Ministry of Revenues -Medium Taxpayers Branch No2

ቅርጫፍ ጽ/ቤቱ የ3ኛ ዓመት የምሥረታ በዓሉን በከፍተኛ የገቢ አፈጻጸም አጠናቀቀ፡፡ (ሐምሌ 6/2018 ዓ.ም፡ መካከለኛ ግብር ከፋዮች ቁጥር 2 ቅርንጫፍ ጽ/ቤት)     በገቢዎች ሚኒስቴር የመካከለኛ ግብር ከፋዮች ቁጥር 2 ቅርንጫፍ ጽ/ቤት የበጀት ዓመቱን የገቢ አፈፃፀም በላቀ ውጤት ማጠናቀቁን አስመልክቶ ለአመራሮች እና ሰራተኞች የምስጋና ፕሮግራም አካሄደ፡፡   የቅርጫፍ ጽ/ቤቱ ዋና ስራ አስኪያጅ አቶ ቶሉ ፊጤ በመክፈቻ ንግግራቸው ፅ/ቤቱ ከተመሰረተ ሶስት ዓመታትን ያስቆጠር ሲሆን በየዓመቱ ያሳየው የገቢ አፈጻጸም ዕድገት ከፍታ ዝም ብሎ የመጣ አይደለም፤ የጽሕፈት ቤታችን  አመራሮች እና ሠራተኞች ሌት ተቀን ያደረጉት ከፍተኛ ጥረት፣ የአሠራር ሥርዓታችንን ወደ ዲጂታል መለወጣችን እና ከሁሉም በላይ ደግሞ የግብር ከፋዮቻችን ታማኝነትና ሕግ አክባሪነት ውጤት ነው ብለዋል። አክለውም በተለይ በተጠናቀቀው የ2018 በጀት ዓመት የተመዘገበው የ104.85% ዕቅድ አፈጻጸም፣ አመራሮች እና ሠራተኞች ለአገር እድገት ያላቸውን ቁርጠኝነት ያሳዩበት መሆኑን ጠቅሰው የላቀ ምስጋና አቅርበዋል።   በመቀጠልም ከቅርንጫፍ ጽ/ቤቱ ወደ ተለያዩ ቅርንጫፍ ጽ/ቤቶች ለተዘዋወሩ አመራሮችና ባለሙያዎች የምስጋና ሰርተፍኬት ተበርክቶላቸዋል፡፡   በማጠቃለያም ቅርጫፍ ጽሕፈት ቤቱ ወደፊትም የቴክኖሎጂ አጠቃቀሙን ይበልጥ በማዘመን ግብር ከፋዮ ማህበረሰብ በቦታ እና በጊዜ ሳይገደብ ግብሩን በወቅቱ በማሳወቅና በመክፈል ግዴታውን መወጣት የሚችልበትን ምቹ ሁኔታ በመፍጠር በ2019 በጀት ዓመት በዚህ ዓመት ከተመዘገበው ዕቅድ አፈፃፀም በላይ የላቀ ውጤት ለማስመዝገብ፣ ከግብር ከፋዩ ማኅበረሰብ ጋር ያለውን ግንኙነት ማጠናከር እና የዕለት ተዕለት አገልግሎቶችን ይበልጥ ፈጣንና ግልጽ ማድረግ እንዳለብን ገልፀዋል፡፡     ግብር÷ ለሀገር ክብር!

ብሔራዊ የታክስ ሪፎርም ታስክ ፎርስ ውይይት በማድረግ ላይ ይገኛል ሐምሌ 06/2018 ዓ.ም (የገቢዎች ሚኒስቴር) ብሔራዊ የታክስ ሪፎርምታስክ ፎርስ ስብሰባ በመካሄድ ላይ ይገኛል፡፡ ታስክ ፎርሱ በሚከተሉት ጉዳዮች ላይ ውይይት እንደሚያደርግ ይጠበቃል፡- 👉 በ2018 ዓ.ም ቃለ-ጉባኤ ላይ ውይይት በማድረግ የማጽደቅ እና በተነሱ ዋና ዋና ጉዳዮች ላይ በመወያየት አቅጣጫ የመስጠት፣ 👉 የገቢ እቅድ እና የፎርም እቅድ አፈጻጸም ላይ መወያየት፣ 👉 የ2018 በጀት ዓመት የገቢ አፈጻጸም እና የ2019 በጀት ዓመት እቅድ ላይ እና ሌሎችም ጉዳዮች ላይ ውይይት እንደሚደረግ ይጠበቃል፡፡

"እንደሀገር የሚሰሩ ልማቶች ቀጣይነት እንዲኖራቸው ተቋማችን ትልቅ ኃላፊነት አለበት" - ወ/ሮ ዓይናለም ንጉሴ (የገቢዎች ሚኒስትር) ሐምሌ 03/2018 ዓ.ም የገቢዎች ሚኒስቴር የ2018 በጀት ዓመት አፈፃጸም እና የ2019 በጀት ዓመት ዕቅድ ላይ ውይይት አካሂዷል። በመድረኩ የገቢዎች ሚኒስትር ወ/ሮ ዓይናለም ንጉሴ ባስተላለፉት መልእክት በ2018 የበጀት ዓመት የገቢ እቅድ አፈጻጸም ስኬታማ በሆነ መልኩ መጠናቀቁን ገልጸዋል። በቀጣይም እንደሀገር የሚሰሩ ልማቶች ቀጣይነት እንዲኖራቸው ተቋማችን ዋነኛ አንቀሳቃሽ ሞተር እንደመሆኑ ትልቅ ኃላፊነት አለበት ያሉት ሚኒስትሯ በቀጣይ ስራችንን በአግባቡና የታክስ ሕጎችን እና መመሪያዎችን መሰረት በማድረግ ይበልጥ የተጠናከረ ስራን ለማከናወን የምናቅድበት እንዲሁም ባቀድነው ልክ ብቻ ሳይሆን ከዛም በላይ ለማሳካት የምንጥርበት ዓመት መሆን እንዳለበት አሳስበዋል፡፡ በሚኒስቴሩ የታክስ ኦፕሬሽን ዘርፍ ሚኒስትር ዴኤታ ወ/ሮ ያሲሚን ወሃብረቢ በበኩላቸው ባሳለፍነው የበጀት ዓመት የታቀደው የገቢ አሰባሰብ እቅድ አፈጻጸም በስኬት እንዲጠናቀቅ ኃላፊነታቸውን ለተወጡ ሁሉም አካላት ምስጋና አቅርበዋል። አክለውም በተጀመረው አዲስ የበጀት ዓመት ግብር ከፋዩን በአግባቡ በማገልገል ውጤታማ የገቢ አሰባሰብን አጠናክሮ መሄድ ያስፈልጋል ብለዋል። በውይይቱ በገቢዎች ሚኒስቴር የሚንስትር ጽ/ቤት ኃላፊ አቶ ፍቃዱ ታደሰ አጠቃላይ የተቋሙን የ2019 በጀት ዓመት እቅድ ላይ ሰነድ አቅርበው ውይይት ተካሂዶበታል። በዚሁ ወቅት ኃላፊው እንደገለጹት እቅዱ እያንዳንዱ ቅርንጫፍ ጽ/ቤት ባቀረበው እቅድ ላይ በመመስረት የቀረበ እንደሆነ ገልጸዋል። በመድረኩ በሚኒስቴሩ የኢ-ዳታ ዘርፍ ሚኒስቴር ዴኤታ አቶ ዳዊት ውብሸትን ጨምሮ የሚኒስቴሩ ከፍተኛ አመራሮች እን