اِطــــْمــــِئْنــــان _ Etminan ♥️🪐

نصيحه ‏في يوم عرفة لا تطلب طلب عادي، اطلب طلب فاخر ، نقلة في حياتك ، اطلب معجزة .. سِهام عرفة بإذن الله صائبة. ♥️

♥️

ومهما كنت في خيرٍ فإني والله مفتقرًا للخير الذي تسوقه إليّ! ربّ إنّي لِما أنزلتَ إليَّ من خيرٍ فَقير :))🥺♥️

مفيش كلام يوصف الراحة اللي بتحسها بعد صلاة الفجر وانت قاعد ف هدوء والناس كلها نايمة♥️

@Etminan2026_bot السلام عليكم ورحمه الله وبركاته ابعتوا هنا علي البوت اى رسائل.... مش هرد علي الخاص ♥️ واللي كانت عايزه أدمن معايا تبعت تاني علي البوت ربنا يحبكم يا ربّ ♥️

إزيك؟ من باب إدخال الطمأنينة والراحة على قلبك وعقلك، أنا جاي أقول لك ما تهلكش عقلك في التفكير في كيفية تدبير الأمور، لأن انت ما لكش من الأمر أي شيء، أمر الله نافِذ، وما شاء الله كان، وما لم يشأ لم ولن يكن. ما يريده الله يكن، مهما قاومت، ومهما كانت الأحوال والظروف، ومهما حدث.. مهما حدث حرفيًا! إرادة الله فوق كل شيء وأي شيء.. وبالنسبة لإزاي وإمتى فدي أمور يختص بها ربنا سبحانه وتعالى.. كل حاجة هتحصل في وقتها المناسب بالثانية، فاصبر، وسلّمها لله، وما تحسبلهاش، لأن ربنا دايمًا حساباته أجمل.♥️

مش كل حاجة وحشاك ينفع تروحلها ، في حاجات كانت نهايتها رحمة !♥️

الجيل ده بقى عبقري في إخفاء ذنوبه. متصفح خفي، حسابات وهمية، سجل مشاهدة مقفول، صور بتختفي، رسائل بتتمسح تلقائي، لكن محدش عرف يخترع "وضع خفي" يستخبى فيه من نظر ربنا. ودي الحقيقة اللي ناس كتير هربانة منها: إنت ممكن تخدع أهلك. أصحابك. صورتك قدام الناس. لكن عمرك ما هتعرف تخدع رب السماء. والمشكلة مش بس في الذنب .. المشكلة إن كثرة الخلوات دي بتعمل حاجة مرعبة: بتقتل هيبة ربنا في القلب بالتدريج. لحد ما المعصية تبقى "روتين". ولحد ما قلبك يبقى بارد وهو بيعصي. فوق .. فوق قبل ما قلبك يموت تمامًا. واعرف إن أعظم نعمة بعد الذنب .. إن ربنا يرزقك توبة صادقة قبل ما تقابله بالملفات دي كلها مفتوحة.❤️‍🩹

من النِعَم التي تستوجب الشكر عند النساء في هذا الزمن تحديدًا هي: حُب الستر. إن ربنا يجعل الستر سهل عليكِ، مُحَبب لقلبك.. إنك متكونيش محتاجة حد يقولك البسي ده ومتلبسيش ده لإن أنتِ حريصة علىٰ ستر نفسك من نفسك. إنك تكوني حريصة علىٰ إخفاء زينتك وميظرهش منك شيء، إن لبسك يكون واسع فضفاض، وإن ميبقاش في لبسك شيء مُلفت يلفت النظر إليكِ، نِعمة عظيمة حظيت مَن رُزقت بها.♥️

♥️

Follow the فَإِنَّى قَرِيبٌ ♥️🌿 channel on WhatsApp: https://whatsapp.com/channel/0029VakCV8mL2ATyVKVSJQ36

«ما تركتَه للهِ، فلا تلتفتْ إليهِ لا بقلبِك ولا بعينِك». فإذا اتَّخذتَ قرارًا تُريدُ به إرضاءَ الله، فلا تُراجِعْه ولا تُرهِقْ نفسَك بالتفكيرِ فيه مرَّةً أخرى. وتذكَّر دائمًا: «مَن تركَ شيئًا لله، أبدلَه اللهُ خيرًا منه».♥️

إنك مأجورٌ على أحزان قلبك، على دموعك في خلوتك، حتى على ابتسامتك المزيفة التي ترسمها لأهلك كي لا يحزنوا لحزنك أتحسب أن الأجور كلها في ركعة تصليها أو صدقة تعطيها؟ كلا بل قد يكون أجرك في طول الانتظار، أو مرارة الفقد، أو قسوة الفراق، أو مشقة الحياة، أو شدة الكرب، أو سَريرِ المَرضِ، أو طول المعاناة أو غيرها.. فاحتسب همك عند ربك، واصبر وصابر فأنت مأجور. ♥️♥️♥️

كلٌ منا مبتلي في شئ، لم تصفو الدنيا لأحد، ف اللهُم أعن كل ذي وجعٍ علي وجعهِ.♥️

الحلقة السادسة | بلال بن رباح عبد حبشي ضعيف… لا مال ولا جاه ولا نسب. لكن ربنا رفعه بالإيمان، لحد ما اسمه بقى بيتهزّ له التاريخ. 📍 لما أسلم، سيده أمية بن خلف كان بيعذّبه في حر مكة… يجرّه في الرمضاء، ويحط صخرة ضخمة على صدره، ويقوله: "ارجع عن دينك!" لكن بلال كان بيرد بكلمة واحدة بس: أحدٌ.. أحد. ما كانش عنده حيلة، ولا قبيلة تدافع عنه… لكن كان عنده يقين وثبات خلّدوه في قلوب المؤمنين. ولما هاجر للنبي ﷺ، كان هو أول مؤذن في الإسلام. صوت بلال صار شعار للإيمان… ينادي للصلاة خمس مرات كل يوم، ويعلن: الله أكبر. والنبي ﷺ سمع خشخشة نعليه في الجنة قبل ما يموت، وسأله: "بمَ سبقتني يا بلال؟" قال: "ما أحدثتُ إلا توضأت، وما توضأتُ إلا صليتُ لله ركعتين." 🌿 إيه نتعلم من بلال؟ إنك مش محتاج منصب ولا جاه… محتاج قلب ثابت. إن القوة الحقيقية مش في الجسم… القوة في كلمة حق ما تتغيرش. إن العبودية الحقيقية مش للبشر… لكن لله وحده. رسالة للشباب: خليك زي بلال… لما يضغطوا عليك عشان تتنازل عن دينك… قول "أحدٌ.. أحد". لما تلاقي نفسك وحيد… افتكر إن الله معاك ولما تبص لنفسك وتقول: "أنا مين عشان أغير؟" افتكر إن عبد ضعيف خلّد التاريخ اسمه، لأنه ثبت. 📌 مهمة الأسبوع جرّب تحافظ على الأذكار بعد كل صلاة أسبوع كامل. وخلي "أحدٌ.. أحد" شعارك في أي موقف ضغط أو فتنة دمتم بخير ♥️ #كانوا_كما_نريد

الحلقة الخامسة أم عمارة | لما الست تقف في مكان الرجالة… مش عشان تتشبه، لكن عشان تحمي الدين! نسيبة بنت كعب أم عمارة اسم مش دايمًا بنسمعه كتير… لكن لو عرفت قصتها، هتعرف يعني إيه تكون امرأة من حديد… وإزاي تكون قدوة مشرفة لقلوب شايلة همّ الدين. في غزوة أُحُد… الصف اتلخبط، والناس اتفرّقت، والموقف بقى صعب… لكن أم عمارة كانت هناك… مش بتصوّر مشهد، ولا بتتفرج… كانت ماسكة سيفها، وبتدافع عن النبي ﷺ بنفسها! النبي ﷺ قال عنها ما التفتُّ يمينًا ولا شمالًا يوم أُحد، إلّا وأراها تقاتل دوني 📍 مش مقاتلة… لكنها كانت مُجاهدة مش قائدة جيش… لكنها كانت مؤمنة بالرسالة مش صحابية مشهورة… لكنها خدت أعلى وسام: مدح من النبي بنفسه ﷺ اتعلمنا إيه؟ مش شرط تكون في ساحة القتال… علشان تكون مجاهد كل مرة تدافعي فيها عن دينك… بخلقك، بصبرك، بكلمتك… إنتِ على ثغر كل ست عندها رسالة… مش بس في بيتها، لكن في أمتها كلها كوني أم عمارة في وقتك لما ترفضي التنازل عن حجابك رغم الضغط لما تنشري خير، وتنصري حق، وتثبّتي غيرك لما تكوني صوت نور في وسط زحمة الضلال 🌱 رسالة للبنات إنتِ مش أقل من أي حد… مش أقل لأنك بنت، ولا عشان مش مشهورة، ولا عشان شايفة نفسك عادية أم عمارة كانت ست… ووقفت مكان مية راجل 📌 مهمة الأسبوع دوري على موقف، قولي فيه كلمة حق ساعدي أخت ليكِ تتثبت وافتكري… إنك مش وحدك في بنات كتير زيك… نفسهم يكونوا كما نريد قوليلنا لو كنتِ في غزوة أُحد… كنتِ هتبقي فين؟ وكنتِ هتعملي إيه؟ دمتم سالمين ♥️ #كانوا_كما_نريد

يَا حَيُّ يَا قَيُّومُ بِرَحْمَتِكَ أَسْتَغِيثُ أَصْلِحْ لِي شَأْنِي كُلَّهُ، وَلَا تَكِلْنِي إِلَى نَفْسِي طَرْفَةَ عَيْن.♥️

الحلقة الرابعة: رُبعي بن عامر | لما تكون عادي… بس شايل رسالة عظيمة! 👤 رُبعي بن عامر اسمه مش مشهور زي الكبار… مش من العشرة المبشرين… ولا من الصحابة المعروفين جدًا… لكنه وقف قدام كسرى ملك الفرس، وقال جُملة هزّت عرش الإمبراطورية الله ابتعثنا… لنُخرج من شاء من عبادة العباد إلى عبادة رب العباد، ومن ضيق الدنيا إلى سعة الدنيا والآخرة! ياااه… مين الشخص اللي عنده يقين وثقة تخليه يقف بكل ثبات في حضرة ملك ويقول كده؟! 📍 رُبعي كان بسيط في هيئته راكب فرس هزيل… لابس لبس مُرقَّع… لكن جواه قلب شايل رسالة، وعقل فاهم هو جاي ليه ورايح فين. دخل قصر كسرى ما انبهرش بالذهب ولا بالعساكر… لأن اللي شايف الآخرة كبيرة، بيشوف الدنيا صغيرة. ماكانش قائد جيش… ولا عالم كبير… لكنه كان رجل على الطريق، وبيمشي بثبات. 🎯 اتعلمنا إيه؟ إنك مش محتاج شهرة… ولا قوة… ولا ملايين. لكن محتاج تبقى شايل "رسالة"… وتعرف قيمتك عند ربك مش عند الناس. ربعي كان بسيط جدًا… لكن أثره باقٍ عبر القرون. فـ متقلّش أنا مين؟! قول أنا عبد لله… شايل نور وهبلّغه، ولو بكلمة كن كما نريد… كن كربعي بن عامر.♥️ #كانوا_كما_نريد