တားမြစ်ထားပြီးဖြစ်သည့် စည်းမျဉ်းများကို ထပ်မံတင်းကျပ်လိုက်ခြင်းဖြစ်သည်။ စည်းမျဉ်းသစ်က နိုဝင်ဘာ ၁၅ ရက်တွင် စတင်အသက်ဝင်မည်ဖြစ်သည်။

၂ နှစ်မပြည့်မီ တတိယမြောက် ဘဏ္ဍာရေးဝန်ကြီးကို အင်ဒိုနီးရှားသမ္မတ ပရာဘိုဝို ခန့်အပ် အင်ဒိုနီးရှားနိုင်ငံ၏ ဘဏ္ဍာရေးမူဝါဒနှင့် အစိုးရအသုံးစရိတ်များအပေါ် စိုးရိမ်မှုများ မြင့်တက်နေပြီး ရင်းနှီးမြှုပ်နှံသူများ၏ ယုံကြည်မှု ပြန်လည်ရရှိရေး ကြိုးပမ်းနေချိန်တွင် သမ္မတ ပရာဘိုဝို ဆူဘီယန်တိုက ဘဏ္ဍာရေးဝန်ကြီး ပူရ်ဘာယာ ယူဒီ ဆာဒီဝါကို ရာထူးမှဖယ်ရှားကာ ဒုတိယဘဏ္ဍာရေးဝန်ကြီး ဆူဟာဆီလ် နာဇာရာကို အစားထိုးခန့်အပ်လိုက်သည်။

ဆိုင်ဝန်ထမ်းနှစ်ဦး သေဆုံးခဲ့သည့် Bar 4 U စားသောက်ဆိုင်မီးလောင်မှု အကြောင်းအရင်းမှာ မျက်နှာကျက်တွင်တပ်ဆင်ထားသည့် မီးသီး socket loose ဖြစ်ရာမှ မီးစတင်လောင်ခြင်းဖြစ်ပြီး ဆိုင်ပိုင်ရှင်အား အမှုဖွင့် အရေးယူထား ဆိုင်ဝန်ထမ်းနှစ်ဦးသေဆုံးခဲ့သည့် Bar 4 U စားသောက်ဆိုင်မီးလောင်မှု အကြောင်းအရင်းမှာ မျက်နှာကျက်တွင်တပ်ဆင်ထားသည့်Per light မီးသီး socket loose ဖြစ်ရာမှမီးစတင်လောင်ခြင်းဖြစ်ပြီး ဆိုင်ပိုင်ရှင်အား အမှုဖွင့်အရေးယူထားကြောင်း မြန်မာနိုင်ငံမီးသတ်တပ်ဖွဲဌာနချုပ်မှသိရသည်။

ထိုင်းနိုင်ငံရဲ့ ပြည်နှင်ဒဏ်စည်းမျဉ်းသစ် ရွှေ့ပြောင်းမြန်မာတွေစိုးရိမ် ထိုင်းနိုင်ငံမှာ ပြစ်မှုကျူးလွန်တဲ့နိုင်ငံခြားသားတွေကို ပြည်နှင်ဒဏ်ပေးမယ့်စည်းမျဥ်းသစ်ဟာ ပိုတင်းကျပ်ထားပြီး သြဂုတ်လ ၂၈ ရက်နေ့က စလိုအသက်ဝင်ခဲ့ပါတယ်။ ဒီစည်းမျဥ်းသစ်ကြောင့် မြန်မာနိုင်ငံသားတွေအတွက် စိုးရိမ်စရာတွေဖြစ်လာတယ်လို ရွှေ့ပြောင်းမြန်မာအရေးဆောင်ရွက်တဲ့သူတွေနဲ့ အလုပ်သမားတွေကပြောပါတယ်။