Akademik litsey

Mehnatga layoqatsizlik varaqalarini berish tartibi to‘g‘risidagi yo‘riqnomaga o‘zgartirish va qo‘shimchalar kiritildi.

Mehnatga layoqatsizlik varaqalari va mehnatga layoqatsizlik maʻlumotnomalari Sogʻliqni saqlash vazirligining Yagona tibbiy axborot tizimida rasmiylashtiriladi.

Fuqaro mehnatga layoqatsizlik varaqasini yoki mehnatga layoqatsizlik maʻlumotnomasini Oʻzbekiston Respublikasi Yagona interaktiv davlat xizmatlari portalidagi shaxsiy kabineti orqali yuklab olish imkoniyatiga ega.

Voyaga yetmagan shaxslarga beriladigan mehnatga layoqatsizlik varaqasi yoki mehnatga layoqatsizlik maʻlumotnomasi rasmiylashtirilgan kunning oʻzida davolash-profilaktika muassasalari tomonidan ushbu shaxslarga yoki ota-onasi yoxud oilasining boshqa a’zolaridan biriga hamda o‘qish (ish) joyiga beriladi.

Mehnatga layoqatsizlik varaqalari va mehnatga layoqatsizlik maʻlumotnomalari pasport yoki ID-karta, tug‘ilganlik guvohnomasi (voyaga yetmagan shaxslar uchun) asosida qisqartirishlarsiz rasmiylashtiriladi.

@litseyhujjat

Aziz ustozlar! Sizlarning sabr-toqatingiz, mehr va bilimlaringiz biz uchun bebaho.

Kanalimiz jamoasi barcha ustoz va murabbiylarni 1-oktyabr “O‘qituvchi va murabbiylar kuni” bilan muborakbod etadi!

Barchangizga sihat-salomatlik, oilangizga farovonlik, kasbiy faoliyatingizda ulkan zafarlar tilaymiz. @litseyhujjat

Qonunchilikka ko'ra: Akademik litsey o‘quvchilari quyidagi holatlarda o'qishdan chetlashtirilishi mumkin: a) o‘quv yili davomida: - doimiy yashash uchun boshqa hududga yoki mamlakatga chiqib ketganda; - sudning hukmi bilan ozodlikdan mahrum etilganda; - salomatligi tufayli (tibbiy komissiya ma’lumotnomasi asosida) akademik ta’til olganda; - vafot etganligi sabablari bo‘yicha; b) o‘quv semestri yakunida: - o‘qishi boshqa akademik litseyga ko‘chirilishi munosabati bilan; - o‘quvchining, uning ota-onasi yoxud ularning o‘rnini bosuvchi shaxslarning tashabbuslariga ko‘ra o‘z arizasiga muvofiq;

o‘quvchi tomonidan o‘quv dasturi va rejasi talablari bajarilmaganda (semestr yakuni bo‘yicha ikki yoki undan ortiq fanni “qoniqarsiz” bahoga o‘zlashtirgan, uzrli sabablarsiz 76 soat va undan ortiq dars mashg‘ulotlarini qoldirgan) yoki akademik litseyning ichki tartib-qoidalarini qo‘pol ravishda buzish sabablari bo‘yicha akademik litsey pedagogik kengashining qaroriga muvofiq.

@litseyhujjat

#Eʼtirof Ta’lim sohasi fidoyilarining bir guruhi mukofotlandi Bugun, 11-sentabr kuni yaqinlashib kelayotgan O‘qituvchi va murabbiylar kuni munosabati bilan O‘zbekiston Respublikasi Prezidentining farmoni imzolandi. Unga ko‘ra, ta’lim-tarbiya tizimida fidoyilik bilan mehnat qilayotgan bir guruh pedagog va mutaxassislar davlat mukofotlari bilan taqdirlandi. Ular orasida oliy, kasbiy va o‘rta maxsus ta’lim tizimida tizimida faoliyat yuritayotgan professor-o‘qituvchilar ham bor. Jumladan:

🏅“Mehnat shuhrati” ordeni bilan

Abdullayev Mahmudjon Muhamedovich — Toshkent davlat texnika universiteti Mexatronika va robototexnika kafedrasi professori; Suvanov Omon — Guliston davlat universiteti Pedagogika va psixologiya kafedrasi katta o‘qituvchisi.

🏅 II darajali “Sog‘lom avlod uchun” ordeni bilan

Abdullayev Shavkat Vohidovich — Namangan davlat universiteti Kimyo kafedrasi professori; Kasimov Fayzulla Muhamadovich — Buxoro davlat pedagogika instituti boshlang‘ich ta’lim kafedrasi professori; Umaraliyeva Mamuraxon Toshxo‘jayevna — Toshkent farmatsevtika instituti akademik litseyi biologiya fani o‘qituvchisi.

🏅 “Do‘stlik” ordeni bilan

Abdushukurov Anvar Kabirovich — O‘zbekiston Milliy universiteti Organik va neft-gaz kimyo kafedrasi professori; Sultonova Shahida Yo‘ldoshevna — Toshkent shahridagi Xalqaro Vestminster universiteti akademik litseyi ijrochi direktori; Shamusarov Sharustam Giyazovich — Toshkent davlat sharqshunoslik universiteti Arabshunoslik oliy maktabi professori.

🏅 “Shuhrat” medali bilan

Amanov Baxtiyor Xushbakovich — Chirchiq davlat pedagogika universiteti genetika va evolyutsion biologiya kafedrasi mudiri; Nasirova Shaira Narmuradovna — Navoiy davlat universiteti raqamli texnologiyalar kafedrasi professori; Tilayev Alisher Hasanovich — Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universitetining “International House – Tashkent” akademik litseyi direktori; Hamidov Hayrullo Ismoilovich — Navoiy davlat konchilik va texnologiyalar universiteti metallurgiya kafedrasi professori; Yavidov Bahram Yangiboyevich — Nukus davlat pedagogika instituti fizika o‘qitish metodikasi kafedrasi professori.

Bizni kuzating

Facebook | Instagram | YouTube | Telegram

Oliy ta’lim, fan va innovatsiyalar vazirining tegishli buyrug‘i bilan oliy taʼlim tashkilotlari va akademik litseylarda yangi 2025/2026-oʻquv yilini boshlash sanalari tasdiqlandi.

@litseyhujjat

⚡️Yangi o‘quv yili akademik litsey o‘quvchilari uchun 3-sentyabrdan boshlanadi. Oliy ta’lim, fan va innovatsiyalar vazirining tegishli buyrug‘i bilan oliy taʼlim tashkilotlari va akademik litseylarda yangi 2025/2026-oʻquv yilini boshlash sanalari tasdiqlandi. Unga ko‘ra:

🔸akademik litseylarning barcha bosqich o‘quvchilari uchun dars jarayonlari 2025-yil 3-sentyabrdan boshlanadi.

@litseyhujjat

⚡️Ta’lim tashkilotlarida ta’lim sifatini ta’minlash bo‘limlari tashkil etiladi Hukumat qarori (498-son, 06.08.2025-y.) bilan ta’lim tashkilotlari tarkibida ularning belgilangan shtatlari doirasida ta’lim sifatini ta’minlash bo‘limlari tashkil etilishi belgilandi. Bunda: oliy ta’lim tashkilotlarining ta’lim sifatini ta’minlash bo‘limlari kamida 3 nafar (oylik ish haqi dekan lavozimiga tenglashtirilgan bo‘lim boshlig‘i va dekan o‘rinbosari lavozimiga tenglashtirilgan 2 nafar bosh mutaxassis) xodimdan, o‘rta maxsus va kasbiy ta’lim tashkilotlarining ta’lim sifatini ta’minlash bo‘limi (oylik ish haqi direktor o‘rinbosari lavozimiga tenglashtirilgan bosh mutaxassis) 1 nafar xodimdan iborat bo‘ladi; bo‘lim (mutaxassis)ga ta’lim tashkilotining kadrlar tayyorlash sifatini ta’minlash bo‘yicha ichki baholashni tashkil etish, ta’lim tashkilotini davlat akkreditatsiyasidan o‘tkazishga tayyorlash, ta’lim sifatini doimiy monitoring qilib borish orqali unga ta’sir etuvchi omillar to‘g‘risidagi ma’lumotlarni ta’lim tashkiloti rahbariga hamda Taʼlim sifatini taʼminlash milliy agentligiga taqdim etib borish vazifalari yuklatiladi. @litseyhujjat

Ўрта махсус ва касбий таълим ташкилотлари ходимлари меҳнатига ҳақ тўлашнинг такомиллаштирилган тизими жорий этилади‼️ @litseyhujjat