ប្រយុទ្ធ

ប៉ូលិសកម្ពុជា និង FBI អាម៉េរិក សហការស្រាវជ្រាវសំណុំរឿង១២ករណី និងឈានទៅបោសសម្អាតទីតាំងស្កេម៥០កន្លែង 👉អានលម្អិត 👉join https://t.me/proyuth

ជាងមួយឆ្នាំមកនេះ នគរបាលកម្ពុជា-ចិន សហការក្ដោប មុខសញ្ញា ស្រាវជ្រាវ ឃាត់ខ្លួន និងបញ្ជូនជនជាតិចិនល្មើសច្បាប់បានជា​ច្រើន​ករណី! 👉អានលម្អិត 👉👉join https://t.me/proyuth

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ (គ.ស.ហ.) អញ្ជើញដឹកនាំកិច្ចប្រជុំជាមួយក្រសួង ស្ថាប័នពាក់ព័ន្ធ ដើម្បីពិនិត្យ និងពិភាក្សាលើវឌ្ឍនភាពនៃការងារប្រឆាំងការសម្អាតប្រាក់និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ របស់កម្ពុជា ==================== ទីស្តីការក្រសួងយុត្តិធម៌៖ នៅព្រឹកថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកញ្ញា ឆ្នាំ២០២៦ នេះ, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន គ.ស.ហ. បានអញ្ជើញដឹកនាំកិច្ចប្រជុំជាមួយក្រសួង ស្ថាប័នពាក់ព័ន្ធ ដើម្បីពិនិត្យ និងពិភាក្សាលើវឌ្ឍនភាពនៃការងារប្រឆាំងការសម្អាតប្រាក់និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ របស់កម្ពុជា ជាពិសេសការងារប្រឆាំងការសម្អាតប្រាក់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា ព្រមទាំងការលើកទិសដៅការងារបន្ត។ កិច្ចប្រជុំនេះមានការអញ្ជើញចូលរួមពីសំណាក់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា, ឯកឧត្តមកិត្តិនីតិកោលសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ, ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រី និងជាប្រធានលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា, ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និង លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា ព្រមទាំងថ្នាក់ដឹកនាំនិងមន្ត្រីជំនាញនៃក្រសួង ស្ថាប័នពាក់ព័ន្ធផ្សេងទៀត។

កម្ពុជាតវ៉ាចំពោះការរំលោភបំពានជាបន្តបន្ទាប់របស់ថៃលើអធិបតេយ្យ និងបូរណភាពទឹកដីកម្ពុជា Cambodia Protests against Thailand's Continued Violations of Cambodian Sovereignty and Territorial Integrity

លោក នុត នោរិទ្ឋិពេញ ជម្រុញប្រជាសហគមន៍ក្នុងឃុំបឹងចារ ខេត្តក្រចេះ នាំគ្នាបង្កើតសេដ្ឋកិច្ចមូលដ្ឋាន ដូចជាដាំបន្លែ ចិញ្ចឹមសត្វ។ ពលរដ្ឋសប្បាយចិត្តអរគុណសន្តិភាព ជាចុងក្រោយសហភាពអង្គការសង្គមស៊ីវិលទទួលសំណើរផ្សេងៗរបស់ពលរដ្ឋជូនមន្ត្រីមូលដ្ឋាន និងរដ្ឋាភិបាល។

ក្រោយទទួលបណ្ដឹង ក្រសួងការងារចុះអធិការកិច្ចភ្លាមៗ និងដាក់កំហិតឱ្យអ្នកគ្រប់គ្រងប្រើពាក្យសម្ដីសមរម្យចំពោះកម្មករ (ភ្នំពេញ)៖ ក្រោយទទួលបានបណ្ដឹងតាមបណ្ដាញសង្គមពាក់ព័ន្ធនឹងការប្រើពាក្យសម្ដី និងកាយវិការមិនសមរម្យចំពោះកម្មករនិយោជិត ក្រសួងការងារ និងបណ្ដុះបណ្ដាលវិជ្ជាជីវៈ បានចាត់ក្រុមអធិការកិច្ចការងារពិសេសចុះពិនិត្យនៅរោងចក្រ ស៊ិន កៃ លី ហ្គាម៉ិន ឯ.ក នៅថ្ងៃទី២១ ខែកញ្ញា ឆ្នាំ២០២៦។ ឆ្លើយប្រាប់អ្នកសារព័ត៌មាន លោក ស៊ុន មេសា អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានបញ្ជាក់នៅថ្ងៃទី២២ ខែកញ្ញា នេះថា លទ្ធផលអធិការកិច្ចបានរកឃើញថា ពិតជាមានការប្រើពាក្យសម្ដី និងកាយវិការមិនសមរម្យពីសំណាក់ប្រធានផ្នែក និងប្រធានក្រុមនៅក្នុងផលិតកម្ម ហើយ ក្រុមអធិការកិច្ចបានដាក់កំហិតឱ្យនិយោជកណែនាំអ្នកពាក់ព័ន្ធឱ្យកែតម្រូវអាកប្បកិរិយា និងប្រើពាក្យសម្ដីឱ្យបានសមរម្យចំពោះកម្មករនិយោជិត។ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ថា៖ «នៅពេលទទួលបានបណ្ដឹង ក្រសួងបានចុះពិនិត្យ និងចាត់វិធានការភ្លាមៗ។ មិនថាជាជនជាតិខ្មែរ ឬជនបរទេស និងមានតួនាទីកម្រិតណាក៏ដោយ អ្នកគ្រប់គ្រងត្រូវគោរពច្បាប់ ប្រើពាក្យសម្ដីឱ្យបានសមរម្យ និងគោរពសេចក្ដីថ្លៃថ្នូររបស់កម្មករនិយោជិត»។ ក្រសួងសូមអំពាវនាវដល់កម្មករនិយោជិត និងសាធារណជន ប្រសិនបើបានឃើញ ឬជួបប្រទះការប្រើពាក្យសម្ដី កាយវិការ ឬអាកប្បកិរិយាមិនសមរម្យនៅកន្លែងធ្វើការ សូមផ្តល់ព័ត៌មានមកក្រសួងតាមរយៈលេខ Hotline ១២៨៦ ដើម្បីឱ្យមន្ត្រីជំនាញពិនិត្យ និងចាត់វិធានការបានទាន់ពេលវេលា៕

នៅព្រឹកថ្ងៃទី២១ ខែកញ្ញា ឆ្នាំ២០២៦ ឯកឧត្តម គង់ ភោគ រដ្ឋលេខាធិការ និងជាឧត្ដមមន្ត្រីអាស៊ានរបស់កម្ពុជា បានទទួលជួបពិភាក្សាការងារជាមួយលោកស្រី អេឡេកសេនដ្រា ហ្ស៊ីតថល (Aleksandra Zittle) ភារធារីស្ដីទីនៃស្ថានឯកអគ្គរដ្ឋទូតសហរដ្ឋអាម៉េរិកប្រចាំព្រះរាជាណាចក្រកម្ពុជា នៅទីស្ដីការក្រសួង។ ក្នុងជំនួបនេះ ភាគីទាំងពីរបានពិភាក្សាអំពីការពង្រឹងកិច្ចសហប្រតិបត្តិការបន្ថែមទៀតទាំងក្របខ័ណ្ឌទ្វេភាគី និងពហុភាគី ព្រមទាំងបានផ្លាស់ប្តូរទស្សនៈលើវិស័យបញ្ញាសិប្បនិម្មិត(AI) និងសន្តិសុខសាយប័រ (Cyber-Security)។ On the morning of 21 September 2026, His Excellency KUNG Phoak, Secretary of State and ASEAN SOM Leader of Cambodia, held a bilateral meeting with Mrs. Aleksandra Zittle, Chargé d’Affaires, a.i. of the U.S. Embassy to the Kingdom of Cambodia, at the Ministry. During the Meeting, both sides discussed ways to further strengthen cooperation​ both within the bilateral and multilateral frameworks and exchanged views on Artificial Intelligence (AI) and Cyber-Security.

សមត្ថកិច្ចឃាត់ខ្លួនបុរសម្នាក់ពាក់ព័ន្ធករណីផ្តល់ទីតាំងជួយឧក្រិដ្ឋជនឆបោកតាមប្រព័ន្ធបច្ចេកវិទ្យា និងរកឃើញជនបរទេសជាង២០០នាក់ 👉អានលម្អិត 👉join https://t.me/proyuth

ឯកឧត្តមអភិសន្តិបណ្ឌិត ស សុខា រំលេចពីការប្ដេជ្ញាចិត្តជំរុញកំណើនស្រ្តីក្នុងមុខតំណែង ទាំងនៅថ្នាក់ក្រសួង និងរដ្ឋបាលដែនដីថ្នាក់ក្រោមជាតិ 👉អានលម្អិត 👉join https://t.me/proyuth

ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បានបញ្ជាទៅជំនាញផែនការងារនគរបាលព្រហ្មទណ្ឌ សហការជាមួយជំនាញអធិការដ្ឋាននគរបាលខណ្ឌមានជ័យ ស្រាវជ្រាវជាបន្ទាន់ដើម្បីស្វែងរកឃាត់ខ្លួនជនជាតិចិន០១ក្រុមមានគ្នា០៤នាក់ យកមកអនុវត្តតាមនីតិវិធី ដែលបានប្រើហិង្សាទៅលើបុគ្គលិក ស្រ្តីជនជាតិខ្មែរម្នាក់ នៅក្នុងហាងមួយកន្លែងស្ថិតក្នុងសង្កាត់ចាក់អង្រែលើ ខណ្ឌមានជ័យ កាលពីយប់អធ្រាត្រឈានថ្ងៃទី២១ខែកញ្ញាឆ្នាំ២០២៦។ ចំពោះករណីនេះ បច្ចុប្បន្នសមត្ថកិច្ចបានទទួលពាក្យបណ្តឹងពីស្រ្តីរងគ្រោះ រួចហើយ ។កិច្ចការងារចំពោះមុខ កម្លាំងជំនាញកំពុងចុះធ្វើការងារដោយ អនុវត្តតាមវិធានការជំនាញ៕ 👉join https://t.me/proyuth

ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងកិច្ចប្រជុំផ្សព្វផ្សាយការត្រៀមអនុវត្តច្បាប់ស្ដីពីកាតព្វកិច្ចយោធា ដោយមានការអញ្ជើញចូលរួមពីលោកមេញ្ជាការរង នាយសេនាធិការរង ស្នងការ នាយការិយាល័យ មេបញ្ជាការ កងឯកភាពចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស និងមានភ្ជាប់តាមប្រព័ន្ធ Video Conference ទៅសាលាកងរាជអាវុធហត្ថទាំង២ និងបញ្ជាការដ្ឋានកងរាជអាវុធហត្ថទាំង ២៥ រាជធានី-ខេត្ត នាព្រឹកថ្ងៃចន្ទ ទី២១ ខែកញ្ញា ឆ្នាំ២០២៦ នៅសាលប្រជុំបញ្ជាការដ្ឋានកងរាជអាវុធហត្ថលើផ្ទៃប្រទេស ។ 👉join https://t.me/proyuth

លោកឧត្តមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា ដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញា និងលើកទិសដៅបន្តខែតុលា ឆ្នាំ២០២៦ នៅរសៀលថ្ងៃទី២១ ខែកញ្ញា ឆ្នាំ២០២៦ លោកឧត្តមសេនីយ៍ទោ សុខ នីត្យា បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញា និងដាក់ទិសដៅការងារបន្តខែតុលា ដោយមានការចូលរួមពីថ្នាក់ដឹកនាំ និងនាយ នាយរងការិយាល័យជំនាញទាំង៧។ កិច្ចប្រជុំបានពិភាក្សា និងពង្រឹងយន្តការស្រាវជ្រាវ បង្ការ និងបង្ក្រាបបទល្មើសបច្ចេកវិទ្យាឱ្យកាន់តែសកម្ម និងទាន់ពេលវេលា។ សូមទាញយកកម្មវិធី Kapea Scams លើទូរស័ព្ទដៃ ដើម្បីការពារការខលរំខាន និងរាយការណ៍បឋមមកសមត្ថកិច្ច។ សម្រាប់ប្រព័ន្ធដំណើរការ Android https://play.google.com/store/apps/details?id=com.accd.kapeascams សម្រាប់ប្រព័ន្ធដំណើរការ iOS https://apps.apple.com/kh/app/kapea-scams/id6798943694 «យើងរួមគ្នា ប្រឆាំង ទប់ស្កាត់ និងលុបបំបាត់បទល្មើសតាមប្រព័ន្ធបច្ចេកវិទ្យា» 🌐 នាយកដ្ឋានប្រឆាំងបទល្មើសបច្ចេកវិទ្យា 🌐នាយកដ្ឋានប្រឆាំងបទល្មើសបច្ចេកវិទ្យា 🌐ACCD #CyberSecurityAwareness #CyberSafety #ACCD

-សហគ្រាស ក្រុមហ៊ុន រោងចក្រ ក្នុងប្រព័ន្ធគិតត្រឹមខែសីហា ឆ្នាំ២០២៦ មានចំនួន ៤៧ ៧៥៨ សហគ្រាស កើនឡើង ៧ ៤៥៨ ស្មើនឹង ១៨,៥% ធៀបនឹងខែសីហា ឆ្នាំ២០២៣។ -វិស័យកាត់ដេរ មានចំនួន ២ ០២៨ សហគ្រាស កើនឡើង ៥៦២ សហគ្រាស ស្មើនឹង ៣៨,៣% ធៀបនឹងខែសីហា ឆ្នាំ២០២៣។ -ក្រៅពីវិស័យកាត់ដេរ មានចំនួន ៤៥ ៧៣០ សហគ្រាស កើនឡើង ៦ ៨៩៦ សហគ្រាស ស្មើនឹង ១៧,៨% ធៀបនឹងខែសីហា ឆ្នាំ២០២៣។ ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ

គិតត្រឹមខែសីហា ឆ្នាំ២០២៦ ជនទេសន្តរប្រវេសន៍ការងារខ្មែរកំពុងស្នាក់នៅ និងធ្វើការនៅក្រៅប្រទេស ចំនួន ៦២៥ ៤៥២នាក់ (ស្រី២០០ ១២៥នាក់) ក្នុងនោះ នៅប្រទេសថៃចំនួន ៥៥២ ២៣៤នាក់ កូរ៉េចំនួន ៤៥ ០៣៦នាក់ ជប៉ុនចំនួន ២២ ៥៤៥នាក់ សិង្ហបុរីចំនួន ១៣៦នាក់ ម៉ាឡេស៊ីចំនួន ៥ ៤២១នាក់ ស៊ីស្រាអែល ចំនួន ៣៧នាក់ តំបន់រដ្ឋបាលពិសេសហុងកុងចំនួន ៣៦នាក់ និងអារ៉ាប៊ីសាអូឌីតចំនួន ៧នាក់។ ទន្ទឹមនេះ នៅឆ្នាំ២០២៦ ក្រសួងបានបន្តពង្រីកឱកាសការងារនៅក្រៅប្រទេសជូនប្រជាពលរដ្ឋសរុបជាង ៣,១ម៉ឺនកន្លែង នៅ តាមបណ្តាប្រទេសមួយចំនួនរួមមាន សាធារណរដ្ឋកូរ៉េ, ជប៉ុន, ម៉ាឡេស៊ី, សិង្ហបុរី, តំបន់រដ្ឋបាលពិសេសហុងកុង, កាណាដា, ព្រុយណេ, និងអីស្រាអែល (ក្នុងករណីសង្រ្គាមនៅមជ្ឈឹមបូព៌ាត្រូវបានបញ្ចប់ និងមានការអនុញ្ញាត របស់រាជរដ្ឋាភិបាលឡើងវិញ) ជាដើម។ ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ

អ្នកនាំពាក្យរងក្រសួងមហាផ្ទៃលោក ទូច សុឃៈ បានបញ្ជាក់ថា រយៈពេល៦ខែ ដើមឆ្នាំ២០២៦ មន្រ្តីបានត្រួតពិនិត្យគោលដៅ​នៃអនុក្រឹត្យ០៣ ២៨.៥១២ទីតាំង ស្មើនឹងមនុស្សជាង១សែននាក់ និងតាមដងផ្លូវជាង២១ពាន់លើក ស្មើនឹងមនុស្ស៤៤ពាន់នាក់ ដោយបានរកឃើញជនសង្ស័យ និងវត្ថុតាងពាក់ព័ន្ធ ព្រមទាំងជនបរទេសដែលគ្មានឯកសារផ្សេងៗសរុប២.៣៤០នាក់ ស្មើនឹង២០សញ្ជាតិ។ ក្នុងចំណោមជនបរទេសបណ្ដេញពីកម្ពុជា ៤៦.៤៧៤នាក់ មានជនពាក់ព័ន្ធបទល្មើសឆបោកតាម​ប្រព័ន្ធបច្ចេកវិទ្យាមាន ១៦.៨៧៤នាក់ ស្មើ៣៤សញ្ជាតិ។ 👉Join https://t.me/proyuth

រយៈពេល៦ខែ ដើមឆ្នាំ២០២៦៖ សមត្ថកិច្ចក្រសួងមហាផ្ទៃបង្ក្រាប Online Scams ចំនួន៤៨៨កន្លែង និងឃាត់ខ្លួនជនសង្ស័យជាង ២ម៉ឺននាក់ ភ្នំពេញ៖ គិតត្រឹមរយៈពេល៦ខែ ដើមឆ្នាំ២០២៦ សមត្ថកិច្ចក្រសួង​មហាផ្ទៃ ដោយមានអគ្គស្នងការដ្ឋាននគរបាលជាតិ និងគណៈ​បញ្ជា​ការឯកភាពរដ្ឋបាលរាជធានី ខេត្ត ជាសេនាធិការ បានបង្ក្រាបបទល្មើស​ឆបោកតាមប្រព័ន្ធបច្ចេកវិទ្យា៤៨៨កន្លែង និងឃាត់ខ្លួនជនសង្ស័យ​២០.៩២៦នាក់ ស្មើ៣៨សញ្ជាតិ បញ្ជូនទៅតុលាការ២.៦៣៧នាក់ ស្មើនឹង​២៦សញ្ជាតិ ធ្វើកិច្ចសន្យាអប់រំ១.៦៦៦នាក់ ស្មើ១៤សញ្ជាតិ និងមួយចំនួន​ទៀតបន្តការអនុវត្តតាមនីតិវិធីជំនាញ។ នេះបើតាមការ​បញ្ជាក់របស់​លោក ទូច សុឃៈ អ្នកនាំពាក្យរងក្រសួងមហាផ្ទៃ នៅល្ងាចថ្ងៃទី២១ ខែកញ្ញា ឆ្នាំ២០២៦៕ 👉Join https://t.me/proyuth