ch
Feedback

不要被骗子欺骗!Telemetrio 会找到并标记这些频道 👉 如果想查看标记,请订阅

ፍኖተ-አማራ ሚዲያ (Finote Amhara Media)

ፍኖተ-አማራ ሚዲያ (Finote Amhara Media)

前往频道在 Telegram

የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)

显示更多
4 387
订阅者
-1324 小时
-657 天
+1430 天
帖子存档
ሚያዚያ 23 የቅዱስ ጊዮርጊስን የዕረፍት በዓል በዲማ ቅዱስ ጊዮርጊስ ገዳም በድምቀት ተከብሯል። ~~~~ 64ኛ በላይ ዘለቀ ክ/ጦር ሚያዚያ 23/2018 ዓ.ም ጊዮርጊስ ማለት ኮከብ፣ ብሩህ፣ ሐረገወይን፣ ፀሐይ ማለት ነው። ሐገሩ ፍልስጤም አሁን እስራኤል ሲሆን ልዩ ስሟ ልዳ አሁን (ሉድ) ይባላል። ሊቀ ሰማእት ቅዱስ ጊዮርጊስ ሰባ ነገሥታትን ያስጨነቀ፣ ቤሩታዊቷን ከዘንዶ አፍ ያዳነ፣ የመበለቷን ቤት ምሰሶ ያለመለመ፣ ሰባት ዓመት በፅኑ ተጋድሎ የተጋደለ በኋላ በ27 ዓመቱ በ304 ዓ.ም ሚያዚያ 23 ቀን ከቀኑ ዘጠኝ ሰዓት ሲሆን ነፍሱን የሰጠ ፅኑ ሰማዕት ነው። ቅዱስ ጊዮርጊስ አምላክ ልዑል እግዚአብሔር ቅዱስ ስሙ ለዘለዓለም የተመሰገነ ይሁን እያልን ዲማ ጊዮወረጊስ የመላከ ብረሃን አድማሱ ጀንበሬ፤ የሊቀ ሊቃውንት አያሌው ታምሩ፤ የክቡር ዶ/ር ሐዲስ አለማየሁ የፍቅር እስከ መቃብር ድርሰት መነሻ፤  እሳቸውም የቤተክነት ትምህርት የተማሩበት የቅዱሳን እና የጀግኖች አርበኞች መፍለቂያ ቦታ ታላቁ ዲማ ጊዮርጊስ ነው። በክብር በአሉ ከተለያዩ ቦታ የተገኙ የሐይማኖት አባቶች፣ ካህናት፣ ምዕመናን እና በአካባቢው የሚገኙ የከተማዋ ኖሪዎች እንዲሁም ከአገዛዙ ጋር እየተደረገ ባለው የህልውና ትግል ሶስት ዓመት ሙሉ ዲማ ከተማን ያላስደፈሩ የደጅ አዝማች በላይ ዘለቀ ልጆች የ64ኛ ክ/ጦር አመራር እና አባላት በተገኙበት በዲማ ከተማ በደማቅ ሁኔታ አክብረውታል። ክብር በአሉ አገዛዙ አስርጎ በአስገባቸው ሐይሎች እንዳይደናቀፍ በጀግኖች የደጅ አዝማች በላይ ዘለቀ የመንፈስ ልጆች 64ኛ ክ/ጦር አመራር እና አባላት ከፍተኛ ጥበቃ በማድርግ በዲማ ጊዮርጊስ በተገኘው ምዕመናኑ ጋር በሰላም ተከብሮ በሰላም ተጠናቋል።         ሚያዚያ 23/2018 ዓ.ም አፋብን ቴዎድሮስ ዕዝ 201ኛ ኮር 64ኛ በላይ ዘለቀ ክፍለ ጦር ሕዝብ ግንኙነት ከታላቁ ዲማ ጊዮርጊስ ሰማይ ስር
01 5月, 08:23

ሚያዚያ 23 የቅዱስ ጊዮርጊስን የዕረፍት በዓል በዲማ ቅዱስ ጊዮርጊስ ገዳም በድምቀት ተከብሯል። ~~~~ 64ኛ በላይ ዘለቀ ክ/ጦር ሚያዚያ 23/2018 ዓ.ም ጊዮርጊስ ማለት ኮከብ፣ ብሩህ፣ ሐረገወይን፣ ፀሐይ ማለት ነው። ሐገሩ ፍልስጤም አሁን እስራኤል ሲሆን ልዩ ስሟ ልዳ አሁን (ሉድ) ይባላል። ሊቀ ሰማእት ቅዱስ ጊዮርጊስ ሰባ ነገሥታትን ያስጨነቀ፣ ቤሩታዊቷን ከዘንዶ አፍ ያዳነ፣ የመበለቷን ቤት ምሰሶ ያለመለመ፣ ሰባት ዓመት በፅኑ ተጋድሎ የተጋደለ በኋላ በ27 ዓመቱ በ304 ዓ.ም ሚያዚያ 23 ቀን ከቀኑ ዘጠኝ ሰዓት ሲሆን ነፍሱን የሰጠ ፅኑ ሰማዕት ነው። ቅዱስ ጊዮርጊስ አምላክ ልዑል እግዚአብሔር ቅዱስ ስሙ ለዘለዓለም የተመሰገነ ይሁን እያልን ዲማ ጊዮወረጊስ የመላከ ብረሃን አድማሱ ጀንበሬ፤ የሊቀ ሊቃውንት አያሌው ታምሩ፤ የክቡር ዶ/ር ሐዲስ አለማየሁ የፍቅር እስከ መቃብር ድርሰት መነሻ፤  እሳቸውም የቤተክነት ትምህርት የተማሩበት የቅዱሳን እና የጀግኖች አርበኞች መፍለቂያ ቦታ ታላቁ ዲማ ጊዮርጊስ ነው። በክብር በአሉ ከተለያዩ ቦታ የተገኙ የሐይማኖት አባቶች፣ ካህናት፣ ምዕመናን እና በአካባቢው የሚገኙ የከተማዋ ኖሪዎች እንዲሁም ከአገዛዙ ጋር እየተደረገ ባለው የህልውና ትግል ሶስት ዓመት ሙሉ ዲማ ከተማን ያላስደፈሩ የደጅ አዝማች በላይ ዘለቀ ልጆች የ64ኛ ክ/ጦር አመራር እና አባላት በተገኙበት በዲማ ከተማ በደማቅ ሁኔታ አክብረውታል። ክብር በአሉ አገዛዙ አስርጎ በአስገባቸው ሐይሎች እንዳይደናቀፍ በጀግኖች የደጅ አዝማች በላይ ዘለቀ የመንፈስ ልጆች 64ኛ ክ/ጦር አመራር እና አባላት ከፍተኛ ጥበቃ በማድርግ በዲማ ጊዮርጊስ በተገኘው ምዕመናኑ ጋር በሰላም ተከብሮ በሰላም ተጠናቋል።         ሚያዚያ 23/2018 ዓ.ም አፋብን ቴዎድሮስ ዕዝ 201ኛ ኮር 64ኛ በላይ ዘለቀ ክፍለ ጦር ሕዝብ ግንኙነት ከታላቁ ዲማ ጊዮርጊስ ሰማይ ስር
01 5月, 08:20
01 5月, ~08:22

33ኛ ክፍለ ጦር ከአገዛዙ ነፃ ባደረጋቸው አካባቢዎች ከሚገኙ ወጣቶች ጋር ምክክር አደረገ ༻༺༻༺༻༺༻༺༻༺༻༺ [ሚያዝያ 23/2018 ዓ.ም፣ ዐፋብን ምዕራብ ዐማራ ቀጠና ቴዎድሮስ ዕዝ 102ኛ ኮር 33ኛ ክ/ጦር ሕዝብ ግንኙነት] በምዕራብ ዐማራ ቀጠና ቴዎድሮስ ዕዝ ስር የሚንቀሳቀሰው 102ኛ ኮር 33ኛ ክፍለ ጦር "#ከወሬ_ወደ_ተግባር፣ #ከምክክር_ወደ_ግምባር" በሚል መሪ ቃል በቋሪት እና በጎንጂ ቆለላ ወረዳዎች ከአገዛዙ ነፃ ባደረጋቸው አካባቢዎች ከሚገኙ ወጣቶች ጋር ማርሽ ቀያሪ ምክክር አደረገ። "ወጣትነት ጉልበት ብቻ ሳይሆን የነፃነት መንፈስም ነው" ያሉት በእንዘግድም ቀጠና ምክክር የተገኙት የ3³ኛ ክፍለ ጦር የፖለቲካ ዘርፍ ሓላፊ አርበኛ አማረ በላቸው፣ ሀገር ስትወረር እና ሕዝብ ሲታረድ "ነገ እሄዳለሁ" እንደማይባል አስገንዝበዋል። በፋኖ ጊዜያዊ አስተዳደር የጎንጂ ቆለላ ወረዳ አስተዳዳሪ አርበኛ አረጋ አበረ በበኩላቸው ነፃነት በደምና በአጥንት እንጂ በልመና የምትመጣ አይደለችም በማለት ወጣቱ ሀገር ለመረከብ ሊዘጋጅ እንደሚገባ ብለዋል። ወጣቶችም በነገ ታሪክ ራሳቸውን ለማግኘት ከዐማራ ፋኖ ብሔራዊ ንቅናቄ ጋር እንደሚሠለፉ ጽኑ ፍላጎታቸውን አንፀባርቀዋል። በተያያዘም ወታደራዊ ሥልጠና በአስቸኳይ እንዲመቻችላቸው እና በዐውደ-ውጊያዎች እንዲሳተፉ ወጣቶች ጠይቀዋል። ​ ​የ33ኛ ክፍለ ጦር ጊዜያዊ መንግሥት በኹሉም አካባቢዎች ከወጣቶች ጋር ባደረገው ምክክር የዚህ ዓመት የብልጽግና ምርጫ "በአጥንትና በደም ላይ የታሰበ ድርድር" ተብሎ በወጣቶች ተገልጿል።  በመጨረሻም "አንድ ክንድ ፥ አንድ ልብ" የቋሪት እና የጎንጂ ቆለላ ወረዳ ወጣቶች በየቀጠናው ወጣት ማኅበራትን አቋቁመው ምክክሩን ቋጭተዋል። ✔ አንድ ክንድ ፥ አንድ ልብ‼
01 5月, 08:19

ጀነራል ተፈራ ማሞ ለዓለም አቀፉ የተቃውሞ ሰልፍ ድጋፋቸውን ገለጹ፤ “አገዛዙ በሕዝባችን ስም እየተበደረ የዘር ማጥፋት እንዳይፈጽም የዲፕሎማሲ ጫናው ይበርታ” ሲሉ አሳሰቡ! የአማራ ፋኖ ብሔራዊ ንቅናቄ (አፋብን) ወታደራዊ አዛዥ አርበኛ ጀነራል ተፈራ ማሞ በዛሬው ዕለት በስዊድን ስቶክሆልም ለተጀመረውና በሌሎች የዓለም ከተሞች ለሚቀጥለው ዓለም አቀፍ የተቃውሞ ሰልፍ ሙሉ ድጋፋቸውን ገለጹ። ጀነራሉ በሰጡት መግለጫ፣ የውጭው ዲያስፖራ አገዛዙ በአማራ ሕዝብ ላይ የሚፈጽመውን የዘር ማጥፋት ወንጀልና በምርጫ ስም የሚደረገውን የይስሙላ ሩጫ ለማስቆም በቆራጥነት እንዲነሳ ጥሪ አቅርበዋል። ጀነራል ተፈራ ማሞ ባስተላለፉት መልእክት፣ አሁን ያለው የአብይ አህመድ አገዛዝ ዲያስፖራው በሀገሩ ቋሚ ንብረት ማፍራት ቀርቶ፣ ሲሞት እንኳን ሰውነቱ በክብር እንዳያርፍ የከለከለ ጨካኝ ሥርዓት መሆኑን ገልጸዋል። በመሆኑም በውጭ የሚኖረው ወገናችን ይህንን ግፍ ለዓለም አቀፉ ማኅበረሰብ በማሳወቅ በአገዛዙ ላይ ከፍተኛ የዲፕሎማሲ ጫና ማሳደር እንደሚገባው አሳስበዋል። በተለይም አገዛዙ በኢትዮጵያ ሕዝብ ስም የሚበደረው ብድርና የሚያገኘው እርዳታ በአማራ ሕዝብ ላይ የዘር ማጥፋት ወንጀል መፈጸሚያ እየሆነ መሆኑን ጀነራሉ ጠቁመዋል። በመሆኑም ዲያስፖራው አገዛዙ ምንም ዓይነት ዓለም አቀፍ ብድርም ሆነ እርዳታ እንዳያገኝ በትጋት ሊሠራ እንደሚገባ ጥብቅ ማሳሰቢያ ሰጥተዋል። ይህ ዓለም አቀፍ የተቃውሞ ሰልፍም የአገዛዙን እውነተኛ ገጽታ ለማጋለጥና የገንዘብ ምንጮቹን ለማድረቅ ወሳኝ መድረክ መሆኑን ጀነራሉ አረጋግጠዋል።
01 5月, 08:18

ዓለም አቀፍ የተቃውሞ ሰልፍ ዘመቻ ተጠራ! የአብይ አህመድ አገዛዝ በአማራ ሕዝብ ላይ እየፈጸመ ያለውን የዘር ማጥፋት ጦርነት በመቃወም እና ሊያካሂድ ያቀደውን ምርጫ ቅቡልነት ለማሳጣት ያለመ ታላቅ ዓለም አቀፍ የተቃውሞ ሰልፍ ዘመቻ መጥራቱን የደረሰን መረጃ አመለከተ። “በዘር ማጥፋት መካከል ምርጫ የለም!” በሚል መሪ ቃል የተዘጋጀው ይህ ንቅናቄ፣ የአገዛዙን አፋኝ እርምጃዎች ለዓለም አቀፉ ማኅበረሰብ በይፋ ለማጋለጥ ያለመ ነው። የተቃውሞው አስተባባሪዎች ባወጡት መግለጫ፣ አገዛዙ በአማራ ሕዝብ ላይ የዘር ማጥፋት ጦርነት እያካሄደ ባለበት ሁኔታ በኢትዮጵያ ውስጥ ነፃና ፍትሐዊ ምርጫ ሊካሄድ እንደማይችል አስታውቀዋል። “ባሩድ ባለበት ድምፅ መስጠት አይታሰብም!” (No ballots while bullets fly!) የሚለው መርህም የዚህ ንቅናቄ ዋነኛ ድምፅ ሆኗል። ሰልፈኞቹ አገዛዙ ከዚህ በኋላ የሕዝብ ውክልና እንደሌለው፣ ቅቡልነት እንዳጣ እና የውሸት ትርክቱ ማብቃት እንዳለበት በጽኑ እያሳሰቡ ይገኛሉ። ይህ መጠነ-ሰፊ የሰልፍ ዘመቻ በዛሬው ዕለት በስዊድን መዲና ስቶክሆልም የሚጀመር ሲሆን፣ በመጪው የግንቦት (May) ወር ውስጥ በተለያዩ የዓለም ከተሞች ቀጣይነት ይኖረዋል። ሰልፉ የሚካሄድባቸው ከተሞችና ቀናቶች እንደሚከተለው ተመልክተዋል፦ • ስቶክሆልም፣ ስዊድን፦ ግንቦት 1 (May 1) • ሲያትል፣ አሜሪካ፦ ግንቦት 9 (May 9) • ብራስልስ፣ ቤልጂየም፦ ግንቦት 11 (May 11) • ዋሽንግተን ዲሲ፣ አሜሪካ፦ ግንቦት 14 (May 14) • ኦታዋ፣ ካናዳ እና ፓሪስ፣ ፈረንሳይ፦ ግንቦት 16 (May 16) • ማኒቶባ (ካናዳ)፣ ሜልቦርን (አውስትራሊያ) እና ጣሊያን፦ ግንቦት 17 (May 17) • ኦስሎ፣ ኖርዌይ፦ ግንቦት 22 (May 22) • ሎንዶን፣ ዩናይትድ ኪንግደም፦ ግንቦት 23 (May 23) ይህ ንቅናቄ “ኢትዮጵያ የሚያስፈልጋት ፍትሕ እንጂ የይስሙላ ምርጫ አይደለም” የሚል ጠንካራ መልእክት ለዓለም አቀፉ ማኅበረሰብ የሚያስተላልፍ ነው። ሰልፈኞቹ የሚሰጡት ድምፅ ለአምባገነናዊ ሥርዓት ቅቡልነትን እንደማይሰጥና በአማራ ሕዝብ ላይ የታወጀው ጦርነት በአስቸኳይ እንዲቆም ግፊት እንደሚያደርጉም ታውቋል።
01 5月, 06:15

የአርበኛ መከታው ማሞ ወቅታዊ መልዕክት፡ ዓለም አቀፍ የተቃውሞ ሰልፍ ከግንቦት 1 እስከ ግንቦት 30 የሚቆየው የዓለም አቀፍ የተቃውሞ ሰልፍ (Global Protest)ጥሪን አስመልክቶ፣ የአፋብን ተቀዳሚ ምክትል ሊቀመንበር አርበኛ መከታው ማሞ ያስተላለፉት አጭር መልዕክት የሚከተሉትን ዋና ዋና ነጥቦች ይዟል፦ 👉አርበኛው በቆራጥነታቸው እንደሚታወቁት ሁሉ፣ በዚህ በታወጀው የወር ዘመቻ መላው የኢትዮጵያ ሕዝብና በውጭ የሚኖሩ ኢትዮጵያውያን በአንድነት ድምፃቸውን እንዲያሰሙ ጥሪ አቅርበዋል። ይህ ተቃውሞ የግለሰብ ሳይሆን የፍትህና የነፃነት ጥያቄ መሆኑን አፅንዖት ሰጥተዋል። 👉በአገር ውስጥ እየደረሰ ያለውን በደልና ጭቆና ለዓለም አቀፉ ማኅበረሰብ በግልጽ ማሳወቅ። =>የሕዝብን የህልውና ትግል ወደ ላቀ ደረጃ ማሸጋገር። =>ዲፕሎማሲያዊ ጫናዎችን በመፍጠር የለውጥ እንቅስቃሴውን ማፋጠን። 👉አርበኛ መከታው ማሞ ሰልፉ በታቀደለት መንገድ፣ በስነ-ምግባር እና በታላቅ ዝግጅት እንዲከናወን አሳስበዋል። እያንዳንዱ ኢትዮጵያዊ የአገሩን ባንዲራና የትግል ዓላማውን አንግቦ በየሄደበት አደባባይ ሁሉ እውነቱን እንዲመሰክር ጥሪያቸውን አስተላልፈዋል። "ድል ለተገፋው ሕዝባችን! ትግላችን እስከ ነፃነት ይቀጥላል!" በማለት በፅናትና በተስፋ የተሞላውን መልዕክታቸውን ደምድመዋል።
01 5月, 06:10

የአማራ ፋኖ ብሔራዊ ንቅናቄ በ182 የተለያዩ መድረኮች 167,539 አርሶ አደሮች ጋር በትግሉ ወቅታዊ ጉዳዮች ላይ ውይይት አድርጓል። የድርጅቱ አራቱ ዕዞች በሚያስተዳድራቸው ቀጠናወች በተካሔደው የአርሶአደሮች የንቅናቄ መድረክ ከድርጅቱ የወረዱት የአሰራር መመሪያወች፣ የመወያያ ሰነዶች፣ የማስፈፀሚያ ፕሮቶኮል መርሆወችን በሚገባ ተግባራዊ ማድረግ ተችሏል። በዚህም መሰረት ከሚያዝያ 17-19/2018 ዓ.ም በተካሔደው የአርሶ አደሮች የንቅናንቄ መድረክ:- ➡ ምኒልክ በወሎ ቤተ-አማራ 51 ማዕከላት ላይ የተሳኩ ውይይቶች የተደረጉ ሲሆን በእነኝህ መድረኮች  42,987 ( አርባ ሁለት ሺህ ዘጠኝ መቶ ሰማንያ ሰባት አርሶ አደሮችን ማሳተፍ ተችሏል። ➡ በቴዎድሮስ ዕዝ 52 ያህክል መድረኮች በስኬት ማጠናቀቅ ሲቻል በእነኝህ መድረኮች 39,700 ( ሰላሣ ዘጠኝ ሺ ሰባት መቶ) አርሶ አደሮችን ማሳተፍ ተችሏል። ➡ ሸዋ ጠቅላይ ግዛት አሳምነው ዕዝ በ37 ያህክል የመድረክ ውይይቶች 30,100 (ሰላሳ ሺ አንድ መቶ) አርሶ አደሮችን ማወያየት ተችሏል። ➡ ጎንደር ጠቅላይ ግዛት በላይ እዝ ስር ባሉ ቀጣናወች 42 መድረኮች የተዘጋጁ ሲሆን በእነዚህ መድረኮች 54,752 (ሃምሳ አራት ሺህ ሰባት መቶ ሃምሳ ሁለት) አርሶ አደሮች ተሳትፈዋል። በአጠቃላይ በ182 የተለያዩ መድረኮች 167,539 (አንድ መቶ ስልሳ አራት ሺ ሁለት መቶ ሰላሳ ዘጠኝ) ጋር ውይይት ማድረግ ተችሏል። በተደራጀ የፖለቲካ ስራ የአማራ ህዝብ የፖለቲካ ግንዛቤ ይዳብራል ፤ ህልውናውም ይረጋገጣል። ' በሚል መሪ ቃል የተካሔደው መድረክ ወቅታዊ የትግሉ ጉዳዮችን ጨምሮ በርካታ ጭብጦችን የዳሰሰ ውይይት ያደረግንበት ነው።  ከድርጅት አመራር ጀምሮ የዕዝ፣ የኮር ፣ የክፍለ-ጦር ወረዳ ግዜያዊ መንግስት እና የህዝብ አስተዳደር አመራሮች በመገኘት መድረኮችን መርተዋል፤ የድርጅቱን ሰነድ በማብራራት እና ውይይቱን በመምራት ግዴታቸውን ተወጠዋል ። የውይይት ተሳታፊ አርሶ-አደሮቻችን በርካታ ሃሳቦችን አንስተዋል። ከተነሱት መሰረታዊ ፍሬ ሃሳቦች መካከል:- ፩) አደረጃጀቶች ላይ እየተፈጠሩ ያሉ ልዩነቶችን በማጥበብ በጠላት ላይ አብራችሁ ልታዘምቱን ይገባል፤ የግል ትጥቅ ያላቸውን አርሶ አደሮች በአባት አርበኞች አደረጃጀት መዋቅራዊ መንገድ ልንታገል ይገባል፤ ፪) በፋኖ አደረጃጀት ውስጥ ሆነው የስነ ምግባር ችግር ያለባቸውን እና ወንጀል የሚሳሩትን ድርጅቶ ሊያርማቸው እና ሊታገላቸው ይገባል፤ ፫) የነፍስ አባቶቻችን፣ ሐኪሞችንና ህፃናት አድኖ የሚገድል መንግስት በታሪክም ሰምተን አናውቅም፡፡ ይህን መንግስት ሁሉም ለመፋለም ከመቼውም ጊዜ በላይ ዝግጁ ነን፤ ፬) ነፃ በወጡ ከተሞች ላይ  በተለይ ለቅሶና ምሽት ላይ ጥይት ተኩስ አስቁሙልን፣የህዝን አስተዳደርንና ፍትህ ስርዓት ከወታደሩ ውጭ በሆነ መዋቅር እንዲሰራ አድርጉልን፤ ፭) መንግስት የሚገድለን አንሶ እና ደግ በጥቁር ደም እርስ በእርስ በእርስ መገዳደልን በአዋጅ አስቀሩልን፣  ህዝቡ በኑሮ ውድነት እና ትራንስፖርት ችግር መኖር የማይችልበት ደረጃ እየደረሰ ነው፣ ትግሉን ተረባርበን በድል ማጠናቀቅ አለብን፤ ፮) የትምህርት አገልግሎት በተጀመረበት ቦታም ጭምር ትምህርት በአግባቡ እየተሰጠ አይደለም፡፡ ጠላት በመጣ ጊዜም ፋኖ የተቆጣጠራቸውን ትምህርት ቤቶች ንብረታቸውን እየዘረፈ እየጫናቸው ነው፡፡ ኮምፒዩተሮችን ጨርሶ ጭኗቸዋል፡፡ ጤና ጣቢያዎች መድሃኒት እመጣላቸው አይደለም፡፡ መንግስት ጤና መድህን እያለ ይበዘብዘናል ነገር ግን ጤና ተቋም ስንሄድ ሁሉም ነገር የለም ነው የሚባለው፡፡ ይህንንም መፍትሄ ብትፈልጉልን፡፡ ፯) በጦርነቱ ምክንያት አካል ጉዳተኛ የሆኑን ወላጅ አልባ የሆኑ በርካታ የገበሬ ልጆች አሉና ድጋፍ ብታደርጉላቸው፣ መንገዶችን ጠላት እየዘጋብን እንቅስቃሴ ተቸግረናል፡፡ ፰) ከመሬት ጋር ተያይዞ ከፍተኛ የፍትህ ችግር አለ። ፋኖ በተቆጣጠረው አካባቢም በሰፊው ግጦሽ እርሻ እየታረሰ ነውና የመሬት ሕግ  የመሬትና መሰል ማህበራዊ ጉዳዮችን በእድር ኮሚቴ እንድንፈታ እውቅናና ድጋፍ ስጡን፡፡ ከአቅማችን በላይ የሆነውን ግን ወደ ፋኖ ጊዜአዊ መንግስት እናመለክታለን የሚሉ እኔ ሌሎችም ይገኙበታል። በሁሉም መድረኮች ቀጣይነት እንዲኖራቸው ተሳታፊወች ሀሳብ የተሰጠ ሲሆን ተሰብሳቢወችም የአንድነት ቃል ኪዳናቸውን የሚያድስ የአቋም መግለጫ በማውጣት መድረኮቹ ተጠቃለዋል። መድረኮች የተሳኩ ይሆኑ ዘንድ የህዝቡ የመሰብሰብ ፍላጎቶች እና ተነሳሽነት መኖሩ፣ የመድረኮችን አስፈላጊነት በተመለከተ ለማህበረሰቡ ግልፅ መልዕክቶች መተላለፋቸዉ፣ ከማዕከል በታቀደ እና በተደራጀ መንገድ ሰነዶች እና የስራ መመሪያወች ተደራሽ መደረጋቸው በምክንያትነት ይጠቀሳሉ። በመድረኮች የመዋቅራችን መካከለኛ አመራር መድረኮችን የመምራት አቅሙን ያሳዬበት፣ የመፈፀም አቅሙ የተረጋገጠበት፣ ከማህበረሰቡ የተነሱ እና ድርጅታዊ ምላሽ የሚያስፈልጋቸው ጉዳዮች መኖራቸውን፣ ትግሉ የደረሰበት ደረጃ አሁናዊ እና የቀጣይ ሁኔታውን ለአርሶአደሩ ማስረፅ መቻሉን፣ የብልፅግናን የምርጫ ቀልድ ያአማራ አርሶ አደር ፈፅሞ የማይቀበለው መሆኑ ከህዝቡ አንደበት የተረጋገጠበት መሆኑን ማረጋገጥ ተችሏል። በተለይም በዚህ የህልዉና ተጋድሎ ፈርጀ ብዙ መስዋዕትነት እየከፈለ ያለው የአማራ አርሶ አደር እጣ ፋንታው ይህንን አገዛዝ ማስወገድ መሆኑን ስለማመኑ የተረጋገጠበት እንደሆነም ታይቷል።  ለሚደረጉ ድርጅታዊ ዘመቻወች ወደፊት የተጠናከረ ህዝባዊ ድጋፍ የሚኖር መሆኑንም ያመላከተ መድረክ ነው።   የመድረክ አፈፃፀሞች አስደናቂ የሥራ ቅንጂት የታየበት እንዲሁም የተሻለ ጥበቃ እና የፀጥታ ስራ የተሰራበት ቢሆንም የሚዲያ ባለሞያዎች እጥረት እና የሚዲያ ቁሳቁስ ችግር መኖሩ የመድረኮችን ድባብ ለሚዲያ በፍጥነት እና በጥራት ማድረስ ላይ ድክመት መኖሩ እንዲሁም ሥራውን ለመስራት በቂ በጀት አለመኖር እና በርካታ ቦታወች ላይ ውጊያ በመኖሩ የመድረኮችን ሽፋን በታቀደው ልክ አለማድረጉ በህዝብ ንቅናቄው አብይ ኮሚቴ መድረክ ተገምግሟል። በአጠቃላይ ማህበረሰቡ በትግሉ ላይ ያለው እምነት በከፍተኛ ሁኔታ መጨመሩ፤ ድርጅቱም ለህዝብ የገባውን ቃል ኪዳን ያደሰበት መድረክ ሆኖ ተጠናቋል፡፡ የአማራ ፋኖ ብሔራዊ ንቅናቄ ይህ መድረክ እንዲሳካ ያደረጉ በተዋረድ ያሉ የድርጅቱ አመራር እና አባላት፣ የህዝብ አስተዳደር መዋቅር አመራሮች እና ተሳታፊወችን ከልብ ያመሰግናል። አርበኛ አስረስ ማረ ዳምጤ
01 5月, 03:12

የነፃነት ንስር እና የሸፍጥ ተኩላዎች፡ የፋኖ የክብር ጉዞ! 🦅 ​የንጋት ወፎች በዜማ እንደሚቀበሉት አዲስ ቀን፣ የፋኖ የነፃነት ጉዞም የህዝብን የህልውና ተስፋ ያበስራል። ይህ ጉዞ ውበት ብቻ አይደ
የነፃነት ንስር እና የሸፍጥ ተኩላዎች፡ የፋኖ የክብር ጉዞ! 🦅 ​የንጋት ወፎች በዜማ እንደሚቀበሉት አዲስ ቀን፣ የፋኖ የነፃነት ጉዞም የህዝብን የህልውና ተስፋ ያበስራል። ይህ ጉዞ ውበት ብቻ አይደለም፤ የጀግንነት ጥግ፣ የፅናት ማማ እንጂ። ለአማራ ህዝብ ያለውን ጥልቅ ፍቅር እንደ ጋሻ፣ የነፃነት ህልሙን እንደ ሰንደቅ ይዞ ወደ ማይቀረው ድል እየገሰገሰ ነው። በዚህ የጀግንነት ጎዳና ላይ ግን፣ አማራን ለማጥፋት አማራ መስለው የተሸፈኑ የክፋት አውሬዎች አሉ። የአማራን መልክን ተላብሰው፣ የቃልን ተንኮል አዝለው፣ የህዝቡን የነፃነት ጉዞ ከውስጥ ለመሸርሸር የሚዶልቱ የሸፍጥ ተኩላዎች የመጨረሻቸው ደግሞ አሁን ነው። የፋኖ ጉዞ ግን እንደ ንስር ነው! ንስር ከአድማስ በላይ እንደሚመለከት፣ ፋኖም የነዚህን በሸዎች ተንኮል ከአድማስ ይለያል። የእውነትን ጎዳና ተከትሎ፣ የክፋትን ሴራ በፅናት እየረገጠ፣ ወደ ነፃነት ማረፊያው እየበረረ ነው። ​ይህ የነፃነት ጉዞ የቆራጦች መታወቂያ፣ የጀግኖች ማረጋገጫ ነው። ​💪 አብሮነት፣ ጽናት፣ እና የንስር ብርታት ለነፃነት! ​#ፋኖ #የነፃነትጉዞ #የአማራህዝብ #የንስርመንፈስ #ጀግንነት #ነፃነት #Dawit #Amhara ከንጉሶች መንደር የአማራ ፋኖ የግንባር ወቅታዊ ፈጣንና ትኩስ መረጃዎችን ለማግኘት #የቴሌግራም ገፃችን ይወዳጁ!!!!!!!!!!!!!!!!!!!!! https://t.me/httpsuYkZrGfSZrNjNjFk
30 4月, 15:08
30 4月, ~15:08

የነፃነት ንስር እና የሸፍጥ ተኩላዎች፡ የፋኖ የክብር ጉዞ! 🦅 ​የንጋት ወፎች በዜማ እንደሚቀበሉት አዲስ ቀን፣ የፋኖ የነፃነት ጉዞም የህዝብን የህልውና ተስፋ ያበስራል። ይህ ጉዞ ውበት ብቻ አይደ
የነፃነት ንስር እና የሸፍጥ ተኩላዎች፡ የፋኖ የክብር ጉዞ! 🦅 ​የንጋት ወፎች በዜማ እንደሚቀበሉት አዲስ ቀን፣ የፋኖ የነፃነት ጉዞም የህዝብን የህልውና ተስፋ ያበስራል። ይህ ጉዞ ውበት ብቻ አይደለም፤ የጀግንነት ጥግ፣ የፅናት ማማ እንጂ። ለአማራ ህዝብ ያለውን ጥልቅ ፍቅር እንደ ጋሻ፣ የነፃነት ህልሙን እንደ ሰንደቅ ይዞ ወደ ማይቀረው ድል እየገሰገሰ ነው። በዚህ የጀግንነት ጎዳና ላይ ግን፣ አማራን ለማጥፋት አማራ መስለው የተሸፈኑ የክፋት አውሬዎች አሉ። የአማራን መልክን ተላብሰው፣ የቃልን ተንኮል አዝለው፣ የህዝቡን የነፃነት ጉዞ ከውስጥ ለመሸርሸር የሚዶልቱ የሸፍጥ ተኩላዎች የመጨረሻቸው ደግሞ አሁን ነው። የፋኖ ጉዞ ግን እንደ ንስር ነው! ንስር ከአድማስ በላይ እንደሚመለከት፣ ፋኖም የነዚህን በሸዎች ተንኮል ከአድማስ ይለያል። የእውነትን ጎዳና ተከትሎ፣ የክፋትን ሴራ በፅናት እየረገጠ፣ ወደ ነፃነት ማረፊያው እየበረረ ነው። ​ይህ የነፃነት ጉዞ የቆራጦች መታወቂያ፣ የጀግኖች ማረጋገጫ ነው። ​💪 አብሮነት፣ ጽናት፣ እና የንስር ብርታት ለነፃነት! ​#ፋኖ #የነፃነትጉዞ #የአማራህዝብ #የንስርመንፈስ #ጀግንነት #ነፃነት #Dawit #Amhara ከንጉሶች መንደር
30 4月, 15:06

በአፋብን ታሪክ የተመዘገበ ግዙፍ ሕዝባዊ ንቅናቄ፤ ከ167 ሺህ በላይ አርሶ አደሮች በትግሉ ቀጣይነትና በወሳኝ የፖለቲካ ጉዳዮች ላይ መከሩ! (ሚያዝያ 22 ቀን 2018 ዓ.ም - ኢትዮ 251 ሚዲያ) የአማራ ፋኖ ብሔራዊ ንቅናቄ (አፋብን) በሚያስተዳድራቸው አራት ዕዞች ሥር በሚገኙ ቀጠናዎች፣ ከሚያዝያ 17 እስከ 19 ቀን 2018 ዓ.ም ድረስ የዘለቀ ታሪካዊና ግዙፍ የአርሶ አደሮች የንቅናቄ መድረክ ማካሄዱን አስታወቀ። “በተደራጀ የፖለቲካ ስራ የአማራ ህዝብ የፖለቲካ ግንዛቤ ይዳብራል፤ ህልውናውም ይረጋገጣል” በሚል መሪ ቃል በተከናወነው በዚህ ንቅናቄ፣ በ182 የተለያዩ መድረኮች በአጠቃላይ 167,539 (አንድ መቶ ስልሳ ሰባት ሺህ አምስት መቶ ሰላሳ ዘጠኝ) አርሶ አደሮች ተሳትፈዋል። የንቅናቄው መረጃ እንደሚያመለክተው፦ • በምኒልክ በወሎ ቤተ-አማራ፦ 42,987 አርሶ አደሮች በ51 ማዕከላት፤ • በቴዎድሮስ ዕዝ፦ 39,700 አርሶ አደሮች በ52 መድረኮች፤ • በአሳምነው ዕዝ (ሸዋ)፦ 30,100 አርሶ አደሮች በ37 መድረኮች፤ • በበላይ ዕዝ (ጎንደር)፦ 54,752 አርሶ አደሮች በ42 መድረኮች ተወያይተዋል። በእነዚህ መድረኮች ላይ የተገኙት አርሶ አደሮች ለአፋብን አመራር ያቀረቧቸው ነጥቦች የትግሉን የወደፊት አቅጣጫ የሚጠቁሙ ሆነው ተገኝተዋል። አርሶ አደሮቹ በፋኖ አደረጃጀቶች መካከል ያለውን ልዩነት በማጥበብ በጠላት ላይ በጋራ እንዲዘመት፣ በፋኖ ስም ወንጀል የሚፈጽሙ ግለሰቦች ላይ ጥብቅ እርምጃ እንዲወሰድና በነጻ በወጡ ከተሞች አስተማማኝ የሕዝብ አስተዳደርና የፍትሕ ሥርዓት እንዲዘረጋ ጠይቀዋል። በተለይም አገዛዙ የነፍስ አባቶችን፣ ሐኪሞችንና ሕፃናትን ሳይቀር እየገደለ መሆኑን የጠቀሱት አርሶ አደሮቹ፣ ይህንን የግፍ አገዛዝ ለመፋለም ከመቼውም ጊዜ በላይ ዝግጁ መሆናቸውን አረጋግጠዋል። በውይይቱ ወቅት በጦርነቱ ምክንያት የተፈጠረው የኑሮ ውድነት፣ የትምህርትና የጤና አገልግሎቶች መቋረጥ እንዲሁም አገዛዙ በየሐሰተኛ የምርጫ ስም የሚያደርገው ማጭበርበር በከፍተኛ ሁኔታ ተኮንኗል። አርሶ አደሩ “የብልጽግናን የምርጫ ቀልድ በፍጹም አንቀበልም” በማለት የሕዝቡ እጣ ፈንታ ይህንን አገዛዝ ማስወገድ ብቻ መሆኑን በአንድ ድምፅ አረጋግጧል። የአፋብን የሕዝብ ንቅናቄ አብይ ኮሚቴ በሰጠው ግምገማ፣ መድረኩ የመካከለኛ አመራሩን የማስፈጸም አቅም ያረጋገጠበትና ከሕዝቡ ጋር ያለውን መተማመን ያጠናከረበት መሆኑን ገልጿል። ምንም እንኳን የሚዲያ ባለሙያዎችና የቁሳቁስ እጥረት እንዲሁም በተለያዩ ቦታዎች የሚደረጉ ውጊያዎች ለዜና ሽፋን እንቅፋት ቢሆኑም፣ ንቅናቄው የአማራን ሕዝብ የህልውና ተጋድሎ ወደማይቀለበስ ምዕራፍ ያሸጋገረ መሆኑ ታምኖበታል። በሁሉም መድረኮች ማጠቃለያ ላይ ተሳታፊዎቹ የነጻነት ጉዟቸውን በድል ለማጠናቀቅ ቃል ኪዳናቸውን በአቋም መግለጫ አድሰዋል። ኢትዮ 251 ሚዲያ የነጻነት አንደበት
30 4月, 14:32

ህያው ጀግና ቀኝ አዝማች ጨለፍ ተስፋው ሚያዚያ 21/2018 ዓ.ም ውድ ህይወቱን ለአማራ ህዝብ ህልው መሆን አሳልፎ ሰጠ! አርበኛ ጨለፍ ተስፋው የአባቱን ክላሽ በማንሳት በ2013 ዓ.ም ጋሸና ግባር ላይ ተከሰተ። ብላቴናው በሰሜኑ ጠርነት እልክ አስጨራሽ ተጋድሎ በማድረግ በድል ተራራ ላይ ታሪኩን በደም ፃፈ። የሰሜኑ ጦርነት አደቡን እንደያዘ አርበኛ ጨለፍ ተስፋው በአምባሰል ተራሮች እየተጎባለለ ከስምንት ጓዶቹ ጋር ፋኖን ማሰባሰብ ጀመረ። ሰማዕቱ ራምቦ የጨለፍ የአንጀት ወዳጅ ከመሆኑ የተነሳ ሁለታቸው አብረው ለበርካታ አመታቶች የጥላትን ሰራዊት በደፈጣ ዶግ አመድ እያደረጉ ዘመን ተሻጋሪ ወደር አልባ ታሪክን በፋኖነት ስም አስመዘገቡ። አርበኛ እራቦና ጨለፍ የአንድ ሳንቲም ሁለት ገፅታዎች ናቸው። አርበኛ ጨለፍ ከአምባሰል ተራሮች ተነስቶ ሸዋ ምድር ተከስቶ በርካታ ታሪኮችን ከሰራ በኋላ ወደ ምዕራብ ወሎ ተቀሳቅሶ በወግዴ፤በሳይንትና በሌሎች ወረዳዎች ፋኖን በማደራጀት ጉልህ ሚናን ተጫውቷል። አሞካሽተው ቀኜ ብለው የሚጠሩት ቀኝአዝማች ጨለፍ ተስፋው ከሸዋ ምድር አንድ ታላቅ ታሪክን ለመስራት በደራ በኩል ተከሰተ። እርሱ የሚገድበው ቀጠና የለምና በአገዛዙ በአብይ አህመድ ተሰርተው ሰልጥነውና አቅጣጫ ተሰቷቸው በጃልሰኒ የሚመሩ አካላቶች በአማራ ህዝብ ላይ አሰቃቂ ግፍን ይፈፅሙ ነበርና፤ ቀኝአዝማች ጨለፍ በደራ በኩል ጃልሰኒና ቡድኖቹ ወደሚገኙበት አቀና። ያኔ ጃልሰኒ የአማራን ንፁሀኖችን መጨፍጨፍ የዘወትር የአብይዚም ተልኮው ስለነበር የጨለፍን ነፍጥ ፈፅሞ አልጠበቀም። ጨለፍ ግን የአማራን ህዝብ የጨፈጨፈን ጥላት ከከተመበት ድረስ ዘልቆ የህልውና መዳኛ ነፍጡን በነ ጃልሰኒ አርከፈከፈው። በርካታ የጃል ሰኒ ሰራዊቶች ተደመሰሱ። ጃልሰኒም ወደ አለቃው አብይ አህመድ እሩጦ እጀን ሰጠሁ አለ። የእሳቱ ጉራጅ ጨለፍ ተስፋው በደራ ምድር በጀብደኝነት በአማራዊ ኩራት ጎልቶ ታዬ። አፀፋ ጥቃቱን በሚገባ የተወጣው አርበኛ የአብይ አህመድንና የሽመልስ አብደሳን ገዳይ መሪ ጃልሰኒን በማስጨነቅ የጥፋት ካባውን ገፈፈው። ቀኝአዝማች ጨለፍ ተስፋው የደራን ኦፕሬሽን በሙሉ ፈፅሞ ወደ ወግድ ተሻገረ። ወዳውኑ ወደ ትውልድ ቦታው መቄት በመሻገር ከጓድኛው አርበኛ ቅዱሴና አርበኛ ማረጉ እንድሁም በርካታ አርበኛ ወንድሞቹ ጋር በመሆን ታሪኩ ተነግሮለት የማያቀውን የመቄትን ህዝብ ታሪክ በደም በአጥንታቸው ለመፃፍ ቆርጠው ተነሱ። በመቄት ምድር ፋኖነትን ለማስፋፋት ከቀናቶች የዘለለ ጊዜ ሳይውስድባቸው ሳር ቅጠሉን በፋኖ አንቆጠቆጡት። በመቄት ምድር ላይ ጥላት የእግሩ መረገጫ እስኪያጣ ድረስ ቀኝ አዝማች ጨለፍ ተስፋው ቆላ ወርዶ ዳገት ተቃቶ ፋኖን አደራጀ። የፋኖ ትግልን ጠላፊዎች ጨለፍን ከአንድም ሁለት ሶስት ጊዜ በሴራ ትብታባቸው ሊታቱት ሞከሩ እንጅ ከአማራነት ክብሩ ፈፅሞ የሰናፍጭ ቅንጣት ያክል ሊያሳጡት አልተቻላቸውም። በርካታ ሆድ አደር የአማራ ህዝብ ጥላቶች ቀኝአዝማች ጨለፍ ተስፋውን እንደ ተኩላ ከበው ይጠዘጥዙት ዘንድ ቋመጡ።ቀኝአዝማች ጨለፍ ግን ወይ ሞት ወይ አማራነት በማለት እስከ ህይወት ፍፃሜው ድረስ በአማራዊያን የአባቶቻችን ታሪክ ቁሞ ተገኜ። በዚህ አቋሙ በርካታ ባንዳዎች የልመና በራፋቸውን ለማስከፈት በቀኝአዝማች ጨለፍ ላይ የሀሰት ትርክትና ስም ማጥፋት ዘመቻ ቢከፍቱበትም ቅሉ እስከ ሞት ድረስ በአላማው ፀንቶ ዘለቀ። የደፈጣው ንጉስ ቀኝአዝማች ጨለፍ ተስፋው ለአማራ ህዝብ ታምኖ ከኦሮሙማው ጥላት ጋር ከሶስት አመት በላይ ሲፋለምና የጥላትን ሰራዊት በየቀኑ በአስከሬን አንስተህ ጫን በመቄት ወረዳ የምስጥ ሲሳይ እያደረገ በርካታ አካባቢዎችን ከጥላት ነፃ በማውጣት የፌደራል ጥቁር አስባልት መቆጣጠር ቻለ። ቀኝ አዝማች ጨለፍ መነሻ ቦታውን መቄት ያድርግ እንጅ በድርጅቱ የሚሰጠውን ግዳጅ ከቦታ ቦታ በመንቀሳቀስ በርካታ ታሪኩችን መስራት የቻለ የዘመናችን በላይ ዘለቀ ነበር። ቀኝአዝማች ጨለፍ ከሶስት ወራቶች በፊት በተንታ አጅባርና በተንታ ሚካኤል የቀድሞዉ የደጋው መብረቅ የአሁኑ 106ኛ ኮር ዘመቻ መሪ ሆኖ የጥላት ሙሉ ሰራዊትን ሙሉ በሙሉ በመደምሰስ ህያው ታሪክን ሰርቷል። በብዙ ፈተናዎች ውስጥ 106ኛ ኮርን ለመመስረት ጨለፍ እጅግ የላቀ ሚናን በማድረግ  ኮሩ በሁለት እግሩ እንድቆም አይረሴ አስተዋፆ ነበረው። በቁልምጫ ቀኜ እያልን የምንጠራው ተናዳፍው አርበኛ ከወሎ እስከ ሸዋ ከሸዋ እስከ ጎንደር ጎጃም እግሮቹ እስኪቀጥኑ ተከራቶ አማራዊ ግዳጁን በመወጣት ተከድቶ እስኪወድቅ ድረስ በፍፁም ታማኝነት ተወጥቷል። በደቡብ ጎንደር የቀድሞዋን አንሻ ክፍለ ጦር የአሁኗ 22ኛ ክፍለጦርን በመምራት ንፋስ መውጫ የጥላት ሀይልን በመደምሰስ እና በርካቶችን በመማረክ ቀጠናዊ ትስስርን በማይዝል ቃልኪዳን አስተሳስሯል። ቀኝአዝማች ጨለፍ በርካታ ክፍለ ጦሮች ላይ ትልቅ አስተዋፆ ከማድረጉም በላይ የአማራ ታጋዮች አንድ እውነተኛ ድርጅት እንድኖረው ጉልህ ሚናን ተወቷል። በመጨረሻም አርበኛ ቀኝ አዝማች ጨለፍ አስፋው ባመነውና ጓዴ ባለው ጥቁር አማራ ከጀርባው ተወግቶ ወደቀ። ለአማራ ህዝብ ነፃነት ትክ አልባ ህይዎቱን ሰጠ! እስከ ህቅታ ታምኖ የኖረው አርበኛ ሽህ ጨለፎችን አሰልጥኖ መሪ አድርጎ ታጋዮች አድርጎ አንድያ ህይዎቱን ለአማራ ህዝብ ህልውና ሰጠ! የተሰዋህለትንና ውድ ህይወትህን የከፈልክለትን አላማ ከግብ እናደርሳለን! አፋብን ወሎ ቤተ-አማራ ምኒልክ ዕዝ ሚያዚያ 22/2018 ዓ.ም
30 4月, 14:21