ព័ត៌មានការអប់រំបឋមសិក្សា - PED News

ខេត្តកំពង់ចាម៖ នាថ្ងៃទី២៩ ខែសីហា ឆ្នាំ២០២៦ លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សា បានអញ្ជើញចុះទៅពិនិត្យមើលដំណើរការរៀននិងបង្រៀន នៅសាលាបឋមសិក្សាស្ពឺ ដែលស្ថិតនៅក្នុងស្រុកចំការលើ ខេត្តកំពង់ចាម ដែលមានការអញ្ជើញចូលរួមពីគណៈគ្រប់គ្រងសាលារៀន ព្រមទាំងលោកគ្រូអ្នកគ្រូ។ ក្នុងឱកាសនោះផងដែរ លោកបណ្ឌិតប្រធាននាយកដ្ឋាន ក៏បានចាត់ក្រុមការងារឱ្យរៀបចំនូវអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មានដូចជា កុំព្យូទ័រយួរដៃចំនួន១គ្រឿង និងម៉ាស៊ីនព្រីនចំនួន១គ្រឿង សម្រាប់បម្រើដល់ការបង្រៀននិងរៀននៅសាលាបឋមសិក្សាស្ពឺ នេះផងដែរ។ ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

សេចក្តីណែនាំស្តីពីដំណើរការគ្រឹះស្ថានបឋមសិក្សាសាធារណៈឆ្នាំសិក្សា ២០២៥~២០២៦ ———————— 🔍តាមដានបណ្ដាញសង្គមនាយកដ្ឋានបឋមសិក្សា🔵 📱 Facebook          📱 YouTube 📱TikTok                 📱 Telegram ☺️ ថ្នាលបឋមPLP

នាថ្ងៃទី២៩ ខែសីហា ឆ្នាំ២០២៦ លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សា បានចុះទៅពិនិត្យមើលដំណើរការរៀននិងបង្រៀន នៅសាលាបឋមសិក្សាព្រែកជរ ស្រុកតំបែរ ខេត្តត្បូងឃ្មុំ ដែលមានការអញ្ជើញចូលរួមពីគណៈគ្រប់គ្រងសាលារៀន គណៈកម្មការគ្រប់គ្រងសាលារៀន (គ.គ.ស) ព្រមទាំងលោកគ្រូអ្នកគ្រូ។ ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

ខេត្តត្បូងឃ្មុំ៖ នាព្រឹកថ្ងៃទី២៩ ខែសីហា ឆ្នាំ២០២៦ លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សា បានចុះទៅសិក្សាឈ្វេងយល់ ព្រមទាំងពិភាក្សាអំពីដំណើរការគ្រប់គ្រងបុគ្គលិកអប់រំបឋមសិក្សា នៅការិយាល័យអប់រំ យុវជន និងកីឡាស្រុកត្បូងឃ្មុំ ដែលមានការអញ្ជើញចូលរួមពីការិយាល័យអប់រំ យុវជន និងកីឡាស្រុក និងអ្នកពាក់ព័ន្ធ ក្នុងស្រុកត្បូងឃ្មុំ ខេត្តត្បូងឃ្មុំ។ ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

ខេត្តកំពង់ធំ៖ នារសៀលថ្ងៃទី២៨ ខែសីហា ឆ្នាំ២០២៦ លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សា នៃក្រសួងអប់រំ យុវជន និងកីឡា បានអញ្ជើញជាអធិបតី ពិធីបើកវគ្គបណ្ដុះបណ្ដាលស្ដីពី កញ្ចប់សម្ភារៈអំណានថ្នាក់ដំបូង (ថ្នាក់ទី១ ដល់ទី៣) ជូនដល់គ្រូឧទ្ទេសបង្គោលថ្នាក់ជាតិ សម្រាប់បំប៉នបន្តដល់គ្រូឧទ្ទេសបង្គោលកម្រិតកម្រងសាលារៀន។ វគ្គបណ្ដុះបណ្ដាលនេះ រៀបចំឡើងនៅសាលាគរុកោសល្យ និងវិក្រឹតការខេត្តកំពង់ធំ រយៈពេល ៦ថ្ងៃ ចាប់ពីថ្ងៃទី២៦ ដល់ទី៣១ ខែសីហា ឆ្នាំ២០២៦ ដែលមានអ្នកចូលរួមសរុប ៤៧០នាក់ ស្រី ២១៤នាក់ ក្រោមគម្រោងកែលម្អការអប់រំកម្រិតមូលដ្ឋាន-BEIP គាំទ្រដោយធនាគារពិភពលោក។ #EGL #MoEYS #BEIP #WorldBank #PED #DPE ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

ខេត្តតាកែវ៖ នាព្រឹកថ្ងៃទី២៧ ខែកញ្ញា ឆ្នាំ២០២៦ នាយកដ្ឋានបឋមសិក្សាបានរៀបចំពិធីបើកសិក្ខាសាលាបំប៉នសមត្ថភាពគ្រូឧទ្ទេស ស្ដីពីវិធីសាស្ត្របង្រៀន និងការប្រើប្រាស់កញ្ចប់សម្ភារៈគណិតវិទ្យាថ្នាក់ដំបូង (ថ្នាក់ទី១ ទី២ និងទី៣) សម្រាប់ឆមាសទី១ ក្រោមអធិបតីភាព ឯកឧត្តមបណ្ឌិត ចាន់ សុភា អនុរដ្ឋលេខាធិការក្រសួងអប់រំ យុវជន និងកីឡា។ សិក្ខាសាលាមាន​រយៈពេល៦ថ្ងៃ ចាប់ពីថ្ងៃទី២៧ ខែសីហា ដល់ទី១ ខែកញ្ញា ឆ្នាំ២០២៦ ដែលមានសិក្ខាកាមចូលរួមសរុប ៤៤៩ នាក់ ស្រី២០៧នាក់ និងប្រើប្រាស់ថវិកាគម្រោងកែលម្អការអប់រំកម្រិតមូលដ្ឋាន BEIP។ #BEIP #MoEYS #PED #DPE #PLP #EGL

ខេត្តព្រៃវែង៖ នាព្រឹកថ្ងៃទី២៨ ខែសីហា ឆ្នាំ២០២៦ នៅសាលាបឋមសិក្សាខ្យោក ស្រុកស្វាយអន្ទរ ខេត្តព្រៃវែង លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សា បានអញ្ជើញចូលរួមជាអធិបតី ក្នុងកិច្ចប្រជុំស្ដីពីការអនុវត្តស្តង់ដាសាលាបឋមសិក្សាគំរូ ដោយមានការអញ្ជើញចូលរួមពីលោក ប៉ាវ សុធីរ ប្រធានមន្ទីរអប់រំ យុវជន និងកីឡាខេត្តព្រៃវែង លោក លោកស្រីប្រធានការិយាល័យជំនាញក្រោមឱវាទមន្ទីរអប់រំ យុវជន និងកីឡាខេត្ត លោក លោកស្រីប្រធានការិយាល័យអប់រំ យុវជន និងកីឡានៃរដ្ឋបាលក្រុងស្រុកទាំង១៣ (...)។ #DPE #MoEYS #PED ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

នារសៀល ថ្ងៃទី២៧ ខែសីហា ឆ្នាំ២០២៦ នាយកដ្ឋានបឋមសិក្សា បានសម្របសម្រួលកិច្ចប្រជុំពិភាក្សាគាំទ្រគម្រោងកែលម្អការអប់រំចំណេះទូទៅ GEIP-AF Phase II ដឹកនាំដោយ ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា និងជានាយកគម្រោង ដែលមានការអញ្ជើញចូលរួមពី នាយកដ្ឋានពាក់ព័ន្ធរួមមាន នាយកដ្ឋានមធ្យមសិក្សាចំណេះទូទៅ នាយកដ្ឋានសុខភាពសិក្សា នាយកដ្ឋានអភិវឌ្ឍកម្មវិធីសិក្សា អគ្គនាយកដ្ឋានបណ្ដុះបណ្ដាល និងវិក្រឹតការ នាយកដ្ឋានទ្រព្យសម្បត្តិរដ្ឋ និងសំណង់ អង្គភាពលទ្ធកម្មគម្រោង អង្គភាពហិរញ្ញវត្ថុគម្រោង និងអ្នកពាក់ព័ន្ធ។ #GEIP_AF #MoEYS #PED ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

កិច្ចប្រជុំបច្ចេកទេសជាមួយ នាយកដ្ឋានធនធានមនុស្ស និងនាយកដ្ឋានបរិវត្តកម្មឌីជីថល នៃគម្រោងកែលម្អការអប់រំកម្រិតមូលដ្ឋាន (BEIP) នារសៀលថ្ងៃពុធ ទី២៧ ខែសីហា ឆ្នាំ២០២៦ លោកសាស្រ្តាចារ្យ ហេង គ្រេង អគ្គលេខាធិការរង និងជាប្រធានគ្រប់គ្រងគម្រោងកែលម្អការអប់រំកម្រិតមូលដ្ឋាន (BEIP) បានដឹកនាំកិច្ចប្រជុំបច្ចេកទេសដើម្បីពិភាក្សាលើតម្រូវការក្រុមហ៊ុនដើម្បីជួយការងារអភិវឌ្ឍប្រព័ន្ធរបស់នាយកដ្ឋានធនធានមនុស្ស និងនាយកដ្ឋានបរិវត្តកម្មឌីជីថល នៃគម្រោងកែលម្អការអប់រំកម្រិតមូលដ្ឋាន (BEIP)។ កិច្ចប្រជុំនេះ ក៏មានការអញ្ជើញចូលរួមពី លោកបណ្ឌិត ណូ ហ្វាតា ទីប្រឹក្សាអប់រំជាន់ខ្ពស់ និងជាប្រធានក្រុមការងារបច្ចេកទេសធនាគារពិភពលោក ឯកឧត្តមបណ្ឌិត ឈិញ សុីថា ទីប្រឹក្សាក្រសួងអប់រំ យុវជន និងកីឡា និងនាយកដ្ឋានពាក់ព័ន្ធផងដែរ។ កិច្ចប្រជុំនេះ មានគោលបំណងសំខាន់ៗចំនួនបីរួមមាន[...] #BEIP #MoEYS #PED #DPE #WorldBankCambodia #HRMIS #CDP ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

នាថ្ងៃទី២៥ ខែសីហា ឆ្នាំ២០២៦​ សាលាបឋមសិក្សាដោម ស្រុកគិរីវង់ ខេត្តតាកែវ បានដំណើរការប្រជុំជាមួយអ្នកអាណាព្យាបាលសិស្សដើម្បីពិភាក្សាអំពីការបង្កើតថ្នាក់រៀន បង្រៀនសម្របតាមសមត្ថភាពសិស្ស(PTOM) ចំនួន១ថ្នាក់ដែលមានសិស្ស១១នាក់ ដែលទទួលបន្ទុកដោយ អ្នកគ្រូ ឈួន កល្យាណ និងរៀបចំថ្នាក់តាមលំនាំគំរូទី២។ #PTOM #PLP #MoEYS #PED #បឋមសិក្សា ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

សិក្ខាសាលាពិគ្រោះយោបល់លើកទី៣ ស្ដីពីការៀបចំសៀវភៅស្ដង់ដាគណិតវិទ្យាថ្នាក់ទី៣ ដែលប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៦ ខែសីហា ឆ្នាំ២០២៦ នៅមន្ទីរអប់រំ យុវជន និងកីឡាខេត្តកំពង់ចាម រៀបចំដោយនាយកដ្ឋានបឋមសិក្សានៃក្រសួងអប់រំ យុវជន និងកីឡា គាំទ្រដោយអង្គការយូណេស្កូ (UNESCO) នៅក្នុងគម្រោង STEPCam Phase II ផ្តល់ថវិកាដោយមូលនិធិភាពជាដៃគូសកលសម្រាប់ការអប់រំ(GPE) និងផ្តល់បច្ចេកទេសដោយអង្គការវីវីអូប៊ី (VVOB) មានអ្នកចូលរួម ៣៧នាក់ ស្រី១៥នាក់ មកពីនាយកដ្ឋានបឋមសិក្សា នាយកដ្ឋានអភិវឌ្ឍកម្មវិធីសិក្សា នាយកដ្ឋានកិច្ចការបណ្ដុះបណ្ដាល នាយកដ្ឋានកិច្ចការវិក្រឹតការ គ្រឹះស្ថានបណ្ដុះបណ្ដាលគ្រូ មន្ទីរអប់រំ យុវជន និងកីឡាខេត្តកំពង់ចាម និងអង្គការវីវីអូប៊ី។ ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

ខេត្តឧត្តរមានជ័យ និងបន្ទាយមានជ័យ៖ ព្រឹកថ្ងៃទី២៤ ខែសីហា ឆ្នាំ២០២៦ លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សាបានអញ្ជើញអមដំណើរ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ក្នុងដំណើរទស្សនកិច្ចពិនិត្យវឌ្ឍនភាពកម្មវិធីផ្ដល់អាហារតាមសាលារៀន និងសំណេះសំណាលជាមួយលោកគ្រូ អ្នកគ្រូ សិស្សានុសិស្ស អ្នកអាណាព្យាបាល និងអាជ្ញាធរមូលដ្ឋានក្នុងជំរំស្នាក់នៅបណ្តោះអាសន្នស្រះកែវ នៃខេត្តឧត្តរមានជ័យ និងជំរំស្នាក់នៅបណ្តោះអាសន្នស្លក្រាមនៃខេត្តបន្ទាយមានជ័យ។ កម្មវិធីទស្សនកិច្ចនេះ ក៏មានការអញ្ជើញចូលរួមពីសំណាក់ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា តំណាងអគ្គលេខាធិការដ្ឋានក្រុមប្រឹក្សាជាតិគាំពារសង្គម កម្មវិធីស្បៀងអាហារពិភពលោក អង្គការ Action Education តំណាងក្រុមប្រឹក្សាស្តារនិងអភិវឌ្ឍន៍វិស័យកសិកម្មនិងជនបទ តំណាងរដ្ឋបាលខេត្ត រដ្ឋបាលស្រុក អាជ្ញាធរមូលដ្ឋាន យ៉ាងច្រើនកុះករ។[…] #WFP #SchoolFeedingProgram #MoEYSCambodia #PED #DPE ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

កម្មវិធីសិក្ខាសាលាស្ដីពី “ការសិក្សាឈ្វេងយល់អំពីអាទិភាពនៃការអប់រំបឋមសិក្សា” នាថ្ងៃទី២២-២៣ ខែសីហា ឆ្នាំ២០២៦ នាយកដ្ឋានបឋមសិក្សាបានរៀបចំសិក្ខាសាលាស្ដីពី “ការសិក្សាឈ្វេងយល់អំពីអាទិភាពនៃការអប់រំបឋមសិក្សា” ដែលមានការចូលរួមពីលោកគ្រូ អ្នកគ្រូមកពីសាលាបឋមសិក្សាក្នុងរាជធានីខេត្ត។ នាយកដ្ឋានបឋមសិក្សា សូមថ្លែងអំណរគុណយ៉ាងជ្រាលជ្រៅ ដល់សិក្ខាកាមទាំងអស់គ្នាដែលបានលះបង់ពេលវេលាផ្ទាល់ខ្លួនក្នុងថ្ងៃចុងសប្ដាហ៍ ដើម្បីស្ម័គ្រចិត្តចូលរួមផ្លាស់ប្ដូរបទពិសោធនៃការអប់រំ ដើម្បីយកទៅអនុវត្តក្នុងមូលដ្ឋាន។ ស្មារតីមហាគ្រួសារអប់រំបឋមសិក្សា គឺសាមគ្គីភាពដើម្បីគុណភាពអប់រំកម្រិតបឋមសិក្សាឱ្យកាន់តែប្រសើរ។ #DPE #PED #MoEYS #PLP ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

គ្រូបង្រៀនត្រូវអភិវឌ្ឍសមត្ថភាពវិជ្ជាជីវៈ យ៉ាងតិច ១០០ម៉ោងក្នុងមួយឆ្នាំ តាមរយៈការចូលរួមក្នុងសកម្មភាពអភិវឌ្ឍវិជ្ជាជីវៈនានា ដោយសកម្មភាពទាំងនេះផ្តោតលើការពង្រឹងចំណេះដឹង ជំនាញបង្រៀន និងសមត្ថភាពអនុវត្តជាក់ស្តែង ដើម្បីឆ្លើយតបទៅនឹងតម្រូវការសិក្សារបស់សិស្ស។ ការអភិវឌ្ឍសមត្ថភាពអាចធ្វើឡើងតាមរយៈ ការចូលរួមវគ្គបណ្តុះបណ្តាល ការរៀនសូត្រពីគ្នាទៅវិញទៅមកក្នុងសាលា ការសង្កេត និងវិភាគការបង្រៀន ការទទួលការបង្វឹក និងមតិយោបល់ពីអ្នកជំនាញ ឬគ្រូរួមការងារ ការសិក្សាស្រាវជ្រាវដោយខ្លួនឯង និងការអនុវត្តបច្ចេកទេសបង្រៀនថ្មីៗក្នុងថ្នាក់រៀន។ គ្រូបង្រៀនត្រូវយកចំណេះដឹង និងជំនាញដែលទទួលបានទៅ អនុវត្ត សាកល្បង វាយតម្លៃ និងកែលម្អការបង្រៀនជាបន្តបន្ទាប់។ ការអភិវឌ្ឍវិជ្ជាជីវៈជាប់ជាប្រចាំ ផ្អែកលើការអនុវត្តជាក់ស្តែង នឹងរួមចំណែកលើកកម្ពស់សមត្ថភាពគ្រូ គុណភាពការបង្រៀន និងជាពិសេស លទ្ធផលសិក្សារបស់សិស្ស។ #នាយកដ្ឋានបឋមសិក្សា #PED​ #PLP #ថ្នាលបឋម #គ្រូបង្រៀន

ការយល់អំពីកម្រិតសមត្ថភាពសិស្ស និងអាចជួយសិស្សទាន់ពេលវេលា ជាអ្វីដែលលោកស្រី អ៊ុក សូនីតាចង់បាន ក្នុងនាមជាគ្រូបង្រៀន។ ប៉ុន្តែតើត្រូវធ្វើបានដោយរបៀបណា? 🎬 សូមទស្សនាវីដេអូសក្ខីកម្មខ្លី របស់អ្នកគ្រូយើងដូចតទៅ! 🧐 #នាយកដ្ឋានបឋមសិក្សា #PED #PLP #ថនាលបឋម #កមមវធបឋម #PTOM

វគ្គបំប៉នសមត្ថភាពស្ដីពីការអនុវត្តកម្មវិធីបង្រៀនសម្របតាមសមត្ថភាពសិស្ស (PTOM) ដល់គ្រូបង្គោលថ្នាក់ជាតិ គ្រូឧទ្ទេសសាលាគរុកោសល្យ គ្រូបង្គោលប្រចាំកម្រង គ្រូបង្រៀនថ្នាក់ទី៣ ដល់ថ្នាក់ទី៦ និងអ្នកពាក់ព័ន្ធ ពីថ្ងៃទី១៨-២០ ខែសីហា ឆ្នាំ២០២៦ នៅតាមទីតាំងបណ្ដុំទាំង៤០ ក្នុងរាជធានីភ្នពេញ។ វគ្គបណ្ដុះបណ្ដាលនេះ មានការអញ្ជើញចូលរួមសរុប ២,០៩១នាក់ ដែលធ្វើឡើងក្រោមគោលការណ៍ស្ម័គ្រចិត្ត។ #PTOM #MoEYSCambodia #BEIP #PED #PLP ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

ដំណើរចុះប្រមូលព័ត៌មានស្ថានភាពសាលារៀន និងការបង្រៀននិងរៀននៅសាលាបឋមសិក្សាគិរីរម្យ និងស្ថានភាពសាលាដូង នៅលើភ្នំគិរីរម្យ ខេត្តកំពង់ស្ពឺ៖ អនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃទី១៩ ខែសីហា ឆ្នាំ២០២៦ លោកបណ្ឌិត កាន់ ពុទ្ធី ប្រធាននាយកដ្ឋានបឋមសិក្សា បានដឹកនាំក្រុមការងារចុះប្រមូលព័ត៌មានស្ថានភាពសាលារៀន និងការបង្រៀននិងរៀននៅសាលាបឋមសិក្សាគិរីរម្យ និងស្ថានភាពសាលាដូង នៅលើភ្នំគិរីរម្យ ក្នុងភូមិសាស្ត្រខេត្តកំពង់ស្ពឺ ដោយមានការចូលរួមពីលោកប្រធានមន្ទីរអប់រំ យុវជន និងកីឡាខេត្តកំពង់ស្ពឺ ព្រមទាំងសហការី។ ជាមួយគ្នានេះ ក៏មានការអញ្ជើញចូលរួម ពីឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ព្រមទាំងសហការីផងដែរ។[...] #សាលាបឋមសិក្សាគិរីរម្យ #MoEYSCambodia #នាយកដ្ឋានបឋមសិក្សា #ក្រសួងអប់រំ យុវជន និងកីឡា #សាលាដូង #គិរីរម្យ #Kirirum ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department

នាថ្ងៃទី១៥-១៦ ខែសីហា ឆ្នាំ២០២៦ នាយកដ្ឋានបឋមសិក្សាបានរៀបចំ សិក្ខាសាលាស្តីពី ការណែនាំអនុរក្សតេស្ត នៃគម្រោងកែលម្អការអប់រំកម្រិតមូលដ្ឋាន BEIP ដែលមានការអញ្ជើញចូលរួមពីបុគ្គលិកអប់រំ នៃមន្ទីរអប់រំ យុវជន និងកីឡា រាជធានី ខេត្ត ការិយាល័យអប់រំ នៃរដ្ឋបាលក្រុង ស្រុក និងគ្រូឧទ្ទេសសាលាគរុកោសល្យ និងគ្រូបង្រៀនមកពីតាមបណ្ដារាជធានីខេត្ត។ #BEIP #MoEYSCambodia #PED #DPE ————————————— តាមដានបណ្ដាញសង្គមនាយកដ្ឋានបឋមសិក្សា https://linktr.ee/Primary_Education_Department