𝗦𝗲𝗹𝗳-𝗱𝗲𝘃𝗲𝗹𝗼𝗽𝗺𝗲𝗻𝘁 | تطوير الذات

#_مناقشة 🧠 . ​ليه بقى "سوء الظن" هو التفسير الجاهز لأي تصرف، بينما "حسن الظن" بيعتبروه سذاجة وضعف شخصية؟ ​كتير بنتحط في مواقف بتتفسر غلط تماماً لمجرد إن اللي قدامنا قرر يشوف الجانب المظلم، من غير ما يتعب نفسه ويسأل أو يلتمس عذر، وكأن إثبات السوء بقى أسهل بكتير من تصديق النوايا الصافية. ​وده بيخلينا نفكر: إمتى بنوصل لمرحلة إننا نبطل نتحاسب على "أحكام الناس الافتراضية" اللي ملهاش أساس؟ ​💭 هل اتظلمت في موقف اتقال عليك فيه كلام أو اتفهمت غلط تماماً؟ وإزاي بتتعامل مع ناس بتفسر كل حركة ليك على مزاجها؟

من أحسن الحاجات اللي ممكن تعملها لنفسك إنك تهدي شوية، وتبطل تستعجل كل حاجة. صلّي براحتك، اقرأ وردك من غير ما تبص في الساعة، ادي لكل حاجة وقتها، واستمتع بيومك بدل ما تفضل مستعجل تخلصه. مش لازم كل حاجة تحصل دلوقتي، ولا لازم تفضل تجري طول الوقت وكأنك متأخر عن حاجة. الحياة مش سباق، ومش كل ما تنجز أسرع تبقى عايش أحسن. فيه بركة في الهدوء، وفي الرضا، وفي إنك تعمل كل حاجة بقلب حاضر مش بعقل مشغول باللي بعدها. طب إحنا بنجري كده ليه؟ ما نهدى شوية ونعيش، ونسيب لكل حاجة وقتها.

ده كورس مصغر مجاني عن التركيزعلى اللي بتعمله: - اقفل النت عن الموبايل وابعده عنك تماما. - في ورقة حدد (أقل عدد) من التاسكات اللي (لازم) تنجزها. - ابدأ بالصعب فيهم أو السهل، ويفضل الصعب. - حدد تايمر لـ30-60 دقيقة تركز فيه. - نفذ التاسكات واحد بالتاني. - ارتاح شوية بعد كل تاسك أو كل فترة من دول. - اشرب مياه وكُل حاجة خفيفة خالص وارجع كمل. - انجز اللي تقدر عليه، وأجل الباقي لبكره. - اصحى وعيد الكرّة، وهتنجز في أسبوع اللي مش بتنجزه في شهور.

ما يمنعك عن الانتقال إلى نسخة جديدة هو تشبُّثك بعادات تُبقيك عالقًا في نسختك الحالية. الانتقال إلى نسخة جديدة يقتضي التخلي عن عاداتك الحالية ونمط حياتك الحالي؛ دون هذا لن تستطيع مغادرة نسختك الحالية وستبقى عالقًا فيها.

#_مناقشة 🧠 . ليه المجتمع بيحاسب الشاب وبيحط عليه ضغط "المفروض تكون جاهز لكل حاجة ومابتتعبش"، وفي نفس الوقت بيمنعه يظهر ضعفه أو احتياجه للدعم؟ ​كتير من الشبان بيتربوا على فكرة إن التعبير عن المشاعر، أو الإقرار بالتعب النفسي، أو حتى طلب المساعدة، بيقلل من رجولتهم، وبيخليهم مطالبين يشيلوا الشيلة لوحدهم مهما كانت ثقيلة، حتى في العلاقات، والمفروض يكونوا دايماً "الطرف القوي العقلاني" اللي مبيغلطش وما بيتأثرش. ​وده بيخلينا نفكر: إزاي الفكرة دي بتأثر على نفسية الشباب وعلى شكل العلاقات بينهم وبين شركائهم؟ وليه بنخاف نظهر الجانب الإنساني الطبيعي فينا؟ ​💭 برأيك، إيه أكتر ضغط مجتمعي بيتحطه على الشباب في موضوع الحياة عموماً وحاسس إنه محتاج يتنسف؟

سواء كنت عشريني أو تلاتيني أو عندك 70 سنة؛ دايمًا هتتمنى لو كنت بدأت الشيء اللي عايزه بدري فـ ابدأ دلوقتي. ضاعت منك وضيعت بنفسك سنين كتير، لكن لا البكاء عليها هيرجعها، ولا ندمك عليها هيجيب لك نتائج كإنك استغليتها. اللي هيجيب نتائج بكره هو بدأ الشيء دلوقتي فـ ابدأ دلوقتي.

قوة الوعي : الذين تألموا .. ووعوا الألم ، صاروا أكثر رحمة. الذين تشتتوا .. ووعوا التشتت ، صاروا أكثر تركيزاً. الذين حزنوا .. ووعوا الحزن ، صاروا أكثر استمتاعاً بتفاصيل حياتهم. عندما تتعامل مع الحالات السلبية بوعي .. تخرج منها ب : قوة .. و دروس .

اقعد سنين سنين شكك في نفسك، واحبس نفسك في أوضة ضلمة مع أفكارك السوداوية، وإدي ثقل ووزن لكلام الناس. في حين إن ناس غيرك بمهارات أقل منك، وإمكانيات محدودة عنك بيقتنصوا الفرص زي ما الصياد بيصطاد فريسته كده طول الوقت وبدون استئذان من حد. أول عن آخر، هي قراراتك واختياراتك.

#_مناقشة 🧠 . هل الصداقة بتحتاج مجهود عشان تستمر؟ فيه صداقات بتفضل سنين رغم اختلاف الظروف والانشغال، وفيه صداقات بتنتهي بمجرد ما تقلّ المقابلات أو التواصل، حتى من غير خلاف واضح. وده بيخلينا نفكر: هل استمرار الصداقة مسؤولية مشتركة، ولا فيه علاقات بتقدر تستمر بطبيعتها من غير مجهود كبير؟ 💭 هل قلة السؤال والتواصل معناها إن مكانة الشخص اتغيّرت؟ وإيه الحد الأدنى من الاهتمام اللي بتحتاجه أي صداقة عشان تفضل موجودة؟

مش محتاج تتخلص من الصفات اللي بتزعجك في نفسك وبتخليهم يجوا عليك، محتاج فقط تقبلها وتعملها حدود وإدارة

التعافي= هو أن تُعاني بشجاعة، وتعلم أن مُحاولتكَ للتحكم في كُل شيء ما هيّٰ إلا عبث.. من الآخر؛ بالراحة على نفسكَ شوية':) -د. عماد رشاد|سلسلة فهم التعافي.

#_مناقشة 🧠 . الهزار بين الشباب والبنات.. عادي ولا محتاج وقفة؟ فيه شباب شايفين إن الهزار مع البنات أمر طبيعي ومش محتاج كل التعقيد ده والعكس صحيح، وإنه مجرد خفة دم وتلقائية في التعامل. وفيه شباب تانية بتتحفّظ على النوع ده من التعامل، حتى لو كان في إطار جماعي. لكن المثير للاهتمام إن مفهوم الهزار وحدوده بيختلف من شخص للتاني. 💭 إيه وجهة نظركم في الهزار بين الشباب والبنات؟ وهل فيه أنواع من الهزار ممكن تفتح باب للتعلّق أو سوء فهم؟ وإزاي بنقدر نحدد الحدود في التعامل؟

يُحبذ إن الإنسان الحديث (يركز) على مساحات (جسدية- مادية- اجتماعية- نفسية- عاطفية) يكون (بيستثمر) فيها؛ عشان تبقى أموره إجمالا أفضل مع الوقت.. يعني أوقات هستثمر في صحتي الجسدية ورياضة أوقات هستثمر في لبس جديد وأوقات هستثمر في تعلم مهارات جديدة وأوقات هستثمر في علاقتي بنفسي، واللي بحبهم ومسئولين مني.. وأوقات للعبادات والروحانيات.. مع محاولة الحفاظ على الحد الأدنى اللي الأمور تستقر بيه نسبيا، وطبيعي بعض الأمور تميل أو تتأثر من وقت للتاني.. بس مع الاستدراك والمحاولة الأمور على الأقل بتتحسن.. وقليل متصل.. خيرٌ من كثير منفصل د.داليا هشام سباعي

يُحبذ إن الإنسان الحديث (يركز) على مساحات (جسدية- مادية- اجتماعية- نفسية- عاطفية) يكون (بيستثمر) فيها؛ عشان تبقى أموره إجمالا أفضل مع الوقت.. يعني أوقات هستثمر في صحتي الجسدية ورياضة أوقات هستثمر في لبس جديد وأوقات هستثمر في تعلم مهارات جديدة وأوقات هستثمر في علاقتي بنفسي، واللي بحبهم ومسئولين مني.. وأوقات للعبادات والروحانيات.. مع محاولة الحفاظ على الحد الأدنى اللي الأمور تستقر بيه نسبيا، وطبيعي بعض الأمور تميل أو تتأثر من وقت للتاني.. بس مع الاستدراك والمحاولة الأمور على الأقل بتتحسن.. وقليل متصل.. خيرٌ من كثير منفصل د.داليا هشام سباعي

الأخطاء (اللي بسببها عندك شعور بالخزي من نفسك) انت الوحيد اللي شايفها ضخمة عن حجمها الحقيقي وده لأسباب عديدة، لا داعي للخوض فيها حاليًا بس يكفي اننا نعرف ان الأخطاء.. أخطاء، يعني أمر طارئ عن الطبيعي بمعنى آخر مش بتمثّل شخصيتك الأصلية ولا يصحّ ليك (ولا لأي حد) يحكم عليك بسببها ويعاملك على أساس انها جزء لا ينفكّ عنك لو في إيدك تقرّب من الجرح المُسبِّب للشعور ده، قرّب وبشجاعة وواجهُه هتتألّم لا شك، بس هتكون كسرت سَطوتُه عليك وتوابعُه (بس لو الأمر زيادة بشكل مُبالغ فيه، الأفضل بلاش نقرّب وحدنا، هنحتاج مُتخصص) وهتمشي بعدها برحابة صَدر وثبات علشان الخزي بيخلّيك عايز تستخبّى وتختفي زي ما د.عماد كان بيقول ان من نتايج شعورك بالعار من نفسك انك تودّ لو تعتذر عن وُجودك نفسه! بالمُناسبة، الحلقة مهمة للمُتعرقلين في حياتهم بسبب الخزي (خذوا منها ما ينفع، واتركوا ما لا ينفع من وجهة نظركم) كانت الحلقة بعنوان: أنت عمل رائع من أعمال الله وحلقة بعدها بعنوان: خطوات التحرُّر من تخريب الذّات الاتنين فيهم استفادة عن نفس الموضوع وشُروح مُفصّلة وخطوات عمليّة بإذن الله تستفيدوا.

#_مناقشة 🧠 . هل الوفاء معناه إننا نفضل متمسكين بالناس مهما اتغيّروا؟ الوفاء من الصفات اللي بنقدّرها جدًا، لكن أحيانًا بنحتار في معناه: هل هو إننا نحافظ على مكانة شخص في حياتنا رغم تغيّر الظروف، ولا إننا نفضل أوفياء حتى لما العلاقة نفسها تتغيّر؟ وهل الوفاء مرتبط بالمواقف اللي عشناها مع الشخص، ولا بطريقة تعامله معانا دلوقتي؟ 💭 في رأيكم، إيه معنى الوفاء الحقيقي؟ وهل ممكن الإنسان يكون وفيًّا لشخص، وفي نفس الوقت يختار إنه يبعد عنه؟

لو وقفت فترة متضيعش وقت تاني في لوم نفسك على اللي فات، افتح اللي كنت بتتعلمه وخد خطوة صغيرة النهاردة ترجعك للطريق دبس نفسك علشان مخك هيفضل يخليك تندم على الوقت اللي ضاع

حاولوا قدر الإمكان تشاوروا لأصدقاءكم وذَويكم على مَواطن الجمال عندهم والسِّمات الحسنة فيهم والفضائل الإنسان كل فترة بيبهَت وبيحتاج يشوف نفسه بعيون مُحِبة حقيقية وصادقة، حتى لو كان هو شخصيًا خير داعم لنفسه يظلّ الأمر له أثر ووَقع على النفس ومَردود خاصةً في فترات الألم لربما كلمة منكم بفضل الله تُحييهم

الانغماس الكامل والانصياع لآراء الأشخاص المُتصدّرين على السّاحة.. أمر غير صحّي الطبيعي : أسمع/ أقرأ بعقلي وبتركيز - المعلومات تمُر على مَسامعي وعيني الأول وفيه منها اللي أقبله أو أرفضه - خصوصًا في المواد اللي فيها جانب فِكري واسع ( بعيدًا عن شُروحات المُسلَّمات الشرعية ) وبنختلف أو بنرفض بأدب أنا مش موافق على النقطة دي علشان شايف انها بتتعارض مع فكرة كذا كذا، بالتالي النقطة دي مش صح في الوقت الحالي.. ممكن نصرّفها وتكون كذا أو نوصل لحل وسط أو لو فيه مساحة نناقش المُحاضِر بأسلوب مُهذَّب علشان وارد وطبيعي نختلف، وأفكارنا تتعارض، لأننا أعرافنا مختلفة ( فممكن اللي صح في مكان وتوقيت؛ يكون خطأ في مكان تاني وتوقيت تاني ) بس بنختلف بأدب يليق بعقل طالب يريد الوصول للمعلومات الصحيحة ليس إلّا في النهاية || الذَّوبان في الآخر = فعل خطأ أما الاحتفاظ بفَردانيتي وعقلي + الوصول للقواعد السليمة + تنفيذها وأخذ منها ما يتناسب مع واقعي = صح تمامًا.

#_مناقشة 🧠 . ضغط إنك لازم تكون ناجح في سن صغير! بقى فيه إحساس منتشر عند شباب كتير إنهم متأخرين، وإن المفروض يكونوا حققوا إنجازات، وحددوا مستقبلهم، وبدأوا يبنوا نفسهم بدري. ومع متابعة إنجازات الآخرين على السوشيال ميديا، المقارنة ساعات بتتحول لضغط مستمر، خصوصًا لما كل واحد يشوف غيره وكأنه سبق بخطوات. 💭 هل فعلًا فيه سن معين المفروض الإنسان يكون حقق فيه حاجات محددة؟ وإزاي بتأثر فكرة إنك لازم تنجح بدري على اختيارات الشباب ونظرتهم لنفسهم؟