ፍኖተ-አማራ ሚዲያ (Finote Amhara Media)

አይበገሬዉ #66ኛ ክ/ጦር 🔥 💪💪💪 የአፋብን ቴዎድሮስ 2ኛ ዕዝ 105ኛ 66ኛ ክ/ጦር ትናንት ከጥዋቱ 5:00 ሰዓት ጀምሮ እስከ ሌሊቱ 6:00 ሰዓት ድረስ 12 ሰዓታትን በወሰደ እልህ አስጨራሽ ተጋድሎ የአብይ አህመድን ቅጥረኛ ሰራዊት ሲረፈርፉት ዉለዉ አድረዋል። ከጃዊ፣መንደር 1፣ይላላ፣ኩብሊ፣ጌሾ ወንዝ፣ዳንግላ በር ኬላ፣ልማቱ ጎራ ድረስ በሸፈነዉ ሰፊ ቀጠና ከፍተኛ ፍልሚያ ሲደረግ ጠላት 2 ዙ-23፣ 4 ብረት ለበስ ታንኮችን፣ሞርተሮችን እና በርካታ የቡድን መሳሪያዎችን በማሰለፍ ዉጊያ ቢያደርግም በጀግኖቹ የበረሃ ነበልባሎች 66ኛ ክ/ጦር ብርቱ ተጋድሎ ጠላት ተረፍርፎ በርካታ ሰራዊቱ ሙት እና ቁስለኛ ሆኖ በሁለት ኦራል ታሽጎ እየተንጫጫ ወደ ጃዊ እና ፓዊ ሆስፒታል ተወስዷል። አዲስ ትዉልድ፣አዲስ አስተሳሰብ፣አዲስ ተስፋ!!! ድል ለትብብር ለህልዉና ኃይሎች የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦር ህ/ግንኙነት ጥቅምት 04/2019 ዓ.ም

ከአፋር ብሔራዊ አንድነት አብዮታዊ ግንባር (ኡጉጉሞ) የተሰጠ መግለጫ በበርካታ ዘመናት ከባድ መስዋዕትነትና በህዝቦቻችን የተቀናጀ ትግል የተገነባውን ህብረ-ብሔራዊ ዲሞክራሲያዊ የፌዴራሊዝም ስርዓት በመናድ በብልፅግና ስም የተደራጀው ግለሰባዊ አምባገነናዊ አገዛዝ በመላው የኢትዮጵያ ህዝብ ላይ አደገኛና ጅምላ ጨራሽ ጦርነት ደቅኖ ይገኛል። የአፋር ሕዝብ በትግሉና በደሙ ያረጋገጠው ራስን በራስ የማስተዳደር መብት በዚህ አምባገነን ስርዓት በግፍ በመነጠቁ ሳቢያ፤ በሺዎች የሚቆጠሩ ንፁሃን ወጣቶቻችን በየማጎሪያና የማሰቃያ ቤቶች ዘበነኛ በደል እየተፈጸመባቸው ይገኛል። ከአካባቢው እውነታ ውጭ በሆነው የዚህ አገዛዝ የተሳሳተ ፖሊሲ ምክንያትም ሚሊዮኖች የሚቆጠሩ ወገኖቻችን ለከፋ ረሃብ፣ ለውሃ ጥምና ለህክምና እጦት ተዳርገው ከሰውነት ተራ ወርደው እንዲኖሩ ተፈርዶባቸዋል። ስለሆነም ህዝባችን ከተጫነበት ታሪካዊ በደልና ከአምባገነናዊ ጭቆና ነፃ የሚወጣው፤ ይህንን ፋሽስታዊ ስርዓት ከስር መሰረቱ ነቅሎ በመጣል። ይህ ደግሞ ብቸኛውና አማራጭ የሌለው የታሪክ ግዴታችን መሆኑን በጽኑ እናምናለን። በዚሁ መሰረት ድርጅታዊና ወታደራዊ ብቃትን ማሳደግ የአፋር ብሔራዊ አንድነት አብዮታዊ ግንባር (ኡጉጉሞ) የሚያካሂደውን ፍትሃዊ የትጥቅ ትግል በአዲስ መልክ ለማጠናከር፤ የመልሶ መቋቋምና ድርጅታዊ ስትራቴጂዎችን በከፍተኛ ዝግጅት አጠናቆ ወደ ተግባር በመግባት ላይ ይገኛል። ስትራቴጂካዊ ቅንጅት፡ ግንባራችን አሁን ካለው አገራዊ እውነታ በመነሳት፣ «የኢትዮጵያ ሕዝባዊ ኃይሎች ትብብር ለህልውና» በአጭር ጊዜ ውስጥ አመርቂና ስትራቴጂካዊ ውጤት ለማስመዝገብ ዝግጅቱን አጠናቋል። ወቅቱን ያማከለ ወታደራዊና ፖለቲካዊ ስትራቴጂ በመከተልም በህዝባችንና በሀገራችን ላይ የተጫነውን ጨቋኝ ስርዓት ለማስወገድ በቁርጠኝነት ተነስተናል። የኡጉጉሞ ታጋዮች ከመቼውም ጊዜ በላይ ለየትኛውም እንቅፋትና ፈተና ሳይንበረከኩ፣ በጽኑ ወኔና በተባበረ ክንድ ትግሉን እስከ ድል ደጃፍ ለማድረስ ቁርጠኝነታቸውን ያረጋገጡበት ወቅት ላይ እንገኛለን። መላውና የተከበረው የአፋር ህዝብና የኢትዮጵያ ብሔሮች፣ ብሔረሰቦችና ህዝቦች አገዛዙ በህዝባችንና በሀገራችን ላይ የደቀነብንን የህልውና አደጋ ለመመከት ከወትሮው በተለየ መልኩ ከትግላችን ጎን እንድትሰለፉ፣ ሁለገብ ቁሳቁሳዊ፣ ፖለቲካዊና ሞራላዊ ድጋፋችሁን እንድታጠናክሩ በአክብሮት ጥሪያችንን እናቀርባለን። "ድልና ድምቀት ለትብብር ለህልውና!" የአፋር ብሔራዊ አንድነት አብዮታዊ ግንባር (ኡጉጉሞ)

እናንተን በስም እያወጡ እንደ እናተ መሳደብ ለእኛ የትግላችንን መርህ አይደለም ነገር ግን በዚህ ቅዱስ በሆነ ትግል በኮፒ ፖስት የብልፅግና አጀንዳ ከማስፈፀም ውጭ ሌላ ምንም አማራጭ የላችሁም እኛ ፅድት ያልን ታጋዮችን ነን ስለዚህ እናንተ በለመዳችሁበት እዛ የወሬ ሱሳችሁን ታጋይ ካላከበርክ አማራ መሆንክን ማወቅ አይቻለም ስለዚህ የነፃነት ሚዲያ ሰለ አገኘህ ብቻ ጀግናን በመሳደብ ለመታወቅ አትሞክር በግዜ ትዋርዳለህና!!

አንተ ከመወለድህ በፊት እኔ ፅድት ያልኩኝ የአማራ ፋኖ ታጋይ ነበርኩኝ፤ እንድታቀው!

ዘመናዊ መሳሪያ የያዙ የ11ኛ ዕዝ 119ኛ ክፍለ ጦር አባላት ከደብረሲና በመውጣት ሸዋ ጠቅላይ ግዛት አሳምነው 5ኛ ዕዝን ተቀላቀሉ ። ጥቅምት 03/2019 ዓ.ም ዘመናዊ ትጥቅ ይዘው ወደ አማራ ፋኖ የተቀላቀሉት የሰራዊቱ አባላት እንደገለፁት የብልፅግና ቅጥረኛ ሰራዊት የመዋጋት ሞራል የሌለው የወረደ መሆኑን ገልፀዋል እነዚህ አባላት የአገዛዙን አካሄድ በመቃውም በሁሉም ቦታ ያለው ያገዛዙ ሰራዊት ፋኖን እየተቀላቀለ ነው ያሉት እነኝህ የስረዕቱ ወታደሮች ላሳለፉት የባከነ ጊዜ መፀፀታቸውን ገልፀዋል። አረፈደም በሁሉም ቀጠና ያላችሁ ሰራዊትና የሰራዊቱ አመራሮች የአማራ ፋኖና ህዝብ የሰጣችሁን እድል ተጠቅማችሁ እጅ ስጡ። አፋብን ሸዋጠቅላይ ግዛት አሳምነው 5ኛ ዕዝ ህዝብ ግንኙነት መምሪያ !!

የጥል ግድግዳ የፈረሰበት፣ የወንድማማችነት ግንኙነት ከፍ ያለበት ታላቅ ቀን! ​ጥቅምት 03/2019 ዓ.ም ​ወንድማማቾች እርስ በርስ እንዲጠራጠሩ፣ በልዩነትና በቅሬታ ውስጥ እንዲቆዩ እና በጋራ ጠላታቸው ላይ በአንድነት እንዳይዘምቱ ሲደረግ ቆይቷል። በእነዚህ የልዩነት ጊዜያትም በሁለቱም ወንድማማቾች በኩል ውድ የሆነ ዋጋ ተከፍሏል። ስለሆነም የደረሱ ጉዳቶች እና በሁለቱም በኩል የተወሰዱ ንብረቶች በሙሉ በተቋማዊ የአሰራር ስርዓት ማዕቀፍ ስር እንዲታዩ ውጤታማና ፍሬያማ ውይይት ተደርጓል። ​በዚህም መሠረት በጎንደሬ በጋሻው ክፍለ ጦር እና በጥቁር አንበሳ ክፍለ ጦር መካከል ተፈጥሮ የቆየውን ልዩነት በዛሬው ዕለት በወንድማማችነት እና በአርቆ አሳቢነት መንፈስ በስኬት መፍታት ተችሏል። ለዚህ ስኬትም ዕርቅ የሃይማኖት አባቶች፣ የአፋብን ምክትል ሰብሳቢ ለወታደራዊ ጉዳዮች ኃላፊ ጄኔራል ሀብቴ ወልዴ፣ የአፋብን ህዝብ አስተዳደር ኃላፊ አርበኛ ዘመነ ምረት፣ የአፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች፣ እንዲሁም የዳግማዊ ቴዎድሮስ 5ኛ ኮር አመራሮች በስፍራው በመገኘት ከፍተኛ አስተዋጽኦ አድርገዋል። ​በመጨረሻም የሁለቱ ክፍለ ጦር አመራሮች በሰጡት አስተያየት፤ ያለፈውን የልዩነት ጊዜ ህዝባቸውንና ታጋዩን ይቅርታ በመጠየቅ፣ በቀጣይም በጋራ በመቆምና በጠላት ላይ በአንድ ልብ በመዝመት ያለፈውን ጊዜ መካስ እንዳለባቸው አጽንኦት ሰጥተው ተናግረዋል። ​ህልውናችን በተባበረ ክንዳችን! የአፋብ ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ ቴሌግራም ገፃችን ይወዳጁን! https://t.me/mezmure122124

አፋብን ቴዎድሮስ 2 ኛ ዕዝ 105ኛ ኮር በጠላት ላይ ጥቃት ፈፀመ ። ጥቅምት 3/2019 ዓ.ም አፋብን ቴዎድሮስ 2ኛ ዕዝ 105ኛ ኮር 44ኛ ክፍለ ጦር ከሰሞኑ በአዲስ ቅዳም ከተማ በወሰደዉ  ታላቅ እርምጃ ቁጭት ዉስጥ የገባዉ ወራሪ ሀይል ወደ ፋኖ ይዞታዎች በመንቀሳቀስ ጥቃት ለማድረስ አስቦ የመጣ ቢሆንም በቴዎድሮስ 2ኛ ዕዝ 105ኛ ኮር ሀይል 44ኛ 55ኛ ክፍለ ጦር ከዕዙ ኮማንዶ ሃይል ጋር በጥምረት በተወሰደበት የአፀፋ ምት ከፍተኛ ጉዳት አስተናግዷል። 44ኛ ክፍለ ጦርን ከበባ ውስጥ ለማስገባት ከተለያየ አቅጣጫ አድማሱን አስፍቶ የመጣው ሀይል በአይበገሬወቹ የመልሶ ማጥቃት በሰከላ ወረዳ ሰከላ ከተማ፤ቲሊሊ ወረዳ አሽፋ ላይና በባንጃ ወረዳ ጉባላ እንዲሁም ፋግታ ለኮማ ወረዳ ዋዝ ከተባለ ቦታ  ደማቅ ድል ተቀዳጅተዋል። ሰከላ ወረዳ ላይ ጠላት የሰራዉን ከባድ ምሽግ በመስበር ሙትና ቁስለኛ በማድረግ ለቆት ወደ ግሽ ተራራ እንዲፈረጥጥ ሲደረግ፣አሽፋ ላይ በሌሊት ከበባ ለማድረግ የሞከረዉን ሀይል ደፈጣ በመያዝ ጉዳት ማድረስ ተችሏል። በባንጃ ወረዳ ጉባላ ላይ በተደረገ ጥቃት ደግሞ ከ10 በላይ ሀይል ተወግዷል። በፋግታ ለኮማ ወረዳ ዋዝ ላይ በ44ኛ 55ኛ እና የቴዎድሮስ 2ኛ ዕዝ ኮማንዶ ዩኒት በጥምረት ባካሄዱት ዉጊያ  2 ብሬን፤ 26 ክላሽ ፣5200 የክላሽ ፍሬ፤4700 የብሬን ፍሬና ብዛት ያለዉ ወታደራዊ ቁሳቁሶች እንዲሁም 3 የመከላከያ ሀይል ተማርኳል። አፋብን ቴዎድሮስ 2ኛ ዕዝ ህዝብ ግንኙነት መምሪያ

​አፋብን ጎንደር ጠቅላይ ግዛት በላይ ዘለቀ 3ኛ ዕዝ በተለያዩ የአውደ ውጊያ ግንባሮች ድል ተቀዳጀ! ​ጥቅምት 03/2019 ዓ.ም ​በተለያዩ አውደ ውጊያዎች ድል በመቀዳጀት ላይ የሚገኘው አፋብን ጎንደር ጠቅላይ ግዛት በላይ ዘለቀ 3ኛ ዕዝ፤ ከንጋቱ 11:00 ሰዓት እስከ ቀኑ 7:30 ሰዓት ድረስ በቆየው አውደ ውጊያ ደልጊ ከተማ የመሸገውን የጠላት ኃይል በ202ኛ ኮር አሀዶች ከበባ ውስጥ በማስገባት ከፍተኛ ጀብድ ተፈጽሟል። ​የዕዙ ከፍተኛ ወታደራዊ አዛዥ አርበኛ ደረጀ በላይ፣ ኮሎኔል አበራ አዛናው ሌሎች የዕዝ አመራሮች በመሩት በዚህ አውደ ውጊያ፤ ከመኮንታ እና ጯሂት የመጣውን የጠላት ኃይል እንዳይንቀሳቀስና ባለበት እንዲቆም በማድረግ የደልጊውን ጥምር ጦር ከፍተኛ ምት እንዲመታ ተደርጓል። ​በዚህ አውደ ውጊያ በጠላት ኃይል ላይ ከፍተኛ የሰውና የቁሳቁስ ኪሳራ የደረሰ ሲሆን፦ ➛​45 የጠላት ኃይል ተደምስሷል፤ ➛​ከ50 በላይ ቀላልና ከባድ ቁስለኛ አስተናግዷል፤ ➛​ 1 ብሬን፣ 1 ስናይፐር እና 15 ክላሽንኮቭ የጦር መሣሪያዎች በምርኮነት ገቢ ሆኗል። ​በሁለተኛው የአውደ ውጊያ ግንባር፤ መነሻውን ወረታ፣ መዳረሻውን ወጅ፣ አርባአምባ እና ጉማራ አድርጎ የተንቀሳቀሰው የጠላት ኃይል ከፍተኛ ሰብአዊና ቁሳዊ ኪሳራ ገጥሞት እንዲመለስ ተደርጓል። ​አፋብን ጎንደር ጠቅላይ ግዛት በላይ ዘለቀ 3ኛ ዕዝ በሜጀር ጀነራል ውባንተ አባተ 1ኛ ኮር፣ የነበልባሉ 23ኛ ክፍለ ጦር አባል የሆነችው 1ኛ ሬጅመንት፣ የክፍለ ጦሩ ቃኝ መሐንዲስ እና አመራሮች በተሳተፉበት በዚህ የደፈጣ ውጊያ ጠላት ከፍተኛ ሽንፈት አስተናግዷል። ​በዚህም በነጭ አፈር፣ ታንኳ ገብርኤል፣ መገንጠያ፣ ጉማራ እና ወጅ ክሬቸር ላይ ጠንካራ ጥቃት ደርሶበታል። የክፍለ ጦሩ አሃድ የሆነችው 1ኛ ሬጅመንት በሽፈነው መገንጠያ ላይ ጠላት እንዳይንቀሳቀስ በማድረግ በጠላት ላይ ከፍተኛ ሰብአዊና ቁሳዊ ኪሳራ አድርሷል። ​በሦስተኛው የአውደ ውጊያ ግንባር ደግሞ፤ በንፋስ መውጫ ከተማ የአፋብን ጎንደር ጠቅላይ ግዛት በላይ ዘለቀ 3ኛ ዕዝ 206ኛ ከፍያለው ደሴ ኮር፣ ገብርዬ ክፍለ ጦር እና አንበሳው ጋይንት ክፍለ ጦር በቅንጅት በታች ጋይንት መገንጠያ፣ ማደያ፣ ክሬቸሩ፣ ሰባቱ እና የዶሮ ተራራ በተባሉ የአውደ ውጊያ ግንባሮች በጠላት ላይ ከባድ ምት አሳርፈውበታል። የቀድሞ የንፋስ መውጫ ከተማ ሚሊሻ ጽህፈት ቤት ኃላፊ የነበረው አንዳርጋቸው አድማስን ጨምሮ በርካታ የጠላት ኃይል ከጥቅም ውጭ ሆኗል። ​በተጨማሪም በአራተኛው አውደ ውጊያ ግንባር ከንፋስ መውጫና ክምር ድንጋይ ተሰባስቦ ወደ ሀገረ ገነትና ዛጎች በመንቀሳቀስ ላይ በነበረው ወዶ ገብ የሚሊሻ ስብስብ ላይ የአፋብን ጎንደር ጠቅላይ ግዛት በላይ ዘለቀ 3ኛ ዕዝ 206ኛ ከፍያለው ደሴ ኮር አንበሳው ጋይንት ክፍለ ጦር እና ተራራው ራስ ጉና ክፍለ ጦሮች በቅንጅት ባደረጉት ጥቃት፤ በታጥሮ በር፣ ደንኮርኮ እና ሀገረ ገነት መውጫዎች ላይ ከፍተኛ ምት አሳርፈውበት ጠላት ሙትና ቁስለኛውን ሰብስቦ ወደ መጣበት ለመመለስ ተገዷል። ​ህልውናችን በተባበረ ክንዳችን! የአፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ

ከአፋብን ወታደራዊ መምሪያ የቀርበ የስልጠና ጥሪ!!

የYIHA-III (Sivrisinek) አጥፍቶ-ጠፊ ድሮን ገጽታ እና የመከላከያ ምስሉ ላይ የሚታየው እና በቅርቡ በሰሜን ሸዋ በፋኖ ተመቶ የወደቀው ይህ ድሮን YIHA-III (በቱርክኛ Sivrisinek – ትርጉሙ «የቤት ዝንብ») በመባል የሚታወቅ ሎተሪንግ ሙኒሽን (ካሚካዜ/አጥፍቶ-ጠፊ ድሮን) ነው። ይህ መሳሪያ በቱርክ (Baykar) እና በፓኪስታን (NASTP) የጦር መሳሪያ አምራች ኩባንያዎች በጋራ የተመረተ ነው።   የባይራክታር ተዋጊ ድሮኖች የሚጠቀሙባቸው ሚሳኤሎች እና ቦንቦች እጅግ ውድ በመሆናቸው፣ ለሁሉም አይነት ኢላማዎች የሚሆን ርካሽ አማራጭ ለማቅረብ ታስቦ የተሰራ ነው። በገበያ ላይም ከ35,000 ዶላር በታች በሆነ ዋጋ የሚሸጥ ተመጣጣኝ የጦር መሳሪያ ነው። ከአምራች ኩባንያዎችን ኦፊሴላዊ  ያስባሰብሁት  መረጃዎች አንፃር የድሮኑ ዋና ዋና ቴክኒካዊ መግለጫዎች (Specifications) የሚከተሉት ናቸው። 1ኛ- ​ድሮኑ በውስጡ ከ10 እስከ 20 ኪሎ ግራም የሚመዝኑ  ቦንቦችን የመሸከም አቅም  አለው ፣ 2ኛ- ​ ከ8 እስከ 9 ሰዓታት በላይ በአየር ላይ በመቆየት ኢላማውን መፈለግ እና የማጥቃት አቅም አለው። 3ኛ- ​የበረራ ርቀቱ ደግሞ  900–1,000 ኪሎ ሜትር የሚደርስ የረጅም ርቀት ሸፋን ያለው ሲሆን 4ኛ- : በሰዓት 100 ኪሎ ሜትር ፍጥነት ይበርራል። ​ 5ኛ -: ​ኦፕሬሽናል የበረራ ከፍታው ~1,220 ሜትር ነው። 6ኛ-: ​ከፍተኛው የበረራ ጣሪያው (Service Ceiling) ~3,050 ሜትር ነው። ይህ ድሮን ትልቅ ኦፕሬሽናል ጥቅም እንዳለው ቢገለጥም ድሮኑ - በቀርፋፋ ፍጥነት እንዲሁም በዝቅታ መብረሩ ስትራቴጂካዊ ድክመቶቹ ናቸው። ከዚህ የድሮን ጥቃት እንዴት ራስን መከላከል ይቻላል?** ​ይህ አጥፍቶ-ጠፊ ድሮን በዝቅተኛ ከፍታ እና በቀርፋፋ ፍጥነት ስለሚበር፣ ለመከላከል እጅግ ውድ እና የተወሳሰበ (Sophisticated) የአየር መቃወሚያ ስርዓት አያስፈልገውም። ​ለአብነት ያህል፣ ዩክሬን ወደ ራሺያ ቤልግሮድ ግዛት ዘልቃ ባደረገችው ወታደራዊ ኦፕሬሽን ይህንን ድሮን በብዛት ተጠቅማበት ነበር። ይሁን እንጂ የራሺያ ወታደሮች የድሮኑን ደካማ ጎኖች በፍጥነት በማጥናት በመካከለኛ እና ከባድ መትረየሶች በመጠቀም ድሮኑ ከባድ ጉዳት እንዳያደርስ ማክሸፋቸውን የሚያሳዮ ዘገባዎችን   በፎቶ የተደገፈው  ዝርዝር ወታድራዊ  ዘገባዎችን  በሚያቀርቡ የራሺያ የወታደራዊ ጉዳዮች ዘጋቢ የሌግራም ቻናሎች ላይ ተመልክቻለሁ   ። በዚህም የተነሳ ድሮኑ በዩክሬን አርሚ ዘንድ ውጤታማነቱን አጥቷል። ​  ፋኖም ሆነ ሌሎች የትብብር ሃይሎች፣  ለዚህ ድሮን መከላከያ የሚሆነው ውድ መሳሪያ ሳይሆን በእጃቸው የሚገኙ ዶሽቃ እና መካከለኛ መትረየሶች መሆናቸውን ልብ ሊሉት ይገባል። ድሮኑ በዝቅተኛ ከፍታ የሚበር በመሆኑ በእነዚህ ተራ የጦር መሳሪያዎች መመታት እና መጣል የሚችልበት እድል እጅግ ከፍተኛ ነው። ኤልሻደይ የግዮን ልጅ እንደጻፈው!

የድል ተምሳሌቱ አዲስ ትውልድ! በጥቁር ህዝቦች የታሪክ መዝገብ ላይ የሀገራችን ኢትዮጵያ ስም በወርቅ ቀለም ሲጻፍ፣ ያንን ብዕር የያዘው እጅና ደሙን እንደ ቀለም የተጠቀመው ልብ ታላቁ የአማራ ህዝብ ለመሆኑ ታሪክ ህያው ምስክር ነው። የአማራ ህዝብ በኢትዮጵያ የታሪክ አውድ ውስጥ የሀገር ግንባታ ምሰሶ፣ የሉዓላዊነት ጠባቂና የጥቁር ህዝቦች የነፃነት ተምሳሌት ሆኖ ዘመናትን ተሻግሯል። የአማራ ፋኖ ጀግንነት በታሪክ ማህደር ላይ በወርቅ ቀለም እየተጻፈ፣ የሀቅና የፅናት ህያው ምስክር፣ ጊዜና ሁኔታዎች የማይሽሩት ዘላለማዊ እውነት ነው። አዲሱ ትውልድ ደግሞ የቆመለትን ወርቃማ ዓላማ አንግቦ፣ የገጠመውን ብልፅግና የተባለ ፀረ-ሰው የጠላት ኃይል እንደ ጨው የማቅለጥና እንደ እምቧይ ካብ የመናድ ወታደራዊ ጥበብና ጀግንነት፣ በፅናትና በስትራቴጂካዊ ብልሃት የመመከት ተፈጥሯዊ፣ ወታደራዊ ጥበብና ወኔን የታጠቀ ነው። የወርቃማው ትውልድ ትግል፣ የፍትሕ እጦት የወለደው፣ የታሪክ ግዴታ ያረገዘውና የታላቁን አማራ ህዝብ ህልውና የማዳን ብሎም ለፍትህ የቆመው ይህ ጀግና ስብስብ፣ በቁርጠኝነቱ ብቻ የጠላትን ታንክና ኦራል እንደ ጧፍ የማንደድ ተዓምራዊ አቅም አለው። ፍርሃትን የማያውቀው የፋኖ የፊት መስመር ተጋድሎ፣ የአምባገነኑንና የአውዳሚውን የብልፅግና ሥርዓት መሠረቱን በመናድ የመጨረሻውን የመቃብር ሥርዓት ለመደገስ በቁርጠኝነት እየገሰገሰ ይገኛል። ዓለምን በየቀኑ አዲስ ነገር እያሳየ ገረሜታና አድናቆት የሚሞላው የአማራ ፋኖ የጀግንነትና የነፃነት ጉዞ፣ ብልፅግና የተባለ ጨቋኝ ሥርዓትን እስከመጨረሻው ጠራርጎ በመጣል የነገዋን ብሩህና ፍትሐዊት ሀገር ለመገንባት የማይታጠፍ ኃይል ሆኖ ይቀጥላል።©Birhanu Chalie Demelash

በአማራ ፋኖ ብሔራዊ ንቅናቄ (አ.ፋ.ብ.ን) ምኒሊክ 1ኛ ዕዝ 15ኛ ኮር 152ኛ ዎሲል ክፍለጦር በደቡብ ወሎ ዞን በጃማ ደጎሎ ወረዳ ከወረዳው ከተማ ማህበረሰብና ነዋሪዎች ጋር ህዝባዊ ውይይት አካሂዷል። በውይይቱም ወቅት ህዝቡ በፍቅርና በደስታ የተቀበላቸው ሲሆን በመድረኩ ላይ የአፋብን ምኒሊክ ዕዝ ማህበራዊ ጉዳይ መምሪያ ሀላፊ አርበኛ ሀጅ ኑረድን አበበ የመክፈቻ ንግግር አድርገዋል። ህዝባዊ መድረኩን በማዘጋጀትና በመምራት በኩል የምኒሊክ ዕዝ ምክትል ማህበራዊ ጉዳዮች መምሪያ ዶክተር ሚካኤል ጋሻው፣ የጃማ ደጎሎ ወረዳ ሲቪል አስተዳደር አርበኛ ፀጋዬ ተስፉ፣ የ15ኛ ኮር ህግና ስነስርዓት መምሪያ ሀላፊ ታምራት በሽር፣ የ15ኛ ኮር የሀብት አፈላላጊ መምሪያ እብራሂም ክብረት፣ አርበኛ ሰለሞን ደበበ፣ የሃይማኖት አባቶችና የሀገር ሽማግሌዎችን ጨምሮ ሌሎችም የክብር እንግዶች በተገኙበት መድረኩ በድምቀት ተካሂዷል። ​የአማራ ፋኖ ብሔራዊ ንቅናቄ (አ.ፋ.ብ.ን) ምኒልክ 1ኛ ዕዝ 15ኛ ኮር በተገኙበት በዚህ መድረክ ለነዋሪዎች የንቃተ ፖለቲካ ግንዛቤ ማስጨበጫ የተሰጠ ሲሆን ሰራዊታችን ከነዋሪዎች ጋር ያለው ቁርኝት ከወትሮው በተለየ መልኩ መጠናከር እንዳለበት ተመልክቷል። ክፍለጦራችን በወታደራዊ ተጋድሎ ህዝቡን ነፃ ካወጣ በኋላ ከአካባቢው ማህበረሰብ ጋር ባደረገው በዚህ ውይይት የወደፊቱ የአካባቢው እንቅስቃሴና አስተዳደራዊ መዋቅር በሲቪል አስተዳደር እንደሚመራ ይፋ ያደረገ ሲሆን ጎን ለጎንም አስፈላጊው የሲቪል አደረጃጀት እንዲመሰረት ተደርጓል። ህዝባዊ ውይይቱና የሲቪል አደረጃጀቱ አሁንም በተጠናከረ መልኩ የሚቀጥል ይሆናል። መዳረሻውን ድልና ነፃነት ያደረገው የአማራ ሕዝብ የሕልውና ተጋድሎ ተጠናክሮ ይቀጥላል። ​ህልውናችን በተባበረ ክንዳችን! ​አፋብን ምኒልክ 1ኛ ዕዝ ሚዲያና ኮሚኒኬሽን መምሪያ ጥቅምት 3/2019 ዓ.ም

ሰበር ዜና! አንድ የአገዛዙ የሰራዊት አባል ሁለት(2) የቡድን መሳሪያና አንድ(1) የነብስ ወከፍ መሳሪያ በመያዝ ምኒልክ 1ኛ ዕዝን ተቀላቀለ! የጠላት 11ኛ ዕዝ 104ኛ ኮር 36ኛ ክፍለጦር 1ኛ ሻለቃ አባል 1ስናይፐር ፣ 1 ብሬን እና 1ጥቁር ክላሽ በመያዝ አፋብን ምኒልክ 1ኛ ዕዝ 14ኛ ኮር 142ኛ ክፍለ ጦርን ተቀላቅሏል። የመከላከያ አባሉ ወደ ፋኖ ሲቀላቀል የ14ኛ ኮር እና የ142ኛ ክፍለ ጦር አመራሮች ደማቅ አቀባበል አድርገዉለታል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን  መምሪያ!     ጥቅምት፦ 03/ 2019 ዓ/ም