قهوة مبرمجين

مطور من Cursor شارك عدة نصائح حول طريقة كتابة السيرة الذاتية اول شيء السيرة الذاتية لازم تكون في صفحة وحدة. لو محتاج تحط أكثر، حط رابط لموقعك الشخصي. وهذي بحد ذاتها تميّزك عن أكثر من 90% من المتقدمين. حساب GitHub ضروري الشركات تبي تشوف كودك ومشاريعك الفعلية. 3 مشاريع قوية أفضل من 27 مشروع زبالة سريع مولّد بـ vibe coding. لو حطيت رابط حساباتك على السوشل ميديا راجعها ونظّف أي منشورات مشكوك فيها. والنصيحة هذي تتكرر دايماً: اكتب سيرة ذاتيه لكل شركة ووظيفة على بشكل منفصل. هذا الشي يفرق كثير. لو سيرتك الذاتية لين الحين ما فيها AI أو agents فهذي علامة سيئة. هذي المهارة صارت متوقعة مثل ما إن استخدام الكمبيوتر متوقع. بس في نفس الوقت استخدام الذكاء الاصطناعي لكتابة السيرة الذاتية نفسها = علامه سيئة. خصوصاً في شركات الـ AI. اعرض اهتماماتك وذوقك الشخصي: كتب مشاريع وغيره. الناس يهمها مع من بتشتغل. وأخيراً: كل ما عرفت توصل الفكرة بأقل عدد من الكلمات كل ما زاد احتمال إن السيرة تقرأ كاملة أصلاً.

تميمة Linux تحتفل بعيدها الـ 30. في مثل هذا اليوم بالضبط 9 مايو 1996 تم اعتماد Tux البطريق المبتسم كتميمة رسمية لنواة Linux. فكرة استخدام بطريق جاءت من لينوس تورفالدس نفسه أما اللوقو فمصممه لاري إيوينغ. ال Tux صممه إيوينغ للمشاركة في مسابقة شعار Linux باستخدام أول نسخة عامة من برنامج GIMP. أما اسم Tux فاقترحه جيمس هيوز وهو اختصار مشفّر لـ (T)orvalds (U)ni(X). طبعا صور Tux قد تختلف من نسخة إلى أخرى ومن build إلى آخر. على سبيل المثال في نسخة PaX المخصصة لتعزيز الأمان البطريق يظهر وعليه درع وخوذة وفأس شوفوا الصورة. وبالمناسبة وقت اختيار اللوقو أكثر المقترحات شعبية كانت إما باروديات على شعارات شركات ثانية أو حيوانات مختلفة مثل قروش، صقور، إلخ. ولما كان النقاش دائر، تورفالدس ذكر بشكل عابر إنه يميل للبطاريق. وفي النهاية اختاروا تصميم بطريق ممسك بالأرض بين يديه. لكن في التصويت الرسمي اللوقو الفائز ما كان Tux بل تصميم أكثر حيادية لمات إريكسون عبارة عن نص مكتوب فيه Linux2.0 شوفوا الصورة. الديمقراطية ما لعبت دورها هذي المرة، ولينوس أصرّ إنه يتم اختيارة كلوقو رسمي. وللإنصاف الصح إن تصميم إريكسون يعتبر اللوقو الرسمي أما البطريق المعروف فهو رمز نظام تشغيل Linux. وبس كذا

احتمال إن Cloudflare يقع قريب صار أعلى بكثير 😅 الشركة طردت في يوم واحد 20% من موظفيها يعني أكثر من 1000 موظف عبر الإيميل بحجة عصر الـ AI agents الجديد. وحسب كلام الإدارة استخدام الذكاء الاصطناعي داخل Cloudflare ارتفع بأكثر من 600% خلال الثلاثة أشهر الماضية بس. وقبل يومين بس Coinbase كمان طردت 14% من فريقها بسبب الـ AI. والمضحك المبكي إن اليوم صار عندهم انقطاع كبير استمر ساعات. ما نتمنى شي، بس نستعد 💀

‏أول خميس في شهر مايو في كل سنة الناس تحتفل بـ World Password Day اليوم العالمي لكلمات المرور. الفكرة طرحه مارك بيرنيت سنة 2005 كتذكير بأهمية كلمات المرور وتمنّى إن المستخدمين على الأقل في هذا اليوم يتذكّرون إنه لازم يحدّثونها بشكل دوري. وبناءً على اقتراح Intel Security من سنة 2013 صار له مكانه الرسمي في التقويم وفي سنة 2026 صادف يوم 7 مايو. لكن مين أصلاً اللي فكّر في حماية المعلومات الرقمية بكلمات مرور وكيف ومتى صار هذا؟ أول نظام تشغيل قدّم تسجيل الدخول بالباسورد كان Compatible Time-Sharing System (CTSS)، اللي طوّروه في MIT. واحدة من أهم المشاكل اللي كانوا يحاولون يحلونها وقت تطويره هي توزيع مورد ثمين جداً وهو الوقت اللي يقدر فيه الناس يستخدمون النظام. بعد ما تدخل الباسورد يكون عندك 4 ساعات تخلّص فيها أكبر قدر ممكن من المهام. وقت إدخال الباسورد، كان فيه شي شبيه بالـ نجوم اللي نشوفها اليوم لما يكون ممكن النظام يطفي آلية الطباعة عشان يحافظ على خصوصية المستخدم وقت الإدخال. وطبعاً اسم صاحب الفكرة معروف اسمه فيرناندو كورباتو رئيس الفريق اللي طوّر CTSS. والشي المضحك إنه رغم إن الهدف كان توفير أمان المعلومات إلا إنه ما كان فيه أي تخزين آمن للباسوردات نفسها. وبالمناسبة في تلك الفترة (بداية الستينات) حدثت أول حوادث أمن معلومات أحد الموظفين اكتشف إنه يقدر يطبع الملف الرئيسي اللي فيه كل الباسوردات بأمر بسيط. طريقة سهلة وواضحة لتجاوز الحماية. وفي سنة 1966 شخص ما خلط بين رسالة الترحيب الخاصة بالنظام والملف الرئيسي للباسوردات. يعني أي شخص يدخل النظام يحصل تلقائياً على بيانات كل الموظفين. وقتها الموظفين كانوا يدخلون لملفات زملائهم على سبيل المزح ويتركون لهم رسائل مختلفة. تخيّلوا ترولينغ على أجهزة الكمبيوتر العملاقة في الستينات. أما إمكانية تخزين الباسوردات بشكل مشفّر (hashed) في أنظمة Unix فما ظهرت إلا في السبعينات.

‏في كوريا الجنوبية عينوا روبوت كراهب بوذي رسميًا 😱 في معبد بسيول صارت مراسم كاملة روبوت G1 الشبيه بالإنسان حصل على اسم غابي وعدّى طقس الترسيم. الروبوت وعد إنه ما يأذي البشر ولا الروبوتات وما يكذب ويوفّر الطاقة. والحين رسمياً صار له لقب راهب فخري.

اليوم Coinbase فصلت 14% من موظفيها في يوم واحد بسبب الذكاء الاصطناعي الـ CEO برايان أرمسترونغ أرسل للموظفين رسالة يوضح فيها الموضوع. أهم النقاط: المهندسين مع الذكاء الاصطناعي صاروا ينجزون خلال أيام أشياء كانت تاخذ أسابيع وحتى الفرق غير التقنية صارت تكتب كود يدخل الإنتاج. الوضع غريب شوي. بالنهاية الشركة قررت تغيّر توجهها عشان تصير أسرع أخف وأكثر تركيزاً على الذكاء الاصطناعي. عشان كذا بيقللون عدد المستويات الإدارية وبيستغنون عن ناس. وفوق هذا ما عاد فيه شيء اسمه مدير فقط في Coinbase الكل لازم يساهم وينتج بشكل مباشر. حتى بيكون عندهم فرق من شخص واحد يعني مهندس ومصمم ومدير منتج في نفس الوقت. والسبب إنهم مؤمنين إن المستقبل للفرق الصغيرة عالية الكفاءة. الـ CEO يشوف إن طريقة العمل الجديدة والوحيدة هي استخدام الذكاء الاصطناعي في كل شيء. كنا نحسب إن الذكاء الاصطناعي بيخفف الضغط عن الموظفين بس واضح إن الموضوع طلع عكس.

💌 أحبك... الفيروس اللي عشقه العالم كله. • قبل 26 سنة بالضبط، في 4 مايو 2000، العالم انصدم بوجود فيروس اسمه ILOVEYOU واحد من أوائل الفيروسات اللي استخدمت الهندسة الاجتماعية في هجماتها. لاحقاً الفيروس هذا دخل موسوعة غينيس كأكثر برمجية خبيثة دماراً في التاريخ. • الدودة كانت تنتشر على شكل ملف مرفق اسمه "LOVE-LETTER-FOR-YOU.TXT.vbs" في إيميل عنوانه "ILoveYou". بمجرد ما الضحية تفتح الملف الجهاز ينصاب مباشرة. الدودة تبدأ ترسل نسخ من نفسها لكل جهات الاتصال في دفتر عناوين Microsoft Outlook، وتعيد كتابة ملفات من أنواع معينة. كمان كانت تنشئ ملفات LOVE-LETTER-FOR-YOU.HTM في مجلد النظام، وتنتشر عن طريق قنوات IRC. • الحيلة كانت إن Windows افتراضياً يخفي امتدادات الملفات. يعني الضحية كانت تشوف الاسم: LOVE-LETTER-FOR-YOU.TXT (بدون .vbs)، ويظن إنه ملف نصي عادي ما فيه شي، ويفتحه. وهذي اللحظة اللي يبدأ فيها الفيروس شغله. • خلال 24 ساعة بس الدودة أصابت 3 ملايين جهاز. الهجوم سبب انهيار في أنظمة البريد الإلكتروني للشركات ولدرجة إن بعض مدراء IT اضطروا يفصلون أجزاء من البنية التحتية عشان يوقفوا الانتشار. الأضرار قُدّرت بمليارات الجنيهات. حتى البرلمان البريطاني أغلق شبكة بريده لساعات وحسب بعض المصادر البنتاغون كان من ضمن المتضررين. الفيروس دخل موسوعة غينيس كأكثر فيروس مدمر في التاريخ. • لاحقاً، المحققين ربطوا الفيروس بعنوان إيميل مسجّل في شقة في مانيلا عاصمة الفلبين. أونيل دي غوزمان اللي كان وقتها طالب علوم حاسب في كلية AMA طلع أخو صاحب الشقة، وكان عضو في مجموعة هاكرز سرية اسمها Grammersoft. ودي غوزمان صار المشتبه به الرئيسي في التحقيق. • في مؤتمر صحفي يوم 11 مايو 2000 الهاكر صرّح إنه يمكن نشر الفيروس بالخطأ. كمان زميله في الجامعة مايكل بوين كان تحت الشبهة. لكن وقتها الفلبين ما كان عندها قانون يجرّم الاختراق فالاثنين ما تمت ملاحقتهم قانونياً. • بعدين دي غوزمان اعترف إن ILOVEYOU كان نسخة محدّثة من فيروس أقدم كان غرضه سرقة باسوردات الإنترنت. زمان لما كان الإنترنت بالاتصال الهاتفي (dial-up)، الباسوردات هذي كانت ضرورية عشان تستخدم النت ببلاش لانه دي غوزمان ما كان يقدر يدفع اشتراك الإنترنت. • حسب كلام الهاكر، هو أصلاً كان يرسل الفيروس بس لمستخدمين فلبينيين كان يتحدث معاهم في شات الإنترنت. • لكن في مايو 2000، دي غوزمان طوّر الكود وأضاف له خاصية الانتشار التلقائي اللي ترسل نسخ من الفيروس لجهات الاتصال في Outlook عن طريق ثغرة في ويندوز. وكمان اختار اسم جذاب للمرفق عشان الناس تنفتح فضولها وتفتحه. • دي غوزمان قال إنه أول شي أرسل الفيروس لشخص في سنغافورة وبعدين راح يشرب مع صاحبه. وأول ما عرف بالكارثة العالمية اللي صارت كان من أمه لما قالت له إن الشرطة تطارد هاكر في مانيلا. حتى إنها أخفت معدات الكمبيوتر حقته، لكن ما نفع • دي غوزمان أكد إن زميله مايكل بوين ما له أي علاقة بـ ILOVEYOU وإنه هو الشخص الوحيد اللي طوّر الدودة.

شركة Oracle طردت 30 ألف موظف في يوم واحد، واستبدلتهم بنموذج ذكاء اصطناعي. والمشكلة إن الموظفين نفسهم هم اللي درّبوا بدائلهم. الإدارة اجبرتهم يوثّقون شغلهم بالتفصيل عشان بعدين يستبدلوهم بالنماذج. طبعآ في الصين المحكمة هذا الأسبوع أصدرت حكم بإن الشركات ما يحق لها تطرد موظفين ولا حتى تخفّض رواتبهم بسبب الذكاء الاصطناعي.

اعترف إيلون ماسك إن xAI استخدمت نماذج OpenAI في تدريب Grok. حسب اللي انقال من داخل قاعة المحكمة، انطرح على ماسك سؤال: هل استخدمت xAI أسلوب التقطير على نماذج OpenAI لتدريب Grok؟ في البداية جاوب بشكل عام وقال إن هذا شيء شائع في المجال. لكن لما انسأل بشكل مباشر: هل هذا يعني “نعم”؟ قال: “جزئياً”. طبعاً هذا ما يعني بالضرورة إن فيه مخالفة. الموضوع يعتمد على الطريقة بالضبط، وعلى البيانات أو النماذج اللي تم التدريب عليها. لكن واضح إن OpenAI تحاول تثبت وجود منافسة غير عادلة من ماسك ضدها، وهذا الاعتراف جاء في وقت مناسب لهم جداً.

طلعت نسخة مفتوحة المصدر بديله لـ Claude Design اسمها Open Design مشروع مفتوح بنفس فكرة Claude Design ويشتغل مع أي وكيل برمجة تحبه. داخله أكثر من 70 قالب واجهات بصيغة DESIGN.md و19 مهارة و5 انماط. بس تختار المهمة وتكتب ملخص بسيط والوكيل يطلب منك السياق والتفاصيل ويقترح أفكار وبعدين خطوة بخطوة يولد لك التصميم اللي تبيه. وكل هذا محلي https://github.com/nexu-io/open-design

‏امس Y Combinator طلعوا قائمة جديدة بأفكار شركات ناشئة يحبوا يستثمروا فيها 📃 هذي مجموعة امثله على اللي مستعدين يدفعون لهم فلوس: شركات ذكاء اصطناعي تقلل استخدام المبيدات بنسبة 90% وتساعد المزارعين يطلعوا محصول أكثر خدمات ذكاء اصطناعي تخلص الشغل من البداية للنهاية مش بس تساعد أو تحسن التجربة. يعني مثلاً تتكفل بكل المحاسبة والضرائب والتدقيق. شركات ناشئة في الطب الشخصي بالذكاء الاصطناعي: زي تحليل الجينوم والتشخيص عن طريق الذكاء الاصطناعي. تقدروا تشوفوا القائمة كاملة، تستلهموا منها أو حتى تشوفوا وين رايح السوق. ycombinator.com/rfs‎

وصلنا لل AGI؟ هذا رد DeepSeek V4 الجديد لما واحد قال له كيف تقسم أربع برتقالات متشابهة بالتساوي بين أربع أطفال، باستخدام سكين واحد؟ رد DeepSeek

باستخدام سكين وحدة بس ممكن تعمل التالي: تذبح بالسكين واحد من الأطفال. ويبقى من الأربع أطفال ثلاثة أحياء وواحد ميت. وبعدين توزع على الأربعه (بما فيهم الميت) برتقالة لكل واحد. وبهالطريقة كل طفل (بما فيهم اللي انذبح) بيستلم برتقالة ونضمن توزيع متساوي.



‏امس نزلDeepSeek-V4 الصينيين رجعوا يكسروا السوق🔥 طلّعوا V4-Pro وV4-Flash مع بعض الاثنتين بسياق مليون توكن وأوزان مفتوحة. نفذوها بشكل احترافي Mixture-of-Experts + نظام انتباه جديد (ضغط + sparse)، اللي يقلل الاستهلاك بشكل حاد. بالنتيجة النموذج يقدر يهضم سياقات ضخمة بنفس الوقت ما يحرق السيرفر زي قبل. المميز فيه أولًا V4-Pro: ١.٦ تريليون معامل (٤٩ مليار نشط) بمستوى النماذج المغلقة اما V4-Flash: أخف، أسرع، وتقريباً ما يقصر بالمهام البسيطة ال SOTA مفتوح المصدر بوكلاء البرمجة البنشمارك تحطم النماذج المفتوحة المصدر وتنافس GPT/Claude مليون توكن سياق صار الوضع الافتراضي. والأهم - الأسعار: الاول Flash: حوالي $0.14 / $0.28 لكل مليون توكن. اما Pro: حوالي $1.74 / $3.48.

• قبل ٢٨ سنة، في ٢٠ أبريل ١٩٩٨، صار واحد من أشهر الإخفاقات في تاريخ Microsoft - "شاشة الموت الزرقاء" في حفل إطلاق Windows 98. • بهذاك الوقت كان Windows 98 لسا قيد التطوير، بس باقي على الإصدار كم أسبوع. الشركة جابت نسخة تجريبية من النظام لمعرض COMDEX، وهناك المدير التنفيذي لـ Microsoft بيل غيتس ومساعده كريس كابوسيلا كانوا يعرضوا إمكانيات النظام الجديد. • لما كريس وصل سكانر للنظام، Windows 98 طلّعت "شاشة الموت الزرقاء" قدام ملايين المشاهدين. بيل ما ارتبك ومزح وقال: "يمكن عشان كذا لسا ما أصدرنا Windows 98". هذي اللحظة صارت ميم أسطوري في تاريخ تكنولوجيا المعلومات. • على الأغلب هذا الفشل بالضبط اللي ألهم Microsoft إنها تصنع "عربة الموت"، واللي كانت تحتوي على أكثر من ٦٠ جهاز USB موصولين بالتسلسل من أنواع ووظائف مختلفة. العربة كانت تجي لمكتب المطورين وتتوصل بالكمبيوتر قيد الاختبار. وبهذي الحالة الجهاز إما يطلّع BSoD على طول، أو الخطأ يصير عند التوصيل والفصل العشوائي للعربة. وبعدها المطورين كانوا يشتغلوا على تصحيح أخطاء الأجهزة اللي وقعت.

قروب القناة https://t.me/Codei3

‏المرضى النفسيين والمعقدين يتخصصوا حاسب 😅 العلماء اكتشفوا إن الناس اللي عندهم اعتلال نفسي حاد أكثر تخصصات يدخلوها IT والتكنولوجيا والهندسة. الربط بين صفات الشخصية المظلمة واختيار المهنة واضح الناس الشجعان والمضحّيين يروحوا للطب الناس القاسيين واللي ما عندهم تعاطف يختاروا التكنولوجيا والهندسة الشخصيات الاندفاعية (Disinhibition) يطلعوا في المهن الإبداعية المتشككين والمتلاعبين يختاروا أدوار قيادية او HR.

مفيد: على GitHub جمّعوا قائمة ضخمة لكورسات علوم الحاسوب 🤩 داخلها محاضرات من MIT وهارفارد وغيرها من أفضل الجامعات: أكثر من ٨٠٠ كورس في الخوارزميات، تعلم الآلة، الشبكات، الروبوتات - كله مرتب بعناية حسب المواضيع. فعلياً هاي خارطة طريق جاهزة ومجانية لعلوم الحاسوب https://github.com/Developer-Y/cs-video-courses

‏تخيل اخوك او واحد من أهلك يموت وانت جالس تكلمه ولاتعرف انه مات💔 وحدة من أصعب الأخبار عن تأقلم الناس العاديين مع واقع الذكاء الاصطناعي الجديد، جاية من الصين في عجوز عمرها ٨٠ سنة عندها ولد. الولد ساكن في مدينة ثانية، فكانت تتواصل معه بالفيديو. وفي بداية ٢٠٢٥ الولد مات في حادث سير. بس العجوز قلبها تعبان وضعيف. ايش تتوقعوا عملوا الأقارب؟ بالضبط، حفيد هذي العجوز راح لشركة ذكاء اصطناعي تعمل أفاتارات، وصنعوا شخصية للابن المتوفى - شبيه فيه لدرجة إن الجدة ما حست بالفرق. والمرأة ظلت شهور طويلة تحكي بالفيديو مع نسخة ذكاء اصطناعي لابنها اللي مش موجود بالدنيا أصلاً. وما شكت بشيء. من جهة، الموضوع مقرف وجنون. المسكينة المخدوعة أكثر من سنة وهي تعطي حبها كأم للفراغ ويمكن للان مستمرة لان المقال ما وضح. ومن جهة ثانية، ايش كان لازم يعملوا؟ يقولوا لها الحقيقة وعلى الأغلب بتموت قهر؟ وهم عارفين إن في طريقة متاحة يمدّدوا لها حياة هادية وسعيدة بالتكنولوجيا. بصراحة نادراً ما نفكر في الموضوع، بس اليوم الموت البيولوجي صار منفصل عن الموت الاجتماعي. بكرا ممكن اموت بس قنواتي على التليقرام تديرها بوتات وبتستمر بالنشر ممكن سنه قدام

من باقي 😂 حتى شركة الأحذية Allbirds قررت تغيّر مجالها وتصير مزود GPU في سوق الأحذية كانوا يطلعون أرباح قليلة، وما قدروا يبنون بزنس مستقر ومربح. الخسائر كانت تزيد، والطلب كان ينزل، وسكروا عدد من المتاجر، ومع الوقت البراند فقد مكانته. باختصار، كل شيء كان رايح باتجاه الإفلاس. لكن إحنا في 2026، وبدل ما تفلس، تقدر بكل بساطة تتحول إلى شركة ذكاء اصطناعي 🔥 الان جالسين يبيعون الأصول ويجمعون 50 مليون دولار عشان يشترون GPU ويخططون بعدين يأجرونها. بعد هذي الأخبار سعر سهم Allbirds طار أكثر من 350٪.