Ko Myo Win

前往频道在 Telegram

Return

显示更多

缅甸14 914未指定类别

6 084

订阅者

+824 小时

+367 天

+24230 天

6 983

帖子浏览量

~ 3 91524 小时

~ 4 95448 小时

115.06%

参与率

~ 1

每日帖子数

Ads index

beta

数据加载中...

相似频道

无数据

有任何问题？请刷新页面或联系我们的客服。

标签云

无数据

有任何问题？请刷新页面或联系我们的客服。

进出提及

---

吸引订阅者

七月 '26

+193

在11个频道中

六月 '26

+179

在8个频道中

Get PRO

五月 '26

+413

在8个频道中

Get PRO

四月 '26

+5 549

在11个频道中

Get PRO

三月 '26

在16个频道中

日期	订阅者增长	提及	频道
17 七月	+15
16 七月	+10
15 七月	+11
14 七月	+6
13 七月	+6
12 七月	+7
11 七月	+3
10 七月	+6
09 七月	+13
08 七月	+14
07 七月	+13
06 七月	+13
05 七月	+6
04 七月	+17
03 七月	+14
02 七月	+25
01 七月	+14

频道帖子

စေတနာ နဲ့ ပညာ =============== ဟို..တချိန်တုန်းက မော်စီတုံးတယောက် တိုင်းပြည်အနှံ့ လျှောက်ကြည့်စစ်ဆေးတယ် ။ လမ်းတလျှောက်က လယ်ကွင်းတွေထဲမှာ စာကလေးငှက်တွေက အုပ်လိုက် စပါးခင်းတွေထဲ စားနေတာ မြင်ပါရော... စာတွေသာ စပါးတွေ မစားရင် ဆန်စပါး အထွက်နှုံး ပိုတိုးမှာပဲလို့ သူတွေးပြီး မဟာခုန်ပျံကျော်လွှားရေး စီမံကိန်း ချမှတ်တယ် ။ ကပ်ပါးလေးမျိုးသုတ်သင်ရေး စီမံချက်အရ စာကလေး ၊ ခြင် ၊ ယင် ၊ ကြွက် တွေကို သုတ်သင်ကြတယ် ။ အထူးသဖြင့် စာကလေးတွေပဲ စာတကောင်က စပါးစေ့ ၄ ကီလိုဂရမ် စားလို့ သူတို့ မရှိရင် စပါးအထွက်တိုးမယ်ပေါ့ ။ ၁၉၅၈ မှာ စတင်တဲ့ စီမံကိန်းအရ ပထမနှစ်မှာ OK တယ် စပါးအထွက်နှုံး နဲနဲတိုးလာတယ် ။ ဒီတော့ မော်စီတုံးလုပ်တာ မှန်ပါတယ်ဘုရား ဆိုတဲ့ တရုတ် ငဖားတွေ အပြိုင်းအရိုင်းပေါ်လာတာပေါ့ ။ သို့သော် ၁၉၅၉ ကနေ ၁၉၆၁ အထိ ၃ နှစ် ဆက်တိုက် စပါးအထွက်နှုံး တောက်လျှောက်ထိုးကျသွားတယ် ။ စာကလေး စပါးစားတာပဲ မြင်ပြီး ကပ်ပါးပိုးစားတာ မသိကြဘူး ၊ ခြင် ယင် ကြွက် တို့ရဲ့ ဂေဟစနစ် ထိမ်းပေးတာ မသိကြဘူး ၊ နောက်ဆုံး ဂေဟစနစ် ပျက်သွားပြီး ကျိုင်းကောင်အုပ်ကြီး ကျလာတာပါ ပေါင်းလိုက်တော့ ၁၉၆၁ မှာ တရုတ်တွေ ငတ်ပြီး သေကုန်တာ သန်း ၃၀ လောက် ရှိသွားတယ် ။ ဒါက တကယ့် သမိုင်းအမှန်ပဲ ။ မော်စီတုံးရဲ့ ရည်ရွယ်ချက်က ရှင်းတယ် လူတွေ အတွက် ရိက္ခာဖူလုံဖို့ ဆိုတဲ့ စေတနာကောင်းနဲ့ လုပ်တာပဲ ။ သို့သော် ထောက်ပြ ဟန့်တားရမယ့် ပညာရှင်တွေက သူတို့ကိုယ်ကျိုးကြည့်ပြီး ဥက္ကဌကြီး တော်ပါပေတယ် မှန်ကန်ပါတယ်လို့ ဖားယားပြောပြီး ကိုယ်ကျိုးရှာခဲ့လို့ ဆင်းရဲသားတရုတ်ပြည်သူ သန်း ၃၀ လောက် ငတ် သေခဲ့ရတယ် ။ မော်စီတုံး နဲ့ အုပ်ချုပ်သူတွေရဲ့ စေတနာအရ လုပ်ဆောင်ခြင်းဟာ ပညာမပါလို့ သမိုင်းမှတ်တမ်းဆိုး ဖြစ်ခဲ့ရပါတယ် ။ အစိုးရက တိုင်းပြည်ရဲ့ ရှေ့ရေးအတွက် လုပ်သင့်တာ လုပ်ရမှာဖြစ်ပါတယ် ( လုပ်တာကို မကန့်ကွက်ပါဘူး) ။ သို့သော် စေတနာ သကြားလုံးအုပ်ပြီး ပညာမဲ့တာကို ဖုံးအုပ်လို့တော့ မရနိုင်ပါဘူး ။ ပြည်ပသွင်းကုန် လျှော့ချမယ် OK ပါ... အများပြည်သူ မဖြစ်မနေ သုံးနေတဲ့ အခြေခံစားကုန် ( ဆန် ဆီ ဆား မှ သရေစာအထိ) ပြည်တွင်းမှာ အစားထိုး ထုတ်နိုင်ပြီလား...? ပြည်တွင်း လုပ်ငန်းရှင်တွေကို ထုတ်လုပ်မှု တိုးတက်အောင် အစိုးရက လုံလောက်စွာ ပံ့ပိုးပြီးပြီလား...? အခြေခံ လူသုံးကုန် ထီး ဖိနပ် မီးခြစ် ကအစ ကျွတ် တာယာ လောင်စာဆီ အဆုံး ထုတ်ကုန် ၂ ဆ မက တိုးမြှင့်ပြီးပြီလား...? တိုးမြှင့်ဖို့ စက်မှုဇုံတွေမှာ အဆင့်မြင့်စက်ရုံတွေ ကုန်ကြမ်းတွေ စက်ပစ္စည်းတွေ လျှပ်စစ်ရရှိမှုတွေ စီမံပြီးပြီလား...? ဆီထွက်သီးနှံ စိုက်ဧက တိုးမယ် ၊ အထွက်နှုံးတိုးအောင် စီမံနေတယ် ၊ စက်ပစ္စည်းတွေ ပြည်ပကနေ သွင်းဖို့ လုပ်နေပါပြီ ဆိုတဲ့ မရေရာတဲ့ မျှော်လင့်ချက်နဲ့ ပြည်သူအဆင်ပြေဖို့ထက် အစိုးရ အဆင်ပြေဖို့ ဦးစားပေး လုပ်နေကြရင်ဖြင့်.... ( လွန်ခဲ့တဲ့ ၄ နှစ်ကတည်းက အဲသလို ကြုံးဝါးခဲ့ပြီး ဆောင်ရွက်ခဲ့ရာ ၄ လ သက်တမ်းနဲ့ အဖြေထွက်တဲ့ ဆီထွက်သီးနှံက ယနေ့ထိ ဒုံရင်း ဒုံရင်း....) ကုန်သွယ် စီးပွားလုပ်ငန်းမှာ ထုတ်ကုန် နဲ့ သွင်းကုန်မှာ ထုတ်ကုန်က ရငွေ ပိုများမှသာ တိုင်းပြည်အတွက် အကျိုးများတာ အမှန်ပါပဲ ။ ဒီတော့ ထုတ်ကုန် များကို များရမယ် ဆိုတဲ့ အစိုးရ မျက်နှာပန်းလှရေး ရည်ရွယ်ချက်နဲ့ ထုတ်ကုန် အမှန်တကယ် တိုးလာဖို့ မကျိုးစားပဲ ( လုံလောက်တဲ့ ထောက်ပံ့မှု လုံလောက်တဲ့ အချိန် မပေးပဲ) ခပ်လွယ်လွယ်ပဲ ထုတ်ကုန်မရှိရင် မသွင်းနဲ့တော့ ဆိုတဲ့ မူဝါဒနဲ့ ထုတ်ကုန် သွင်းကုန် မျှခြေကို ဇွတ်ညှိနေတဲ့ မူဝါဒသည်ကား.... အရှိန်နဲ့သွားနေတဲ့ ခရီးသည်တင်ကား ရုတ်ချည်း ချိုးကွေ့ ဘရိတ်အုပ်လိုက်သလို ကားပေါ်က ခရီးသည်နဲ့ ကုန်စည်တွေ ဖရိုဖရဲ ဖြစ်ကြရပါတယ် ။ အနေအစားပျက်ပြီး ဒုက္ခရောက်ကြရပါတယ် ။ NLD လက်ထက်တုန်းက ဆောက်လုပ်ရေး လုပ်ငန်းတွေ ရုတ်တရက် ရပ်ဆိုင်းလိုက်လို့ ကန်ထရိုက်ပေါက်စတွေ ၊ အင်ဂျင်နီယာတွေ ၊ ပန်းရံ လက်သမားတွေ သံချောင်းလုပ်ငန်း အုတ် သဲ ကျောက် လုပ်ငန်းတွေ ၊ လျှပ်စစ်ပစ္စည်း အရောင်းအဝယ်တွေ ၊ ရေပိုက်လုပ်ငန်း နောက်ဆုံး အိမ်သုပ်ဆေးလုပ်ငန်းအထိ တတွဲကြီး အထိနာပြီး ခုချိန်ထိ စီးပွားရေး နလံမထူနိုင်တော့တာ သတိရသင့်ပါတယ် ။ ပြည်တွင်းကနေ ပြည်သူတွေအတွက် မရှိမဖြစ် လိုအပ်နေတဲ့ အခြေခံစားကုန် ထုတ်လုပ်နိုင်မှု ၊ အခြေခံလူသုံးကုန် ထုတ်လုပ်နိုင်မှု လေ့လာသင့်ပါတယ် ။ လုံလောက်အောင် မထုတ်နိုင်သေးပါက သွင်းကုန်များကို အလွန်အကျွံ မထိမ်းချုပ်သင့်သေးပါဘူး ။ မူဝါဒတခုသည် စေတနာ နဲ့ လုပ်ဆောင်သည်ဟု ဆိုသော်ငြား မိမိပြည်သူတွေအတွက် အခြေခံ လိုအပ်ချက် ဖြစ်သည့် စား ၊ ဝတ် ၊ နေရေး ပိုမိုကြပ်တည်းစေပါက ပြန်လည် သုံးသပ်ပြင်ဆင်သင့်ပါတယ် ။ မော်စီတုံးလို ပညာမပါတဲ့ စေတနာနဲ့ ဆောင်ရွက်မိပါက သမိုင်းမှတ်တမ်းဆိုး အထိုးခံရဖို့သာ ဖြစ်နေပါလိမ့်မယ် ။ ကိုရွှေမျိုးဝင်း

2	မင်းလက်ပံ ဖလူး & ဆန်းအောင် ======================== မင်းလက်ပံ နဲ့ အုန်းတောကြားထဲက ခြံတွေထဲက တခြံကို DKBA ဆန်းအောင် ဝယ်ထားပြီး အခြေပြုထားတယ် ၊ တခြံက NLD ရွေးကော်ဥက္ကဌ ဦးဘကျင်ခြံ ။ တတိယမြောက်ခြံမှာ မြေအောက်ခန်း ရှိတယ် ။ လက်နက်ခဲယမ်း သိုလှောင်ထားတယ် ။ 14 - 7 - 2026 မနက်ခင်းမှာ လက်နက်ကြီးတွေ စုပြုံပစ်ခတ်လို့ မြေအောက်ခန်းတိုက်ရိုက်ထိတယ် ။ 20 ရှောပြီး 10 ဒဏ်ရာရတယ်လို့ မြေပြင်သတင်းတွေက ဆိုပါတယ် ။ ကျွန်းတောဘက်က ထိုးတဲ့ စစ်ကြောင်း မင်းလက်ပံ ရွာထိပ်တပ်စွဲထားပါပြီ ။ အုန်းတောဘက်က တိုးလို့ခက်ခဲပါတယ် ။ သခွားသီး တရုတ်ဆိုက် ရှိရာဘက်မှာ ၅ ဘက်ဂိတ် ၊ ၁၀ ဘက်ဂိတ် ဆိုတာ ရှိတယ် ၊ လက်ရှိ ရန်သူအခြေပြုထားတဲ့ နေရာတွေဖြစ်ပြီး နယ်စပ်နဲ့ အနီးဆုံးနေရာပဲ ။ ( သခွားသီးဆိုက်ထဲကို DKBA က လူတွေ ဝင်ဖမ်းတယ် အရေးကြီးတဲ့လူ တရုတ် ၃၀ နဲ့ ငွေတွေ ယူထားပြီး ထိုင်း ၅ ယောက်ကိုပဲ လွှဲပေးထားသေးတယ်) အနောက် တကျောက ရန်သူတွေကတော့ လက်နက်ကြီး နဲ့ လေယာဥ်တွေကြောင့် ကတုတ်ကျင်းထဲက မထွက်နိုင်ပဲ မိမိစစ်သည်များ ဝင်အလာကို စောင့်နေကြတယ်လို့ သိရပါတယ် ။ ထွက်ပြေးတဲ့ PDF 13 ဦးကို သတ်ပစ်တယ်လို့ မြေပြင်သတင်းရင်းမြစ်များက ဆိုပါတယ် ။ ဖလူးဘက်ရှိ ကလနကုန်းကို သိမ်းရန် ထီနုဆည် တကျောလုံးက မိုင်းအပြည့်နဲ့ စနိုက်ပါများပါ ထောက်ထားလို့ သတိကြီးစွာ ထားရမယ့် သတ်ကွင်းဖြစ်နေပါတယ် ။ ရန်သူအပြည့်နဲ့ ရွာထဲမှာ ဘုန်းကြီးကျောင်းတကျောင်ပဲ သံဃာရှိပါတယ် ။. ဖလူး နဲ့ အဲဒီ ဘုန်းကြီးကျောင်း အနောက်ဘက်ကြားထဲမှာ ချောင်းရှိတယ် ။ အပဲ့ဂိတ်လို့ ခေါ်တဲ့ လှေဆိပ်ကနေ ညဘက်ဆို လူနာတွေကို ထိုင်းဘက် ပို့တယ် ။ ထိုင်းဘက်ကမ်းမှာ မဲ့ကိုးကင်းဂိတ်ရှိပြီး အဖွဲ့စုံသာမကဘူး DKBA အပြင် အမေရိကန်သားတွေပါ ရှိတယ် ။ (14 -7 - 2026 ည တုန်းက အဲဒီဂိတ်ကနေ မြန်မာထဲကို ၂ ချက် လှမ်းပစ်တယ် ဘယ်နေရာကျလဲတော့ မသိဘူး အသံပဲ ကြားရတာပါ) မင်းလက်ပံရွာထဲမှာ PDF နဲ့ ဆန်းအောင်ရဲ့ DKBA အများဆုံးပဲ ။ တပ်ရင်းမှူးက အောင်မျိုးဦး ခေါ် အရှည်ကြီး ။ ဒီကောင်က ယခင် အင်ကြင်းမြိုင် ဥက္ကဌကို သတ်ပြီး ပြေးသွားတဲ့ကောင် ။ တနှစ်ကြာတော့ DKBA ထဲ ဝင်ပြီး နေရာယူထားတာ ။ ဖလူးလေးက စခန်းမှာ DKBA က ဗိုလ်ကြာညွှန့် စခန်းထိုင်တယ် ။ ယခင်က စောစလုံး နေသွားတဲ့ နေရာပဲ ။ ဗိုလ်ကလန ကုန်းနေရာမှာ တရုပ်ဆိုက်တခုရှိတယ် ကျားဖြန့်လုပ်နေကြတာ ။ လွန်ခဲ့တဲ့ တလလောက်တုန်းက ရေးဘီးလူး လာသွားတဲ့ နေရာပဲ ။ အခု တိုက်ပွဲစတော့မှ ရပ်ထားတဲ့ နေရာပဲ ။ ဖလူးကို ကျော်ရင် ဆန်းအောင်ပိုင် ကျွန်းတောရှိတယ် ။ ငှားထားပြီး လောင်းကစားမျိုးစုံ လုပ်နေကြတယ် ။ ကျွန်းတော အရှေ့ဘက်မှာ တရုတ်ဆိုက် ၂ ခုရှိတယ် ။ DKBA အင်ကြင်းမြိုင် ကို ဖြိုအပြီး အခု လပိုင်းအတွင် တရုတ်ဆိုက် 14 ခု အသစ် ထပ်ဖွင့်ထားတယ် ။ ထိုးစစ်က ဖလူးကို ကျော်ရင် ဆန်းအောင်ရဲ့ အကျိုးစီးပွား ထိခိုက်မယ် ။ ဒါကြောင့် မင်းလက်ပံ ဖလူး မကျရေးအတွက် ဆန်းအောင် ကြိုးစားနေတာပဲ ။ PDF ကို ဆန်းအောင် သင်တန်းပေးတယ် ။ တပ်မဟာ ၆ ကို စိုင်းကျော်လှက ရိက္ခာထောက်ပံ့တယ် ။ လိုင်းပေါ်မှာ အာကျယ်နေတဲ့ ငဇွဲက ဆန်းအောင်တပည့်ရင်းပဲ ။ ဝေါလေကို ဒုတိယအကြိမ် တက်လုံးပြီး ခွေးပြေးဝက်ပြေး ပြေးလာရတဲ့ ငဇွဲကို ရဲကုန်းဂိတ်မှာ ထိုင်ခိုင်းသေးတယ် ၊ နောက်မှ သူ့တူ ထက်ကို ကို ထိုင်ခိုင်းခဲ့တာ ( 14 - 7 - 2026 နေ့က တပ်ကသိမ်းတဲ့ စခန်းပေါ့ ) ဖလူး နဲ့ ယိုးဒယားက ရန်သူအတွက် ထွက်ပေါက်ပဲ ။ သုံးထပ်ကွေ့မှာ ရန်သူရဲ့ ဒုတိယခံစစ်စည်း ရှိတယ် ။ တိုက်ရခက်ပါမယ် ။ အဲဒီဒေသကို ထိမ်းချုပ်ဖို့ဆိုရင် ကျောက်ခက် နဲ့ ဆန်းဂအောင် DKBA ကို မလှုပ်နိုင်အောင် ချုပ်ထားဖို့ လိုပါတယ် ။ အရှင်းဆုံး အကြံပြုရရင်တော့ NCA နံ့ ပေးတာနဲ့ ဆန်းအောင်ကို အလျော့ပေးဆက်ဆံလိုက်ရင် ရင်းသမျှ အလဟဿ ဖြစ်မယ်ဆိုတာပါပဲ ။. ဒါတွေက မနေ့ည ( 15-7-2026 ) အထိ မင်းလက်ပံတိုက်ပွဲသတင်း နဲ့ ဒေသတွင်း အခြေအနေတွေပါပဲ ။ ကိုရွှေမျိုးဝင်း	4 100
3	မိမိဘက်မှ ပေးဆပ်မှု အနည်းဆုံး နဲ့ အောင်ပွဲ ခံနိုင်ဖို့ အချိန်ယူပြီး ထိုးစစ်ဆင်ရပါလိမ့်မယ် ။ မင်းလက်ပံ ရှိ KNU တို့ အတွက် ဝင်ဆောင့်နေတဲ့ တိုက်ခိုက်ရေး စစ်ကြောင်းတွေ နဲ့ ရှေ့ဖက်က ပိတ်နေတဲ့ ဝေါလေ ဗျူဟာကြောင့် ပြေးပေါက်က ဖလူးတောင်ကျောပဲ ရှိတဲ့ အနေအထားပါပဲ ။ ဖလူးတောင်ကြောမှ တဆင့် တဆက်တည်းရှိတဲ့ ဒေါနတောင်ကြောဆီ ပြေးကြဖို့ များပါတယ် ။ ဒါကို တွက်ဆမိလို့ တပ်မတော်လေကလည်း ယနေ့ ဖလူးတောင်ကြောပေါ်က ပြေးလမ်းတွေကို ဝုန်းဒိုင်းကြဲနေပါတယ် ။ ယိုးဒယားဘက်ကမ်းက မယ်ကုကင်းဂိတ်လို နေရာတွေကို တင်းတင်းကြပ်ကြပ် ပိတ်ဆို့ထားနိုင်ရင် ရိက္ခာ ခဲယမ်း ပြတ်လပ်ပြီး မိမိတို့ အမြန်ဆုံး အောင်ပွဲ ခံနိုင်ပါလိမ့်မယ် ။ ( ကရင် စစ်သတင်းလေး ကွင်းကွင်းကွက်ကွက် မြင်သာအောင် ရေးစမ်းပါအုံး ဆိုပြီး တဂျီဂျီတောင်ဆိုနေသော မိတ်ဆွေများအတွက်...... ) ကိုရွှေမျိုးဝင်း	5 051
4	မင်းလက်ပံ ဖလူး တိုက်ပွဲ ==================== 1995 တုန်းက KNU ဌာနချုပ် မာနယ်ပလောကို တပ်မတော်နဲ့ DKBA ပေါင်းပြီး သိမ်းပိုက်ခဲ့တယ် ။ မာနယ်ပလောက ရွာပျက်ကြီးဖြစ်သွားတယ် ။ 2023 နှစ်ကုန်တော့ KNU တို့ ကော့ကရိတ်ကို ဝင်သိမ်းတယ် ။ ခလရ ၉၇ တပ်ပဲ ကျန်တော့တယ် ခလရ ၉၇ ကျရင် ကော့ကရိတ်ကို ရပြီ ။ သဲကြီးမဲကြီး နဲ့ ခလရ ၉၇ ကို ဝင်ဆောင့်ကြတယ် သူ့ထက်မာလို့ တိုးမရဘူး ။ အဲလို အနေအထားမှာ 2024 ဇန္နဝါရီတွင် မူလ DKBA ( ဘိုဘိ) တပ်တွေ ကော့ကရိတ်ထဲ ဝင်လာပြီး ခလရ ၉၇ ကို ကူညီပြီး KNU ကို တိုက်တယ် ။ KNU တို့ ခလရ ၉၇ နဲ့ ခေါင်းကိုက်တဲ့ ကြားထဲ ဘိုဘိ တပ်တွေ ဝင်လာလို့ စိတ်ညစ်သွားတယ် ၊ KNU ၁၀၀ လောက် ကျသွားတော့ ဆက်မတိုက်တော့ပဲ မြို့ပြင်ထွက်ပြီး ဝိုင်းထားတယ် ။ နောက်တော့ နယ်စပ်စခန်းငယ်တွေကို ဝင်တိုက်ကြတယ် ။ တပ်မတော်က ဝေါလေ အထိ ဆုတ်ပေးပြီး ဝေါလေမှာ စုရပ်လုပ် ခံစစ်ဆင်တယ် ။ ဝေါလေကို ဝိုင်းတိုက်တယ် မရကြဘူး ။ ဒီတော့ ကော့ကရိတ် ကျုံးဒိုးကို ဖြတ်တောက်ဖို့ ၅ တိုင် ၊ ၇ တိုင် ၊ ၉ တိုင် ၊ ၁၁ တိုင် နဲ့ နွားခြံကုန်းကျေးရွာ တို့ကို ဝင်သိမ်းတယ် ။ BGF ၊ PC ၊ DKBA ( အကျိုးပြု) တို့ အားလုံး ပြန်မတိုက်ဘူး KNU ဆီ လက်နက်ချကြတယ် ။ ထူးထူးခြားခြား ၉ တိုင်မှာ တာဝန်ကျတဲ့ မူလ DKBA ( ဘိုဘိ) တဖွဲ့ပဲ အပြင်းအထန် ခုခံတယ် ။ စခန်းအသီးသီးက ဆုတ်ခွာလာတဲ့ တပ်မတော်သားတွေ ၉ တိုင်က ဘိုဘိနဲ့ ပူးပေါင်းပြီး ခုခံကြတယ် ။ KNU က နွားခြံကုန်းမှာ အခိုင်အမာ ခံစစ်ပြင်ပြီး ကော့ကရိတ် ကျုံဒိုး လမ်းကြောင်းပိတ်တယ် ။ ကော့ကရိတ်ကို ရိက္ခာ ခဲယမ်း ပို့ဖို့ မလွယ်တော့ဘူး ။ 24 - 7 - 2025 မှာ တပ်မတော်နဲ့ ဘိုဘိတပ်တွေ ပေါင်းပြီး နွားခြံကုန်းကို သိမ်းပိုက်ကာ ကားလမ်းပွင့်အောင် လုပ်နိုင်ခဲ့ပြီ ။ 28 - 8 - 2025 မှာ သင်္ကန်းညီနောင် ကော့ကရိတ် နဲ့ မြဝတီ တို့ကို ချိတ်ဆက်ပေးနိုင်ဖို့ ထိုးစစ်စတင်လိုက်တယ် ။ အာရှလမ်းမကြီး ပြန်ပွင့်သွားပြီ ။ ဆုတ်ပြေးရတဲ့ KNU နဲ့ PDF တွေဟာ မြဝတီ တောင်ဘက် မင်းလက်ပံ ဖလူး ဒေသမှာ ခံစစ် အခိုင်အမာ ပြင်ဆင်ထားကြတယ် ။ ဝေါလေဗျူဟာ ရဲ့ အနေအထားက အနောက်ဖက်မှာ မင်းလက်ပံ ဖလူး သေဘောဘိုး ဥကရစ်ထ ၊ အရှေ့ဖက်မှာ ကနဲလေး မော်ခီး ဘုရင့်နောင် ၊ တောင်ဘက်မှာ ထီးပကလယ် တို့ ကြားထဲ ရောက်နေပါတယ် ။ ဝေါလေဗျူဟာကို ညှပ်ပိတ်ပြီး အင်အားထောင်ချီသုံးကာ အကြိမ်ကြိမ် တိုက်ကြတယ် ။ နှစ်ပေါက်အောင် ကြိုးစားတိုကိသမျှ ကြိုးစားသေကြတာ မနည်းဘူး ။ ပြည်ပက ကြေးစားအဖြူကောင်တွေပါ ဝင်တိုက်တယ် ။ သေကြတာပဲ အေးရော ။ အဲဒီ ဒေသဟာ နယ်ဒါးမြအတွက် နောက်ဆုံးလက်ကျန်ဒေသပါပဲ ။ ဒါကြောင့် တပ်မတော်က 7 - 7 - 2026 မှာ ဒရုန်းတပ်နဲ့ အကဲကြည့်ရင်း သွေးတိုးစမ်း တိုက်ပွဲ စတင်ခဲ့တယ် ။ သိပ်ပြီး ပြင်းပြင်းထန်ထန်မလုပ်သေးပါဘူး ။ ၃ ရက်လောက် သွေးတိုးစမ်းပြီး 10 - 7 - 2025 မှာ လေတပ်ကနေ မင်းလက်ပံမှာ ကျွန်းတုံးတွေ ကွန်ကရစ်တွေ နဲ့ အခိုင်အမာ တည်ဆောက်ထားတဲ့ ဘန်ကာတွေကို ပြင်းပြင်းထန်ထန် ဗုံးကြဲတိုက်ခိုက်မှု စတင်လိုက်ပါတယ် ။ တပ်မတော်ရဲ့ ခြေလျှင် တိုက်ခိုက်ရေး တပ်မတွေနဲ့ အတူ BGF နဲ့ မူလ DKBA ဘိုဘိ အဖွဲ့တွေ မြေပြင်စစ်ဆင်ရေး စတင်လာပါတယ် ။ 13 - 7 - 2026 နဲ့ 14 - 7 - 2026 နေ့တွေမှာ မြေပြင် ချေမှုဲးရေးအနေနဲ့ လက်နက်ကြီးတွေ ပစ်ကြတယ် ။ 155 mm ဟောင်ဝစ်ဇာ ၊ အတွဲလိုက်ပစ် ဒုံးတွေ ၊ 120 mm စိန်ပြောင်း တွေ အပြင် နာမည်ကျော် 84 m ဂါဂူးစတက် တွေနဲ့ပါ တက်ညီ လက်ညီ ဆော်ပစ်ပါတယ် ။ ယိုးဒယား ဖက်ကို ကျည် တတောင် နှစ်တောင့် ကျလို့ ဆိုပြီး ယိုးဒယားနယ်ခြားစောင့် တပ်မှူးက နောက်ထပ်ကျရင် ပြန်ပစ်မယ် ဆိုပြီး ခြိမ်းခြောက်တယ် ။ သူခြိမ်းခြောက်လို့လားမသိဘူး BGF နဲ့ မူလ DKBA တို့ရဲ့ 120 mm စိန်ပြောင်းတွေသာ မကဘူး အမြှောက်တပ်တွေရဲ့ အုပ်စုဖွဲ့ ဝိုင်းပစ်ကြပြန်ပါတယ် ။ ဝုန်းဒိုင်းကြဲသွားတဲ့ အမြှောက်ဆံတွေ ကျလာတော့ ယိုးဒယားနယ်ခြားစောင့်တပ်သားတွေ သူတို့ရဲ့ 120 mm အမြှောက်တွေနဲ့ ပြန်ပစ်ဖို့ အသာထား သဲအိတ်တွေကြားထဲ ဒီအတိုင်းထားခဲ့ပြီး ကားတွေနဲ့ ပြန်ပြေးကြတာပါပဲ ။ သူတို့ထက် လျှင်တာက ထိုင်းတော်ဝင်တပ်မတော်က တပ်တွေပဲ ။ ထိုင်းနယ်ခြားစောင့်တပ်က သတိပေးပြီးနောက် မြန်မာ့တပ်မတော်က ပြန်ဆော်မှာ သိလို့ နယ်စပ်မျဥ်းကနေ ကီလို ၅၀ ထိ ဆုတ်သွားပါပြီ ။ မနေ့က 14 - 7 - 2026 အထိတော့ အရေးပါတဲ့ လမ်းဆုံ ရဲကုန်းစခန်းကို တပ်မတော်က သိမ်းထားပါတယ် ။ သို့သော် မင်းလက်ပံက နယ်ဒါးမြရဲ့ နောက်ဆုံး ခံတပ်မို့ ရဲကုန်း နဲ့ ၇ မိုင်ခန့် ကွာဝေးတဲ့ မင်းလက်ပံကို ချေမှုံးသိမ်းပိုက်ဖို့က ကြိုးစားကြရအုံးမှာပါ ။ ကြားထဲမှာ ခံစစ် အဆင့်ဆင့် ပြုလုပ်ထားတဲ့ နေရာတွေ ကျန်ပါသေးတယ် ။	4 950
5	နန်းသိမ်းပွဲသာ ဖြစ်သောကြောင့် မဟေသီဘိတ်သိတ်ပွဲ မကျင်းပနိုင်သေးပါဘူး ။ မိန်းမယူဖို့ အသာထား နန်းသိမ်းပွဲပြီးချိန်ထိ တပင်ရွှေထီးက နားထွင်းမင်္ဂလာတောင် မကျင်းပရသေးပါဘူး ။ နန်းသိမ်းပွဲအပြီး '' မင်းတရားရွှေထီး '' ဘွဲ့ခံပြီးတာနဲ့ ကျေးဇူးရှိသူတွေကို ချီးမြှင့်ပါတယ် ။ - မင်းကြီးဆွေကို မင်းရဲသိင်္ခသူ ( သျှင်ရဲထွဋ် နဲ့ ခင်ဘုန်းတို့ရဲ့ ဖခင် နောင် တောင်ငူဘုရင်ခံ ) - သျှင်နီတာကို သတိုးဓမ္မရာဇ် ( ခင်မြတ်၏ ဖခင် နောင် ပြည်ဘုရင်ခံ) - သျှင်သီဟကို စည်သူကျော်ထင် ( တောင်ငူစည်သူကျော်ထင် ဟု ထင်ရှားပြီး နောင် စလင်းဘုရင်ခံ ဖြစ်လာပြီး စလင်းစည်သူကျော်ထင် ဟုလည်း ကျော်ကြား) - သျှင်နတ်တော်ကို ဘယနန်သူဘွဲ့ဖြင့် ချီးမြောက်၏ ( အထိမ်းတော်ငါးဦးအနက် အထက်ပါ ၄ ဦးသာ မှတ်တမ်းကျန်ခဲ့ပါတယ် ၊ အထိမ်းတော်ဆိုတာ ငယ်စဥ်ကတည်းက အဌရဿ ၁၈ ရပ် သင်ကြားပေးရသော ဆရာ အကြီးတော် ဟုလည်း ခေါ်ပါတယ်) နောက်ဆုံး အမြင့်ဆုံး ချီးမြှင့်ခံရသူကတော့ ၂ ထပ်ကွမ်း ယောက္ဖ သျှင်ရဲထွဋ်ပါပဲ ( တရားဝင် မယူရသေးပေမယ့် မင်းကျီးညို ကိုယ်တိုင် လက်စွဲတော် ကျောက်စီဓားချီးမြှင့်ပြီး မပေးစားသော်လည်း ဥပေက္ခာပြု မသိဟန်ဆောင်နေတဲ့ အချိန်) ။ သျှင်ရဲထွဋ်အား ကျော်ထင်နော်ရထာ ဆိုတဲ့ ဘွဲ့ ချီးမြှင့်ခဲ့ပါတယ် ။ မင်းတရားရွှေထီးကတော့ ဘာအကြောင်းအရာ ဘယ်ကိစ္စပဲ ဖြစ်ဖြစ် ကျော်ထင်နော်ရထာအား ဦးစွာတိုင်ပင်ပါတယ် ။ ပြီးမှ မှူးမတ်များနှင့် တိုင်ပင်ပြီး အတည်ပြု အမိန့်တော် ချမှတ်လေ့ရှိပါတယ် ။ တရားမဝင် အိမ်ရှေ့မင်းသားသဖွယ် လုပ်ပိုင်ခွင့်ကြီး ရရှိထားတဲ့ ၁၅ နှစ်သာ ကျော်ထင်နော်ရထာရဲ့ အရွယ်နဲ့ မမျှတဲ့ တည်ကြည်မှုကတော့ ပြောစမှတ်တွင်လောက်ပါတယ် ။ ကျော်ထင်နော်ရထာဟာ ထင်ပေါ်လိုသော ဆန္ဒဖြင့် အပျော်အပါး ပွဲလမ်းသဘင် မတက်လိုသူ ဖြစ်ပါတယ် ။ ဘုရင့်ကောင်းကျိုးသာ ဆောင်ရွက်လိုသူဖြစ်ပါတယ် ။ မှူးမတ်တို့အတွက် ဦးစားပေးကာ ပွဲတကာ မတက်ရောက်ပဲ ဆိုင်ရာ မှူးမတ်တို့သာ တက်ရောက်စေ၍ အာဏာခွဲဝေဖြန့်ကျက်ပေးလေ့ရှိပါတယ် ။ မှူးမတ်တို့က လေးစားစွာ ဖိတ်ကြားလာသည်ကိုပင် ငါတို့ တက်ရောက်ပါက နင်တို့ အရောင်အဝါ မှေးမှိန်ပေလိမ့်မည် နင်တို့ကိုယ်ရောင် တောက်ပမှသာ ငါတို့လည်း ရောင်ပြန်ဟပ် တောက်ပလာလိမ်မည် နင့်ပွဲမှာ နင့်ကိုယ်ရောင် တောက်ပ ပါစေ ငါ မလာတော့ ဆိုပြီး ပွဲပျော်မင်းသား မလုပ်ခဲ့တာလည်း အတုယူစရာပါပဲ ။ အစစ အရာရာ အဆင်ပြေနေတဲ့ ကျော်ထင်နော်ရထာရဲ့ ရင်ထဲမှာ ပူလောင်နေတာ တခုပဲ ရှိပါတယ် ။ အဲဒါကတော့...... ကိုရွှေမျိုးဝင်း	6 378
6	ဟုပင် ပြောဆိုနေကြပါပြီ ။ မင်းကြီးရန်နောင်ရဲ့ အဆုံးစွန်သော မြှောက်ပင့်လျှောက်တင်ချက်များက သိုဟန်ဘွားအတွက် ပိတိအဟုန် လွှမ်းခြုံသွားခဲ့ရပါပြီ ။ မင်းစည်းစိမ်ဖြင့် ပျော်မွှေ့ပြီး တောင်ငူ နဲ့ ပြည်ကို တိုက်ခိုက်ရန် မေ့လျော့နေပါတော့တယ် ။ သိုဟန်ဘွားကို ပရိယာယ်သုံးကာ နန်းတွင်းမှာ ချုပ်ကွက်အောက်ထားပြီး မင်းကြီးရန်နောင်ကတော့ သူလုပ်စရာ ရှိတာတွေကို ဆက်တိုက်လုပ်ဆောင် နေပါတော့တယ် ။ အဓိက လုပ်ဆောင်ချက်ကတော့ လူပညာရှိ ၊ ရဟန်းပညာရှိ များနဲ့ လက်ရုံးရည်ထူးချွန်တဲ့ ဗမာလူငယ်လေးတွေကို တောင်ငူသို့ ပို့ဆောင်စေပြီး အမှုထမ်းခိုင်းတာပါပဲ ။ အဲဒီ အချိန်မှာတော့ ကေတုမတီ မင်းကျီးညိုအတွက် နေဝင်ချိန်ရောက်နေပါပြီ ။ သက်တော် ၇၂ နှစ် ရှိပြီ ဖြစ်တဲ့ မင်းကြီးညိုဟာ ဆင် ဝါသနာကြီးလွန်းသလောက် သက်တော်ကြောင့် တောထဲ မသွားနိုင်တော့ပါဘူး ။ ဆင်ကျုံးကို မြို့တွင်းမှာ ထားပြီး အကြီးမြန်တဲ့ လက်ပံပင်တွေကိုလည်း မြို့ရိုးအတွင်း လေးမျက်နှာမှာ စိုက်စေခဲ့ပါတယ် ။ ပညာရှိ မှူးမတ်များက မြို့တွင်း ဆင်ကျုံးတည်ဆောက်ခြင်း နဲ့ လက်ပံပင် စိုက်ပျိုးခြင်းတွေကို မနှစ်သက်ကြပါဘူး ။ ဒါပေမယ့် အာဏာသက်ရှည်လာပြီး မိမိကိုယ်မိမိ အတော်ဆုံး အတတ်ဆုံး အထင်ရောက်နေတဲ့ မင်းကျီးညိုကိုလည်း မတားဝံ့ကြပါဘူး ။ အဲဒါကြောင့် ဆရာတော် မဟိန္ဒအား ပင့်ပြီး မင်းကျီးညိုအား တားမြစ်စကားဖြင့် ဆုံးမဖို့ လျှောက်ထားပါတယ် ။ ဆရာတော်ကလည်း အကျိုးအကြောင်းပြပြီး ဆုံးမပါတယ် ။ ဆရာတော်ရဲ့ စကားဆိုရင် အမြဲနာယူတတ်တဲ့ မင်းကျီးညိုတယောက် အရိုးရင့်သွားလို့လား...ငါသာလျှင် အတော်ဆုံးဆိုတဲ့ သုံးစားမရတဲ့ လွဲမှားသော မာန်မာန ငယ်ထိပ်ရောက်နေလို့လား မသိ တင်ပါ့ဘုရား ဆိုပြီး လုပ်ချင်တာ ဆက်လုပ်တာပါပဲ ။ တောက်တဲ့ကြီးတော့ ဖွတ် ၊ လူကြီးတော့ ဇွတ် ဆိုသလို မင်းကျီးညိုဟာ အများဆန္ဒနဲ့ ဆန့်ကျင်ပြီး ဆင်ကျုံးကို ပြီးအောင်လုပ်ပါတယ် ။ ပြီးသွားတဲ့နောက် ဆင်ကျုံးထဲမှာပဲ ယာယီစံနန်းဆောက်ပြီး နေလိုက်ပါသေးတယ် ။ ဒီတော့ ဘာဖြစ်သလဲ... ? ၃ လ ကြာတော့ ဖျားပြီး သေပါရော.... ။ ၈၉၂ နတ်တော်လဆန်း ၅ ရက် ကြာသပတေးနေ့ မှာ ကွယ်လွန်သွားပါတယ် ။ မင်းကျီးညို မရှိတဲ့ ထီးနန်းဟာ တပင်ရွှေထီးအတွက်မှတပါး အခြားမရှိတော့ပါဘူး ။ မင်းကျီးညိုမှာ သားတော်ဆိုလို့ တပင်ရွှေထီး တပါးတည်းသာ ရှိတာကြောင့် ပြိုင်ဘက်မရှိ စိုးစံဖို့သာ ရှိပါတော့တယ် ။ တပင်ရွှေထီးရဲ့ အသက်က ၁၄ နှစ်ကျော် ၁၅ နှစ်ထဲ အဝင်သာ ရှိပါသေးတယ် ။ မှူးမတ်တို့ နန်းသိမ်း မင်္ဂလာအတွက် ပြင်ဆင်နေချိန်မှာ တပင်ရွှေထီး နဲ့ သျှင်ရဲထွဋ်တို့ ၂ ယောက်လည်း ခေါင်းခြင်းဆိုင် နေကြပါတယ်... " ဖခမည်းတော် မရှိတော့ အားငယ်မိတယ် ငယ်ငယ်ရွယ်ရွယ် နဲ့ တိုင်းပြည်တာဝန် ထမ်းဆောင်နိုင်ပါ့မလား မသိဘူး နောင်တော် '' " စိုးရိမ် မနေပါနဲ့ ဘုရင်လုပ်တယ်ဆိုတာ မလွယ်မှန်းသိပါတယ် ဒါပေမယ့် မိမိဘုန်းကံအလျှောက် ဖြစ်လာရတဲ့ အပေါ် အခွင့်ယူနိုင်ဖို့ပဲ လိုပါတယ် ၊ ငယ်ရွယ်စဥ်ကတည်းက ဘုရင်ဖြစ်တော့ ရှေ့ရှောက် ဒီထက်ကြီးမြင့်ဖို့ အခွင့်သာတာပေါ့.. ကြီးမှထီးဖြူဆောင်းရတာ ဘာအရသာရှိမှာလဲ စိုးရိမ်မနေပါနဲ့ '' " အင်းးနော်တော်ပြောလို့ အားရှိပါတယ် အရေးကြီးတာက နောင်တော့်ကို တသက်လုံး ညာလက်ရုံးအဖြစ် အားကိုးနေရမှ ဖြစ်မယ်နော် '' " ဒါတော့ စိတ်ချပါ ညီတသက် နောင်တသက် ဘယ်တော့မှ သစ္စာမဖျက် အမြဲတမ်း ခစားနေမှာပါ '' " ကောင်းတယ် နောင်တော် ငယ်ငယ်က မြင်းစီးထွက်ရင်း ကေတုမတီ နယ်မြေ ကျဥ်းမြောင်းလို့ ညည်းညူမိပြီး ကျုံးဝါးခဲ့ကြတာ မှတ်မိသေးလား နောင်တော် '' " ဘယ်မေ့ပါ့မလဲ ညီ... ညီ့လက်ထက်မှာ ဟံသာဝတီ နဲ့ ပြည်နယ်ပေါက်စလေးတွေသာ မကဘူး အင်းဝရွှေနန်းတော် ၊ ရှမ်းပြည်အလုံးစုံ ၊ ယိုးဒယား ၊ လင်းဇင်း ၊ ဇင်းမယ် မဇ္ဇျိမ တဝှမ်းလုံး လက်ရုံးတော်ဆန့် သိမ်းပိုက်ကြရမယ် တို့ ခေတ်ရောက်ပြီ ညီတော် '' " ကောင်းတယ် နောင်တော် ကဲ ဒီကရှေ့လျှောက် ညီ့ထီးနန်းသည် နောင်တော့်ထီးနန်းလိုပဲ သဘောထားပါ တို့ ညီနောင် စည်းလုံးနေသမျှ တို့တိုင်းဌာနီ ကြီးပွားဖို့ ၊ တို့ ဘာသာ သာသနာ ထွန်းကားဖို့ ၊ တို့လူမျိုး တန်ခိုးထွားဖို့ ချည်းဆိုတာသာ ရင်ထဲ အမြဲထည့်ထားပါနောင်တော် '' ၁၅ နှစ်သား အရွယ် ဘုရင်လောင်း နဲ့ ညာလက်ရုံး တို့ ဆွေးနွေးပြောစကားတွေ ကြိမ်းမောင်းကျုံးဝါးပုံတွေဟာ အင်မတန် အားရစရာပါပဲ ။ ကလေးသူငယ် ၂ ယောက်ကတော့ သူတို့ သမိုင်း သူတို့ ဘယ်လို ရေးကြမလဲ... အပြောသမား လေကြီးသူ သက်သက်လား.. လက်တွေ့သမားလားဆိုတာ လေ့လာကြပါစို့..... တပင်ရွှေထီးက နန်သိမ်းပွဲကို တက်ရောက်ဖို့ သူ့ရဲ့ ရီးစား ၂ ယောက်ကို အတိအလင်း နေရာချထားပေးလိုက်ပါပြီ ။ နန်းသိမ်းဘိသိတ်ခံပွဲမှာ ခင်ဘုန်းကို လကျာ်ဘက် ၊ ခင်မြတ်ကို လက်ဝဲဘက်က နေရာယူစေခဲ့ခြင်းဖြင့် တောင်နန်းမတော်ကြီး နဲ့ မြောက်နန်းမိဖုရားလောင်းလျှာတွေအဖြစ် ကြေညာခဲ့ပါပြီ ။	5 907
7	တပင်ရွှေထီး နဲ့ ဘုရင့်နောင် (11) ========================= " မင်းကြီးရန်နောင် အင်းဝနေပြည်တော်ဟာ ယခု ကျုပ်တို့ လက်အောက်မှာ စည်ကားသိုက်မြိုက်ပြီး အေးချမ်းနေပါပြီ '' " မှန်ပါတယ် ရှမ်း နဲ့ မြန်မာ ညီညီညွှတ်ညွှတ် ပေါင်းစည်းအုပ်ချုပ်နေတာကြောင့် ဖြစ်ပါတယ် '' " အခု ကျုပ်စဥ်းစားကြည့်နေတာက ကေတုမတီ တောင်ငူ နဲ့ ပြည် တို့ဆိုတာ တချိန်တုန်းက အင်းဝ ရဲ့ လက်အောက်ခံ တိုင်းပြည်တွေပဲ မဟုတ်လား... '' " ဟုတ်ပါတယ် ယခု အချိန်တော့ သူတို့လည်း အင်အားတောင့်တင်းနေပြီမို့ သီးခြား တိုင်းပြည်များအဖြစ် ခိုင်ခိုင်မာမာ ရပ်တည်နေကြပါပြီ '' " အင်းးအဲဒါကြောင့် ကျုပ်စဥ်းစားနေတာလေ ယခုဆိုရင် အင်းဝရဲ့ အင်အားဟာ အလွန်တောင့်တင်း နေပေပြီ ၊ ဖခင် မိုးညှင်းရဲ့ အင်အားနဲ့ အင်းဝ အင်အားတို့ ပေါင်းစည်းပြီး ကေတုမတီ နဲ့ ပြည်ကို သိမ်းပိုက်ရင် အလွယ်တကူ အောင်မြင်မယ် မဟုတ်ဖူးလား '' မင်းကြီးရန်နောင် အလွန်စိုးရိမ်တဲ့ အချက်ကို သိုဟန်ဘွားက ကြံစည်နေပေပြီ ။ ယခု အခါ ဗမာတို့ရဲ့ မင်းနေပြည်တော် အင်းဝသည် ရှမ်းတို့ လက်အောက် ကျရောက်လျှက် ရှိပေပြီ ။ ဗမာ အများစုသည်ကား ကေတုမတီ နဲ့ ပြည်ရှိ ဗမာမင်းများထံ ခိုလှုံလျှက် ရှိနေကြပါတယ် ။ ယင်းနယ်မြေတို့အား တိုက်ခိုက်သိမ်းပိုက်ပါက ဗမာလူမျိုးတို့ အတွက် ခိုလှုံရာ ကင်းမဲ့သွားရပါလိမ့်မယ် ။ ထို့ကြောင့် မင်းကြီးရန်နောင် က.... " အရှင်သိုဟန်ဘွားတို့က အင်အားကြီးမားလှပါတယ် အင်းဝနေပြည်တော်ကိုတောင် တိုက်ခိုက်သိမ်းပိုက် နိုင်ခြင်းကြောင့် တောင်ငူ နဲ့ ပြည် ကိုလည်း တိုက်ခိုက်သိမ်းပိုက်နိုင်မည်မှာ သေချာလှပါတယ် '' " ဒါဆို ကျုပ်တို့ စစ်ပြင်ပြီး သိမ်းပိုက်ဖို့ လုပ်ကြစို့.. သိမ်းပိုက်ပြီးရင် မင်းကြီးရန်နောင် ကြိုက်တဲ့တိုင်းပြည်ကို ဘုရင်ခံလုပ် အုပ်ချုပ်ပါလေ... '' " အမှန်အတိုင်းပြောရရင် အပင်ပန်းခံပြီး တိုက်စရာ မလိုပါဘူး သူလျှိုအထောက်တော်များထံမှ သတင်းစကားကြားထားပါတယ် မကြာခင် တောင်ငူ နဲ့ ပြည် ဘုရင်တို့ထံမှ လက်ဆောင်ပဏ္ဏာများ ဆက်သလာပါလိမ့်မည် ထို့ကြောင့် ရာဇအိန္ဒြေမပျက် ခန့်ညားစွာ စောင့်ဆိုင်းနေရုံပါပဲ '' မင်းကြီးရန်နောင်ရဲ့ ကြွယ်ဝသော နိုင်ငံရေး ပရိယာယ်အောက်မှာ သိုဟန်ဘွားတယောက် အရည်ပျော်သွားရပါပြီ ။ များစွာ နှစ်သက် သဘောကျသွားပြီး တောင်ငူ နဲ့ ပြည်ကို အစောတလျှင် တိုက်ရန် ကြံစည်ထားမှုအား ပယ်ဖျက်လိုက်ပါတော့တယ် ။ မင်းကြီးရန်နောင်လည်း မင်းကြီးညိုထံ အရေးတကြီး စာလွှာပါးလိုက်ရပါပြီ ... " နောင်တော်ကြီးထံ အင်းဝ မင်းကြီးရန်နောင်မှ လျှောက်တင်စာ ဆက်သလိုက်ရပါတယ် ၊ ရှမ်းဘုရင်ဟာ အင်းဝကို နိုင်နင်းစွာ အုပ်ချုပ်နိုင်ပြီးနောက် ရာဇမာန် တက်ကြွစွာနဲ့ လောဘလည်းကြီးလာပါပြီ ၊ တောင်ငူ နဲ့ ပြည်ကို သိမ်းပိုက်ရန် ကြံစည်ကာ ကျနော့်အား တိုင်ပင်ပါတယ် ၊ မသင့်တော်သေးကြောင်း ယုတ္တိရှိအောင် တင်ပြတားမြစ်ထားရပါတယ် ၊ သူဘက်က အတင်းရှေ့တိုးကြံစည်လျှင် ခုခံရန် ခက်ခဲနိုင်ပါတယ် ၊ ပြည်နဲ့တောင်ငူ ကျရှုံးခဲ့လျှင် ဗမာတို့ နေရာမရှိတော့ပဲ ရှမ်းနှိပ်စက်သမျှ ခံကြရပါလိမ့်မည် ၊ ယခုအခါ အင်းဝမှာပင် ဗမာ နဲ့ ဗုဒ္ဓဘာသာအား နှိမ်ချလိုသော အရိပ်အယောင် ပြသနေပါပြီ ။ ကျွန်ုပ်ကိုယ်တိုင် ရှမ်းလက်အောက် ခိုလှုံနေခြင်းမှာ သာသနာ နှင့် လူမျိုးအတွက်ကြောင့်သာ ဖြစ်ပါတယ် ။ သို့ပါ၍ ရှမ်းတို့ အင်အားကောင်းနေခိုက် အလိုက်သင့်ပေါင်းသင်းဆက်ဆံသင့်ပါတယ် ။ သိုဟန်ဘွားအား လက်ဆောင်ပဏ္ဏာ ဆက်သပြီး သင့်လျှော်သည့်အချိန်တိုင်အောင် အချိန်ဆွဲထားစေချင်ပါတယ် ။ အပူနဲ့သတ်၍ ရသကဲ့သို့ အအေးဖြင့်လည်း သက်တောင့်သက်သာ သတ်၍ရပါသည် ။ ဒီသဘောကို ပြည် ဘုရင်ထံသို့လည်း လျှောက်ထားလိုက်ပါမည် '' အဲဒီလို တောင်ငူ နဲ့ ပြည်ဘုရင် တို့ဆီ ဆက်သွယ်ပြီး အကြံပြုလိုက်ပါတယ် ။ မင်းကြီးညိုလည်း သဘာဝကျသော မင်းကြီးရန်နောင်၏ အကြံပြုကို လက်ခံပါတယ် ။ ပြည်ဘုရင်လည်း လက်ခံတော်မူသောကြောင့် သိုဟန်ဘွားထံ လက်ဆောင်ပဏ္ဏာများ နဲ့ မဟာမိတ်ဖွဲ့သော သဝဏ်လွှာများအား ဆက်သကြပါတယ် ။ တသက်နဲ့တကိုယ် ဗမာများထံမှ ယခုလို ခန့်ညားတဲ့ လက်ဆောင်ပဏ္ဏာနဲ့ လေးစားစွာ ဆက်သတဲ့ သဝဏ်လွှာ မရဖူးတဲ့ သိုဟန်ဘွားအတွက်တော့ ဂုဏ်ယူမဆုံးဖြစ်ရပါပြီ ။ ကြိုတင်လျှောက်ထားခဲ့တဲ့ မင်းကြီးရန်နောင်ရဲ့ ဥာဏ်ရည် ဥာဏ်သွေးကိုလည်း ချီးမွမ်း သဘောကျမဆုံး ဖြစ်ရပါပြီ ။ " မင်းကြီးရန်နောင် ပြောခဲ့သည့်အတိုင်း ယခု တောင်ငူ နဲ့ ပြည်ဘုရင်တို့ထံမှ လက်ဆောင်ပဏ္ဏာများနဲ့ ချစ်ကြည်ရေး သဝဏ်လွှာများ ဆက်သလာခဲ့ပါပြီ ၊ ဒီအတိုင်းဆို မကြာခင် ကျုပ်တို့ လက်အောက်ကို ခိုဝင်လာမယ်လို့ ယူဆတာ မှန်သလား မင်းကြီးရန်နောင် '' " အမှန်ပါပဲ အရှင်သိုဟန်ဘွား..မင်းကောင်းမင်းမြတ်ဆိုတာ လက်ရုံးရည်ချည်း အားကိုးလို့ မရပါဘူး မိမိဘုန်းကံကိုလည်း မြှင့်တင်ပေးရပါတယ် ၊ ဘုန်းကံအရ အလိုလိုခိုလှုံလာကြလေ မိမိဘုန်းကံ မြင့်မားလာလေပါပဲ ဒါကြောင့် အိန္ဒြေနဲ့သာ စိုးစံနေပါ ၊ ယခုဆို အင်းဝနေပြည်တော်ထဲမှာ ကလေးလူကြီး ပါးစပ်ဖျား၌... " နတ်ပြည်မှာ သိကြား ရှမ်းပြည်မှာ သိုဟန်ဘွား ''	5 703
8	ဒီလိုမျိုး အင်းဝမှာ ဖြစ်နေပါပြီ ။ သိုဟန်ဘွားကလည်း တနေ့ မြန်မာပြည်တပြည်လုံး ရှမ်းတို့ အုပ်စိုးရမယ် ။ ဗုဒ္ဓဘာသာ မှေးမှိန်ရမယ် ဆိုပြီး ကြံစည်နေပါပြီ ။ မင်းကြီးရန်နောင်ရဲ့ အကြံဥာဏ်ကို ရှမ်းတို့ ကြီးပွားရေးအတွက် အသုံးချရမယ်လို့ တွက်ဆထားပါတယ် ။ မင်းကြီးရန်နောင်ကလည်း ရှမ်းတွေကို အခြေအနေပေးတဲ့ တနေ့ နှင်ထုတ်ရမယ် ။ သိုဟန်ဘွားကို မြှောက်ပင့်ပေးပြီး ဗမာအင်အားကြီးထွားလာရေး ဆောင်ရွက်ရမယ်လို့ ကြိတ်ကြံနေပါပြီ ။ ဒီ အချိန်မှာပဲ မင်းကြီးရန်နောင် စိုးရိမ်နေတဲ့ တနေ့ ရောက်လာပါတယ် ။ အဲဒီနေ့မှာ သိုဟန်ဘွားက မင်းကြီးရန်နောင်ထံ အရေးကြီးတဲ့ ကိစ္စတခု ဖွင့်ဟ တိုင်ပင်လာပါတယ် ။ မင်းကြီးရန်နောင် ခေါင်းကိုက်ရမယ့် သိုဟန်ဘွားရဲ့ အကြံကတော့...... ကိုရွှေမျိုးဝင်း	7 363
9	မင်းကျီးညိုက ဇာတာရှင်ဟာ ကေတုမတီရဲ့ ၃ ဆက်မြောက် အကြီးအကဲ ဇာတာဖြစ်နေတာမို့ သူ နဲ့ သားတော် တပင်ရွှေထီး နောက်မှ ဆက်ခံမယ့်သူ ဖြစ်မှန်း တွက်ချက် သိလိုက်ပါတယ် ။ အကယ်၍ သမီးတော် ခင်မိကြီးနဲ့ သျှင်ရဲထွဋ် လက်ထက်ခဲ့လျှင်ပင် သမီးတော်ဟာ မိဖုရားခေါင်ကြီး ဖြစ်လာမှာမို့ ဒီ ပြဿနာကို ကျေအေးလိုက်ဖို့ ဆုံးဖြတ်လိုက်ပါတော့တယ် ။ မင်းကြီးညိုဟာ မှူးမတ်များကို ခေါ်ယူပြီး သျှင်ရဲထွဋ်ကို အပြစ်မှ လွှတ်၍ လက်သုံးတော် ကျောက်စီဓားပါ ချီးမြှောက်လိုက်ကြောင်း ၊ သားတော် တပင်ရွှေထီးရဲ့ လူယုံတော်အဖြစ် သတ်မှတ်ကြောင်း မိန့်တော်မူလိုက်ပါတယ် ။ သားရေး သမီးရေးအတွက် ဆူပွက်သွားရတဲ့ ကေတုမတီကတော့ ငြိမ်းအေးသွားရပါပြီ ။ သိုဝန်ဘွား အုပ်ချုပ်နေတဲ့ အင်းဝကို ပြန်ကြည့်ရပါအုံးမည် ။ သိုဟန်ဘွားသည်ကား မင်းကြီးရန်နောင်ရဲ့ အစီအမံအောက်မှာ အင်းဝကို ငြိမ်ဝပ်ပိပြား အေးချမ်းသာယာစွာ အုပ်ချုပ်နိုင်ခဲ့ပါပြီ ။ ကာလကြာလာတာနဲ့ အမျှ သူ့ကိုယ်သူလည်း ဘဝင်မြင့်လာပါပြီ ။ ငါလိုလူ ဇမ္မူရှိသေးလား ဆိုတဲ့ အတ္တမာန ကိန်းလာပေမယ့် မင်းကြီးရန်နောင်ကိုတော့ လေးစားခင်မင်ဆဲ ဖြစ်ပါတော့တယ် ။ ဗုဒ္ဓဘာသာက်ို မကိုးကွယ်သူ ဟိုဟန်ဘွားဟာ သူ့ရဲ့ ရှမ်းလူမျိုးများ ကြီးမြင့်ရေး ၊ ရှမ်းဘာသာ စာပေ တိုးတက်ရေးအတွက် ဆောင်ရွက်ချင်လာပါပြီ ။ ဒီတော့ သူ့အကြံအစည်ကို ဗမာမှူးမတ်များအား တိုင်ပင်ပါတယ် ။ ဗမာဆိုပေမယ့် သိုဟန်ဘွားရဲ့ ချီးမြှင့်မှုအောက်မှာ အသားကျနေပြီး ကြီးပွားနေတဲ့ မှူးမတ်တွေကတော့ လူမျိုးနဲ့ သာသနာကို လစ်လျှူရှုပြီး သိုဟန်ဘွားအား ဖားယားကာ ကောင်းပါတယ် ၊ မှန်ပါတယ် လို့ ထောက်ခံကြပါတယ် ။ ငဖား မှူးမတ်တွေ ထောက်ခံလို့ သိုဟန်ဘွားလည်း အားတက်လာပြီး ဗုဒ္ဓဘာသာ ဘုန်းကြီးကျောင်းများမှ တဆင့် ရှမ်း စာပေ နဲ့ ဘာသာစကားတွေကို သင်ခိုင်းမယ်လို့ ကြံစည်ပါတယ် ။ သူ့အကြံကို မင်းကြီးရန်နောင်အား ချပြတိုင်ပင်ရာ.... " ဒီ အကြံဟာ မကောင်းပါဘူး ၊ ဗမာတွေဟာ အသားကျနေတဲ့ စာပေ နဲ့ စကား အစား ရှမ်းစာ ရှမ်းစကားကို ပြောကြမှာ မဟုတ်ပါဘူး ။ ဒါဆိုရင် စစ်ရေး စစ်ရာ ကြုံလာပါက အမိန့်ပေး စနစ်အပေါ် ဆိုးကျိုးသက်ရောက်လာနိုင်ပါတယ် ။ ပြည်သူတွေ စိတ်ညစ်ပြီး ကေတုမတီ ၊ ပြည် ၊ တောင်တွင်းကြီးတွေဆီကို ထွက်ပြေးကြပါလိမ့်မယ် ဒီ အတိုင်းပဲ ထားတာ ကောင်းပါမယ် '' ဆိုပြီး ကန့်ကွက်ပါတော့တယ် ။ မင်းကြီးရန်နောင်ကို ခင်မင်ရင်းစွဲလည်းရှိ လေးလည်းလေးစားနေတဲ့ သိုဟန်ဘွားဟာ သဘာဝကျတဲ့ ကန့်ကွက်မှုကို လက်ခံပြီး သူ့အစီအစဥ်ကို ဖျက်လိုက်ပါတယ် ။ သူကသာ အဲဒီ ပြဿနာကို အပြီးသတ်လိုက်တာပါ အပြီးမသတ်နိုင်သူ မင်းကြီးရန်နောင်ကတော့ မြန်မာမှူးမတ်တွေကို သူ့အိမ်တော်သို့ ဆင့်ခေါ်လိုက်ပါတယ်.... အိမ်တော်မှာ ကျောက်စီဓားလွတ်ကြီး တင်းတင်းဆုပ်ကိုင်ထားပြီး ဝင်လာသမျှ မှူးမတ်တွေကို မာမာထန်ထန် စိုက်ကြည့်နေတဲ့ မင်းကြီးရန်နောင်ရဲ့ အကြည့်စူးစူးအောက်မှာ လာသမျှ ဗမာမှူးမတ်တို့ ကြောက်ရွံ့နေပါတော့တယ် ။ လူစုံတာနဲ့ မင်းကြီးရန်နောင်က.... " ကဲ သိုဟန်ဘွားကို ရှမ်းစာ ရှမ်းစကား သင်ကြားဖို့ ထောက်ခံကြတာ ဘယ်သူတွေလဲ ပြောစမ်း '' မင်းကြီးရန်နောင်ရဲ့ တင်းမာပြတ်သားတဲ့ လေသံ နဲ့ ခက်ထန်တဲ့ မျက်နှာပေး ၊ လက်ထဲက ဝင်းလက်နေတဲ့ ကျောက်စီဓားလွတ်ကြီး ကြည့်ပြီး ငဖား မှူးမတ်အချို့ တုန်လှုပ်သွားကြပါတယ် ။ " မှန်ပါ မင်းကြီး ကျနော်မျိုးတို့ မလိမ္မာလို့ မှားယွင်း ထောက်ခံမိတာ ခွင့်လွှတ်ပါဘုရား '' " ဘာ မလိမ္မာတာလည်းကွ ဟမ်...ဘာသာစကား နဲ့ စာပေ ပျောက်ကွယ်ရင် လူမျိုးပါ ပျောက်မယ်ဆိုတာ မသိဘူးလား...လူမျိုးပျောက်ရင် သာသနာပျောက်မယ် ဆိုတာ နားမလည်ဘူးလား '' မှူးမတ်အားလုံး တုပ်တုပ်မျှ မလှုပ်ရဲကြပါဘူး ။ သူတို့အားလုံးက မင်းကြီးရန်နောင်ရဲ့ မျိုးချစ်စိတ် နဲ့ ရဲစွမ်းသတ္တိကို ကောင်းစွာ သိပြီးသူများဖြစ်ကြပါတယ် ။ မင်းကြီးရန်နောင်က မှူးမတ်တွေကို စိုက်ကြည့်ပြီး.... " မင်းတို့ ငါ့ကို လာခေါ်တော့ အားလုံး ငါ့စကား နားထောင်ပါ့မယ်လို့ သစ္စာရေ သောက်ခဲ့ကြတာ မှတ်မိကြရဲ့လား... '' " မှတ်မိပါတယ် ဘုရား '' " အေး ငါတို့အားလုံး ကိုယ်ကျိုးအတွက် မဟုတ်ပဲ လူမျိုးနဲ့ သာသနာအတွက် မိမိကိုယ်မိမိ ချိုးနှိမ်ပြီး ရှမ်းတွေ လက်အောက် ခိုလှုံခဲ့တာ မဟုတ်ဖူးလား '' " ဟုတ်ပါတယ်ဘုရား '' " ငါ့သဘောဆို ကေတုမတီသွားပြီး ပူးပေါင်းမယ် ပြီးမှ အင်းဝကို ပြန်တိုက်ဖို့ ကြံစည်နေတာ မင်းတို့ ဇွတ်ခေါ်လာလို့ ငါ လိုက်လာတာလေ ဘာလဲ မင်းတို့က လောဘဇောကပ်ပြီး လာဘ်လာဘမျှော်ကိုးလို့ ရှမ်းစာ ရှမ်းစကား သင်ဖို့ ထောက်ခံကြတာလား လောဘအိုးတွေ ပြောကြစမ်း '' " မဟုတ်ပါဘူး မင်းကြီးရန်နောင် အားလုံး မင်းကြီးစကားကို နာခံလျှက်ပါပဲ '' " အေးးးမနာခံရင်လည်း ငါ့ လက်နက်နဲ့ ကိုယ်တိုင် သတ်ပစ်မှာပဲ ငါ့မျက်စိနဲ့ ရှမ်းငဖားတွေကို မြင်ခဲ့ပြီးပြီ အားလုံး သစ္စာရေ ထပ်သောက်ရမယ် ကြားလား ''	6 670
10	တပင်ရွှေထီး နဲ့ ဘုရင့်နောင် (10) ======================== မင်းကျီးညိုဟာ စိတ်ဆိုးပြီး သျှင်ရဲထွဋ်လို အထိမ်းတော်ရဲ့ သားက ငါလို ဘုရင်ရဲ့ သမီးတော်ကို ချစ်ကြိုက်ရသလား...ဒီကိစ္စဟာ အခြားတိုင်းပြည်တွေက ကြားသိရင်လည်း ရှက်စရာကောင်းလှပေတယ် လို့ တွက်ဆပါတယ် ။ ဒါကြောင့် ဘုရင့်သမီးတော်ကို ကျူးလွန်သူ သျှင်ရဲထွဋ်အား ငါ့ရှေ့တော်မှောက် ဆကိသရမယ် ငါကိုယ်တိုင် ဒီကျောက်စီဓားနဲ့ ကွပ်မျက်မယ် ဆိုပြီး တချက်လွတ် အမိန့် ထုတ်လိုက်ပါတယ် ။ ( ဒီနေရာမှာ လယ်တီပဏ္ဏီတ ဦးမောင်ကြီးကတော့ ချိန်းတွေ့နေတာ သူနဲ့ ပက်ပင်းတိုးလို့ ဒီအမိန့်ထုတ်တာလို့ ဆိုပါတယ် ။ သို့သော် ကထိကဦးစိန်လွင်လေး နဲ့ အခြား ရာဇဝင်စာအုပ်များမှာတော့ သမီးတော်ကိုယ်ဝန်ရှိနေလို့ သိသွားပြီး စိတ်ဆိုးတာလို့ ဆိုပါတယ် ။ မဲ များရာ ယူမယ်ဆိုရင် ကိုယ်ဝန်ရှိတယ်လို့ ယူဆမိပါတယ် ၊ လွတ်လပ်စွာ ကွဲလွဲနိုင်ပါကြောင်း.... ) သျှင်ရဲထွဋ်ကို သေမိန့် ပေးလိုက်လို့ သူလည်း ငယ်ဆရာတော် အရှငိမဟိန္ဒရဲ့ ဘုန်းကြီးကျောင်းမှာ ပုန်းအောင်းနေပါတယ် ။ ဒေါသအလျှောက် သျှင်ရဲထွဋ်ကို သေမိန့်ပေးထားတဲ့ မင်းကျီးညို အမိန့်ကြောင့် မှူးမတ်တွေ လိုက်ရှာကြပေမယ့် မတွေ့ပါဘူး ။ ဆရာတော် မဟိန္ဒရဲ့ကျောင်းကိုလည်း ခန့်မှန်းမိပေမယ့် မရှာရဲကြပါဘူး ။ ဆရာတော်က မင်းကျီးညိုကိုးကွယ်တဲ့ မင်းဆရာလည်း ဖြစ်နေတာကိုး ။ တပင်ရွှေထီးကတော့ အဲဒီ သတင်းကြားတာနဲ့ သူ့ရဲ့ ဖခမည်းတော်ဆီ သွားပါတယ် ။ သျှင်ရဲထွဋ်ကို အပြစ်မပေးဖို့ ဇွတ်တောင်းဆိုပါတော့တယ် ။ မင်းကျီးညိုလည်း သူ အင်မတန် ချစ်ရတဲ့ သားတော် တပင်ရွှေထီး နဲ့ သျှင်ရဲထွဋ်တို့ရဲ့ သံယောဇဥ်ကို သိပါတယ် ။ သူမရှိတော့ရင် တပင်ရွှေထီးကို အနီးကပ် စောင့်ရှောက်ဖို့ အလုံးစုံ စိတ်ချရသူကလည်း သျှင်ရဲထွဋ်ပဲ ရှိတာ သူသိပါတယ် ။ ငယ်စဥ်ကတည်းက တွယ်တာခဲ့ရတဲ့ ကလေးတွေရဲ့ သံယောဇဥ်ကို မင်းကျီးညို ကောင်းစွာသိပါတယ် ။ ဒါပေမယ့် မင်းတို့ရဲ့ ထားရှိအပ်သော ရာဇမာန်အရ သူ့တချက်လွှတ် အမိန့်တော်ကို ရုတ်သိမ်းမပေးသေးပါဘူး ။ အခြားသူသာ တရားခံဆို မိဘ ဆွေမျိုးတွေပါ ဖမ်းဆီးမယ် ၊ ခိုအောင်းနိုင်တဲ့ နေရာမှန်သမျှ ပိုက်စိတ်တိုက်ရှာမယ် လေ ။ ဒါပေမယ့် တရားခံက သမီးတော်ရဲ့ ချစ်ခင်ရသူ ၊ သားတော်ရဲ့ နောင်တော်အရင်းကဲ့သို့ ဖြစ်နေသူ သျှင်ရဲထွဋ် ဆိုတော့ အရှင် မဟိန္ဒရဲ့ ကျောင်းတော်မှာ ရှိနေနိုင်တာကို မသိဟန်ဆောင်ပြီး အသာ ဟ ပေးထားတာလည်း မင်းကျီးညိုရဲ့ ရာဇပရိယာယ်ပါပဲ ။ အရှင်မဟိန္ဒက မင်းကျီးညို စိတ်ဆိုးပြေလောက်ချိန်ကို တွက်ဆပြီးမှ.... " ကဲ သျှင်ရဲထွဋ် ဒီလောက် ရက်ကြာသွားရင် မင်းကြီးလည်း သွေးအေးလောက်ပြီ မင်း ဒီဇာတာကို ယူသွားပြီး မင်းကြီးကို ကျနော်မျိုးဇာတာအား စစ်ဆေးပြီးမှ သတ်တော်မူပါလို့ လျှောက်လိုက် ၊ မကြောက်နဲ့ ငါ့တပည့် မင်း ဘာမှ မဖြစ်ဘူး ရဲရဲသာ သွား '' သျှင်ရဲထွဋ်လည်း ဘုရင့်ထက် ကြောက်ရတဲ့ ငယ်ဆရာတော်ရဲ့ မိန့်ကြားချက်ကို လိုက်နာရတာပေါ့ ။ ဇာတာလေး ကိုင်ပြီး နန်းတွင်းသွားပါတယ် ။ အစောင့်အကြပ်တွေက သျှင်ရဲထွဋ် ရဲတင်းလှချည်လား မင်းကြီးက သတ်မယ်ဆိုတာကို သိရက်နဲ့ အဝေးမပြေးပဲ ဘာလို့ နန်းတွင်း လာရတာလည်း အဝေးကို ပြေးပါ ဆိုပြီး တိုက်တွန်းကြတယ် ။ သျှင်ရဲထွဋ်ကတော့ ဆရာတော်ရဲ့ '' မင်းဘာမှ မဖြစ်ဘူး သွားတာသွား'' ဆိုတဲ့ စကားကို ယုံကြည်နေလို့ ဂျိုကာလေးကောင် ကိုင်ထားတဲ့ ဖဲသမားလို မိမိကိုယ်ကို ယုံကြည်မှု အပြည့်နဲ့ နန်းတော်ထဲ ရင်ကော့ဝင်သွားလေရဲ့..... မင်းကျီးညိုလည်း ရုတ်တရက် နန်းတော်ထဲ ဖြတ်ကနဲ ဝင်လာတဲ့ သျှင်ရဲထွဋ်လည်း မြင်လိုက်ရော အနားက ကျောက်စီဓား ကောက်ကိုင်ပြီး... " ဟဲ့ ရာဇဝတ်သား နင့်ကို ဖမ်းပြီး သေဒဏ်ပေးဖို့ ငါ အမိန့်ထုတ်ထားတာ မသိဘူးလား ငမိုက်သား '' " သိပါတယ်ဘုရား အရှင်မင်းကြီး အမိန့်အရ ကျနော်မျိုးမှာ ပြေးလည်း မလွတ်နိုင်ပါဘူး အခြားတိုင်းတပါးကိုလည်း မခိုလှုံနိုင်ပါဘူး ကျနော်မျိုးရဲ့ အသက်ဝိညာဥ်က ကေတုမတီမို့ သေလည်း ဒီမြေဒီရေမှာပဲ တင့်တယ်စွာ သေချင်ပါတယ် ၊ ကျနော်မျိုးအား မသတ်ခင် ဒီ ဇာတာကို စစ်ဆေးကြည့်ခိုင်းပါလို့ ဆရာတော် အရှင်မဟိန္ဒက မိန့်လိုက်ပါတယ် မင်းကြီး အရင် စစ်ဆေးပြီးမှ သတ်တော်မူပါ '' မင်းကြီးညိုလည်း အရှင် မဟိန္ဒရဲ့ စကားကို မပယ်ရှားပဲ ဇာတာတော်ကို စစ်ဆေးကြည့်ရာ တုန်လှုပ်သွားရပါတော့တယ် ။ မင်းကြီးညိုဟာ ဗေဒင်ကျွမ်းကြင်သူပီပီ ဇာတာရှင်ရဲ့ ဘုန်းကံဟာ သူ နဲ့ သူအလွန်ချစ်ခင်အားကိုရတဲ့ တပင်ရွှေထီးတို့ရဲ့ ဌာတာထက် ဘုန်းကံ ပိုမို ကြီးမားနေကြောင်း တွေ့လိုက်ရလို့ပါပဲ ။ " အင်းးးနင့်ဇာတာ ကောင်းလှချည့် သျှင်ရဲထွဋ် ၊ နောင်တချိန် အထွဋ်အထိပ်ရောက်မယ့် ဇာတာရှင်ပဲ တို့လူမျိုးနဲ့ ဘာသာ သာသနာကို ကာကွယ်စောင့်ရှောက်သူ ဘုန်းကံရှင် ဖြစ်မယ့် ဇာတာပဲ ''	6 217
11	သက္ကရာဇ် ၈၈၈ နှစ်ဦးကာလမှာ သိုဟန်ဘွား အင်းဝဘုရင် ဖြစ်လာခဲ့ပါတယ် ။ ထိုနှစ်အတွင်း အင်းဝနဲ့ခေတ်ပြိုင်.... - ပြည်ဘုရင် သတိုးမင်းစော သေဆုံး၍ သားတော် ဘုရင်ထွေး ပြည်ဘုရင် ဖြစ်လာ၏ ။ - ဟံသာဝတီမှာလည်း မွန်ဘုရင် ဗညားရံ ကွယ်လွန်၍ သားတော် သုရှင်တကာရွတ်ပိ ဘုရင်ဖြစ်လာ၏ ။ ထို ၃ နိုင်ငံတွင် မင်းပျို မင်းလွင်တို့ အုပ်ချုပ်မှု အသစ်တို့ဖြင့် လည်ပတ်နေပါပြီ ။ ကေတုမတီ တောင်ငူ နန်းတွင်းမှာတော့ မင်းကျီးညိုပဲ အုပ်စိုးနေပြီး သူ အင်မတန် အားကိုးသော တပင်ရွှေထီးလည်း လူလားမြောက်စ လူပျိုပေါက်တို့ ဖြစ်လာကြပါပြီ ။ ကေတုမတီနန်းတွင်းမှာ တပင်ရွှေထီး နှင့် သျှင်ရဲထွဋ် တို့ကတော့ အဌာရဿ ၁၈ ရပ်သော ပညာများကို ရေကုန်ရေခမ်း ဆည်းပူးလေ့ကျင့် နေကြရပါပြီ ။ အပေါင်းအဖော်များက သူတို့ ၂ ဦးတည်းတော့ မဟုတ်တော့ပါဘူး ။ ပထမတဦးက သူတို့ထက် တနှစ်မျှ ကြီးသော သခင်ကြီး ဆိုတဲ့ မင်းကျီးညိုရဲ့ သမီးတော် ဖြစ်ပါတယ် ။ သူမကို မိုးဗြဲသော်ဘွားရဲ့ သမီးတော် မိဖုရား ခင်နွယ်မှ မွေးဖွားခဲ့တာပါ ။ ဒါကြောင့် တပင်ရွှေထီးရဲ့ ဖအေတူ အမေကွဲ အမရင်း ဖြစ်ပါတယ် ။ နောက်ထပ်အဖော်ကတော့ သျှင်ရဲထွဋ်ရဲ့ မိခင်မှ ဖွားမြင်သည့် ခင်ဘုန်းစိုး ဆိုတဲ့ သမီးဖြစ်ပါတယ် ။ ထို့ပြင် မင်းကြီးဆွေရဲ့ ကိုယ်လုပ်တော် သျှင်နီတာကလည်း သမီးတဦး ဖွားမြင်ပါတယ် ။ အမည်ကတော့ ခင်မင်းမြတ် ဖြစ်ပါတယ် ။ သျှင်ရဲထွဋ် နဲ့ ခင်ဘုန်းစိုးက ညီမအရင်း ၊ ခင်မင်းမြတ်က ဖအေတူ အမေကွဲ ညီမ တော်စပ်ကြပါတယ် ။ ( သမိုင်းမှာ အရေးပါလာမယ့် အမည်တွေဖြစ်ပါတယ် ) အဲဒီ ယောကျာ်းပျို ၂ ဦး နဲ့ မိန်းကလေး ၃ ဦးတို့ဟာ နန်းတွင်းမှာ ချစ်ခင်စွာ ကစားဖော် ကစားဖက် ငယ်သူချင်းများ ဖြစ်ကြပါတယ် ။ စိတ်ကစားတဲ့ အရွယ်တွေမို့ အနေနီးလွန်းပြီး တပင်ရွှေထီး နဲ့ ခင်ဘုန်းစိုးတို့ သမီးရီးစား စဖြစ်ကြပါပြီ ။ မကြာပါဘူး ငယ်သူငယ်ချင်း ခင်မင်းမြတ်လည်း တပင်ရွှေထီးနဲ့ ထပ်မံ ချစ်ကြိုက်ကြပြန်ပါတယ် ။ တပင်ရွှေထီးသည်ကား ၁၄ နှစ်အရွယ်ကပင် ညီအမ ၂ ဦးနှင့် တချိန်တည်း ချစ်ကြိုက်နိုင်သူအဖြစ် ယောကျာ်းသားတို့အတွက် အားကျဖွယ် တွေ့မြင်ရပါတော့တယ် ။ သူတို့အတွဲရဲ့ အောင်သွယ်မှုကြောင့် သျှင်ရဲထွဋ်နဲ့ သခင်ကြီးတို့လည်း မကြာခင် သမီးရီးစား ဖြစ်သွားကြပါတယ် ။ တပင်ရွှေထီးအတွက် ခင်ဘုန်းစိုးတို့ ညီအမကို ရီးစားတော်စပ်ရတာ ပြဿနာမရှိပါဘူး ။ ပြဿနာရှိတာက သျှင်ရဲထွဋ်ပါပဲ ။ သခင်ကြီးဆိုတာ ဘုရင်မင်းမြတ်ရဲ့ အဆင်မြင့် မိဖုရားကြီးရဲ့ သမီးတော်အရင်းမို့ တိုင်းပြည်အတွက် အလွန်အရေးကြီးသူ ဖြစ်ပါတယ် ။ ထိုခေတ်အခါက တိုင်းပြည် တခုနဲ့တခု ချစ်ကြည်ရေး အတွက် အလွန်အရေးကြီးတဲ့သူ ဖြစ်ပါတယ် ။ အဲဒါကို မတွေးနိုင်လောက်အောင် မေတ္တာသက်ဝင်နေတဲ့ သျှင်ရဲထွဋ်လည်း ကဲ ချင်တိုင်းကဲ ရဲ ချင်တိုင်း ရဲ ကြရင်း ပြဿနာကြီးစွာ တက်ကြရပါပြီ ။ လူလည်ဖြစ်တဲ့ မင်းကျီးညိုဟာ သူ့ရဲ့သားတော် တပင်ရွှေထီးရဲ့ အခြေအနေကော သမီးတော် သခင်ကြီးရဲ့ အခြေအနေကော ရိပ်စားမိနေပါပြီ ။ ဒါကြောင့် သခင်ကြီးရဲ့ မိခင် မိဖုရားခင်နွယ်အား သမီးတော်သည် နိုင်ငံတော်အတွက် တန်ဖိုးကြီးသူ ဖြစ်၍ သေသေချာချာ ထိမ်းကြောင်းရန် မှာကြားပါတယ် ။ မိဖုရားလည်း သမီးတော် သခင်ကြီးအား ဆုံးမစကားမိန့်ကြားပါတယ် ။ အသက် ၁၅ နှစ်အရွယ် သခင်ကြီးအတွက် မိခင်ရဲ့ ဆိုဆုံးမစကားက အရာရာနောက်ကျခဲ့ပါပြီ ။ ဘာကြောင့်လဲ ဆိုတော့ လက်သွက်တဲ့ သျှင်ရဲထွဋ်ကြောင့် သူမဟာ ငယ်ငယ်ရွယ်ရွယ် နဲ့ ကိုယ်ဝန်ရသွားလို့ပါပဲ ။ ဒီသတင်းကို မင်းကျီးညို ကြားလိုက်တာနဲ့ နာနာဂီရိဆင် အရက်ကိုးမောင်းသောက်ပြီး သောင်းကျန်းသကဲ့သို့ ဂမူးရှူးထိုး တချက်လွတ်အမိန့်ပေးလိုက်တာကတော့...... ကိုရွှေမျိုးဝင်း	7 081
12	တပင်ရွှေထီး နဲ့ ဘုရင့်နောင် (9) ======================= " အင်းဝကို မရမှီကတည်းကပင် မင်းကြီးရန်နောင်ရဲ့ ဂုဏ်သတင်းကို ကျွန်ုပ်တို့ ကြားသိပြီးဖြစ်သလို တိုက်ပွဲတွင်းမှာလဲ ကျော်ကြားတဲ့ ဂုဏ်သတင်းနဲ့ ပြည့်စုံသူဖြစ်ကြောင်း လက်တွေ့ သိခဲ့ရလို့ ယခုလို တွေ့ဆုံ ဆွေးနွေးခွင့် ရတာ ဝမ်းသာစရာပါပဲ '' " မှန်လှပါ ကျနော်လည်း စော်ဘွားကြီး မိုးညှင်းစလုံတို့ သားအဖနဲ့ တွေ့ဆုံခွင့်ရတာ ဝမ်းသာပါတယ် သူရဲကောင်းသည် သူရဲကောင်းခြင်း မြတ်နိုးရင်းစွဲ ရှိပြီးသားမို့ အထူးပြောစရာမလိုပါ...'' " ကောင်းတယ် မင်းကြီးရန်နောင် ယခု တွေ့ဆုံရတာက မြန်မာတို့ရဲ့ ထီးနန်းထုံးစံ အတိုင်း နည်းနာယူပြီး အုပ်ချုပ်မှသာ အုပ်ချုပ်သူရော အုပ်ချုပ်ခံ ပြည်သူရော အဆင်ပြေမယ်လို့ ယူဆတဲ့အတွက် မင်းကြီးဆီက လမ်းပြပေးဖို့ ပါပဲ '' " မင်းကြီးတို့ ရှမ်းတွေ ပွင့်လင်းသလို ကျနော်တို့ မြန်မာတွေကလည်း ရိုးသားစွာ သတိပေးချင်ပါတယ် ၊ မြန်မာ ပညာရှိ ဘိုးရာဇာက '' လွယ်လွယ်မယုံနှင့် ၊ ယုံပင် ယုံသော်လည်း လွယ်လွယ်နှင့် မပုံသင့် '' ဆိုတဲ့အတိုင်း စော်ဘွားကြီး အသေအချာစဥ်းစားသင့်ကြောင်း အကြံပြုပါတယ် '' " ဒီလို ပွင့်လင်းတာကို သဘောကျပါတယ် ကဲ ဒါဆို ရှမ်း နဲ့ မြန်မာ စိတ်ဝမ်းမကွဲပဲ ချစ်ခင်စွာ ရောနှော နေထိုင် နိုင်ရန် အကြံပြုပါ '' " မင်းကျင့်တရား ဆယ်ပါးအနက် အရေးကြီးဆုံး '' အဝိရောဓန'' ဆိုတဲ့ အချက်ကို မင်းကောင်းမှန်ရင် လိုက်နာရပါတယ် ။ အဓိပ္ပါယ်က ပြည်သူတို့ရဲ့ ဆန္ဒနဲ့ မဆန့်ကျင်ပါနဲ့ တဲ့ '' " မှန်တယ် မင်း နဲ့ ပြည်သူ မကြည်ဖြူတော့ဘူးဆိုရင် တိုင်းပြည်အရေး ရှုပ်ထွေးပြီး ပျက်ဆီးတတ်တာမို့ အထူးဂရုစိုက်ပါ့မယ် '' " နောက်တချက်က ပြည်သူတို့ရဲ့ ကိုးကွယ်ရာကို မထိပါးရပါဘူး အင်းဝ ပြည်သူတွေက ဗုဒ္ဓဘာသာဝင်ချည်းပါပဲ ၊ အဲဒါကြောင့် ဗုဒ္ဓဘာသာ အပေါ် ကြည်ညိုရင်းစွဲ မရှိတဲ့ စော်ဘွားကြီးတို့က ဖိနှိပ်ညဥ်းပန်းလျှင် ပြဿနာများစွာ ပေါ်လာမှာ အသေအချာပါပဲ '' " အင်းးး ဒါလည်း မှန်ပါတယ် သို့သော် ချီးမြှောက်ဖို့ အရာကတော့ ကျွန်ုပ်တို့ နားမလည်သလို လုပ်လည်း မလုပ်လိုတဲ့ အတွက် ဒီကိစ္စကိုတော့ မင်းကြီးရန်နောင်ကိုပဲ အလုံးစုံ လွှဲအပ်ရမှာပါပဲ '' " နောက်အရေးကြီးတာက အစဥ်တစိုက် အုပ်ချုပ်လာရတဲ့ မြန်မာ မှူးကြီးမတ်ရာများအား ယခင်အတိုင်း ခန့်ထားအုပ်ချုပ်ခိုင်းမှသာ အသားတကျ အဆင်ပြေပါလိမ့်မယ် '' " ဒါလည်း လက်ခံပါတယ် သစ္စာမဖောက်ပြန်ဖို့တော့ မင်းကြီးရန်နောင် တာဝန်ယူရပါလိမ့်မယ် '' " မှန်ပါတယ် စော်ဘွားကြီး လွှတ်ရုံး ဗြဲတိုက် အစရှိတဲ့ အတွင်းမှူးမတ်များကိုတော့ ယခင်မှူးမတ်များအား မပယ်ရှားပဲ ရှမ်းမှူးမတ်များနဲ့ တွဲဖက် တာဝန်ပေးသင့်ပါတယ် '' " ဒီလို လုပ်ဖို့ မူလကတည်းက တွေးပြီးဖြစ်ပါတယ် အခက်အခဲ မရှိလှပါဘူး '' " ဒီလောက်လိုက်လျှောနေရင် အားလုံး အဆင်ပြေပါပြီ အရေးကြီးဆုံး နောက်ဆုံးတချက် အကြံပြုချင်ပါတယ် '' " ပြောပါ မင်းကြီးရန်နောင် '' " ပြည်သူများအပေါ် အခွန်အတုတ် ကြီးစွာ မကောက်ယူဖို့ပါပဲ.. စစ်ပွဲကြောင့် ဆင်းရဲနေတဲ့ ပြည်သူများအပေါ် သက်ညှာနိုင်သမျှ သက်ညှာရပါလိမ့်မယ် ၊ အဲဒါကို ထည့်မတွက်ပဲ ဘုရင့်ဘဏ္ဏာ တောင့်ရင် ပြီးရော ပြည်သူတွေ ငတ်ချင် ငတ်ပါစေလို့ သဘောထားရင်ဖြင့် အခွန်တော်ပူ၍ တိုင်းဆူရသည့် အဖြစ်များ များစွာ ပေါ်ခဲ့ရပြီး ဖြစ်ပါတယ် '' " မှန်တယ် လောဘကြီးတဲ့ ဘုရင်တွေက ပြည်သူငတ်လည်း အခွန်ခွဲရင်း ဘုန်းသမ္ဘာနိမ့်ပါးပြီး လောဘငရဲ ကျဆင်းရစမြဲမို့ ကျွန်ုပ်အား လူကြည်ညို နတ်ကြည်ညိုဖြစ်အောင် မင်းကြီးရန်နောင် စီစဥ်ပါလေ '' ၂ ဦးသား ဆွေးနွေးနေတာကို အနားက သိုဟန်ဘွားလည်း တလုံးမျှ ဝင်မပြောပဲ နားစိုက်ထောင်နေပါတယ် ။ အလုံးစုံဆွေးနွေး သဘောတူပြီးတာနဲ့ မိုးညှင်းစလုံက.... " ကဲ ကျွန်ုပ်ကတော့ ရှုပ်ထွေးတဲ့ အုပ်ချုပ်ရေးကို မလုပ်လိုဘူး မိုးညှင်းပြန်တော်မူမယ် သားတော် သိုဟန်ဘွားကို ညီအရင်းလို စောင့်ရှောက်ပြီး အတူတကွ အုပ်ချုပ်ပါလေ... သားတော်ကလည်း မင်းကြီးရန်နောင်အား အကိုရင်းလို သဘောထားပြီး သူ့အကြံဥာဏ်တွေကို နာယူရမည် '' မင်းကြီးရန်နောင်ရော သိုဟန်ဘွားပါ ၂ ဦးလုံး ဝန်ခံကြသဖြင့် မိုးညှင်းစလုံက... " ကိုင်း မင်းကြီးရန်နောင်ကို ထုံးစံနဲ့အညီ မြှောက်စားရန်သာ ကျန်တော့တယ် မင်းကြီးအလိုရှိရာ မြို့ရွာကို ပြောပါ အပိုင်စားပေးပါ့မယ် '' " ကျွန်ုပ်သည်ကား သာကီနွယ်ဖွား မဟာဆီမဟာသွေး အစစ်ဖြစ်ပါတယ် အခွင့်အရေးကို မျှော်ကိုးပြီး ခိုကပ်နေခြင်းမဟုတ်ပါ ခြင်္သေ့မင်းသည် သူတပါး၏ စားကြွင်းစားကျန်ကို မခံယူပါဘူး '' " ဒီလိုလဲ မဟုတ်သေးပါဘူး သင်အလိုမရှိပေမယ့် ကျွန်ုပ်မှာက ချီးမြှောက်ရန် တာဝန်ရှိပါတယ် ဒါကြောင့် ယခင်နာမည်ကျော် သတိုးမင်းခေါင် အပိုင်စားခဲ့တဲ့ ပြင်စည်မြို့ကို အပိုင်စားပါ '' ပြင်စည်သည်ကား ဘုရင်မင်းခေါင်လက်ထက်က အလွန်စည်ကားရာ မြို့ဖြစ်၏ ။ ဘုရင်၏ ချစ်ခင်သော သားအရင်းတို့သာ အပိုင်စားရသည့် မြို့ဖြစ်ပါသည် ။ တပတ်အကြာမှာ မိုးညှင်းစလုဲသည် သိုဟန်ဘွားအတွက် တိုက်ဆင် ၂၀၀ ၊ စစ်မြင်း ၄၀၀၀ ၊ စစ်သည် ၄၀၀၀၀ တို့အား ထားရစ်ခဲ့ကာ မိုးညှင်းသို့ ပြန်သွားပါတော့တယ် ။	6 639
13	ဆီ ဆီ ဆီ =========== နိုင်ငံတော်ကနေ စာသုံးဆီ ကိုယ်တာ လျှော့ချလိုက်လို့ ပြည်သူတွေ အခက်အခဲ ကြီးစွာ ဖြစ်နေရသလို စျေးနှုံးကြီးမားတဲ့ ဒဏ်ကိုလည်း ထပ်မံခံစားနေရပါတယ် ။ ဒါကို နိုင်ငံတော်က သိပါတယ်တဲ့ ။ ဒါကြောင့် ပြောရေးဆိုခွင့် ရှိသူထံမှ အများပြည်သူ သိရှိနိုင်ရန် ယနေ့ ရှင်းလင်းပြောကြားသွားပါတယ် ။ - လူတဦး 6.5 ပိဿာ WHO အရ - မိသားစု တစု ပျဥ်းမျှ ၅ ဦးနှုံးအရ - မိသားစု တစု 6.5×5 = 32.5 ပိဿာ ဒါက WHO ရဲ့ စံညွှန်းနဲ့ စားရင်တောင် မိသားစုတခု အတွက် အမှန် စားကို စားရမယ့် ပမာဏ ပါ ။ လက်ရှိ အစိုးရမှ ရောင်းပေးသော ပမာဏ တလ 1.24 ပိဿာ တနှစ် 1.24 × 12 = 14.88 ပိဿာ မိသားစု တစု တနှစ် 14.88 ပိဿာ - ပြည်တွင်းထွက် ဆီ ပမာဏ တန် 280000 - ပိဿာချိန် 280000×612 = 171360000 မိသားစု တစု ဝယ်နိုင်ခွင့် = 3.4 ပိဿာ ( ဝယ်နိုင်တာ မဝယ်တာ အပထားပါ ဆီ ပမာဏသာ တွက်ကြည့်ပါ) ဒီတော့ မြန်မာ မိသားစု တစုအတွက် အစိုးရ ရောင်းချပေးတဲ့ ပြည်ပဆီ ခွဲတမ်းနဲ့ ပြည်တွင်းဆီ ဝယ်ယူနိုင်တဲ့ ပမာဏ စုစုပေါင်း.... တနှစ် 14.88 + 3.4 = 17.2 ပိဿာ ဒါကို တွက်ကြည့်ပါ WHO ရဲ့ စံညွှန်းအရ မိသားစုတစု အမှန်လိုအပ်ချက် 32.5 ပိဿာ ရှိပါတယ် ။ ပြည်ပမှာ လက်တွေ့ ရနေတာက 17.2 ပိဿာမျှသာ ဖြစ်ပါတယ် ။ ကဲ သတင်းထုတ်ပြန်ချက်အရ ပြန်တွက်ကြပါစို့.... ပြည်ပမှ ဝယ်ယူ 641783 တန် × 612 ပိဿာ 392771196 ပိဿာ ရပါတယ် ။ လူတဦးခြင်းဆိုပါက... 7.7 ပိဿာ နှုံးပါ ( လူဦးရေ ၅၁ သန်း နှုံးနဲ့ တွက်ပါ) ထို့ကြောင့် အိမ်ထောင်စု တစုလျှင် ပျဥ်းမျှ လူဦးရေ ၅ ဦး နှုံးဖြင့် ခွဲတမ်းတွက်ပါက... အိမ်ထောင်စု တစုလျှင် 38.5 ပိဿာ နှုံး ရောင်းချနိုင်ပါတယ် ။ ( ပြည်တွင်းထုတ်မပါ ) ပြည်ပမှ တင်သွင်းခဲ့သော ဆီ ချည်း မိသားစု တစုလျှင် တလ 3.2 ပိဿာ ရောင်းချပေးနိုင်ပါလျှက် ယခု 1.24 ပိဿာသာ ရောင်းချနေသောကြောင့် တင်သွင်းပြီး ပြည်သူ့ထံ အစိုးရ သတ်မှတ်စျေးနှုံး နဲ့ ရောက်မလာသော ပမာဏက ဘယ်ပျောက်နေပါသလဲ....? ပြည်ပအဝယ် = 391771196 ပိဿာ ပြန် ရောင်း = 63240000 ပိဿာ -------------------------------------------------------- ဝယ်ပြီးပျောက်= 328531196 ပိဿာ OK ပါ ဖတ်ရတာ ခေါင်းရှုပ်ကုန်လောက်ပါပြီ ။ အချုပ်ကို ပြောပါ့မယ် ။ WHO နဲ့ အညီ... မိသားစု တစု တနှစ် = 32.5 ပိသာ လိုအပ် ( မိသားစု တစု ၅ ဦး ပျမ်းမျှ) အစိုးရ ရောင်း တနှစ် = 14.88 ပိဿာ အစိုးရမှ နိုင်ငံခြားငွေသုံးဝယ်ယူ အိမ်ထောင်စုတစု တနှစ် 38.5 ပိဿာနှုံး ဝယ်နေပါတယ် ။ ကြားထဲက ကွာဟနေတဲ့ ဆီတွေ ဘယ်ရောက်ကုန်တာလဲ... အသွင်းပြပြီး ဒေါ်လာစားနေကြသလား...? ပြည်တွင်းထုတ်ဆီ ဝယ်နိုင်လို့ ဝယ်မည်ဆိုပါက မိသားစု တစု တနှစ် 3.4 ပိဿာနှုံး ဝယ်ယူနိုင်တာပါ တွက်ကြည့်ပါက အစိုးရ အတွက် ဘာလုပ်ရမယ်ဆိုတာ အဖြေထွက်လောက်ပါပြီ ။ မှတ်ချက် ။ ။ ဆီလျှော့စားဖို့ အကြံပေးသူများ ကိုယ့်ပြည်သူတွေ ဘယ်လောက် နိမ့်ကျနေရသလဲဆိုတာ အမှန်တိုင်း မြင်အောင်ကြည့်ပြီး မသမာသူ ဖော်ထုတ်ဖို့ပဲ အကြံပေးသင့်ပါတယ် ၊ ကိန်းဂဏန်းဆိုတာ လိမ်ရလွယ်သလို ဖော်ထုတ်ရတာလည်း ရှေးက ၈ တန်း အဆင့်လောက်နဲ့ကိုပဲ သိနိုင်ပါတယ် ။ တတန်မှာ 612 ပိဿာ ရှိမှန်းသိရင်ကို တွက်လို့ ရပါတယ် ။ ကိုရွှေမျိုးဝင်း	7 305
14	မင်းကြီးရန်နောင် နဲ့ ဗမာမှူးမတ်များဟာ အထက်ပါအတိုင်း ညှိနှိုင်း သဘောတူခဲ့ကြပြီး အင်းဝနေပြည်တော်သို့ ဝင်ခဲ့ကြပါတယ် ။ မိုးညှင်းစလုံ ဟာ မင်းကြီးရန်နောင်ကို ဓနုဆောင်မှာ ကြိုဆိုပါတယ် ။ ထူးခြားချက် အဖြစ် မင်းကြီးရန်နောင်က ကျောက်စီဓားကို လက်ထဲက မချပဲ တွေ့ဆုံခဲ့တာကို ခွင့်ပြုခဲ့တာပါပဲ ။ မိုးညှင်းစလုံဟာ သလွန်တခုပေါ်မှာ နေရာယူပြီး မျက်နှာခြင်းဆိုင် သလွန်ပေါ်မှာ သိုဝန်ဘွားနဲ့ အတူ မင်းကြီးရန်နောင်ကို ယှဥ်တွဲ နေရာချပေးပြီး သူ့ရဲ့ အလေးအနက်ထားပုံကို ပြသခဲ့ပါတယ် ။ မြန်မာ့ရာဇဝင်မှာ ထင်ရှားလှတဲ့ မင်းကြီးရန်နောင် နဲ့ အောင်နိုင်သူ မိုးညှင်းစလုံတို့ အချက်တွေနဲ့ သဘောတူမှု ရယူခဲ့သလဲ ဆိုတော့...... ကိုရွှေမျိုးဝင်း	8 924
15	ဒါကို အခွင့်ကောင်းယူပြီး မင်းကြီးရန်နောင် နဲ့ မှူးမတ် သူရဲကောင်းတွေဟာ ဖောက်ထွက်သွားကြပါတယ် ။ မင်းကြီးရန်နောင်နဲ့ သူရဲကောင်း တသိုက်ဟာ အံ့သြဖွယ်ရာ ဖောက်ထွက်ပြီး ပြင်သာ ( ယခု ပြင်ဦးလွင်) မှာ အခြေပြု တပ်ချထားနိုင်ခြင်း အပေါ် စလုံ နဲ့ သိုဟန်ဘွား သားအဖ ၂ ဦးလုံး ချီးမွမ်းမဆုံး ဖြစ်ခဲ့ရပါတယ် ။ အင်းဝနေပြည်တော်ကြီး မိုးညှင်းစလုံလက်အောက် ကျရောက်ခဲ့ရတဲ့ နေ့ကတော့ သက္ကရာဇ် ၈၈၈ နှောင်းတန်ခူးလဆန်း ၁၂ ရက်နေ့ ဖြစ်ပါတယ် ။ ဒီတကြိမ်မှာတော့ မိုးညှင်းစလုံဟာ အင်းဝကို အုပ်ချုပ်ဖို့ ယခင်ကလို ပြည်ဘုရင်အား မလွှဲအပ်တော့ပါဘူး ။ စွမ်းရည်မရှိတဲ့သူကို ရန်သူကလည်း မလေးစားသလို မိတ်ဆွေကလည်း ၂ ခါပြန် တန်ဖိုးမထားတတ်တာ မှတ်သားစရာပါပဲ ။ အင်းဝကို ဗမာတွေလက်ထဲ ထားခဲ့မိလို့ ရက်သတ္တပတ် ၁ ပတ်မပြည့်ခင် ပြန်လည် လက်လွတ်ခဲ့ရသောကြောင့် ဒီတခါ ရှမ်းတွေ ကိုယ်တိုင် အုပ်ချုပ်ဖို့ တိုင်ပင်ကြပါတယ် ။ ရှမ်းအမတ်များက.... " အင်းဝ၌ မင်း မရှိတော့သော်လည်း ရာဇမာန်ကြီးသော ဗမာလူမျိုးများအား ကြာရှည် အုပ်ချုပ်ဖို့ဆို ရှမ်းချည်း သက်သက်ဖြင့် မလွယ်ကူပါဘူး ဒါကြောင့် ဗမာ မှူးမတ်များနှင့် ပူးပေါင်းအုပ်ချုပ်မှသာ ရေရှည်အတွက် အဆင်ပြေနိုင်ကြောင်း အကြံပြုပါတယ် '' " ကဲ သားတော် သိုဟန်ဘွား သဘောကရော '' " ဒါ ဖြစ်သင့်တဲ့ ကိစ္စပါပဲ... ကျနော်တို့ ရှမ်းတွေက လူနည်းစုဖြစ်ပြီး အုပ်ချုပ်ရေးလည်း မကျွမ်းကြင်ကြပါဘူး စနစ်တကျ အုပ်ချုပ်ဖို့ ဗမာ မှူးမတ်တွေ ပူးပေါင်းမှ ရမှာပါ အရေးကြီးတာက ယခု ပြင်သာမှာ တိမ်းရှောင်နေတဲ့ မင်းကြီးရန်နောင် ဖြစ်ပါတယ် သူ့ကို စည်းရုံးနိုင်ဖို့ အရေးကြီးပါတယ် '' " မှန်တယ် မင်းကြီးရန်နောင်ဟာ ဥာဏ်ပညာကြီးမားတယ်.. မဟာဆီ မဟာသွေး အင်းဝဘုရင်ရဲ့ တူတော်ဖြစ်တယ် သူပဲ နန်းတွင်းဓလေ့ထုံးစံတွေကို သိကျွမ်းသူ ဖြစ်တယ်....'' " မှန်ပါတယ် သူရ သတ္တိနဲ့ လက်ရုံးရည်ကတော့ အထူးပြောစရာမလိုပါဘူး သားတော်ကိုယ်တိုင် အင်ပြည့်အားပြည့် ဝိုင်းဝန်းဖမ်းဆီးဖို့ အားထုတ်တဲ့ ကြားထဲကနေ ရဲဝံ့အောင်မြင်စွာ တိုက်ခိုက် ဖောက်ထွက်သွားနိုင်တဲ့ စွမ်းရည်က ရာသက်ပန် အထင်ကြီးဖို့ လုံလောက်ပါတယ် မရ ရအောင် ခေါ်ရမယ့်သူ ဖြစ်ပါတယ် '' အဲလိုအခြေအနေကြောင့် ဗမာမှူးမတ်တွေကို စည်းရုံးပြီး ပြင်သာ ( ပြင်ဦးလွင်) မှာ ရှိနေတဲ့ မင်းကြီးရန်နောင်ကို ပင့်ဆောင်ဖို့ စေခိုင်းပါတော့တယ် ။ ဗမာမှူးမတ်တွေလည်း ဝမ်းသာအားရ သွားရောက် ခေါ်ဆောင်ကြပါတယ် ။ မင်းကြီးရန်နောင်က နင်တို့ ရှမ်းကျွန်အဖြစ် ငါ့ကို လာပြီး စည်းရုံနေတာ မရှက်ဖူးလား ဆိုပြီး လက်ထဲက ကျောက်စီပတ္တမြားဒါးကို ဝင့်ပြီး ပြောလိုက်တာ ဗမာအမတ်တွေ ထိတ်လန့်ကုန်ပါတယ် ။ သတ္တိရှိတဲ့ အမတ်တယောက်က... " မှန်ပါတယ် ကျနော်မျိုးတို့ ရှမ်းကျွန်ခံရတာ ရှက်စရာပါပဲ..ပေါပေမယ့် အခြေအနေအရ ကျနော်မျိုးတို့ကို ဦးဆောင်မယ့် ဗမာဘုရင် မရှိတော့တာလည်း တွေးကြည့်ပါဘုရား..အုပ်ချုပ်မှုကဏ္ဏမှာ ရှမ်းတွေချည်း ထင်တိုင်းကြဲနေရင် ပြည်သူတွေ ပိုပြီး ဆင်းရဲကြရ.မှာမို့ မျက်စိမှိတ်ပြီး ရှမ်းကျွန် ခံနေရတာပါဘုရား.. '' " ဒါဆို နင်တို့ဘာသာ ရှမ်းကျွန်လုပ်ကြ ငါ မလိုက်ဘူး '' " စလုံ နဲ့ သားတော် သိုဟန်ဘွားတို့ ၂ ဦးလုံးရဲ့ မျက်စေ့ထဲမှာ အရှင်မင်းကြီးရန်နောင်ကိုသာ အာရုံကျနေတာပါဘုရား မင်းကြီးကသာ နန်းတွင်းရေးရာလေ့ထုံးစံများကို နားလည်သူ ပညာဥာဏ်ကြီးသူ သူရသတ္တိပြည့်စုံသူလို့ အထင်ကြီး လေးစားကြတာမို့ မင်းကြီးမပါတဲ့ ဗမာမှူးမတ်တွေဟာ ဆားမပါတဲ့ ဟင်းကဲ့သို့ ဖြစ်နေလို့ ယခုလို ပင့်ဆောင်ရန် လာခဲ့ရတာပါ ဘုရား '' " ငါ့ စိတ်ရင်းကတော့ မလိုက်လိုဘူး... '' " အင်းဝကို အပြင်က လုပ်ကြံတာထက် အတွင်းက လုပ်ကြံတာ ပိုပြီး ထိရောက်ပါ့မယ် တိုင်းသူပြည်သားများကိုလည်း မိမိတို့ အာဏာစက်ဖြင့် အတော်အတန် ကူညီကာကွယ်နိုင်ပါ့မယ် ၊ ဘာသာ သာသနာအပေါ်လည်း ထိုက်သင့်သလောက် ကာကွယ်ချီးမြှောက်ဖို့ အခွင့်ရှိပါလိမ့်မယ် စဥ်းစားပေးပါ ဘုရား '' မင်းကြီးရန်နောင်လည်း မှူးမတ်တို့ရဲ့ စကားတွေကို အပြန်အလှန်စဥ်းစားပါတယ် ။ ပြီးတော့မှ.... " အင်းးးးးကျွန်ုပ်က်ို ရှမ်းတွေ အလိုရှိတာရယ် ၊ ကျွန်ုပ်မပူးပေါင်းရင် ပြည်ရွာ နဲ့ အရပ်သားတွေ နစ်နာမယ် ဆိုတဲ့ အချက်က အမှန်ပဲလား..'' " အမှန်ပါဘုရား ရှမ်းတွေက နားတပေါက်တွေမို့ အရှင်မှ တပါး အခြားမှူးမတ်တွေကို အမှုမထားကြပါဘူး သူတို့ အရေးတယူ ဆွေးနွေးတိုင်ပင်လိုသူမှာ အရှင်တယောက်ပဲ ရှိပါတယ် '' " ကောင်းပြီ အရေးကြီးတာ တောင်းဆိုမယ် သင်တို့သည် ကျွန်ုပ်အပေါ် သစ္စာခံပြီး ကျွန်ုပ်၏စကားအား လိုက်နာနိုင်ပါ့မလား '' " ဗမာ မှူးမတ်မှန်သမျှသည် အရှင်၏ သစ္စာတော်ကိုသာ ခံယူကြရန် တိတ်တဆိတ် ညှိနှိုင်း သဘောတူထားကြပါသဖြင့် အရှင့်စကားကို တသွေမတိမ်း လိုက်နာပါ့မယ် '' " ကောင်းပြီ သင်တို့ သစ္စာရေ သောက်ကြရမယ် ၊ ရှမ်းတို့ ချီးမြှောက်၍ အခြေမြင့်လာသည့် အချိန်၌ မိမိလူမျိုး အပေါ် သစ္စာဖောက်ပြန်ခြင်း မပြုပါဘူးဆိုတဲ့ အချက်ပေါ့ '' " မှန်ပါ ဤ အတိုင်းသစ္စာဆိုပါ့မယ် ''	6 917
16	တပင်ရွှေထီး နဲ့ ဘုရင့်နောင် (8) ======================== ကန်နဲမြို့တိုက်ပွဲ အပြီး အင်းဝအိမ်ရှေ့မင်းသားဟာ တိုက်ဆင် ၁၂ ၊ စစ်မြင်း ၁၆၀ ၊ သုံ့ပန်း ၁၀၀၀ ကျော် ရရှိခဲ့ပါတယ် ။ ကန်နဲ ( ကန္နီ) မြို့သိမ်းပြီးနောက် စစ်ကိုင်းသို့ နောက်ဘက်မှ ပြန်ဝိုင်းပတ်ကာ သိမ်းရန် စီမံပါတယ် ။ ဆင် မြင်း ဗိုလ်ပါ အင်အားများ ထပ်မံ ဖြည့်တင်း စုစည်းပြီး စစ်ကိုင်းအား ချီရန် ပြင်ဆင်နေစဥ် အဲဒီ ည မှာပဲ အိမ်ရှေ့စံဟာ ရုတ်ချည်းဖျားနာပြီး သေဆုံးသွားရပါတယ် ။ အင်းဝရဲ့ ကံတရားဟာ အနိမ့်ဆုံး အဆင့်ထိ ကျရောက်သွားရပါပြီ ။ အိမ်ရှေ့မင်းရဲ့ ဦးဆောင်မှုအောက်မှာ စိတ်ဓာတ်တက်ကြွနေတဲ့ အင်းဝစစ်သည်တွေ အတွက် ကြိုးပြတ်သော ဝါးဖောင်ကဲ့သို့ အကွဲကွဲ အပြားပြား ဖြစ်သွားရပြီး အချို့လည်း နေရပ်ပြန်ကြ ၊ အချို့လည်း အင်းဝ ပြန်ဆုတ် နဲ့ ရုတ်ရုတ်သဲသဲ ပြိုကွဲသွားရပါတော့တယ် ။ နရပတိမင်းကတော့ သူအားကိုးနေရတဲ့ အုန်းပေါင်စော်ဘွားကို စောင့်မျှော်ရင်း အင်းဝ မြို့ရိုးတံခါးကို တင်းတင်းကျပ်ကျပ်ပိတ်ဆို့ပြီး ရှမ်းတပ်တွေကို ခုခံဖို့ပဲ စီမံပါတော့တယ် ။ အိမ်ရှေ့မင်း မရှိတော့တဲ့ အတွက် မိုးညှင်းတပ်တွေလည်း နောက်ကျောလုံစွာနဲ့ စစ်ကိုင်းမှ အင်းဝသို့ ကူးကာ မြို့ကို တင်းကျပ်စွာ ဝန်းရံပါတော့တယ် ။ မိုးညှင်းစလုံ ထိတ်လန့်သည်ကား ဗမာတို့ရဲ့ နာမည်ကျော် တိုက်စစ်ဆင်မှုပင် ဖြစ်ပါတယ် ။ ယခုကား သတ္တိနည်းသော နရပတိရဲ့ ခုခံစစ်ကြောင့် စလုံအကြိုက်တွေ့သွားရပါပြီ ။ နရပတိကတော့ မြို့တွင်းကနေ ကြံရာမရ ဖြစ်ချိန်ကျမှ တူတော်မောင် မင်းကြီးရန်နောင်အား သတိရပြီး ရှေ့တော်ခေါ်ယူကာ... " ရန်နောင်...အုန်းပေါင်လည်း မရောက်လာသေးဘူး ငါတို့ ဘယ်လို ကြံမလဲ..? " " ယခုအခါ ရှမ်းတို့ အင်အားများစွာနဲ့ မြို့တော်ကို ပိတ်ဆို့ထားပြီး ဖြစ်ပါတယ် ၊ ယခင်ကတည်းက တောင်ငူ နှင့် ပူးပေါင်းပြီး ရန်စွယ်ရန်မြစ် ချိုးဖျက်ခဲ့ဖို့ အကြံပြုခဲ့ခြင်းအပေါ် ဥပေက္ခာပြုခဲ့သောကြောင့် ယနေ့ ဘာတခုမှ ကြံစည်၍ မရနိုင်တော့ပါ အချိန်လွန်သွားပါပြီ ဘုရား '' " ကိုင်း..ဒါဆို အခု တောင်ငူကို စစ်ကူတောင်းရန် စေလွှတ်ရင်ကော.. '' " မဖြစ်နိုင်တော့ပါဘူး ရန်သူက ကြက်တကောင်တောင် ဝင်ထွက် မရအောင် တင်းကြပ်စွာ ဆီးဆို့ထားပြီးပါပြီ '' ပညာရှိစကား မနာယူပဲ ငါ သိ ငါတတ် ငါတကော ကော ခဲ့မိတဲ့ နရပတိဟာ ငရဲပြည်ကို မိမိတယောက်တည်း မသွားပဲ တိုင်းပြည်တခုလုံး အဖော်ခေါ်သွားသကဲ့သို့ ဖြစ်ရချေပြီ ။ မိုးညှင်းစလုံတပ်တွေလည်း အင်းဝကို မြို့တံခါးဖွင့်ဖို့ အကြိမ်ကြိမ် ကျိုးစားပေမယ့် စစ်ရည်ဝနေတဲ့ အင်းဝမြို့စောင့်တပ်ကြောင့် တိုးမရ ဖြစ်နေပါတယ် ။ ဝန်းရံပြီး ၈ ရက်အကြာ မိုးညှင်းစလုံက ဒီနေ့ ရအောင် တိုက်ကြရမည် မြို့ရိုးပေါ်က ပြန်ဆင်းလာသူ ငါ့ဒါးနဲ့ ခုတ်သတ်မည် ရဲရင့်စွာ တိုက်ကြ ဆိုပြီး ပြင်းထန်တဲ့ အမိန့်ပေးပြီး တိုက်စစ်ထပ်ဆင်နွဲဖို့ စီစဥ်ပါတယ် ။ တိုက်ပွဲ စတာနဲ့ မိုးညှင်းရှမ်းတို့ရဲ့ ရဲတင်းတဲ့ တိုက်စစ်ကြောင့် ၂ ဖက်စစ်သည်များ တဖွဲဖွဲ ကျဆုံးကုန်ပါပြီ ။ မြို့တွင်းမှာလည်း နရပတိအား မင်းကြီးရန်နောင်က... " အရှင်မင်းကြီး ယခုအခါ စလုံ နဲ့ သူရဲ့သားတော် သိုဟန်ဘွားတို့ ကိုယ်တိုင် ဆင်စီး ဒါးလွတ်ကိုင်ပြီး ကွပ်ကဲတိုက်ခိုက်နေပါပြီ ၊ အင်းဝဘက်က အခြေအနေ မကောင်းပါဘူး ဒါကြောင့် အရှေ့မြို့ရိုးကနေ ဖောက်ထွက်မှ ရပါ့မယ် ကျနော်မျိုး ရှေ့ကနေ လမ်းဖောက်ပေးပါ့မယ် နောက်ကနေ တပါတည်း လိုက်ခဲ့ပါ '' ကြံရာမရတော့တဲ့ နရပတိလည်း မင်းကြီးရန်နောင် ပြောသလို ထွက်ပြေးဖို့ပဲ ပြုလုပ်ရပါတော့တယ် ။ အရှေ့မြို့ရိုးတံခါး ဖွင့်ပြီး ရှေ့ဆုံးဆင်ပေါ်မှာ မင်းကြီးရန်နောင်က သူရဲကောင်း တသိုက်နဲ့ ဝက်ခေါင်းထိုး ဝင်တိုက်ရာ ဝန်းရံထားသူ ရှမ်းတပ်တွေ ဖရိုဖရဲ ဖြစ်သွားပါတယ် ။ နရပတိလည်း ဆင်တော် ' ရွှေစာတိုင် ' ကို စီးပြီး မှူးမတ်များခြံရံလျှက် ထွက်ခွာပါတယ် ။ အဲဒါကို သိုဟန်ဘွား မြင်သွားပြီး ရှမ်းတပ်တွေ အရှေ့မြို့ရိုးသို့ စုခိုင်းကာ အပြင်းအထန်တိုက်ပါတယ် ။ သူကိုယ်တိုင် ဆင်စီးပြီး လုံးထွေးနေတဲ့ စစ်မြေပြင်မှာ... " အဝ ဘုရင် နဲ့ မင်းကြီးရန်နောင်ကို အရှင်ဖမ်းကြ မသေစေနဲ့ '' လို့ အမိန့်ပေးရင်း ဒရကြမ်းတိုက်ပါတော့တယ် ။ မင်းကြီးရန်နောင်လည်း ဦးရီးတော် နရပတိကို ကာကွယ်ရင်း ရဲရင့်စွာ သိုဟန်ဘွားဆင်တော်ကို ဝင်တိုက်ပစ်ပါတယ် ။ ဆင် ၂ စီး လုံးထွေးနေတုန်း နရပတိရဲ့ ဆင်တော် ရွှေစာတိုင်ကို အမြှောက်ဆံထိမှန်ပြီး နရပတိ ဆင်ဦးကင်းမှာပဲ ကျဆုံးသွားရပါပြီ ။ ဒါကို မြင်တွေ့ရတဲ့ မင်းကြီးရန်နောင်လည်း ရှမ်းကျွန်တော့ အဖြစ်မခံဘူးလို့ ဆုံးဖြတ်ကာ သိုဟန်ဘွားကို အတင်းဝင်တိုက်ပါတော့တယ် ။ နရပတိကို ရံလာတဲ့ ဆင်တွေကလည်း မင်းကြီးရန်နောင်ရဲ့ ဆင်တော်နဲ့ ပေါင်းပြီး တိုက်ပါတယ် ။ ဝိုင်းတိုက်နေကြတဲ့ ရှမ်းတွေလည်း အရှင်ဖမ်း ဆိုတဲ့ သိုဟန်ဘွားအမိန့် နဲ့ လက်တွန့်နေရချိန် ၊ ဝုန်းကနဲ ရောက်လာတဲ့ အင်းဝတိုက်ဆင်အုပ်တို့ကြောင့် ဖရိုဖရဲ ဖြစ်ကုန်ရပါတယ် ။	7 183
17	အုန်းပေါင်စော်ဘွား ပြန်သွားပြီးနောက် နရပတိရဲ့ အင်းဝဟာ သြဇာအာဏာ များစွာ ယုတ်လျှော့သွားရပါပြီ ။ ကျေးကျွန်အရင်းတွေ ကိုယ်တိုင် အားမကိုးရတဲ့ အရှင်သခင်ကို စွန့်ခွာသွားကြပြီး ကေတုမတီထံ ခိုလှုံကြပါတယ် ။ အဲဒီ သတင်းကြားတာနဲ့ အခွင့်အခါ စောင့်နေတဲ့ မိုးညှင်းစလုံလည်း လှုပ်ရှားလာပြန်ပါပြီ ။ သက္ကရာဇ် ၈၈၈ မှာ မိုးညှင်းစလုံ နဲ့ သားဖြစ်သူ သိုဟန်ဘွားတို့ဟာ တိုက်ဆင် ၃၀၀ စစ်မြင်း ၁၀၀၀၀ စစ်သည် ၁၅၀၀၀၀ တို့ စုစည်းပြီး အင်းဝဆီသို့ ဒုတိယအကြိမ် စစ်ဦးထိုးလာပြန်ပါတယ် ။ တခါသေဖူး ပျဥ်ဖိုးနားမလည်တဲ့ ဘုရင်ငပျင်း နရပတိ ဟာ သူ့ရဲ့ စွမ်းဆောင်ရည် ညံ့ဖျင်းနုံချာလှတဲ့ သူလျှိုငနုံများကြောင့် ဒီထောက် ထုထည်ကြီးနဲ့ အုန်းအုန်းကြွက်ကြွက် ချီတက်လာနေတဲ့ မိုးညှင်းစလုံရဲ့ စစ်ကြောင်းကြီး ဟန်လင်းမက်ဒေသ ရောက်မှသာ သိသွားသတဲ့ လေ ။ ရှေ့ရေးမတွေးတတ်တဲ့ ဘုရင်ပီပီ နရပတိဟာ ရန်သူ နှာခေါင်းဝရောက်မှ ကပျာကရာ စစ်သည်စုဆောင်းရပါတော့တယ် ( ရှေးခေတ် မြန်မာဘုရင်တွေမှာ အမြဲတမ်း တပ်မတော် မရှိပဲ အရေးရှိမှသာ လက်အောက်ခံ မြို့ ရွာများမှ လူသူ စုဆောင်းကြရတာပါ) ။ သူသိပ်အားကိုးရတဲ့ အုန်းပေါင်စော်ဘွားဆီကိုလည်း အချိန်လွန်မှ စစ်ကူထတောင်းရပါတော့တယ် ။ စစ်ရေးသတင်းကို ပေါ့ပေါ့ဆဆ သဘောထားခဲ့တဲ့ ဘုရင် နဲ့ အင်းဝရဲ့ သူလျှိုဌာနကြီးတို့ကြောင့် ဖရိုဖရဲ မသေမသပ်နဲ့ စစ်ပြင်ကြရပါတယ် ။ တနေ့တခြား နေပြည်တော်နဲ့ နီးကပ်လာတဲ့ မိုးညှင်းတပ်တွေကို ပြန်လည်ခုခံရန်အတွက် သားတော် အိမ်ရှေ့မင်းအား တိုက်ဆင် ၈၀ စစ်မြင်း ၁၀၀၀ စစ်သည် ၂၀၀၀၀ ပေးအပ်ပြီး တိုက်ခိုင်းပါတယ် ။ ဖခင် ညံ့ဖျင်းသလောက် လက်ဇောင်းထက်လှတဲ့ အိမ်ရှေ့မင်းဟာ အမြင့် ၊ ဗဒုံ ၊ ကန်းနဲ ဆိုတဲ့ မြို့ ၃ မြို့မှာ မိုးညှင်းတပ်ဦးကို တိုက်ပွဲ ၃ ပွဲလုံးမှာ စိစိညက်ညက်ကြေအောင် ချေမှုံး အနိုင်ယူပြခဲ့ပါတယ် ။ အိမ်ရှေ့မင်းကား ညစ်ပေတဲ့ နွံအိုင်မှာ ပေါက်သော ကြာပန်းကဲ့သို့ တင့်တယ်လှပါတယ် ။ အိမ်ရှေ့မင်းဟာ ကန်နဲမြို့တိုက်ပွဲကို အပြတ်အသတ် အနိုင်ရအောင် တိုက်ခိုက်အပြီး...... ကိုရွေမျိုးဝင်း	8 308
18	ဒီလိုနဲ့ အင်းဝတပ်တွေဟာ လမ်းခုလတ်မှာ တိုက်ပွဲ ကြီးကြီးမားမား မတွေ့ရပဲ စစ်မြူရာ ကေတုမတီသို့ ဆိုက်ဆိုက်မြိုက်မြိုက် ရောက်လာပါတယ် ။ ကေတုမတီရဲ့ မြောက်ဘက်အုတ်ရိုးမှာ တပ်စွဲပြီး အပြင်းအထန်တိုက်ပါတော့တယ် ။ မင်းကျီးညိုရဲ့ ကြိုတင် အစီအမံနဲ့ စား ရေ ရိက္ခာ စုဆောင်နိုင်မှုက ၃ နှစ် ဝန်းရံထားရင်တောင် အစာရေစာ မပြတ်လပ်ဘူးလို့ ကြုံးဝါးပါတယ် ။ အင်းဝသားတွေလည်း မြို့ရိုး နဲ့ မြို့တံခါးကို အားသွန်ခွန်စိုက် တိုက်ခိုက်ချိုးဖောက်နိုင်ဖို့ ကြိုးစားကြပါတယ် ။ ခုခံစစ်အတွက် စနစ်တကျ ပြင်ဆင်ထားတဲ့ မင်းကျီးညိုရဲ့ အစီအမံနဲ့ သူရဲကောင်း အစစ် စစ်သူကြီး စည်သူကျော်ထင်၏ အနီးကပ် ကွပ်ကဲ ခုခံမှုတွေကြောင့် နှီးတဖျားစာ အပေါက်တောင် မပေါက်ခဲ့ပါဘူး ။ ဘယ်လိုမှ တိုက်မရပဲ စိတ်ကျရောဂါသည်တွေလို ဖြစ်နေတဲ့ အင်းဝသားတွေကို မြို့ပြင်ထွက် ချေမှုံးရန် စည်သူကျော်ထင်က အကြံပြုပါတယ် ။ မင်းကျီးညိုက မတိုက်ပါနဲ့ ၂ ဘက် အသေအကျေ များကုန်ပါ့မယ် ငါတို့က ၃ နှစ်ဝန်းရံထားလည်း ဘာမှ ဖြစ်စရာ အကြောင်းမထူးဘူး နရပတိ စိတ်ရှိသလောက် ဝန်းရံပါစေ လို့ ပြန်မိန့်ပါတယ် ။ ဝန်းရံထားတဲ့ ကာလ ကြာလာတော့ မင်းကြီးညိုက...အကောင်းစာ စားစရာများ ပြင်ဆင်ပြီး အင်းဝဘုရင်ဆီကို ပို့ခိုင်ပါတယ် ။ စားစရာချည်းမဟုတ်ပဲ သဝဏ်လွှာတစောင်ပါ ထည့်ပေးလိုက်ပါတယ် ။ သဝဏ်လွှာမှာတော့.... " အဆွေတော် မင်းကြီး ကေတုမတီကို အလည်အပတ် ရောက်လာလို့ အိမ်ရှင်အနေနဲ့ ဧည့်ခံလိုက်ပါတယ် ။ အင်းဝအရေးအခင်းမှာ တကယ့်တရာခံက မိုးညှင်းစလုံဖြစ်ပါတယ် ၊ သစ္စာဖောက်လောက်ကောင်က ပြည်ဘုရင် ဖြစ်ပါတယ် ။ အဲဒီလောက် ထင်ရှားနေပါလျှက် မိတ်ဆွေကြီးက ကေတုမတီကို ရန်လာပြုတာ အင်မတန် အံ့သြစရာကောင်းလှပါတယ် ။ ကျွနုပ်လာခဲ့ရတဲ့ အကြောင်းက အင်းဝကို ရှမ်းတို့ အုပ်စိုးပါက ဘာသာ သာသနာအတွက် ရှမ်းတို့အား ချေဖျက်ရန်သာ ရည်ရွယ်ပါတယ် ။ မိတ်ဆွေကြီး အင်းဝကို ပြန်ခြေချတာနဲ့ ကေတုမတီကို ပြန်လာခဲ့တာ အဆွေတော်သိပါတယ် ။ ယခုဆိုရင် ကေတုမတီကို လာတိုက်နေတဲ့ အဆွေအား တန်ပြန်တိုက်ခိုက်ခြင်း လုံးဝ မပြုလုပ်ခဲ့ပါဘူး ရန်သူလို့ မသတ်မှတ်တဲ့အတွက်ပါ ။ အင်းဝအတွက် ရန်မီးကြီး ဖြစ်တဲ့ မိုးညှင်းစလုံက ယခုဆို အင်းဝစစ်ကျွံနေတာကို အခွင့်ကောင်းယူပြီး နောက်တကြိမ်ပြန်သိမ်းဖို့ စီမံနေကြောင်း ကြားရပါတယ် ။ သင် မစိုးရိမ်ရင် ကေတုမတီအား ဆက်လက်ဝန်းရံထားပါ ၃ နှစ် ဝန်းရံလည်း ကေတုမတီကတော့ မတုန်မလှုပ် တည်မြဲနေအုံးပါပဲ '' ဒီသဝဏ်လွှာကို မင်းကျီးညိုက တကယ့်သဘောရိုးနဲ့ ရေးသားပေးပို့တာ မှန်ပေမယ့် နရပတိကတော့ ဥာဏ်တိမ်သူပီပီ ကိုယ့် အချင်းချင်း ဒုက္ခပြပေးဖို့လောက်သာ တွေးတတ်သူမို့ သူ့ကို လှောင်ပြောင်တယ်လို့ ပဲ အယူမှားနဲ့ ဒေါသ ထွက်နေပါတယ် ။ အနားမှာ ရှိနေတဲ့ အုန်းပေါင်းစော်ဘွားက သဝဏ်လွှာ ဖတ်ပြီးတော့... " စာပါ အကြောင်းအရာတွေက ယုတ္တိရှိကြောင်း အမှန်တကယ်လည်း အင်းဝ အတွက် စိုးရိမ်ရသေးကြောင်း ဒါကြောင့် တပ်ပြန်ဆုတ်ပြီး အင်အားဖြည့်မှ သင့်တော်မယ် '' လို့ အကြံပြုပါတယ် ။ ဒီတော့မှ သူ မချီးမြှောက်ပဲ အဝေးပို့ထားတဲ့ မင်းကြီးရန်နောင်ရဲ့ သဘောထားကို ပြန်သတိရပြီး အင်းဝကို ပြန်ဆုတ်ဖို့ ဆုံးဖြတ်ပါတော့တယ် ။ အင်းဝ နဲ့ အုန်းပေါင်တပ်တွေ တပ်ပြန်ဆုတ်တော့ စည်သူကျော်ထင်က မင်းကျီးညိုအား ရန်သူ့တပ် ခြေအကြွမှာ ဖိနောင့်နင်းနိုင်ပါက မုချအောင်မြင်မှာမို့ သူ့တပ်တွေနဲ့ လိုက်လံတိုက်ခိုက်ဖို့ ခွင့်တောင်းပါတယ် ။ မင်းကျီးညိုက ပြည်ပျက်လို့ သွေးရူးသွေးတမ်း ဖြစ်နေတဲ့ နရပတိကို အဲသလို ထပ်မံနှိပ်စက်ဖို့ မသင့်ပါဘူး ၊ သူမှာရှိတဲ့ အင်အားနဲ့ မိုးညှင်းရှမ်းတွေကို နှိမ်နင်းရအုံးမှာဖြစ်တယ် အင်းဝဟာ မြန်မာပြည်ရဲ့ ရန်သူ ဘာသာတရားရဲ့ ရန်သူမဟုတ်ဖူး ဒါကြောင့် အသာတကြည် ပြန်ကြပါစေလို့ တားမြစ်လိုက်ပါတယ် ။ ဒီလို ကေတုမတီ နဲ့ အင်းဝ တို့ရဲ့ မြို့သိမ်းတိုက်ပွဲ အတွက် အင်းဝတပ်တွေရဲ့ စစ်ဗျူဟာ ရယ် ၊ ကေတုမတီရဲ့ ခုခံစစ် ပြင်ဆင် ခုခံပုံ ဗျူဟာတွေကို လက်တွေ့ကျကျ သင်ယူလေ့လာနိုင်ခဲ့သူ နှစ်ယောက်ကတော့ တပင်ရွှေထီး နဲ့ သျှင်ရဲထွဋ် တို့ ၂ ဦးပါပဲ ။ စစ်ရေး စစ်ရာ ကျွမ်းကြင်ပြီး ဗျူဟာမြောက် စစ်ထိုး စစ်ခံ နားလည်သူ မင်းကြီးဆွေ ကိုယ်တိုင် စစ်မင်းသားလောင်း ၂ ယောက်ကို မြို့ရိုးပေါ်ကနေ သေနင်္ဂဗျူတွေကို တချက်ခြင်း တကွက်ခြင်း ရှင်းပြ သင်ကြားပေးနိုင်တာက ဆယ်နှစ်စာ သင်ခန်းစာကို စစ်ပွဲတပွဲထဲကနေ လက်တွေ့သင်ယူနိုင်ခဲ့တာနဲ့ အတူတူပါပဲ ။ ငယ်ငယ်ရွယ်ရွယ်နဲ့ သတ္တိ ဗျတ္တိ ပြည့်စုံစေခဲ့ရတဲ့ စစ်ပွဲလို့ ဆိုရမှာပါပဲ ။ အင်းဝဘုရင် နရပတိလည်း ပြန်လည်ဆုတ်ခွာလာပြီးနောက် အုန်းပေါင်စော်ဘွားနဲ့ တိုင်ပင်ရာမှာ အုန်းပေါင်စော်ဘွားက သူ့တပ်တွေလည်း ပင်ပန်းလှပြီ ဖြစ်လို့ ရှမ်းပြည်ပြန်ပါအုံးမယ် အလိုရှိတဲ့ အချိန် ခေါ်လိုက်ပါလို့ ဆိုပါတယ် ။	7 546
19	တပင်ရွှေထီး နဲ့ ဘုရင့်နောင် (7) ======================== နရပတိရဲ့ ယောက္ဖတော် ရမည်းသင်းစား မင်းဦးတည်က အင်းဝအား မိုးညှင်းစလုံ ဝင်တိုက်စဥ် မင်းကျီးညိုသည် အင်းဝ၏ တောင်ဘက်တလွှားကို အခွင့်အရေးယူပြီး ဝင်ရောက်ဖျက်ဆီးသွားကြောင်း.. ယခု အင်းဝသို့ မင်းကြီးပြန်ဝင်လာမှသာ ကေတုမတီတောင်ငူသို့ ဆုတ်ခွာရန် ပြုလုပ်နေကြောင်း လျှောက်တင်လိုက်ပါတယ် ။ ဒီသတင်းကြောင်း နရပတိလည်း ဒေါသ အင်မတန်ထွက်သွားရပါတယ် ။ သူက မြို့ပျက်ကြီး ဖြစ်နေတဲ့ အင်းဝအနေအထားကို ကြည့်ပြီး မိုးညှင်းစလုံ နဲ့ ပြည်ဘုရင်တို့အပေါ် ဒေါသ ထွက်နေပေမယ့် အစွမ်းအစ မရှိတဲ့ ဘုရင်ဆိုတော့ ရန်သူအစစ်ကို ဒေါသ ပုံချရမယ့်အစား သူနိုင်မယ်ထင်တဲ့ ကျေးကျွန်ဟောင်း မင်းကျီးညိုအပေါ် ဒေါသ ပုံချပါတော့တယ် ။ ကြွက်မနိုင် ကျီ မီးနဲ့ရှို့ ဆိုသလို... " တောင်ငူမြို့ကို ငါ ပေးသနားတော်မူလို့ အပိုင်စားရတဲ့ မင်းကျီးညိုဟာ ယခု ကျေးဇူးကန်းပေပြီ ၊ တောမီးလောင် တောကြောင် လက်ခမောင်းခတ် လုပ်ရပ်ကို ငါ သည်းမခံဘူး ချက်ခြင်း တောင်ငူကို စစ်ချီမယ် '' လို့ ဆုံးဖြတ်လိုက်ပါတော့တယ် ။ ဒေသမာန်ကြီးတဲ့ နရပတိရဲ့ ဆုံးဖြတ်ချက်ကို စစ်သူကြီး နန္ဒကျော်ထင် နဲ့ သက်ရှည်ကျော်ထင်တို့လည်း မတားဆီးဝံ့ပါဘူး ။ တိုင်းဖျက် ပြည်ဖျက် မိုးညှင်းစလုံရဲ့ တပ်တွေကိုသာ ရဲရဲဝံ့ဝံ့ ပြန်မတိုက်ကြတာပါ မိမိလူမျိုးခြင်း တိုက်ကြစို့ ဆိုတော့ သူတို့ကတောင် ပိုပြီး တက်ကြွပြပါတော့တယ် ။ အုန်းပေါင် စော်ဘွားကတော့ မင်းကျီးညိုအကြောင်းလည်း သိဟန်မတူပါဘူး ရဲမက် ဗိုလ်ပါ အသင့်စုပြီးသားမို့ တောင်ငူကို တိုက်ရင်လည်း လိုက်ပါ ကူညီမယ်လို့ ဆိုပါတယ် ။ တောင်ငူကို တိုက်ခိုက်ဖို့ တိုင်ပင်ကြရာမှာ ထူးထူးခြားခြား ကန့်ကွက်သူ ပေါ်လာပါတယ် ။ ကန့်ကွက်သူကတော့ သက်ကြားအို စစ်ခေါင်းဆောင်မဟုတ်ပဲ မင်းကြီးရန်နောင်လို့ ကျော်ကြားတဲ့ ငယ်ရွယ်သူ စစ်ခေါင်းဆောင်ပဲ ဖြစ်ပါတယ် ။ မင်းကြီးရန်နောင်သည်ကား အင်းဝဘုရင် နရပတိ ရဲ့ တူတော်ဖြစ်ပြီး ယင်း၏ စွမ်းရည်သတ္တိ နဲ့ ဥာဏ်အမျှော်အမြင်ကို အများက လေးစားကြရသည်အထိ ဂုဏ်ဝါဝံ့ထည်လှသူ ဖြစ်ပါတယ် ။ သူက... " ယခု အရေး၌ တကယ့်သစ္စာဖောက် အစစ်သည် ပြည်ဘုရင်သာ ဖြစ်ပါတယ် ၊ မင်းကျီးညိုသည်ကား မြန်မာပီပီ ရှမ်းတို့ အင်းဝအား အုပ်စိုးမည်ကို စိုးရိမ်သောကြောင့် ဘာသာ သာသနာ မှေးမှိန်မည့် အရေး စိုးရိမ်၍သာ စစ်ချီလာကြောင်း ကြားသိရပါတယ် ၊ ဒါကြောင့် မင်းကျီးညိုနဲ့ မဟာမိတ်ဖွဲ့ကာ ပြည်ဘုရင် နဲ့ မိုးညှင်းစလုံတို့ကိုသာ အခြေအမြစ်မှ ဆွဲလှန်သုတ်သင်သင့်ပါတယ် '' " တူတော်မောင် မင်းကျီးညိုကို ကြောက်သလား '' " မကြောက်ပါဘူး သို့သော် အထင်သေးလို့လဲ မရပါဘူး အင်းဝရဲ့ ကျေးကျွန်ရင်း အမြင့်မင်းသား နဲ့ လူတသောင်းကျော် ၊ ပင်းယမင်း အပါအဝင် အင်းဝရဲ့ အမာခံတွေ တောင်ငူမင်းနဲ့ ဘာကြောင့် ပူးပေါင်းသွားကြသလဲ တွေးကြည့်ပါ ၊ နောက် မင်းကျီးညိုရဲ့ အင်အားကိုလည်း ချင့်ချိန်ကြည့်ပါ ယခင်က အင်းဝ လက်အောက်ခံ တောင်ငူဘဝနဲ့ များစွာ ကွာခြားနေပါပြီ '' " ငါ့တူတော်ပြောတာ သဘာဝကျတယ် ဒါပေမယ့် တောင်ငူက ထောင်လွှားလွန်းတယ် သူ့ကို ကြည့်ပြီး ရှမ်းတို့က ငါ့ကို မကျိုးနွံတော့ဘူး ဒီတော့ တောင်ငူကို ဦးချိုးပြီး ငါ့အာဏာစက် ပြန်ဖြန့်ရမယ် တောင်ငူကို ရပြီဆိုတာနဲ့ ပြည် ဆိုတာ အလွယ်လေး ချေမွလို့ ရပြီ အခု ငါ့မိတ်ဆွေ အုန်းပေါင်စော်ဘွား တပ်တွေ ရှိနေတုန်း အမြန် တိုက်ကြရမယ် '' မင်းကြီးရန်နောင်လည်း အမျှော်အမြင် နည်းပါးလှသော ဦးရီးတော် နရပတိအား စိတ်ပျက်လက်ပျက် ကြည့်ကာ ခေါင်းငုံ့အံကြိတ်မိပါတော့တယ်... သူ့စိတ်ထဲမှာတော့... " အင်း ပျက်ဆီးချိန်တန်လာရင် အတွင်းထရံ အပြင်ကာ ပိုးထိုးလောက်ကိုက်ကို တန်ဖိုးထား ၊ ရန်သူအစစ်ကိုတော့ မမြင် ၊ ဘာမဟုတ်တဲ့ အကြောင်းပြချက်နဲ့ ကိုယ့်အသားကို ပြန်လှီးမယ့် ဘုရင်နဲ့ ကြုံတွေ့ရတာလည်း အင်းဝရဲ့ ကံပဲလေ... '' ဒီလိုနဲ့ ငါတကော ကောကာ သဘာဝကျပြီးငြင်းမရတဲ့ ပညာရှိစကား နားမဝင်တဲ့ ဘုရင် နရပတိဟာ တိုက်ဆင် ၃၀၀ စစ်မြင်း ၆၀၀၀ နဲ့ စစ်သည် ၁၂၀၀၀၀ စုစည်းပြီး တောင်ငူကို သိမ်းပိုက်ဖို့ ချက်ခြင်း စစ်ချီပါတော့တယ် ။ ဒီသတင်းကို ကြားတာနဲ့ စစ်သူကြီး စည်သူကျော်ထင်က ကေတုမတီတပ်များအနေနဲ့ လူသူထပ်မံ စုစည်းပြီး လမ်းခုလတ်မှ ခုခံချေမှုံးချင်ကြောင်း အကြံပြုပါတယ် ။ မင်းကျီးညိုက လမ်းခုလတ်က ခုခံတာထက် ကေတုမတီက ခုခံတာ ပိုကောင်းကြောင်း ဒါမှ နောက်နောင် ကေတုမတီရဲ့ ခိုင်ခံ့တဲ့ မြို့ရိုးနဲ့ စစ်အင်အားအကြောင်း သိရှိကြမယ်လို့ မိန့် ပါတယ် ။ ဒါကြောင့် မင်းကျီးညိုက ကေတုမတီကို အရင် ပြန်ဆုတ်မယ်.. စား ရေ ရိက္ခာအတွက် ကြိုတင်စုဆောင်းထားမယ် ။ အင်းဝ နဲ့ အုန်းပေါင်တပ်တွေကို စည်သူကျော်ထင်က အချိန်ဆွဲ ရတန်သရွှေ့ ဟန့်တားထားပါ ၊ ဖြေးဖြေးချင်း တောင်ငူအရောက် စစ်မြူပြီး အပါခေါ်ခဲ့ပါ ဆိုပြီး ဗျူဟာဆွဲကြပါတယ် ။	4 605
20	" အေး...အခု အရေးကြီးတာ အင်းဝ အရေးပဲ ။ အခြေအနေ ၃ ရပ်ရှိတယ် ။ မိုးညှင်းက အုပ်ချုပိမလား.?.။ ပြည်ဘုရင် အုပ်ချုပိမလား....? ။ အင်းဝဘုရင်ကပဲ အင်အားထပ်စုပြီး အင်းဝကို ပြန်သိမ်းပိုက်ပြီး အုပ်ချုပ်မလား ဆိုတဲ့ အနေအထားက ဘာတခုမှ မသဲကွဲသေးဘူး '' " အဲဒီ အနေအထားက မြေပြင်လက်ရှိ အခြေအနေပါပဲ ဘုရား '' " ဒီတော့ မိုးညှင်းပဲ အုပ်ချုပ် အုပ်ချုပ် ၊ အမျိုးသား သစ္စာဖောက် ပြည်ဘုရင်ပဲ အုပ်ချုပ် အုပ်ချုပ် ငါ လက်မခံဘူး ငါ့တပ်နဲ့ အင်းဝကို တိုက်ခိုက်သိမ်းပိုက်ရလိမ့်မယ်... အကယ်၍ အင်းဝဘုရင် နရပတိ ပြန်သိမ်းပြီး အုပ်ချုပ်ရင်တော့ ငါ့တပ်ကို ကေတုမတီ ပြန်ဆုတ်ကြမယ် လောလောဆယ် သတင်း အတည်ပြုနိုင်ဖို့ ဆက်လက်စောင့်ကြည့်ကြစို့ '' အဲ သလို ဆုံးဖြတ်ချက် ထွက်လာပြီးနောက် ၂ ရက်အကြာမှာ အင်းဝလက်အောက်ခံ ပင်းယ မြင်းမှူးမင်း လည်း ချွေရံတွေနဲ့ ခိုဝင်လာပြန်ပါတယ် ။ သတင်းသိချင်နေတဲ့ မင်းကျီးညိုလည်း ချက်ခြင်း လက်ခံတွေ့ဆုံပြီး...... " အမြင့်မင်းတို့ ထွက်ခွာလာပြီးနောက် အင်းဝမှာ အပြောင်းအလဲ ဖြစ်တာ တွေ့ရသလား မြင်းမှူးမင်း '' " အပြောင်းအလဲ များစွာ ဖြစ်ခဲ့ပါတယ် မင်းကြီး ၊ ပထမ မိစ္ဆာရှမ်းများက ဆင်ကောင်း မြင်းကောင်း လက်နက်ကောင်း ရတနာကောင်းများကို ရတန်သရွေ့ ယူပါတယ် ၊ ထို့နောက် လှေတပ်ဆိုက်လာပြီး ပြည်ဘုရင် ရောက်လာရာ သတိုးမင်းစောအား နန်းအပ်ပြီး မိုးညှင်းတပ်များ ပြန်သွားပါတယ် ။ သတိုးမင်းစောလည်း ရှမ်းတပ်များ မရှိသည့်နောက် အရှင်နရပတိ နဲ့ အုန်းပေါင်စော်ဘွားတို့ကို ကြောက်လန့်သောကြောင့် စလုံ မလိုချင်လို့ ချန်ထားခဲ့တဲ့ ဆင်မြင်းဗိုလ်ပါတို့ကို ယူပါတယ် ၊ နောက်ပြီး အရှင်နရပတိရဲ့ ၈ နှစ်အရွယ် သမီးတော် သီရိဘုန်းထွဋ် နဲ့ ရှင်မဟာရဌသာရ ကိုယ်တော်ကြီးတို့ကို ပင့်ဆောင်ပြီး ပြည်သို့ ပြန်ဆုတ်ခွာသွားပါပြီ '' " ဟင်..ဒါဆို အင်းဝမှာက....'' " မှန်ပါဘုရား အင်းဝကို ယခုအခါ နရပတိမင်းကြီး ပြန်လည် ဝင်ရောက်စိုးစံနေပါပြီ ဘုရား.. '' " မောင်မင်း သေချာရဲ့လား...? " " ကျနော်မျိုး မျက်စေ့နဲ့ အရှင်နရပတိတို့ တပ်တွေ အင်းဝဆီ ချီလာတာ တွေ့ရှိခဲ့ပါတယ် သေချာပါတယ်ဘုရား '' " အင်း..ကိုယ်စွမ်း ကိုယ်စ မရှိပဲ သူရဲကောင်းလုပ်ချင်တဲ့ ပြည်ဘုရင်ရဲ့ လုပ်ရပ်ကတော့ သမိုင်းဆိုးတွင်ပေပြီ...နေပါအုံး သမီးတော် သီရိဘုန်းထွဋ်က ဘယ်လို ကျန်နေတာလဲ... ? " " မှန်လှပါ နန်းမြို့ ဝန်းရံခံရချိန် ညတွင်းချင်း ကမန်းကရမ်း ဆုတ်ခွာရာမှာ လူကွဲပြီး ကျန်ရစ်တာပါဘုရား '' " အင်းးမသေတာ ကံကောင်းပေါ့ ရှင်မဟာရဌသာရကိုယ်တော်ကြီးကိုတော့ နှမျှောမိတယ်... ဒါနဲ့ မောင်မင်းက ကိုယ့်သခင် ပြန်လာတာ တွေ့ပါလျှက်နဲ့ ဘာကြောင့် ဒီကို ခိုလှုံလာတာလဲ '' " သစ္စာမဲ့တဲ့ သဘော မဟုတ်ပါဘူးဘုရား မိုးညှင်းစလုံက အရှင်နရပတိကို ခန့်ညားလေးစားခြင်း မရှိတော့တဲ့အတွက် သူအုပ်စိုးနေရင် သေချာပေါက် ထပ်မံကျူးကျော်အုံးမှာပါပဲဘုရား ၊ အင်းဝဘုရင်ရဲ့ အရည်အချင်းအရ ငြိမ်ဝပ်ပိပြားအောင် ဆောင်ရွက်နိုင်စွမ်း ရှိမှာ မဟုတ်ပါဘူး ဒါကြောင့် ကေတုမတီဆီကို ခိုလှုံရတာပါပဲ '' မင်းကျီးညိုလည်း အင်းဝရဲ့ နောက်ဆုံး အဖြေထွက်လာပြီမို့ ကေတုမတီကို ပြန်ဆုတ်ဖို့ ဆုံးဖြတ်ထားတဲ့အတိုင်း လာရောက်ခိုလှုံသောသူများနဲ့ တကွ ပိုမိုတောင့်တင်းလာသော စစ်သည်များနဲ့အတူ ကေတုမတီသို့ စနစ်တကျ ဆုတ်ခွာလာကြပါတယ် ။ အင်းဝဘုရင် နရပတိကတော့ ရတတ်သမျှသော စစ်အင်အားတို့ကို စုစည်းလိုက်ရာ တိုက်ဆင် ၂၅၀ စစ်မြင်း ၄၀၀၀ စစ်သည် ၈၀၀၀၀ စုစည်းမိ၏ ။ အုန်းပေါင်စော်ဘွားရဲ့ တပ်အင်အားမှာ တိုက်ဆင် ၈၀ စစ်မြင်း ၅၀၀၀ စစ်သည် ၇၀၀၀၀ စုစည်းမိကြပါတယ် ။ အင်းဝမြို့ရဲ့ အပျက်အစီးတွေက ရစရာမရှိ မြင်မကောင်းအောင် စုတ်ပြတ်ကျန်ရစ်ပါတော့တယ် ။ ရှင်မဟာရဌသာရ နဲ့ သမီးတော်သီရိဘုန်းထွဋ် တို့ကို ပြည်ဘုရင်က ခေါ်ဆောင်သွားကြောင်း သိရချိန်မှာ မိဖုရားကြီး ဓမ္မာဒေဝီ မူးမေ့လဲကျအောင် သောကမီးတောက်လောင်ရပါတော့တယ် ။ စိတ်ဓာတ်ကျနေသော နရပတိအား အုန်းပေါင်စော်ဘွားက... " အနိုင်အရှုံးဆိုတာ သံသရာလည်နေတတ်ပါတယ် ၊ စစ်သူကြီး ဗန္ဓုလတောင် ရှုံးချိန်တန်တော့ သားပေါင်းများစွာနဲ့ အတူ ရှုံးခဲ့ရတာပါပဲ တနှစ်တဝါ အင်အားဖြည့်တင်းပါအုံး ၊ ကျွနုပ်လည်း နောင်နှစ်မှာ မိုးနဲစော်ဘွား ၊ ညောင်ရွှေစော်ဘွား နဲ့ အခြားစော်ဘွားများအား စည်းရုံးပြီး သင်၏ အင်းဝတပ်နှင့် ပူးပေါင်းကာ အင်းဝနေပြည်တော်ကြီးကို ဘေးတော် ဘိုးတော်များ လက်ထက်ကလို ကျယ်ဝန်းအောင် ကြံဆောင်လို့ ရပါတယ် '' ဆိုပြီး မိတ်ကောင်းပီသစွာ အားပေးစကား ပြောလိုက်ပါတယ် ။ အဲဒီ စကားကြောင့် အားတက်ခဲ့ရတဲ့ နရပတိဘုရင်လည်း ဝမ်းသာကြည်နူးနေတုန်း မင်းချင်းတယောက် ရောက်လာပြီး သတင်းတခု လျှောက်တင်လိုက်ပါတယ် ။ အင်းဝရဲ့ အနာဂါတ်အတွက် အရေးကြီးတဲ့ ဆုံးဖြတ်ချက် ချမှတ်ရမယ့် သတင်းကတော့........ ကိုရွှေမျိုးဝင်း	9 195

查看所有帖子