Fulbright kundaligi

🌅 Ertalabki New York. Central Park. “Uyda yolg‘iz” filmi suratga olingan joylardan biri... New Yorkning har bir ko‘chasi go‘yo avvaldan tanishdek tuyuladi. Kinolarning ta’siri shekilli. “Uyda yolg‘iz” filmini yoqtirmagan odam bo‘lmasa kerak. New Yorkda yaxshi xotiralar qoladigan bo‘ldi... @fulbright_kundaligi https://youtube.com/shorts/Jl8tTD6lXYo?is=wTkMgziGOlsNYqD5

Bugun rasman e’lon qilishibdi. Bu ketma-ket to‘rtinchi marta Tableau Ambassador bo‘lishim. Oldinda yana Tableau Community bilan qiziqarli bir yil kutib turibdi. Global darajada Ambassador bo‘lish juda ko‘p grantlar, konferensiyalar va boshqa imkoniyatlarga yo‘l ochishi haqida gapirmasayam bo‘ladi... Rasmiy ro‘yxatda 2026–2027-yilgi Ambassadorlar qatoridan yana joy olganimdan xursandman. *Rasmda oʻzimni zoʻrgʻa topdim... https://www.tableau.com/community/community-leaders/ambassadors#3006

Ozodlik muzeyida “Ozodlik siz uchun nima?” deb yozilgan ekan. Hech o‘ylab ko‘rganmisiz, ozodlik siz uchun nima ekanligi haqida? @fulbright_kundaligi

Bugungi nonushta - Ozodlik orolida... @fulbright_kundaligi

Brooklyn Bridge. Quyoshning botishi... Tungi Manhattan... @fulbright_kundaligi https://youtube.com/shorts/khVjInPvV2g?is=CEXcmnBs88NMMDAL

Kunimiz "Central Park"da nonushta bilan boshlandi... @fulbright_kundaligi

Bugun AQSHda Labor Day munosabati bilan dam olish kuni. 🇺🇸 Labor Day har yili sentyabr oyining birinchi dushanbasida nishonlanadi. Bugun hamma joyda navbatlar uzun boʻladigan kun shekilli... @fulbright_kundaligi

Biz 10 kunlik ta'tilga chiqdik va keyingi bir hafta davomida story'larda shu muzika boʻladi. Chunki going to New York... @fulbright_kundaligi

Biror kun birortasini tutvosam kerak... @fulbright_kundaligi

🇬🇧 Study UK Alumni Awards 2027 🎓 Buyuk Britaniyada tahsil olgan xalqaro bitiruvchilar uchun nufuzli mukofot Study UK Alumni Awards Buyuk Britaniyada ta’lim olgan va o‘z faoliyati orqali jamiyat, soha yoki mamlakat rivojiga katta hissa qo‘shayotgan bitiruvchilarni e’tirof etadi. 🏆 Yo‘nalishlar – Biznes va innovatsiyalar – Madaniyat, ijod va sport – Fan va barqaror rivojlanish – Ijtimoiy tashabbuslar 🌟 Mukofot haqida – Nomzodlar xalqaro Alumni Awards uchun ko‘rib chiqiladi – 4 nafar g‘olib Buyuk Britaniyaga taklif qilinib, o‘zlari tahsil olgan universitetga tashrif buyuradi 🗓 Arizalar qabuli: 1-sentabr 2026-yildan boshlandi 📩 Savollar uchun: StudyUK.Alumni@BritishCouncil.org 🔗 Rasmiy manba * Chevening grantiga hujjat topshirish muddati tugashiga 1 oy vaqt qoldi. @fulbright_kundalik

Universitetda Muslim Community ham yaxshi yo‘lga qo‘yilgan. Haftalik uchrashuvlar haqida email yuborib turishadi. Juma namoziga boradiganlar ham juda ko‘p. Xullas, diversity bu yog‘i... @fulbright_kundaligi

Allohning ishida xatoliklar yo‘q, Qayerdir anhorli, qayerdir soyli. Zafar quchaversang bo‘lmaydi qiziq, Hayot – yutqazishlar bilan chiroyli. Hech narsa bir tekis etmaydi davom, Gohida xachirlar otlardan o‘zar. Joningni siqmagin qo‘ysang-chi, axir, Mag‘lub bo‘lmoqlik ham aslida go‘zal. Mudom yengaverish kibrga qadam, Bu esa diyonat uchun xatarli. Odamni hamisha yutishlar emas, Ba’zan boy berilish qiladi baxtli. Olqishlab kutilmas hamma qarorlar, Kimdir ma’qullaydi, kim esa qarshi. Dimog‘ing osmonga ko‘tarilgandan, Kuragingning yerga tekkani yaxshi. Hikmatsiz hech bir ish bo‘lmaydi sodir, Yaxshi bor joylarda topilar yomon. O‘zing istasang ham, istamasang ham, Hayotga yengilib berasan, tamom! (Muallifini topolmadim) @fulbright_kundaligi

Rad javobini olganlar kayfiyatni tushirmasligi kerak. Qaytanga, yutib qolganlar “Qanday qilib yutdim?” deb hayron bo‘lishi kerak. Chunki rad etilish - normal holat. Maqsadni kengroq qilish kerak. Qisqa vaqtda bo‘lmasligi mumkin, lekin uzoq muddatda albatta bo‘ladi. Duo qilib so‘raganda, qasd qilib so‘rash kerak. Biz so‘rayotgan narsani berish Alloh uchun hech narsa emas. Hammasi yaxshilikka. “Hayot - yutqazishlar bilan chiroyli” degan bir she’r bor edi. Topib qolsam, qo‘yaman. @fulbright_kundaligi

Bu hafta ham bizda trip bor. Borishga tayyorgarlik ko‘rib tursam, kecha olgan vaksinam 2 kundan beri temperatura berib, o‘g‘rimagan joylarimni ham o‘g‘ritvordi. Health Center’ga borsam, birortayam dori berishmadi. “Ko‘p suv ichsangiz, o‘tib ketadi”, deyishdi. Lekin o‘tib ketgunchayam o‘sha vaqtga yetvolish kerak-ku... U vaksina deganlari qaysidir virusdan juda kam miqdorda tanaga yuborish ekan. Hozir qaysidir virusga qarshi kurashayotgan ekanman. Yugursam, o‘tib ketar deb stadionga kevordim. Tuzalsam, yaxshi bo‘lib ketsam kerak... *Lekin kechagi "dori"ni ta'siri bilan yuribman haliyam. @fulbright_kundaligi

Avgust oyi imtihonlar bilan o‘tib, 2 ta travelni o‘tkazib yubordim. Birinchisi Kaliforniyaga, ikkinchisi Chikagoga edi. Aslida, imtihondan tashqari boshqa sababi ham bor. Ikkala joyga ham samolyotda borish kerak edi va menda o‘tgan yildan boshlab samolyotda uchishdan fobiya paydo bo‘lib qoldi. (Alohida biror kuni sababini yozaman.) Amerikaga ham bir amallab kevoldim. Hozirdan O‘zbekistonga qanaqa qilib uchib ketishni o'ylasam asabiylashaman. Javob topganingda savollar o'zgaradi deb shunga aytishsa kerak... @fulbright_kundaligi

O‘zbekmiz-u, qachon aytilganini aytilganidek qilganmiz, to‘g‘rimi? Hech kimga tarqatmay turing deb email yuborishibdi. Lekin tarqatsam nima bo‘larkan deb sinab ko‘rmoqchiman... 😅 2026–2027-yil uchun ham Tableau Ambassador bo‘lib tanlanibman. Rasmiy ravishda keyingi hafta e’lon qilishar ekan. Tableau bu data analitikasi uchun mo‘ljallangan dastur. Bosh ofisi Seattle shahrida joylashgan. @fulbright_kundaligi

Bu yerda o'qishdan ham qiyinroq narsa bor. Bu kamroq ovqatlanish masalasi. Cheklanmagan miqdorda ovqatlanish imkoniyati turganda tiyilish juda qiyin. Bir ovqatlanishda bir kunlik kaloriyani yeb qo'yish juda oson. 10 kg vazn olishga 1 hafta ko'plik qiladi, lekin uni yo'qotishga 1 oy kamlik qiladi. Menyuga yashil sabzavotlar qo'shib o'zimni aldashga harakat qilishimniyam foydasi bo'lmadi. Matematik misollardan keyin miya energiya talab qiladi. Eng tez energiyani albatta shirinlik beradi. Xullas ... Rasmda bir martada qoʻlimga sigʻgani. U yerda yana bir necha xil taomlar bor va miqdori cheklanmagan... @fulbright_kundaligi

Fulbright interview javoblari chiqishni boshladi... Rad etilganlar uchun chevening yaxshi imkoniyat boʻlishi mumkin. @fulbright_kundaligi

🇰🇷 KAIST International Student Undergraduate Scholarship 2027 🎓 Janubiy Koreyaning yetakchi universitetida bakalavr uchun to‘liq grant Janubiy Koreyadagi KAIST universiteti xalqaro talabalar uchun bakalavr bosqichida to‘liq moliyalashtiriladigan grant dasturini taklif qilmoqda.

💰 Grant imkoniyatlari ✔️ To‘liq kontrakt to‘lovidan ozod qilish ✔️ Oyiga 238 AQSh dollari stipendiya ✔️ Tibbiy sug‘urta xarajatlarini qoplash

📋 Talablar va kerakli hujjatlar – Xalqaro talaba bo‘lish – Ingliz tili: IELTS 6.5, TOEFL iBT 83 yoki unga teng sertifikat – Maktab/litsey/kollejdagi baholar – SAT, ACT kabi standart test natijalari – Nomzod va ota-onasining shaxsini tasdiqlovchi hujjatlari – Moliyaviy manbalar haqida ma’lumot – Tavsiyanoma — majburiy emas, ammo topshirish tavsiya etiladi (ko‘pi bilan 2 ta) – Yutuq va mukofotlar haqidagi hujjatlar — mavjud bo‘lsa – Ta’lim muassasasi haqida ma’lumot — topshirish tavsiya etiladi 🗓 Ariza muddatlari – 22-sentabr – 22-oktabr 2026 — 2027-yil bahorgi yoki kuzgi semestr uchun – 10-noyabr 2026 – 14-yanvar 2027 — 2027-yil kuzgi semestr uchun 🔗 Rasmiy manba 📌 Ariza topshirish bo‘yicha maslahat uchun: @said_tojiboev_13 @fulbright_kundaligi