Ahmad Ali Dilmurod

rahmat sizga

*** mendan tushuntirib berishni so'rashadi, (sen yonimdasan) mendan tushuntirib berishni so'rashadi, men aytaman - esimda yo'q! sen indamay turasan, jim turasan, sening esingda bormi, men bilmayman. ulardan boshqasi mendan tushuntirib berishni so'raydi, (qolganlari eshitib turibdi) men endi indamayman chunki esimda yo'q, men indamay turaman, onamning gapi esimga tushadi "ko'proq gapir" degan gapi. men baribir indamayman. men baribir ko'p gapirmadim. mening esimdan chiqib qoldi. sening esingda bormi, bilmayman, hozir qavs ochaman, (sen yonimda yo'qsan endi) qavs nega ochiladi o'zi? esimda yo'q... 2024 @ahmadali_writer

*** she'rlarga aldanib qolma agar u she'r yozishni bilsa. gullarga aldanib qolma, u hammaga gul beradi! "o, gul sotiladi-a?" aldanib qolma, gaplarga aldanib qolma u hammaga gapiradi u gapga usta tabassumiga aldanib qolma u kulishni biladi u inson kulishni biladi mehriga aldanib qolma "o, u mehribon!" u mehribon! u hammaga mehr beradi. u hammaga mehr beradi. sevgisiga aldanib qolma, muhabbatiga aldanib qolma "inson sevaveradi-da, nima qilsin boshqa" aldanib qolma... iloji bo'lsa, ishonma umuman. ishongan bo'lsang, endi aldanib qolma... sen esa she'r yozma boshqa, gul berma, joyingda o'tir. dunyo aybdor bo'lmasin, sen sevma, sen esa aldanib qolma. bilganingni qilinglar. she'r yozma, boshqa nima qiladi yana. aldanib qolma, nega ishonding. insonlar nima qiladi endi... bilganingni qilinglar. 2024 @ahmadali_writer

*** baxt pulda emas, baxt rangda emas, ko'k, sariq, qizil... tabassum qilasan, tabassum - naqadar go'zal, ajoyib go'zal! - menimcha, bu ajoyib! - menimcha esa bu dahshat... baxt tabassuming emas, axir - inson ba'zida och qoladi-ku! - menimcha, bu ajoyib! - menimcha esa bu dahshat... ketib yuborging keladi, ketging keladi, keladi, "hali ham ketmadingmi?" - menimcha, bu ajoyib! - menimcha esa bu dahshat... men seni izlamoqdaman, menga keraksan, senga gapim qolmadi. - menimcha, bu ajoyib! - menimcha esa bu dahshat... gapirishni kamaytirdim, gaplardan iqtibos qilishni to'xtatmoqchiman, birovni gapini gapirgim kelmayapti, borib-borib qaramay qo'ysam kerak. - menimcha, bu ajoyib! - menimcha esa bu dahshat... seni sevaman! - menimcha, bu ajoyib! - menimcha esa bu dahshat... baxt baribir, pulda emas. baxt rangda ham emas, qizil, sariq, yashil... 2024 @ahmadali_writer

kanalga yangi reaksiya qo’shildi ❤️

*** men senga har xil gaplar gapiraman - siyosat haqida, din haqida. osmon bulut bo'lsa, yomg'ir haqida tahmin qilishim mumkin, sen "yomg'ir yog'masa kerak" deysan men esa o'zimcha yana osmonga qarab bulut sanagan bo'laman. menga kimdir yoqmasa senga bu haqda ohista aytaman - sen oxiri bilib olasan uni yomon ko'rishimni. menga "maqtab qo'ymagin" deb shunday qilaman, biz keyin birga yomon ko'ramiz, yoki birga yaxshi ko'ramiz. yo'q, men zotan agar gaplaring asosli bo'lsa buni eshitishni xohlayman. lekin sen ortiqcha gapirmaysan, men bilan birga yomon ko'rasan yoki birga yaxshi ko'rasan. yo'q, sen bilan aslo urushishni xohlamayman, sen bilan doim yaxshi gaplashgim keladi. men senga mudom gapiraveraman... men senga doim gapiraman, senga doim gapiraman, senga har qanday mavzuda gapirgim keladi... yo'q, men gapiraman senga! men senga nuqul gapiraman - meni yaxshi ko'rishingni xohlasam kerak. meni yaxshi ko'rishingni xohlasam kerak. ammo, senga bu haqda aytmaganman. 2024 @ahmadali_writer

*** inson ber menga! inson ber! yo'q, insonni yaxshi ko'rsa bo'ladi tushunsa bo'ladi insonni eshitsa bo'ladi ko'zlariga qarasa bo'ladi yonida o'tirsa bo'ladi yo'q, yonida jim o'tirsa bo'ladi unga savol bermasa ham bo'ladi - inson bilmaslikka haqqi bor! sen ham bilmaysan, sen axir uning yonida o'tiribsan-ku yo'q, insonni quchoqlasa bo'ladi bag'ringga bosib uning isini sezsa bo'ladi inson ber menga, inson ber, dedim inson ber menga! uning jim turishiga qarab tursa bo'ladi uning tabassumiga bekorchi narsalarga xaholab kulishini qara! oh inson, inson ber menga! men inson bilan birga kulmoqchiman insonga hazillarim bor insondan hazil eshitmoqchiman insonning hotirjamligini qara topgan pulini yoqib isinib o'tirishini qara! inson ber menga, tog'dan olov otilsa men u bilan hotirjam qolmoqchiman hotirjam o'tirmoqchiman inson ber menga! ko'zining nuri ketadigan inson qo'l-oyog'i sinadigan inson boshi yoriladigan inson zirapcha kiradigan inson esidan chiqib qolib onasining tug'ilgan kunini eslaydigan inson inson ber menga! yer chopadigan piyoda yuradigan buzilgan narsalarni tuzatadigan inson gapirishni o'ylaydigan inson gapirishdan qo'rqib qolgan inson tili borligini unutgan inson gap o'rniga tabassum qiladigan inson inson ber menga faqat inson ber menga. 2024 @ahmadali_writer

yozishda davom eting, to’xtamang!

shuning uchun ijodkorni “maqtab” turish kerak… u yoshbola singari yaxshi gapga o’ch. hech yo’q uni “maqtab” turish kerak. bugun bir gap eshitsam shu menga bir hafta, bir oy, ba’zan bir yilga yetadi. u qanday gap bo’lmasin, ba’zan haqiqat bo’lmasin, kichik yaxshi gap ham ko’ngilga tog’dek ta’sir qiladi. qo’lingizdan kelsa ijodkorni “qo’llang…” u yoshbola singari yaxshi gapga “o’ch” bo’ladi. unga ko’p vaqtga yetadigan yaxshi gap gapiring…

#maktub "Maktub" — qalbga tutilgan ko'zgu! 70 kun, 10 nafar sevimli ijodkoringiz va yangi maktublar... Azizlar, xabaringiz bor "Maktub" loyihasini boshlagandik. Har shanba kuni qalamdan to‘kilib, hali siyohi qurishga ulgurmagan samimiy maktublarni sizga taqdim etib boramiz. O'qing va o'z munosabatingizni bildiring. Ikkinchi ishtirokchimiz: MohiRa Ijodiy o'zani: https://t.me/altruistning_qizi 👉 Maktubni shu yerda o'qing: https://literature.uz/article/begona-bayramlardan-maktub

*** sevgi faqat ikki kishiga kerakmi? nega hammani rozi qilging keladi... sevgi - ikki kishiga kerak! o, bu endi kurash bu endi jang hammadan so'rab chiq bitta-bitta ahmoqlar! sevgi - endi ikki kishiga kerak-ku, azizim! sevgi endi ikki kishiga kerak! nega hamma norozi bo'ladi? nega hamma o'z gapini aytadi sevgida? "sudyalar o'zi kim?"* "ota-onalar o'zi kim?" nega hamma manfaatini o'ylaydi... yo'q, bu oddiy she'r emas huddi sening sevgingga o'xshagan yo'q, yo'q bu oddiy she'r emas sening sevgingga o'xshagan mening she'rim boshqa mening sevgim boshqa "ota-onalar o'zi kim?" sevgi nechi kishiga kerak? dunyo sevgisiz qoldi-ku, azizim! dunyo sevgiga kerak bo'ldimi? yo'q, yo'q bu oddiy savollar emas sevgi nechi kishiga kerak? faqat ikki kishigami? sen va menga... yo'q, yo'q faqat bir kishi qoldi. 2024 (*aleksandr griboedov, gore ot uma) @ahmadali_writer

Telegram Ads orqali kanal reklamasi 1 mlnga yaqin ko’rildi. Bundan ko’proq marralarga erishaylik. Hammaga rahmat.

*** sen ketishni o'ylaysan kimdir she'r o'qiydi kimdir so'z yozadi sen esa ketishni o'ylaysan qayoqqa? qaniydi bilsang, bilsang allaqachon ketgan bo'larding, uzoq-uzoqqa... men doim rost gapirishni yaxshi ko'raman mana men senga aytyapman-ku azizim "men yana ketishni o'yladim" endi ketsam meni sendan so'rashadi endi ketsam meni sendan so'rashadi demak, men sen bilan ketmagan bo'laman demak, yana qaytib kelaman qachondir. 2024 @ahmadali_writer

*** shu yerda katta bo'lding, mana-mana shu yerda ko'z oldimda kuz oldimda qish oldimda shu yerda baxtli bo'lding, baxtsiz bo'lding, ko'z oldimda kuz oldimda qish oldimda "seni qayerda ko'rsam bo'ladi?" yillar-yillar yillar-yillar ko'z oldimda kuz oldimda ismingni aytmayman, ismingni chaqirmayman tabassum qilaman tabassum qilib chaqiraman ko'z oldimda kelmading kuz oldimda kelmading qish oldimda... yashab-yashab yashab-yashab vafot etasanmi ko'z oldimda vafot etamanmi ko'z oldimda baxtli bo'lding, mana-mana shu yerda. 2026 @ahmadali_writer

«baxt sukunatni yoqtiradi»

*** senga yomon gapirmasligim yomon gapim yo'q ekanidan emas xatolaringni aytmasligim xatolaring yo'q ekanidan emas so'zingni to'xtatmasligim gaplaring to'g'ri degani emas sen bilan urushmasligim urushishni bilmasligimdan emas vaqting bor ekani senga vaqt berganimdan emas gapirmasligim murosa qilayotganimdan emas yaxshi ko'rishimdan. yaxshi ko'rishimdan. yaxshi ko'rishimdan. 2024 @ahmadali_writer

*** endi xabar yozmaydi senga. sen ham unga xabar yozmaysan. xabarlaring yetib bormaydi. keyin "o'ylaysan" xabaring yetib bordi. hech nima! - hech nima... "hech nima" bukchayib ketayotgan yuzida biroz tabassumi bor yo'li yo'q odamni ko'rdingmi? uning xabari yo'q. uning gapi bor. 2024 @ahmadali_writer

*** senda qolsam maylimi? osmon-osmon ko'cha-ko'cha inson-inson senda qolsam maylimi? quyoshga chiqmasam... senda qolsam maylimi? ovoz-ovoz inson-inson ko'cha-ko'cha senda qolsam maylimi? men qaytib ko'rmaymanmi ularni? men ko'rmaymanmi ularni? men qaytmaymanmi ularni? senda qolsam maylimi? men so'rayotirman, men so'rayapman, men "sendan" so'rayapman... senda qolsam maylimi? yuragim bor surilsang, yuragim bor suyansang men baribir so'rayotirman senda qolsam maylimi? quyoshga chiqmasam... 2026 @ahmadali_writer

*** mening jimligim... mening jimligimni bilmasligingni xohlardim. men doim nimadir deyman-ku, axir! hazil qilishim mumkin, "ha, yo'g'e" deyishim mumkin, hech bo'lmasa qisqa gapirib qo'yishim mumkin. nega mening jimligimni sezmoqdasan? men qariyapmanmi? qariganlar kam gapiradimi? men yana senga jimman... "sen baqirib yuborma" men qo'rqaman, gap aytishdan qo'rqaman, endi nimadir deyishdan qo'rqaman, jimligimni sezishingdan qo'rqaman. qariganlar qo'rqoq bo'lib qoladimi? nega mendan gap olmoqchi bo'lasan, menda gap bor, menda gap bor, ammo, jimligim gapim yo'q ekanidan emas. men qariyapmanmi? 2024 @ahmadali_writer

*** oddiy odam oddiy odam oddiy odam esimdan chiqib ketsa kerak nimadan boshlashni bilmaysan esimdan chiqib ketsa kerak. sen endi kulmaysan g'am ham chekmaysan sen yo'lga qarab - insonlarga, qizlarga, yigitlarga, hayvonlarga, osmonga ketasan, esimdan chiqib ketsa kerak. sevgi o'zi nima? sen nimasan? oddiy savol, oddiy savol, oddiy savol, esimdan chiqib ketsa kerak. taassufki, esimdan chiqib ketsa kerak. darvoqe, esimdan chiqib ketsa kerak, jin ursin, afsuski, esimdan chiqib ketsa kerak. onam bormi meni? nega isyon qilaverasan? qachon? nima qachon? esimdan chiqib ketsa kerak. munosabatlarda aldama o'zing bilan o'zing gaplashma uzun narsa yozma esimdan chiqib ketsa kerak. qahva icha turib qahvadoshingni unutib qo'yma unga qarab tur unga qarab tur unga qarab tur esimdan chiqib ketsa kerak. meni kim sevadi? farq qani? bor bo'lgan farq? sen so'rayverma, sen jim qarab ket - yo'lga, hayvonlarga, esimdan chiqib ketsa kerak. men endi faqat yig'lasam kerak, sendagi hissiyot - mana-mana esimdan chiqmoqda bilmasam esimdan chiqib ketsa kerak. 2024 @ahmadali_writer