‏وَمَا تَوْفِيقِي إِلاَّ بِاللَّهِ 🕊️🤎

هنزل واحده أحلي منها قبل النوم😁

كانت مجرد رسالة 🤎

كانت مريم بنت هادية بتحاول تقرب من ربنا، لكن زي أي حد كان عندها لحظات ضعف في يوم، وصلها من مصطفى رسالة بسيطة جدًا 🙎🏻‍♂️ ممكن أسألك عن حاجة في الدراسة؟ 🧕🏻آه اتفضل سؤال… وإجابة وانتهى الموضوع أو هكذا كانت تظن🥲 بعد كام يوم، بعت لها تاني وبعدها بقى السؤال سؤالين والكلام اللي بدأ بالدراسة دخل فيه شوية هزار وبعدها بقى مصطفى يسألها عن يومها وهي تحكيله عن يومها وفي مرة قالت لنفسها "هو إيه المشكلة؟ إحنا مش بنعمل حاجة غلط" وكانت دي أول جملة أقنعت بيها نفسها بدأت مريم تستنى رسالته لو اتأخر، تسأل نفسها "هو فين؟" ولو بعت تفرح ولو حصلتلها حاجة أول شخص تفكر تحكيله كان مصطفى ومع الوقت، مريم نفسها بدأت تلاحظ التغيير بقت تمسك الموبايل كتير وتخبي بعض الكلام، ولما حد يسألها بتكلم مين تقول "ولا حد… عادي"💔 وفي ليلة كانت بتقرأ قرآن وفجأة وقعت عينيها على آية أثرت فيها جدًا قفلت المصحف وسكتت شويه وقالت لنفسها > "هو أنا ليه محتاجة أخبي حاجة لو هي صح؟" لكن بدل ما تقفل الباب… رجعت تقول "مصطفى مختلف أكيد الموضوع مش زي باقي العلاقات" ومرت الأيام وفي يوم مصطفى اختفى فجأة مريم بعتت "إنت كويس؟" مفيش رد.... بعد ساعات رد بكلمة قصيرة "كنت مشغول" 🙄 وبعدها بقى غيابه أكتر مرة يختفي يوم ومرة يومين، ومرة أسبوع ومريم كانت كل مرة تدور له على عذر "يمكن عنده ظروف" "يمكن موبايله بايظ" "يمكن تعبان" لحد ما في يوم اكتشفت بالصدفة😳 إن مصطفى كان بيحكي لحد تاني نفس الكلام اللي كان بيقوله لها نفس الاهتمام نفس الوعود نفس الجمل اللي كانت فاكرة إنها مخصوص ليها اتصدمت واجهته فقال لها بكل برود "انتي فهمتي الموضوع أكبر من حجمه… إحنا أصلًا مكناش مرتبطين"😏 الجملة دي كانت كفيلة إنها تكسر حاجات كتير جواها لأنها فجأة فهمت الحقيقة هو كان قادر يمشي ببساطة… لكن هي اللي اتعلقت هي اللي ضيعت وقتها هي اللي كانت بتبرر هي اللي كل ما ضميرها ينبهها تقول

"لسه مفيش حاجة حصلت"

قعدت مريم لوحدها، ودموعها نزلت مش بس عشان مصطفى كدب عليها… لكن لأنها افتكرت قد إيه اتغيرت صلاتها اللي كانت بتأخرها عشان تستنى رسالة وقتها اللي ضاع والأسرار اللي كانت بتخبيها والقلب اللي اتعلق بعبد من عباد الله، ونسيت للحظة إن القلوب كلها بين إيدين ربنا وفي وسط ضعفها، رفعت إيديها وقالت "يا رب… أنا غلطت😔 أنا اللي فتحت الباب من أوله سامحني يا رب، وردني ليك" ومن اليوم ده، بدأت مريم تقفل كل باب كان بيرجعها لنفس الطريق قطعت التواصل😍 رجعت لصلاتها🫂 رجعت للقرآن🌼 وبدأت تصلح نفسها واحدة واحدة🤩 مكنتش بتقول "أنا بقيت أحسن من غيري" بالعكس، كانت كل ما تفتكر ضعفها تقول "يا رب متكلنيش لنفسي"

ومرت الشهور…

ومريم بقت شخص تاني مش لأنها عمرها ما غلطت… لكن لأنها عرفت ترجع وعرفت إن الإنسان ممكن يتعلق بحد ويظن إنه مش هيقدر يعيش من غيره، ثم يكتشف بعد ما يبعد إنه كان محتاج ربنا طول الوقت🥺🥺🥺 أما مصطفى؟ مريم بطلت تشغل نفسها هو عمل إيه وقال إيه وراح فين لأنها فهمت أخيرًا إن بعض الأشخاص بيكونوا درسًا… وليس نصيبًا😌👌🏻 وإن ربنا أحيانًا ينقذنا من شيء كنا نظنه خيرًا لنا وفي يوم، كانت مريم بتقرأ قرآن، وابتسمت وقالت "الحمد لله إني خسرت العلاقة… قبل ما أخسر نفسي أكتر"🌸 العبرة🌷 متستهونش بالبداية رسالة بسيطة ممكن تفتح بابًا كبير وكلمة "إحنا أصحاب بس" مش ضمان إن القلب مش هيتعلق ومتقولش "أنا مسيطر على نفسي" لأن الفتنة مش دايمًا بتيجي مرة واحدة… أحيانًا بتدخل حياتك في صورة رسالة عادية جدًا ف اقفل الباب من أوله ولو وقعت قبل كده متقولش انتهيت لأ باب التوبة مفتوح وربنا أرحم بيك من نفسك والله المستعان يا صحبة ، متنساش تصل علي النبي ﷺ🌚

✍🏻 تأليف أُمَّةٌ تَسْعَىٰ

# روايات أُمَّةٌ تَسْعَىٰ لعل كلمةً توقظ قلبًا

أتمنى لما نغلط أو نعمل ذنب ما نجاهرش بيه أو ننشره، لأن المجاهرة بالمعصية أمر خطير فعلًا. قال النبي صلّى الله عليه وسلم: "كل أمتي معافى إلا المجاهرين". ربنا يسترنا جميعًا ويصلح قلوبنا ويهدينا لما يحب ويرضى.

طب نقنع الناس ازاي؟ مش دورنا والله اللي علينا هو التبيين والإيضاح والتلبيغ فقط، إنما نقنع ولا دي مش بتاعتنا ﴿إنك لا تهدي من أحببت﴾

وردكم يا رفاق 🤍

-🦋👑 « عَلَى المَرأَةِ الصَّالِحَةِ أَنْ تَكُونَ دَاعِيَةً فِي بَيتِهَا وَبَينَ صَوَاحِبِهَا، تُعَلِّمُ الجَاهِلَةَ، وَتُذَكِّرُ الغَافِلَةَ، وَتَأخُذُ بِيَدِ أُختِهَا إِلَى طَرِيقِ الهُدَى ». - العَلَّامَةُ ابْنُ بَازٍ رَحِمَهُ اللّٰـهُ. -

أذكاركم حصنكم يا شباب👀

👀

موضوعنا الليلة إن شاء الله عن الناس اللي بتتعامل ببرود..😁

السلام عليكم حبايبنا عايزين حبايبنا نخلى بالنا من كتابة الاسترجاع لأنها آية من القرآن ولازم نكتبها صح(إنا لله و إنا إليه راجعون) كتير مننا بيغلط وبيكتبها (إن لله و إن إليه راجعون)