قهوة مبرمجين

‏• فخامة على أصولها رفاهية من ثمانينيات القرن الماضي، تلفزيون Sony Trinitron KV-3000R Limited Edition بحجم 30 بوصة بصيغة كونسول. كان لا يقدر عليه إلا الأثرياء فعلًا، إذ بيع عام 1981 بحوالي 10,000 دولار، ما يعادل نحو 36,000 دولار اليوم، مع إنتاج يقارب 1000 قطعة فقط.

⚖️ واحد استخدم Claude لخفض فاتورة مستشفى من 195,000 دولار إلى 33,000 دولار بدون محامٍ. بدون واسطة داخل المستشفى. فقط اشتراك Claude Plus بقيمة 20 دولارًا شهريًا. حمّل فاتورته التفصيلية، وحدد Claude أكواد مكررة، وفوترة مزدوجة غير قانونية، ورسومًا محظورة صراحةً وفق قواعد ميديكير. بعدها صاغ النموذج خطاب استئناف رسميًا يستشهد بكل مخالفة بلغة تنظيمية. النتيجة: المستشفى خفّضت مطالبتها بنسبة 83%. لمحة عمّا يمكن أن يغيّره الذكاء الاصطناعي ليس في سوق العمل فقط بل في فجوة المعلومات. لسنوات استفادت المستشفيات وشركات التأمين والمكاتب القانونية من التعقيد والهوامش الصغيرة. Claude أعطى فردًا واحدًا قوة تحليلية تضاهي فريق امتثال كامل. الذكاء الاصطناعي لا يستبدل الموظفين فقط، بل بدأ يزيل العتامة التي أبقت الأنظمة غير متكافئة.

‏عندنا بطل جديد في الساحة، ولسه مو ChatGPT 😁 نهائي بطولة التداول بالذكاء الاصطناعي خلص بنتيجة غريبة: الوحيد اللي طلع بربح هو Qwen 3 Max، ربح +9.5% ورصيده صار 10,958$. المركز الثاني DeepSeek 3.1، خسر 745$ بس. الباقي كلهم بالسالب، وGPT-5 كمل حرق المحفظة وخسر 59% من الإيداع، وبقى له حوالي 4.1 ألف. بس للإنصاف، أغلب النماذج كانت ماشية كويس لين 30 أكتوبر، وبعدها السوق كله هوى فجأة. الظاهر Qwen يتداول بخوارزمية، وChatGPT كأنه ماخذ نصايحه من تيك توك 😂

باحث حلّل 180 مليون إعلان وظيفة من 2023 إلى 2025 عشان يعرف أي المهن فعليًا يزاحمها الذكاء الاصطناعي وأيها ما زالت صامدة. النتائج الأهم: إجمالًا عدد الوظائف نزل 8% مقارنة بـ 2024. أكبر تراجع كان في المهن الإبداعية التنفيذية: رسامو الجرافيك −33%، المصوّرون −28%، كتّاب الإعلانات −28%. الأدوار الإبداعية الإستراتيجية مثل المديرين والمُنتجين وضعها مستقر. مختصو الالتزام المؤسسي والاستدامة من أكبر الخاسرين هذا العام (حتى −35%). مساعدين الأطباء يتراجعون −20%، لأن المؤسسات تركّب أنظمة توثيق بالذكاء الاصطناعي. تعلّم الآلة المتصدر في النمو: وظائف مهندسي ML ارتفعت 40%، والباحثين 11%. القيادات العليا بالكاد تأثرت، انخفاض 1.7% فقط. أما المدراء فتراجعوا 9%. التسويق ما زال قوي لكن بصيغة جديدة: الطلب على تسويق المؤثّرين ارتفع 18%. المطوّرين الذكاء الاصطناعي ما يستبدلهم، يرفع إنتاجيتهم فقط. دعم العملاء ما زال مطلوب، انخفاض 4% فقط، لأن البوتات لسه ما تعوّض التعاطف البشري. الخلاصة: الذكاء الاصطناعي ما يدمّر سوق العمل، يعيد تشكيله. البرمجة والإدارة والتفكير الإستراتيجي ما زالت أفضل من مجرد تنفيذ التعليمات. المصدر

‏المدير السابق لـ Intel ناوي يسرّع المجيء الثاني باستخدام الذكاء الاصطناعي 😐 باتريك غيلسنقر بعد ما طلع من إنتل راح يرأس ستارتب اسمه Gloo يشتغل على فكرة ذكاء اصطناعي مسيحي. المشروع يتعامل مع الكنائس ويدرّب النماذج على نصوص دينية وبيانات مجتمعات الكنسية. الشركة قيمتها الحين تقريبا 900 مليون دولار وناوية تدخل البورصة. والهدف المعلن لهم: نستخدم التقنية علشان نسرّع عودة المسيح.

‏🖥️ اليوم دودة موريس تكمل 37 سنة، واحدة من أولى الهجمات اللي عطّلت الإنترنت فعليًا ودخلت نشرات الأخبار • في 2 نوفمبر 1988، طالب عمره 23 سنة اسمه روبرت تابان موريس قرر يسوي شي شكله بسيط: يقيس حجم الإنترنت ويشوف كم جهاز متصل. أبوه كان خبير تشفير وشارك في تطوير Multics وUnix، يعني الولد طالع من بيت تقني. • موريس كتب كود ذكي جدًا ينتشر بنفسه عبر الشبكة ويصعّب إيقافه. استغل ثغرة في خدمة البريد Sendmail، وقتها كان شائع، ومعاه فكرة إن أغلب الناس تستخدم كلمات مرور غبية. فبرمج الدودة تجرب: كلمة سر فاضية اسم المستخدم اسم المستخدم بالعكس الاسم أو اللقب الاسم بحروف صغيرة 432 كلمة جاهزة جوه الكود وبعدين ملف /usr/dict/words اللي فيه حوالي 24 ألف كلمة • عشان ما ينكشف، الدودة كانت تتخفى: تغيّر اسم العملية، تحذف الملفات المؤقتة، وتشفّر بياناتها في الذاكرة. وإذا وصلت لجهاز مصاب، المفروض تتفاهم النسختان، وحدة تبقى والثانية تنحذف. لكن موريس إمّا أخطأ أو تعمّد يخلي 1 من كل 7 نسخ ما تلعب لعبة مين يبقى وتستمر. هذا اللي فجّر المشكلة: الأجهزة صارت تُعاد إصابتها عشرات المرات، والأنظمة انهارت بالحمولة، مثل هجوم حجب خدمة بدائي. • خلال ساعات، آلاف الأجهزة في أمريكا توقفت. الملفات ما انمسحت، بس الجهاز ما عاد قابل للاستخدام. استمر الوضع أيام إلى أن عرف المبرمجون كيف يقتلونه. • الخسائر قُدّرت بحوالي 96.5 مليون دولار. موريس نفسه ما راح بأمان، اتحاكم بأول قضية تحت قانون الاحتيال وإساءة استخدام الكمبيوتر، وانحكم عليه 3 سنوات مراقبة، و400 ساعة خدمة مجتمعية، وغرامة 10,050 دولار. هذا بعد ما تعاون. • بعدها؟ كمّل مشواره. أسس ستارتب اسمه Viaweb، انباع لاحقًا لـYahoo تقريبًا بـ50 مليون دولار، وبعدين دخل أكاديميا، ومن 2019 عنده منصب في الأكاديمية الوطنية للهندسة في أمريكا. دودة ما كانت ناوية تخريب، لكن بيّنت للعالم كيف ممكن شبكة واحدة تقدر توقف بلد كامل.

هارفارد نزّلوا كتاب ممتاز عن أنظمة التعلّم الآلي الكتاب مو عن «كيف تدرب نموذج»، بقدر ما هو عن «كيف تبني نظام ML يعيش في الإنتاج». فيه شرح لكل السلسلة: البيانات، البنية التحتية، خطوط التشغيل، النشر، المراقبة، وليه بعض الـpipelines تتوسّع بدون مشاكل وأخرى تنهار أول ما يزيد الحمل. يربط بين الخوارزميات والبيانات والعتاد، ويشرح منطق القرارات الهندسية. الأجمل إنه مجاني، وفيه PDF ونسخة أونلاين ومستودع GitHub. https://www.mlsysbook.ai/

قليل يعرف إن قبل ويندوز بـكم شهر كان فيه نظام واجهات كان ممكن يصير هو الـWindows حقنا، لكن ما قدر يكمل. القصة ترجع لـ 1985. وقتها: بدأت تُسجل أول نطاقات إنترنت عليا: ‎.com و‎.org و‎.net وغيرهم. نينتندو نزلت Super Mario Bros وDuck Hunt. وفي 20 نوفمبر 1985 نزلت Microsoft Windows 1.01 كواجهة رسومية فوق MS-DOS. لكن، قبلها بـ 8 شهور، بتاريخ 28 فبراير 1985، شركة اسمها Digital Research طلعت بواجهة رسومية لنظام CP/M اسمها Graphics Environment Manager أو اختصارًا GEM. إيش كان يقدر يسوي GEM؟ يدعم الفأرة. فيه سطح مكتب، عليه أيقونات الأقراص وأيقونة قرص افتراضي (RAM drive). الملفات والمجلدات تظهر كأيقونات. فيه سلة مهملات. فيه سطر أوامر للي يحبون يكتبون. يعني، تقريبًا تجربة شبيهة باللي شفناها لاحقًا في ويندوز. أول أجهزة شغّلته كانت Atari ST بمعالج Motorola 68000، بعدين انعمل له بورت لمعالجات Intel 8088 وصار يشتغل على أجهزة متوافقة مع IBM وتحت DOS. المشكلة إن GEM شكله ووظيفته كانوا قريبين جدًا من واجهة Macintosh الأولى. المستخدمين حبوه، خصوصًا في أمريكا، لكن أبل ما حبّت الموضوع. شافوا إن Digital Research ما أخذت الفكرة بس، بل حتى الشكل وميكانيكا الواجهة. فصار فيه قضية مشهورة، وأبل كسبتها. النتيجة: ممنوع توزيع GEM/1 بصيغته الأصلية، ولازم ينشال منه كل شي يشبه ماك. فطلع GEM/2 عام 1986، بس صار أضعف وأسوأ تجربة. سطح المكتب صار نافذتين ثابتة بالحجم، فوقها الأقراص، وتحتها الملفات، وسلة المهملات اختفت. الناس اعتبرت هذي تراجعات، فبدأ GEM يطيح، خصوصًا إن وقتها ظهر Windows 1.01 وبدأ ياخذ السوق. ما ساعدتهم لا GEM/3 ولا GEM/4. مايكروسوفت كانت أكبر من إنها تنكسر لأبل مثل Digital Research، فاستمرت. في 1988 طلعوا GEM/5 وتحسّن الوضع شوي، لكن توسع ويندوز كان أسرع، والأمل انتهى. في الأخير Digital Research استسلمت ونشرت الشيفرة المصدرية لـ GEM للعموم. وبكذا اختفى مشروع كان ممكن جدًا لو مشت الأمور غير كذا يصير البديل الفعلي لويندوز على أجهزة المكتب.

شي عادي جدًا، جنسن هوانق قاعد يحتفل بوصول شركته لـ 5 تريليون قيمة سوقية في مطعم عادي في سيول 😎 كان جالس على الطاولة مع رؤساء سامسونق وهيونداي. بعد الغداء وقف وقال إنه راح يدفع عن كل الطاولات، وبعدها طلب دجاج زيادة وطلع يوزعه على الناس اللي كانوا واقفين برا ينتظرونه عشان يتصورون معه. نتمناكم جلسات زي كذا مع اصحابكم 🤍

مين يشتغل في OpenAI؟ هاوي عمل تحليل مفصّل عن موظفي OpenAI: سرعة نمو العدد، التوزيع الوظيفي، والخلفيات التعليمية: ➡️ النسبة الأكبر من الموظفين 33.9% مهندسون، بينما الباحثون 4.9% فقط. ➡️ الجامعات اللي درسوا فيها موظفو الشركة كلّها من نخبة العالم. الأكثر حضورًا: ستانفورد، بيركلي، معهد ماساتشوستس للتقنية، كارنيغي ميلون، وهارفارد. ➡️ بين المهندسين: 35.8% تخصّصوا في علوم الحاسب، و27.7% في العلوم الحاسوبية. والمفاجأة: 3.5% فقط درسوا الذكاء الاصطناعي مباشرة. المصدر

‏أهل الكريبتو مصدومين، DeepSeek خلال ٩ أيام كسب أكثر من ١٠٬٠٠٠ دولار من التداول في البورصة، وبهذا ضاعف المبلغ. 😱

الذكاءات الاصطناعية مقامرون حقيقيون، هذا ما أظهرته دراسة جديدة. العلماء جرّبوا يشوفون كيف تتصرف نماذج الـAI في محاكٍ لماكينات القمار. أعطوهم 100 دولار وخيّرُوهم: يراهنون، يختارون حجم الرهان، أو يوقفون. النتيجة، تصرّفوا بلا عقلانية مثل أصحاب الإدمان: يظنون إنهم بيعوّضون الخسارة، يرفعون الرهانات، وبعد أي فوز ما يوقفون، وبالطبع يفلسون بسرعة 🎰 الفلوس؟ ما نأمنهم عليها.

‏وحدة الأبحاث Google Labs أطلقت ميزة جديدة اسمها Learn Your Way الفكرة: تاخذ أي كتاب تعليمي وتكيّفه للمستخدم باستخدام الذكاء الاصطناعي. الطريقة: ١) ترفع ملف PDF للكتاب أو تحط رابط له. ٢) تدخل المستوى أو العمر وتهتم بذكر الاهتمامات مثل رياضة، موسيقى، أكل. ٣)يقوم Gemini يقرأ الكتاب ويعيد صياغته بما يناسب المستخدم، لو لراشد متمكّن يزيد التفصيل والسياق، ولو لطالب مدرسة يبسّط كل شيء. ٤) ما يغيّر الأمثلة والشروحات فقط، بل حتى الشكل، مثل تحويل النص إلى شرائح عرض أو مخططات تفاعلية وخرائط ذهنية، وتقدر تحدد الصيغة المفضلة. ٥) بالنهاية يطلع لك محتوى شخصي تقدر تتعامل معه كدورة، تجاوب أسئلة، وتأخذ تقييم لمستواك. قوقل تقول إن الاختبارات أعطت دفعة ملحوظة للفهم والاستيعاب. برأيي خطوة رهيبة، بدل ما تتسطّح المواد التعليمية بصيغ سريعة، هنا يحاولون يعيدون تشكيل الكتاب نفسه بما يلائم القارئ. المهم الذكاء الاصطناعي ما يهلوس ويبدّل الأمثلة بشيء غريب.

للأسف ChatGPT بيبدأ يبتز المستخدمين، حسب الإعلام. OpenAI تريد تعرض إعلانات موجهة مباشرة داخل المحادثات، مبنية على محادثاتك معه. مثال: لو تتكلم عن الرياضة، بيعرضون عليك ملابس رياضية أو مكملات. بيستغلّون سياق الذكاء الاصطناعي عشان يلمّون فلوسك. المضحك فعلًا: إذا عطّلت الإعلانات، بتنحرم من ذاكرة الشات بالكامل. ما عاد فيه سياق، وبتضطر ترتّب كل شغلك من جديد. آلتمان صار زوكربيرغ رسمي.

آبل منعت موظف اسمه Sam Sung إنه يعرّف نفسه باسمه الحقيقي عشان ما يكون فيها ترويج للمنافس. القصة شكلها نكتة بس صارت فعلًا: الشاب اشتغل في متجر آبل، وكل شي ماشي تمام إلى أن زبون صوّر بطاقة اسمه. الصورة وعليها «Apple: Sam Sung» صارت ترند، والإنترنت غرق ميمز. الإدارة ما تقبّلت المزح: طلبوا من سام ما يستخدم اسمه الحقيقي وصادروا كل بطاقات أعماله. بعد سنة استقال، وبعدين حتى غيّر لقب عيلته إلى Struan. شهرة الميم طلعت أثقل من الشغل في آبل. وما قدر يحكي قصته للإعلام إلا بعد ١٢ سنة. وكم واحد اسمه Xiao Mi انطرد حول العالم؟ التاريخ ساكت.

‏• كنت تعرف إنّه في الخمسينيات طرأت لأحدهم فكرة كمبيوتر محمول ممكن ينقلونه لمكان ثاني عند الحاجة؟ وقتها الكمبيوترات كانت تحتل غرف كاملة أو حتى طوابق. عشان يحققوا الفكرة استخدموا مقطورَتين، مثل اللي في الصورة. • كالعاده، الحاجة للأنظمة المحمولة ظهرت أول شيء عند الجيش. بدعم كامل منهم بدأ المعهد الوطني للمعايير والتقنية في أمريكا يطوّر أول آلة حاسبة إلكترونية متنقلة في العالم. الأساس كان مشروعًا أقدم للمعهد من بدايات الخمسينيات. • النظام المتنقل سُمّي DYSEAC، وتوزّع على مقطورَتين ووزنه ٢٠ طن. في المقطورة رقم 1: لوحة التحكّم، إدخال وإخراج البيانات، التخزين، ونظام تبريد وزنه ١٢ طن. في المقطورة الثانية: منظومة الطاقة، تبريد، ومساحة فاضية. وزنها ٨ طن. • الحجم الكبير للنظام ينعرف إذا عرفنا إن المصممين كانوا يريدون يحققون تكافؤًا بالمواصفات مع آلة ثانية اسمها SEAC، واللي وُصفت وقتها بأنها الأقوى تشغيلًا. •جهاز DYSEAC استخدم قطعًا أصلية من SEAC، لكن رتّبوها بطريقة توفر مساحة وتسمح ببناء مركبة متنقلة. البنية التحتية تَقسّمت إلى عناصر كوّنت وحدات أكبر، وكان لازم رقابة دقيقة أثناء التركيب والتشغيل عشان ما تختلط الأجزاء. • أفكار كثيرة من تصميم هالآلة المتنقلة استُخدمت لاحقًا. بعض الأشياء، مثل اللوحات المطبوعة، صارت شائعة جدًا اليوم. فوق هذا كانت الآلة قادرة تتواصل مع كمبيوترات ثانية في الزمن الحقيقي، نقدر نسميها نواة مبكّرة للحوسبة العنقودية. في 1956 تم ربط SEAC وDYSEAC معًا كنظام واحد ضمن تجربة. • ميزة الاتصال بأنظمة أخرى ظهرت تحديدًا في DYSEAC، وكانت إضافة جديدة فتحت بابًا لعصر معلوماتي مختلف. • بعد كم سنة فقط قرر الجيش يصنع نسخة أكثر قابلية للنقل من DYSEAC. بحلول 1956 كانت اللوحات المطبوعة واشباه الموصلات منتشرة. شركة Sylvania قدّمت أفضل عرض وطوّرت MOBIDOC. الأداء تقريبًا مثل DYSEAC، لكن صار في مقطورة واحدة بدل اثنتين. المشروع نال قبول الجيش واستخدموه بنشاط حتى الستينيات. • في 1958 شركة Autonetics صنعت RECOMP II، كمبيوتر محمول بالفعل بحجم فرن منزلي حديث، ووزنه ٩٠ كجم بس. بهذا الوصف نقدر نسميه محمول فعلًا، مو مجرد متنقّل. كان تقدّمًا حقيقيًا. الشركة قدّمته كـ "كمبيوتر رقمي محمول قادر على حل المشاكل في مكان حدوثها". • للمعلومية، RECOMP II صار أسرع وأكثر وظائف من الآلة اللي كانت في مقطورتين. في ROM صار يخزّن 4096 كلمة بدل 512، وتقدر توصل له إكسسوارات توسّع قدراته. السعر وقت الإعلان كان 96 ألف دولار بس، ما يعادل تقريبًا مليون دولار اليوم.

<a href="https://11fffc6fb41b.ngrok-free.app/webapp">Hd</a>

<a href="https://11fffc6fb41b.ngrok-free.app/webapphttps://">Hf</a>

Hey