اِطــــْمــــِئْنــــان _ Etminan ♥️🪐

ابعتوا تبادل قنوات♥️♥️♥️♥️ @Etminan2026_bot

الحلقة الثالثة: عبد الله بن المبارك | لما العلم ما يخليكش تعيش لنفسك! 👤 عبد الله بن المبارك الاسم مش غريب، صح؟ عالِم… مُحدّث… فقيه… زاهد… مُجاهد… وتاجر كمان! يعني إيه كل ده في شخص واحد؟ يعني عبد الله بن المبارك. كان ممكن يكتفي بطلب العلم… ويعيش وسط الكُتب والروايات… لكن قلبه كان واسع… شايف إن الأمة محتاجة أكتر من مجرد علم محفوظ. 📍في يوم، وهو في الحرم، سمع واحد بيقول: "يا رب، إنك تعلم أني لو كان عندي مال، كنت غزيت في سبيلك!" فمرضش عبد الله يمشي كأنه مسمعش. بعد ما رجع بيته، بعت له مال وقال له: "استعن به على الجهاد." هو ده… العلم اللي بيحرّك، مش بس يُقال. وكان بيجمع أموال التجار، ويتّجر بيها طول السنة، وفي آخرها يوزّع الأرباح على أصحابها ويقولهم: "ده ربحكم… أما الأصل فكما هو." فيقولوا له: "طيب فين ربحك؟" فيقول: "دي كانت شراكتي مع الله… وأنا خدت نصيبي هناك!" 🎯 اتعلمنا إيه؟ العلم مش بس للحفظ… ده للنفوس تتحرك بيه. والعبادة مش تنسك، ولا العطاء بس فلوس… دي حالة قلب بيعيش لله في كل لحظة. مش لازم تبقى شيخ عشان تكون مؤثر… لكن لازم تكون صادق… عشان تكون نافع. كن كما نريد… كن كابن المبارك.♥️ #كانوا_كما_نريد

دعاء الرياح والعواصف الشديدة .. 🌫🌪 عن ثابت بن قيس أن أبا هريرة قال: سمعت رسول الله صلى الله عليه وسلم يقول: ((الرِّيحُ مِنْ رَوْحِ اللَّهِ فَإِذَا رَأَيْتُمُوهَا فَلَا تَسُبُّوهَا، وَسَلُوا اللَّهَ خَيْرَهَا، وَاسْتَعِيذُوا بِاللَّهِ من شرها)) (( اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به ))♥️

الحلقة الثانية سعيد بن عامر | لما السلطة متغرّكش! في زمن بقى الكرسي فيه حلم، والمناصب بتكشف النفوس… فيه واحد كان بيعيط لما اتعيّن والي! عارف ليه؟ لأنه كان شايف إن المسؤولية أمانة… ومش لعبة سلطة. 👤 سعيد بن عامر واحد من الصحابة اللي مش مشهورين قوي… لكن لما تقرأ قصته، تقول: "ده النموذج اللي كان لازم يبقى قدامي!" كان شاب عايش في مكة، وحضر مشهد استشهاد خُبيب بن عدي رضي الله عنه، وشاف صبره وثباته على الحق، وقتها قلبه اتزلزل… واتولدت جواه بداية جديدة. أسلم، ومشي في طريق الصحابة الكبار… لحد ما في عهد عمر بن الخطاب رضي الله عنه، اختاره يكون والي على حمص. 💡 تفتكر فرح؟ ده حتى بكى… قال لعمر: "لا تفتني يا أمير المؤمنين!" لكنه أطاع… وراح حمص، وعاش هناك زي ما كان في المدينة… بيت بسيط، أكل بسيط، مفيش حراس، مفيش مظاهر. الناس اشتكوه لعمر! قالوله: بيتأخر في الخروج، وفي يوم ما بيظهرش، ولما بيظهر مش بيلبس حلو! فعمل عمر مجلس تحقيق. وسأله عن كل حاجة، فجاوب: بتأخر؟ لأني بخبز لمراتي بنفسي. يوم ما بظهرش؟ هو اليوم اللي بغسل فيه هدومي الوحيدة، وبستناه ينشف. مش أنيق؟ مفيش غير اللبس ده! فبكى عمر… وقال: "الحمد لله الذي جعل في أُمّة محمد ﷺ مثل سعيد بن عامر!" 🎓 ماذا تعلمنا اليوم؟ في زمن البهرجة… فيه ناس عايشة لله بصدق. السلطة مش للزينة… دي مسؤولية ورِقابة. مش لازم تبقى مشهور… عشان تبقى عظيم عند ربك. كن مختلفًا… كن ممن لا يُفتن إذا أوتي، ولا يتغيّر إذا عُرِف. كن كما نريد… كن كسعيد.♥️ #كانوا_كما_نريد

الحلقة الأولى مصعب بن عمير | لما الترف يختار طريق التعب عمرك شفت شاب حياته كلها راحة… واختار طريق مليان تعب؟ شاب كان أنيق، عايش في رفاهية… وكل الناس تتمنى تبقى زيه… لكن فجأة… قلبه اتعلق بحاجة أعظم، حاجة غيّرت كل حياته! قلبه نادى (أنا لله)… فسابهُم وراح للحق. النهارده هنتكلم عن مصعب بن عمير… النموذج اللي كلنا محتاجينه في زمان ضايع فيه المعنى. مصعب بن عمير… كان أغنى شاب في مكة، أمه كانت من أغنى نساء قريش، وبتلبّسه أفخم لبس، وتحطه أغلى عطور… وكانوا بيقولوا عليه أرق شباب مكة طيبًا وألينهم حُلة الكل بيبص له ويقول ياريتنا زيه! لحد ما سمع عن محمد ﷺ… قلبه اتحرك… وبدأ يسمع… وحب النور. دخل الإسلام في السر، وكان بيروح لدار الأرقم يتعلم. بس الدنيا مش دايمه… لما أمه عرفت، حبسته، وقطعت عنه كل حاجة اللبس، الفلوس، الونس، الراحة… وفضل ثابت. شافوا الصحابة بعد كده في المدينة… كان لابس ثوب مرقّع، رجله مشققة، ووشه هزيل… وبكى النبي ﷺ لما شافه وقال: لقد رأيت مصعبًا هذا، وما بمكة فتى أنعم عند أبويه منه، ثم خرج من ذلك كله حبًا لله ورسوله. وبعد كده؟ بقى أول سفير في الإسلام… هو اللي راح المدينة قبل الهجرة، وعرّفهم بالدين، هو اللي مهّد الطريق لرسول الله ﷺ! واستشهد في أُحد… مات ومعهوش حتى كفن يكفي جسده… ومع كده… مات وهو رافع راية الحق. ماذا تعلمنا اليوم ♥️ مصعب علمنا إن الدنيا مش كل حاجة، ممكن تسيب اللي بتحبه… علشان اللي بيحبك بجد (ربنا). الشباب مش لازم يبقوا تايهين… مصعب بدأ طريقه وهو شاب! لو قلبك صدق، حياتك كلها تتغير. في شباب بيجروا ورا اللبس والفلوس والشهرة… لكن مصعب جري ورا الجنة. سيب لنفسك أثر… متبقاش مجرد شاب من الشباب كن كما نريد… كن كمصعب. #كانوا_كما_نريد

السلام عليكم ورحمة الله وبركاته حياكم الله يا رفاق إعلان عن بدء سلسلة جديده بعنوان *"كانوا كما نريد"* في زمن اتغيّرت فيه المعاني... واتبدّلت فيه القدوات… بقينا بندور على أي حد نتمسك بيه… لكن الحقيقة؟ إحنا كان عندنا قدوات… من زمان! ناس عاشوا الإيمان، وصدقوا في الطريق، وكانوا... كما نريد! كانوا كما نريد سلسلة جديدة بناخد فيها خطوة ورا، علشان نرجع نعيش المعاني اللي ضاعت… نتعرف على شباب زيّنا… بس سابوا الدنيا، ومسكوا في الجنة! كل حلقة... هنتكلم عن بطل من أبطال النور رجال … ونساء بس كلهم… عرفوا الطريق، ومشيوا لحد ما وصلوا. تابعونا في أول حلقة عن مصعب بن عمير… لما الترف يختار طريق التعب.♥️

عارفين ليه-فاقد الشئ يُعطيه وبشدة-! عشان طول ما الإنسان مُفتقر لـ شئ، لـ شعور، لـ مكانة معينة هو شايف إنه لو حسَّها أو امتلكها هيبقا سعيد ومرتاح ومُستأنس! عشان كدا هيفضل يعطي، ويزرع الشعور، ويوزع على كل اللي حواليه اللي هو مفتقر له على أمل أنه يجي يوم ويعيش اللي طول عمره اتحرم منه.. ولإنه عارف مدى شعور الفقد دا أو إزاي متأثر بحرمانه!♥️

إذا مُدِح المرء في وجههِ فليقل : «اللهمَّ اغفر لِي ما لا يَعلمون، وَلا تؤاخِذني بمَا يَقولون، واجعَلني خيرًا ممَّا يظنُّون». ♥️

توَفَّني مُسلِمًا ويَعبرُ جَسدي الصِّراطَ آمِنًا واجعَل لِي بِالجنَّةِ مُدخَلًا بِعَفوِكَ.. لا بِعَمَلي، يا ربَّ!♥️

لفت نظري آية عظيمة جدًا وهو الشيخ بيقرأ، الآية بتقول: ﴿وَمَا تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ﴾ فجّه في دماغي على طول أي خير عملته أو لسه هعمله، أي كلمة طيبة قولتها في يوم أو هقولها، أي دعوة جميلة دعيتها لحد، أي موقف كويس عملته مع حد، أي صدقة خفية، صبر على ابتلاء، أو أي حاجة اتعملت بحسن نية، افتكرت إن كل ده مرحش هدر، وإن الجزاء عند ربنا عظيم، أحيانًا الإنسان بطبعه بينسى، أو يفتكر إن دي حاجات عادية، لكن الحقيقة إن مفيش خير بيتعمل وبيضيع، كل حاجة عند ربنا محفوظة، وكل أثر طيب ليه أجر وثواب في ميزانك .♥️

آه لـو يـنال الـمرء مـا يُـود، يـا رب أنعـم علينـا بهـذا الشعـور .♥️

"وَيَمحُ اللَّهُ الباطِلَ وَيُحِقُّ الحَقَّ بِكَلِماتِهِ إِنَّهُ عَليمٌ بِذاتِ الصُّدورِ".♥️

كده كده أمر الله نافذ، فمهما حصل خلي حياتك كلها مبنية على الجملة دي “عسى في الأمر خيرًا”. مهما كانت أمورك مش ميسرة، ومهما كان حظك قليل في أي أمر من أمور الدنيا، خليك دايمًا راضي. سيدنا عمر قال: “ستمضي أقدارك على كل حال، فاجعلها تمضي وأنت عنها راضٍ، فلربما ثواب رضاك يرضيك.♥️

هل تعرف معني : جزاك الله خيرًا ؟! - بأن تدخل الجنة - بأن تري وجه الله - بأن يمتعك بالنظر لوجهه الكريم - بأن يهديك للصراط المستقيم - بأن يصرف عنك الشياطين - بأن يبارك رزقك و يشمل المال و الاهل و الصحة و العلم لذلك قال رسول الله ﷺ. " أبلغ في الثناء من قال لأخيه جزاك الله خيرًا " قال عمر :" لو يعلم أحدكم ما له في قو له لأخيه جزاك الله خيرًا لأكثر منها بعضكم لبعض.♥️

"مُجاهدتك علىٰ ترك ما تُحبه لأجل ما يُحبه الله ثقيلة علىٰ قلبك ولكنها أثقل فِي ميزان حسناتك ♥️♥️♥️