Thoughts

እንኳን አደረሳችሁ

የሸዊትን ቻሌንጅ ተቀላቅለናል

ተለያይተናል። ማመን ባንፈልግም ውስጣችን ተራርቋል። ከሚስማሙን የሚያናድዱን ነገሮች በዝተዋል። ለመናገር አፍህን በከፈትክ ቁጥር ላስቆመው የማልችለው ንዴት ያጥለቀልቀኛል። ስለሚያስደስቱኝ ነገሮች ሳወራ እንደድሮ ጉጉት አይታይብህም። ስልችትህን አይንህ ላይ ሳየው ምን እየሰራን ነው ያስብለኛል። ስለመለያየት በቀን ውስጥ የማስብበት መጠን ያሳስበኛል። ግን ቆርጦ አልቆረጠልንም ላለፉት ቆንጆ ጊዜያት ስንል መታገል እንደምንፈልግ ሳንነጋገር ተስማምተናል። ግን ፍቅር ያን ያህል ትግል ይፈልጋል? ብዬ ራሴን ስጠይቅ መልሱ ሁሌም ተመሳሳይ ነው ለፍቅር ካልታገሉ ለምን ይታገላሉ። ለዛ እንደሰንሰለት የጠነከረው ግንኙነታችን ላልቶ እና ሰልሎ በቀጭን ክር የተያያዘ መስሎ ይታየኛል። በዛና በዚ ስንጓተት የሰለለው ክር ይበጠስ ይሆን ይሆናል እንጂ መልሶ እንደብረት አይጠነክርም አይደል? እንጃ ብቻ እስኪ ግዜ እንስጠው ጊዜ አቅም አለው የተጣለ ፍሬ የሚያሳድግ የጠነከረ ብረት የሚያዝግ ጊዜ ነው። የኛንስ ነገር ምን ለየው? ✍ናኒ https://t.me/justhoughtsss

በሰላም ጨርሰናል ፀሎታችሁ ረድቶኛል መሰለኝ 😊

ልጅት ነገ ነው ፈተናዋ በፀሎታችሁ አስቧት🤧

የጨው ሀውልት መቼ እንደዚህ ይደርቃል ጅብራ መቼ ይገተራል ከአመታት በኋላ በቀን ጎዶሎ(እሁድም የቀን ጎዶሎ አለው?!) ከሌላው ቀን በተለየ ጥድፊያ በሌለበት፥ በሰላም ነበረ እኮ የነቁት አረፋፍደው በተፈጥሯዊ መንገድ ማለት ነው። ፀሀይ በመስኮት ገብታ በሙቀት እና በጨረር ኮርኩራቸው ተንጠራርተንው... (ይሄ ሁሉ ዝብዘባ በስራ ቀኖች ላይ በalarm ጉትጎታ ፀሀይ ሳትነቃ ከቤት ስለሚወጡ ነው) ከዛማ እየተንጠራሩ ተነስተው ቁርስ አብረው አብስለው እየበሉ "እሺ የዛሬ ውሏችን ምን ይመስላል" አላት አቤል ቀጥሎ የሚጎርሰውን እያስተካከለ "አልረሳሁልህም ያንን ያየሁትን sundress እገዛልሻለሁ ያልከኝን" አለች እንደህፃን እየተቁነጠነጠች (ቁም ነገሩ እንደህፃን የምንቀብጥበት አጋር ማግኘት ስለሆነ...) "እሺ ቀለል ያለ ነገር ልበሺ ፀሀይ ስለሆነ አሁን ገዝተን እንመጣለን በዛውም ምሳ ውጪ ነን ዛሬ" አለ የበሉንበትን ሰሀን እያነሳሳ እንደልጅ ፈነጠዘች ተሯሩጣ ለባብሳ እየተሽከረከረች "እንዴት ነኝ?!" አለችው "አቤት ፍጥነት ለስራ ስትለብሺ እንደዚህ ብትፈጥኚ" አለ እሱም የሚቀይረውን ልብስ እያስተካከለ "አንተ ደሞ ስራ እና ግብዣ አንድ ነው?! አሁን አምሮብኛል ወይ ነው ያልኩህ"   "ፀዲ የኔ ሚስት እኮ ነሽ እንኳን ዘንጠሽ ተንኳተሽ እንኳን ለኔ ምርጥ አንደኛ መሆንሽን ታውቂያለሽ አይደል" ግንባሯን ሳም አድርጎ የሸሚዙን ኮሌታ ማስተካከል ጀመረ እሷም ፀጉሯን ስታበጃጅ ሽቶ ስትነሰንስ ቆይታ ተያይዘው ወጡ። ቀሚሱን ያዩበት ሱቅ ገብተው እየለካች እያለ ሌሎች ጥንዶች ገቡ። "ያንን ቀሚስ እኮ ነው ያልኩህ" እያለችው ሲገቡ አለም እሽክርክሪቷን አቆመች...ሁሉም ፀጥ አለ.... የሷም አተነፋፈስ ጭምር... በፊት የምታውቀው ጉሮሮ ስር ውትፍ የሚል የሚያንቅ ስሜት... የጨው ሀውልት መቼ እንደዚህ ይደርቃል ጅብራ መቼ ይገተራል አዲስ አበባ ባህር ናት፣ ከውቅያኖስ ትሰፋለች፣ የተጠፋፋ ሰው አይገናኝም ይሉ አልነበር ታድያ ሲራክ እዚህ ምን ይሰራል?! አስራ አንድ... አያይ አስራ ሁለት አመት ያለፈው የህፃናት እቃቃ የሚመስል እንደእቃቃ ጨዋታ ግን ጨዋታ ፈረሰ ተብሎ እንደቀልድ ያልተቋጨ ነገር ይሄን ሁሉ አመት ጠብቆ በዚህ አመት ያውም በዚህ ወር በዛሬዋ እሁድ... ... አቤል ስልኩን እየነካካ ለብሳ እስክትመጣ ሲጠብቅ ቀና ሲል ለብሳ ቆማለች ግን እያየችው አልነበረም የገቡትን ጥንዶች አይታ ሳትንቀሳቀስ ቆማለች "ፀደይ?!" አለ ሰውየው "ፀደንያ ነው ስሟ ...ኦህ ፀደይ የሚልሽ ሲራክ ማለት እሱ ነው?!" ብሎ አቤል ፀደንያን ሲያያት "አዎ" አለችው በጭንቅላቷ ንቅናቄ "ሰላም ነው" ብሎ ሲራክንም ሴቷንም ሰላም አላቸው "ሰብለ ትባላለች ባለቤቴ ነች" ብሎ አስተዋወቃቸው ከዛ ሲራክ ራመድ ብሎ ፀደንያን እጇን ያዘውና ከላይ እስከታች አጢኗት ሲያበቃ እንደድሮ አፈፍ አድርጎ አቅፏት "ባልሽ ምርጫ ይችላል" አላት በጆሮዋ ስለቀሚሱ ይሁን ስለሷ ስላልገባት ድብልቅልቅ ያለ ስሜት አስተናገደች። "ቀሚሱ አምሮብሻል" አለች ሰብለ ፈገግ ብሏ አመሰግናለሁ ብላት ሰላም ተባባሉ። ከሰብለ ጋር የሆነ ነገራቸው ከራሷ ጋር ተመሳሰለባት "ባይወዳት ነው የሚገርመው" ብላ በሆዷ ዞር ስትል የሲራክ እና የአቤል ቁመና መመሳሰል አስገረማት። ከድሮ ጀምሮ ምርጫቸው አለመቀየሩ ፈገግ አስባላት። "ምሳ ልንበላ እየወጣን ነበረ ተቀላቀሉን እባካችሁ" አለ አቤል ጋባዥነቱን ለመጀመሪያ ጊዜ ዛሬ ጠላችው መንጋጋውን መንከሱ እያስታወቀበት  "አይ..."ብሎ ሲራክ ሲጀምር "ደስ ይለናል እንደውም እርቦኝ ነበረ" አለች ዞራ እያየችው (የኔ ቢጤ ሆድ አምላኩ ናት ብላ በሆዷ ፈገገች) የነከሰውን መንጋጋውን ለቀቅ አድርጎ "ለምን ርቦኛል አላልሽኝም ታድያ እሺ ነይ እንሂድ እና እንብላ እባካችሁ ቅደሙ" ብሎ ሲያስቀድማቸው የቀሚሱን ዋጋ ከፍለው ከፊት እነአቤል እነሱ ከኋላ ሆነው ወደ ሬስቶራንቱ ሄዱ "To be known is to be loved" እንዲል ፈረንጅ አስተናጋጁ መጥቶ ምን ልታዘዝ ሲል "ሩዝ አሁንም ትወጃለሽ አይደል?!" አለ ሲራክ "እህምም" ብላ በንቅናቄ ከመግለፅ ውጪ ምንም አልተናገረችም እንደዚህ የሷ ትዕዛዝ በሲራክ ታዝዞ ሌሎቹ የየራሳቸውን አዘው አስተናጋጁ ሄደ። "እናት የሆንሽው ነገር አለ እንዴ?!" ብሎ አቤል እጇን ይዞ ጠየቃት "ትንሽ ደክሞኝ ነው" ስትለው የተቀመጠችበትን ወንበር ሳብ አድርጎ ትከሻው ላይ አስደገፈፋት እና ትከሻዋን እንደሚያስተኙት ህፃን እየደባበሰ ቆዩ 'እርግት ያለ እረፍት አቤል ማለት እንደሱ' ነው አለች በልቧ ሲራክ በሚስቱ ተጠምዷል ፀጉሯ ወደፊት ሲመጣ ሰብስቦ ያስይዝላታል የምታወራውን በጆሮው ብቻ ሳይሆን በአይኑም ነበረ ሲሰማት የነበረው። እንደዛ ሆነው ቆይተው ምግባቸው ሲመጣ ሲራክ ሰሀኖቹን እያስተካከለ "እማ" ሲል ፀደንያም ሰብለም "ወዬ" አሉ እሱ የጠራው ሚስቱን ነው ፀደንያ የድሮውን አለቅም ማለቷ ክው አደረጋት። አቤል ምን ብሎ ይሆን ብላ ሳታየው እንኳን ሊናደድ ቀርቶ እርጋታ ያልተለየው ፊቱ ምንም ቅያሜ አይታይበትም። "የልምድ ነገር እኮ ነው አንዳንዴ ያጋጥማል ብሎ ጉንጯን ሳም አደርጎ የመጀመሪያውን ጉርሻ አጎረሳት። ሲራክ እና ሰብለም እየተጎራረሱ በልተው ጨረሱ።"ትንሽ ስለምንቸኩል ብንሄድ ይሻላል" ብለው ተነስተው ሄዱ። "ፀዲ እቤት እንሂድ አይደል?!" ብሎ አቤልም ይዟት ሄደ። እቤት እንደደረሱ ሶፋ ላይ ጥቅልል ብላ ማልቀስ ጀመረች "እናቴ የኔ እናት ነይ እስኪ" ብሎ አቅፏት "ስላገኘሽው ነው? ስላገባ ነው? ምንድነው?!" አላት መጨነቁ በድምፁ እያስታወቀ "ይቅርታ" አለች ሳግ እየተናነቃት "ለምኑ ነው ደግሞ ድንገት መገናኘታችን ያንቺ ጥፋት አይደለም እኮ" "ትንሽ ላከብርህ ይገባ ነበረ ከአስራምናምን አመት በኋላ ሳገኘው በማግባቱ... የሚሳሳላት ሴት ማግኘቱ ሊያናድደኝ አይገባም ነበረ... አንተን ማግኘቴ በቂ ሊሆን አይገባም ነበር?"እንባዋ መንዠቅዠቁን ቀጥሏል "እንዴ ፀዲ በእማማ ይዤሻለው በቃ አታልቅሺ እባክሽ እናቴ አታሳዝኚኛ እንዴ ያገኘነው እኮ ተራ ሰው አይደለም ታሪክ የነበረሽን ሰው ነው እና ከዚህ ሁሉ አመት በኋላ ስትገናኙ ምንም የማይሰማሽ መስሎሽ ነበረ?! አንዳንዱን ስሜት እኮ ማስቆም አንችልም መቅናት መናደድ ያለ ነው ያለፉ ነገሮች ላይ አቅም ስለሌለን ሊያናድድ ይችላል ለሱ ደግሞ እኔ አለሁ እሺ" "እሺ ግን ስማ ሰብለ ቆንጆ ናት አይደል ባይወዳት ነበር የሚገርመው" "አዎ ቆንጆ ናት ደስ ትላለች ግን ከኔ አስቀያሚ ሚስት አትበልጥም እሷ ስትነፋረቅ የሚያምርባት ይመስልሻል" ሲል የከለከሉትን መጫወቻ እንደሰጡት ህፃን ከለቅሷዋ መሀል ፍልቅልቅ አለች "በይ ይበቃሻል እሁዳችንን ይሄን ያህል ካበላሸን ይበቃል ቀሚሱን እኮ በጥቁሩ ጫማ አላየሁትም" አላት እሷን ለማስረሳት ምን ማለት እንዳለበት ይውቃል "አዎ... አዎ በቡኒውም አሳይሀለው" ብላ እንባዋን እየጠራረገች ሮጣ መኝታ ቤት ገባች። ✍ናኒ https://t.me/justhoughtsss

ጊዜ ለተስፋ መቁረጥ ያበድራል!! እንደ ደንቡ ለመኖር እንፍገመገማለን እንጂ፣ እንደ ደንቡ… እኛም ያለንን ተጣጥረን ከጊዜ ለመበደር መከራ እናያለን፣ ጊዜ ሀያል የሚሆንበት ተስፋ ሲይዝ ነው፣ ካልሆነ ጊዜ ያን ያህል ሀይል የለውም፣ ተስፋ መሳሪያው ነው.. የጊዜ አምነዋለው፡ ተስፋዬን ጊዜዬን አልፈራውም ፡ ያለዚያ ግን ጊዜ ለተስፋ መቁረጥ ያበድራል

ላልኖርንበት ዘመን ይሄ ሁሉ nostalgia ምንድነው?

ስናሳዝን እኮ🤧

When you start dreaming about someone or something, it's often because your heart knows it's unattainable, and your brain tries to compensate for that pain by letting you experience it in your subconscious.

የዛሬ 22 አመት በዛሬዋ እለት ነው የተወለድሽው ብለውኛል። ኧረ እንኳንም ተወለድኩ🤭