وَمَا تَوْفِيقِي إِلاَّ بِاللَّهِ 🕊️🤎
Відкрити в Telegram
أهلاً بكم في قناة وما توفيقي إلا بالله دروس • مواعظ • خواطر إيمانية •نسعى لنصل وبالله التوفيق🌿 قناة (وَمَا تَوْفِيقِي إِلاَّ بِاللَّهِ )واتس: https://whatsapp.com/channel/0029Vb87ZqD2phHGBt2BAT1R ❀ أَمَّـةٌ تَـسْـعَـىٰ ❀💗
Показати більшеКраїна не вказанаКатегорія не вказана
215
Підписники
+124 години
-37 днів
+330 днів
Архів дописів
مرة سألت شخص:
— إنت كويس؟
ابتسم وقال:
— الحمد لله
ومشيت🍂
بعدها فهمت إن الإنسان ممكن يكون عنده ألف حاجة تعباه، ومع ذلك يظل لسانه عامرًا بـ الحمد لله مش لأنه بينكر وجعه، لكن لأنه عارف إن فضل ربنا أكبر من كل شيءفمش كل مبتسم حياته سهلة، ومش كل ساكت مفيش في قلبه كلام… لكن أجمل ما في بعض القلوب إنها مهما أثقلها التعب، تفضل تقول
الحمد لله على كل حال، والحمد لله دائمًا وأبدًا🤍#سـلـسـلـة | ˚₊‧୨୧ الـحـاجـات الـلـي بـتـحـصـل جـواك ومـحـدش شـايـفـهـا 🥀
✍🏻أَمَّـةٌ تَـسْـعَـىٰ ♡˚𐙚
في مرة سألت شخص:
"إنت كويس؟"
ابتسم وقال: "اه، الحمد لله"
وخلص الكلام عند كده
بس بعد فترة عرفت إن الجملة دي كانت اختصار لحاجات كتير جدًا مكنش قادر يحكيها، وإن "الحمد لله" أحيانًا مش معناها إن كل شيء بخير، قد ما هي معناها:
"أنا تعبان، بس لسه بحاول أكون راضي"ومن يومها بقيت مؤمنه إن مش كل شخص ساكت مرتاح، ومش كل شخص بيضحك سعيد، ومش كل شخص بيقول "أنا بخير" فعلًا بخير❤️🩹 فارفُقوا ببعض… إحنا مش عارفين كل واحد بيحارب إيه في صمت والله المستعان ... #سـلـسـلـة | ˚₊‧୨୧ الـحـاجـات الـلـي بـتـحـصـل جـواك ومـحـدش شـايـفـهـا 🥀
✍🏻أَمَّـةٌ تَـسْـعَـىٰ ♡˚𐙚
مش كل حاجة جواك لازم الناس تعرفها… بس مين قال إنك لازم تفضل ساكت عنها حتى قدام نفسك؟في يوم من الأيام ممكن تكتشف إنك بقيت شخص تاني… الحاجة اللي كانت بتفرحك زمان، مبقتش تفرق الكلام اللي كنت بتتحمس تحكيه، بقيت تبلعه والناس اللي كنت بتحب وجودها، بقيت محتاج تبعد عنها شوية… من غير ما يكونوا عملوا حاجة وتفضل طول اليوم تقول "أنا عادي"
بس أنت مش عادي أنت بس اتعودت تخبي اتعودت ترد على "مالك؟" بـ "مفيش" اتعودت تضحك في الوقت اللي نفسك فيه تسكت اتعودت تكمل يومك حتى وإنت مش قادر واتعودت تدي كل اللي حواليك طاقة واهتمام… وتيجي في آخر اليوم تلاقي نفسك فاضي من جواك وفي مرة تلاقي نفسك بتصلي، وبعد ما تخلص… تفضل قاعد مكانك شوية مش عايز حاجة معينة مش لاقي كلام تقوله بس جواك حاجة بتقول "يا رب… أنا تعبت"🥺 ومحدش كان عارف إن الدعاء ده طلع بعد أيام طويلة من السكوت وفي موقف تاني… تبقى مستني حاجة من ربنا بكل قلبك وتحسب الأيام، وتدعي، وتقول أكيد قربت وبعدين تحصل حاجة عكس اللي كنت تتمناه تمامًا فتسكت.... مش لأنك مش زعلان… لكن لأنك بتحاول تتعلم إن مش كل حاجة بنحبها تبقى خير لينا وفي لحظة كمان، ممكن تبص لنفسك وتكتشف إن أكبر معركة كنت بتخوضها طول الوقت…
كانت جواك أنتمع خوفك ، مع ضعفك ،مع تعلقك ، مع أفكارك ، مع النسخة القديمة منك اللي بتحاول تسيبها وتمشي
والأغرب؟ إن الناس كلها شايفاك ماشي كويس جدًا ولا حد عارف إنك كل شوية بتقول لنفسك "أنا هثبت المرة دي" فتقع… وتقوم تقع… وتقوملحد ما تفهم إن الثبات مش إنك عمرك ما تقع… الثبات إنك كل مرة تعرف طريق الرجوع وعشان كده بدأت السلسلة دي…
"حاجات بتحصل جوانا… ومحدش عارفها"مش هنتكلم فيها عن اللي الناس شايفاه هنقرب أكتر… للحظة اللي بتقعد فيها لوحدك بعد يوم طويل للدعوة اللي بتخبيها في قلبك ، للخوف اللي عمرك ما قلته ، للتعلق اللي بتحاول تتخلص منه ، للحاجة اللي نفسك تصلحها في نفسك ومش عارف تبدأ منين ، وللصوت اللي جواك وبيتكلم طول الوقت… ومحدش سامعه غيرك وربنا يمكن كل بوست هنا يلمس حاجة جواك أنت نفسك مكنتش عارف تسميها ويمكن تكتشف إن في حاجات كنت فاكرها نهاية… وهي في الحقيقة بداية
فـ نبدأ… مش عشان نفتش في أوجاعنا ونقف عندها، لكن عشان نفهمها، ونتعامل معاها صح، ونرجع كل مرة لربنا دي أول خطوة… في رحلة جوّا الإنسان محدش بيشوفها والله المستعان يا صحبة 🤍🤍🤍🤍🤍🤍🤍🤍🤍🤍🤍🤍🤍🤍🦋""".
كل كلامنا عن الأكل وبس لو فاكرين إن الأخ بيطلب حاجه غير مصلحته لا الموضوع غير كده خالص😂❤️
بهزر طبعا ده أحلي وأجمل حاجه في حياتي عمل معايا كتير اوي ربنا يحفظك وييسرلك أمرك إن شاء الله يا حبيبي 🫂💗
كل كلامنا عن الأكل وبس لو فاكرين إن الأخ بيطلب حاجه غير مصلحته 😂❤️
بهزر طبعا ده أحلي وأجمل حاجه في حياتي عما معايا كتير اوي ربنا يحفظك وييسرلك أمرك إن شاء الله يا حبيبي 🫂💗
🎀 الــنهايــة 🎀
🙎🏻♀️ إنت فين؟ بقالك فترة بتتغير عليا… أنا عملتلك إيه؟
🙎🏻♂️مفيش حاجة، بس كده أحسن لينا
🙎🏻♀️أحسن إزاي؟ مش إنت اللي كنت بتقولي «أنا معاكي» و«اعتبريني أخوكي»؟
🙎🏻♂️كنت بقولك اللي تحبي تسمعيه عشان تهدي وخلاص
🙎🏻♀️يعني إيه؟! كل كلامك كان تمثيل؟
🙎🏻♂️بصراحة؟ آه إنتي صدقتي بسرعة وأنا كنت بتسلى بالكلام
🙎🏻♀️طب والصور والكلام اللي بينا؟
🙎🏻♂️خلاص بقى، متكبريش الموضوع أنا مش ناقص وجع دماغ
🙎🏻♀️ إنت ضحكت عليا!
🙎🏻♂️ سميها زي ما تسميها، بس متبعتليش تاني
🙎🏻♀️طب استنى… بس نتكلم آخر مرة
🙎🏻♂️مفيش كلام كفاااااايييه
وبعدها عملها بلوك🙂
فضلت واقفة قدام الشاشة، مش مصدقة إن الشخص اللي كانت شايفاه «أمان» كان أصلا بيستغل ثقتها وتعلقها
وده هو الخذلان الحقيقي… إنك تكتشفي متأخر إن الشخص اللي كنتي بتجري عليه وقت ضعفك، كان أصلا بيستغل ضعفك اتمني تكون وصلت واللـه المسـتعــان 🌸💗
صلاة الفجرِ نورٌ للروح وسكينةٌ للقلب،
﴿ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا ﴾
اللهم اجعل هذا الفجر بداية تُفرَج فيها الكروب، وتُكتَب لنا فيه الأقدار الجميلة، وتغمرنا برضاك ولطفك وطمأنينتك
صلاة الفجر اثابنا واثابكم الله 🤎🤎
اخر بارت هنزله لما اشوف تفاعل عشان كده كتير فين التفاااعل 🙄 + معلومة بسيطة الرواية للتوعية " تأليفي"
🙎🏻♂️أخبارك؟ طمنيني عليكي، وأمورك إيه؟
🙎🏻♀️الحمد لله، بس الحقيقة أنا تعبانة جدًا ونفسيتي وحشة أوي… حاسة إني محتاجاك تكون جمبي
🙎🏻♂️أنا موجود، اهدي ومتقلقيش اعتبريني شخص تقدري تتكلمي معاه وقت ما تكوني مضغوطة
( اعتبريه شات جي بي تي يا حبيبتي 🥲)
🙎🏻♀️وجودك وكلامك بيفرق معايا مش عارفه من غيرك كنت عملت اي
🙎🏻♂️خلاص بقي انسي اي حاجه طول ما انا معاكي متقلقيش المهم اعتبريني اخوكي وابوكي
( العيله كلها 🙂)
🙎🏻♀️حاضر , بصراحه مش عاجبني الشات تعالي نخرج ونقعد ونتكلم عشان بجد مخنوقه اوي
(انا بكتب وانا علي أخري والله☹️)
🙎🏻♂️خلاص ماشي هظبط كده وهقولك
🙎🏻♀️مستنياك
🎀 الــيوم التــاني🎀
🙎🏻♂️اي يا بنتي فينك طمنيني عليكي
🙎🏻♀️كويسه انت اخبارك اي
🙎🏻♂️انا كويس , بس بقولك اي اتبسطت اوي اليوم كان تحفه وشكلك كان حلو جداً
🙎🏻♀️بجد !!
🙎🏻♂️اه بجد , وعلي فكرة وحشاني جدا ينفع اشوفك
( اوعي تعملي كده اوعي😖)
🙎🏻♀️انا واثقه فيك جدا , وبعدين كان شكلي حلو عشان جمال عيونك
( يا سلاااام يا اختي 🔪)
هبعتلك عشان واثقه فيك (🥲)
🙎🏻♂️قمر يا حبيبتي بجد معرفش ازاي جوزك بيزعلك ليه بجد ( مع العلم ممكن يغلط في جوزها عادي وهي تغلط في مراته عادي جداً بالنسبالهم حسبي الله ونعم الوكيل❤️🩹 )
🙎🏻♀️أنا حاولت أبعد عنك كتير، بس كل مرة برجع لنفس النقطة… مش عارفة أخرج من اللي إحنا فيه
🙎🏻♂️عارف… وأنا كمان مش قادر أتجاهل مشاعري ناحيتك
🙎🏻♀️يعني إنت مش هتسيبني؟ انا مرتاحه معاك بجد تعبت من كتر المشاكل مع جوزي كل ما افكر ابعد مبقدرش بجد هيحصلي حاجه 😭
( بتعملي اي يعني تعلي صوتك علي جوزك وفي الآخر تعيطي لواحد متعرفوش اصلا 🤦🏻♀️)
🙎🏻♂️مش هسيبك لوحدك، بس لازم نبقى عارفين إن الطريق اللي إحنا ماشيين فيه غلط، ومش هينفع نفضل نكذب على نفسنا بس مش عارف اعمل اي!!
( ابعد سهله اهي بلوك بلوك بلوك 😑)
🙎🏻♀️أنا بس كنت محتاجة أسمع منك إنك لسه متمسك بيا
🙎🏻♂️متمسك بيكي، ومش هتكوني بالنسبة لي مجرد فترة وعدت لكن لو فعلًا في مشاعر بينا، لازم نفكر إزاي نخرج من الغلط بدل ما نغرق فيه أكتر
( شوفوا الشيطان بيزين الموضوع إزاي 🙆🏻♀️)
🙎🏻♀️يعني هتفضل موجود
🙎🏻♂️أيوه، مش هختفي فجأة ولا أسيبك انا حبيتك( حسبي الله🙄 ) بس لازم نوقف اللي بيأذينا ونحاول نصلح الوضع بالطريقة الصح
( هو الحرام فيه طريقة صح كمان يا حلاوة 🫠)
🙍🏻صاحبه: برضه مسؤوليتك تحط حدود. مش معنى إن حد فتح لك الباب إنك تدخله
🙎🏻♂️هو: عندك حق…
🙍🏻صاحبه: لو عارف إنه غلط وبيفتح باب فتنة، اقفل الباب من أوله، واستغفر ربنا، وحاول تصلح اللي بينك وبين زوجتك
🙎🏻♂️هو: فعلاً… أنا كنت شايفها مجرد كلام بس للاسف الموضوع بدأ يتطور بينا💔
🙍🏻صاحبه: مفيش حاجة اسمها «مجرد كلام» لما الكلام نفسه بدأ ياخدك لمكان ربنا نهاك عنه
> الخلاصة:
مش كل باب بيتفتح لازم ندخل منه، ومش كل فراغ نعالجه بشخص تاني
احفظ بيتك، واحفظ حدود ربنا قبل ما تخسر الاتنين والله المستعان
🙎🏻♂️هو: أنا متجوز، بس مش مرتاح في بيتي… وبقيت بتكلم مع واحدة تانية
🙍🏻صاحبه: وإنت شايف إن ده حل؟
🙎🏻♂️هو: إحنا بنتكلم بس، مفيش حاجة حصلت
🙍🏻صاحبه: «بنتكلم بس»؟ طب الكلام بدأ إزاي؟
🙎🏻♂️هو: رسالة، وبعدها فضفضة… وبقينا بنتكلم كتير
🙍🏻صاحبه: وبعد كده؟
🙎🏻♂️هو: معرفش… بس بقيت مستني كلامها وبحكيلها حاجات مش بحكيها لمراتي
🙍🏻صاحبه: أهو ده اللي بقولك عليه! الموضوع مش بيبدأ بخطوة كبيرة، بيبدأ بحاجة صغيرة وإنت كل مرة تقول: «عادي، دي مجرد رسالة»
🙎🏻♂️هو: بس أنا فعلًا متضايق من حياتي
🙍🏻صاحبه: طب صلح حياتك، متبنيش حياة جديدة على معصية لو عندك مشكلة مع زوجتك اتكلم معاها، ولو مش قادروا تحلوها لوحدكم، دخلوا حد عاقل يصلح بينكم
🙎🏻♂️هو: ولو هي اللي بدأت الكلام؟
حرية شخصية حرية شخصية تعبت من كتر ما بسمعها 🤦🏻♀️
طب لو هي حرية شخصية بتخرجي كده ليه؟ 🫠
اسمها شخصية يعني تخصك انتي، مش إن كل الناس لازم تتعامل مع نتائج اختياراتك
تحبوا تاخدوا الكلام على مزاجكم؟ خدنا حرية و شخصية لأ نوتي 🤭
طب هو ذنبه إيه يشوفك؟ هو أصلًا بيقولك أنا بحاول أجاهد نفسي وأغض بصري
هقولك انت محتاج تجاهد نفسك أكتر، ومتركزش على قد ما تقدر وأنا أصلًا محتاجة حل، يعني بعمل كل ده وبرضه بلاقي نفسي ببص
The view is amazing😳
هو بقى يعمل إيه؟
هقولك انت بتعمل ده كله لوجه الله، وكل مرة بتجاهد فيها نفسك وتغض بصرك، بإذن الله لك أجر على مجاهدتك
يا جماعة والله العظيم النصيحة والتوعية مش عشان إحنا هنستفاد حاجة
كل واحد فينا مسؤول عن نفسه، وانتي اللي هتتحاسبي عن اختيارك، وهو اللي هيتحاسب عن بصره
وعندي comment على البنت اللي قالت "كل واحد في حاله"
يا حبيبتي إحنا مش عايشين لوحدنا على الكوكب 🌚
ومش معنى إن كل واحد مسؤول عن نفسه إننا نلغي النصيحة والتوعية تمامًا
انا مش بتكلم عشان أهاجمك، ولا عشان أعمل نفسي أفضل منك، بالعكس، كلنا محتاجين النصيحة
بس لو واحدة عندها وجهة نظر مختلفة أو شايفة إن الكلام ده غلط، تقولنا بهدوء وتوضح وجهة نظرها… ممكن نفهم بعض أكتر
والله المستعان 💗💗
