نِـبراسُ طالِـبِ الطِـب

Histo hémato

Cour 4

Cour 3

Cour 2

Cour 1

Histo cardiaque

Cour 4

Cour 3

Cour 2

Cour 1

Histo respiratoire

ذك نطلقلكم الملخصات لي درتهم في الإيسطو تع الكارديو

ذك نجاوب على سؤال آخر كيفاش نقرا في هاذ للمدة القصيرة شوفو جماعة أول حاجة ليزينتي مراهمش كيما تشوفيهم أول مرة رانا قرينا منهم لشتا شوي بصح قرينا منهم وعندنا نظرة عليهم وعلى مصطلحاتهم سما مستحيل نحكمو في الكور ثلاث ساعات كيما كنا نديرو من قبل كيفاش تقراو؟ إيسطو خدمتلكم ملخصات تع زوج وحدات ديجاستيف وكارديو الله غالب مكفانيش نخدم كلش بصح ذك نكلف واحد يخدملي إذا حب طبعا أقراو منهم ومتخافوش ومتحيروش رواحكم أنا نقرا منهم ومع الجيميني نفهم مليح ونحفظ ونحل كوسيام ونروح للوخر هاذ الطريقة خلاتني نقرا فايت 6 دروس في النهار فيزيو ثاني مش واعرة بزاف من الجيميني برك وحاولو تشوفو هاذوك الفيديوهات القصيرة نحس مجيش فيها ملخصات لأنو لازم تفهموها مليح +كوسيام مهمين جدااا أناطو تحتاج ثاني ملخصات أنا ننصحكم تقراوها من لينوت تع هبة يكفيو ويوفيو بيوشيمي درت تع الديجاستيف ملخصات وتع الإيرينار مدرتش ثاني نشوف واحد يدير

وتبقى هاذي حالة عامة طبعا مش تبعو هدرتي ومبعدا تحصلوها فيا راكم كبار وكل واحد يعرف صلاحو ويعرف وش خاصو وش مخاصوش

ذك نجيو لسؤال بزاااف يوصلني وشمن إينيتي نخير وشحال من وحدة نخير كاين معاااير باش تخير ليزينيتي أولا لي يخصو من0إلى5 نقاط خير غير وحدة ركز عليها مليييح ملييح خير أقل وحدة مديتش فيها مليح وكذلك راعي السهولة تاعها مثلا مش تقولي أقل وحدة النورو وتروح تقراها لالا وكذلك إذا حارتلك كامل بين زوج شوف ويناهي لي راك قاريها من قبل كثر تسهال عليك ثانيا لي خصو مابين 5 إلى 10 نقاط عندك خيارين يا تخير إينيتي وحدة وتكون قاريها مليح وضامنها بشرط تدي فيها +15 إذا محبيتش تريسكي وأنا ننصحكم أنو متريسكيوش وتروحو بوحدة برك أقرا زوج لي مدي فيهم أقل علامة ويكونو ساهلين وأقراهم قيس 10 ولا13 برك وذك نمدلكم كيفاش تقراوها لي خصو مابين 10 إلى 15 هنا لازم عليك تقرا زوج وتقراهم مليح بحيث تطلع فوق 13 فيهم في زوج كيف كيف اقرا لي مدي فيهم أقل علامة وكذلك ذك نمدلكم كيفاش تقراو في هذا الوقت القصير لي خصو مابين 15 إلى 20 هنا عندك خيارين ياتقرا وحدتين بشرط تقراهم كامل متسكيبي فيهم والو ولا تقرا ثلاث وحدات وتسكيبي فيهم أناطومي لأنو إذا قريت وحدتين لازم تدي فيهم فوق 15 وإذا قريت ثلاث وحدات لازم تدي فيهم فوق 12 في ثلاثة لي خصو فوق20 أقاراو ثلاث وحدات أقتلو رواحكم هاذ اليامات لازم ثلاث وحدات هاذوك تكردوووهم بيهم بالكسيامات تاعهم خيرو الساهلين ديجاستيف وإيرينار وأندو ولا كارديو

Unité 5:neuro منكذبش عليكم ونطيحكم على راسكم ونقوللكم أقراوها نورو لازملها الوقت ولازملها الجهد صح هي بزااااف هايلة خاصة الفيزيو تع رمضاني بصح راهي بزااااف طويلة مقارنة بليزينيتي لوخرين أنا ننصح أي واحد ميدخلش فيها غير لاكانت عندو نوت إليميناتوار يقرا قيس مايطلع نوت إليميناتوار برك

Unité 4:endo من أفضل الوحدات وأسهلها وأمتعها ساااهلة سااااهلة بزااااف انا طلعتها الحمد لله مالڨري مقريتش بزاف لينوت تع هبة أناطو++++++ والفيزيو والإيسطو تاعها ثاني بزاااف ساهلين بيوشيمي طويلة شوييي بصح حتى هي ساهلة وشنو لازملها حفيظة إذا كنت من النوع اللي ثمثم تهز ننصحك تدخل فيها وإذا لالا غير مكلاه لأنو تتنسا

Unité 3: urinaire إيرينار أقصر وحدة بصح أسمطها منحبهاش إذا دخلت فيها دير في بالك لازم تركز مليح في الايسطو والفيزيو تاعها شوي صعيبة والبيوشيمي ساهلة خلاص مام أناطو ساهلة وفيها لينوت تع هبة لي معول عليها يقراها كاملة تدي فيها 16 كي والو

Unité 2: digestif ديجاستيف من أبسط الوحدات وأسهلها وأمتعها ثاني كيفها كيف الكارديو إذا حبيت تقراوها أقراو ايسطو بيوسشمي وفيزيو وأناطو فيها شوي لينوت تع هبة بصح مننصحش الا إذا كنت معول عليها وحدها أبدا بالفيزيو والايسطو والبيوشيمي مبعدا أقراها هي اللخرة

Unité 1:cardio لي عندو نوت إليميناتوار أنا ننصحو يقراها علجال لانوت وعلاجال باش يعوض بها نقاط هنا دينا عليها نظرة تع صعيبة وطويلة وهي صدقوني كيفها كيف لوخرين بل تلقاوها أسهل من بعض الوحدات وش نقرا فيها؟ أنا ننصحكم تقراو إيسطو وفيزيو بيوفيزيك اذا كفاكم الوقت نعم وإذا لالا قالك بلقط حنعاود ليكوسيام وعلاش منقراش أناطو؟ أولا أناطو تدي بزاااااااااف الوقت بزاااف وزيد مش مضمونة لأنو الكور وحدو ميكفيش لازم لينوت ولينوت تع هبة في هاذ الإينيتي مكاش سما تروح تقرا موديل طويل وزيد مش مضمون لا أنصح أبدا واللي راهو معول غير عليها يقرا كلش فيها