የዛዱል መዓድ ፈታዋ ብቻ

🌹 በውበቷ ከባሏ የምትበልጥ መልካም ሴት ለባሏ ልታሳይ የሚገባት መልካም ስነ-ምግባርና በትዳር ላይ ልትሰጠው የሚገባው ፍቅር ምን መምሰል አለበት🌹

📚 ኢማሙ አዝ-ዘሀቢይ (ረሒመሁላህ) እንዲህ አሉ፦ «ሴት ልጅ ባሏ በእሷ ላይ ያለውን መብት ማወቅ ይገባታል። በራሷም ሆነ በንብረቷ ላይ ያለ ፈቃዱ እንዳትወስን፣ የባሏን መብት ከራሷ መብት አስቀድማ እንድትመለከት፣ የባሏን ዘመዶች መብትም ከራሷ ዘመዶች መብት በፊት እንድታስቀምጥ ይገባታል። ባሏ ከእሷ ጋር በሚገናኝበት ጊዜ ምቾትና ደስታ እንዲያገኝ በንጽሕናና በሌሎችም መልካም ዝግጅቶች ራሷን ማስዋብ ይገባታል። በውበቷ ምክንያት በባሏ ላይ መመካት የለባትም፤ እሱም አስቀያሚ መልክ ካለው በዚያ ምክንያት ልትነቅፈውና ልትንቀው አይገባትም።» 🌿 አል-አስማዒይ ረሂመሁሏህ እንዲህ ይላሉ፦ «ወደ በረሃ ሄድኩ። በዚያም በጣም ቆንጆ የሆነች ሴት አገኘሁ፤ ባሏ ግን መልኩ ያማረ አልነበረም። እኔም፦ “እንደዚህ ያለ ሰው ሚስት ሆነሽ ለመኖር እንዴት ተስማማሽ?” አልኳት። እሷም እንዲህ አለችኝ፦ “አንተ ሰውዬ፣ አዳምጠኝ! ምናልባት እሱ በእሱና በፈጣሪው መካከል ካለው ግንኙነት አንጻር ከእኔ የተሻለ ሊሆን ይችላል። ስለዚህ እኔን ለእሱ ምንዳ አድርጎ ሰጠው ይሆናል፤ እኔ ደግሞ ምናልባት በአላህ ዘንድ የማይወደድ ነገር ፈጽሜ ስለነበር እሱን ለእኔ ቅጣት አድርጎ ሰጠኝ ይሆናል።”» 🌸 ከዓኢሻ (ረዲየላሁ ዐንሃ) የተነገረ ንግግርም አለ፦ «እናንት ሴቶች ሆይ! ባሎቻችሁ በእናንተ ላይ ያላቸውን መብት ብታውቁ ኖሮ፣ ከእናንተ መካከል አንዷ በባሏ እግር ላይ ያለውን ቁስል አቧራ በምላሷ በማበስ ታጸዳ ነበር።» 🌷 ነቢዩ ሙሐመድ ﷺ እንዲህ ብለዋል ፦ «ከሴቶቻችሁ የጀነት ሰዎች የሆኑት አፍቃሪና ለባሎቻቸው ርኅሩኅ የሆኑት ናቸው። እነሱ ባሎቻቸውን ቢያስቀይሙ ወይም ባሎቻቸው ቢያስቀይሟቸው፣ ወደ ባሎቻቸው ይመጣሉ፤ እጃቸውንም በእጃቸው ውስጥ በማስገባት፦ “አንተ እስክትረካና እስክትደሰት ድረስ አይኖቼን አላሳርፍም” ይላሉ።» 🌺 በመጨረሻም የሚስት ሥነ-ምግባርና ከባሏ ጋር የሚኖራት አያያዝ ያማረ ሊሆን ይገባል፦ ሚስት በባሏ ፊት ሐያእንና ክብርን መጠበቅ፣ እሱን በምትመለከትበት ጊዜ አክብሮትን ማሳየት፣ በሸሪዓ የሚፈቀዱ ነገሮች ላይ ትእዛዙን መታዘዝ፣ ሲናገር በጥሞና ማዳመጥ፣ ወደ ቤት ሲመጣ በመልካም አቀባበል መቀበልና የሚያስቆጣውን ነገር በተቻላት መጠን መተው ይገባታል። ከቤት ሲወጣ በሚገባ መሸኘት፣ ወደ መኝታ ሲመጣ ለግንኙነት ለጅማዕ ዝግጁ መሆንና በሚፈልገው መልኩ ማስደሰት፣ በሌለበትም ጊዜ በአልጋው፣ በንብረቱና በቤቱ ላይ አደራዋን መጠበቅ ይገባታል። ሽታዋን ማሳመር፣ አፏን በሲዋክ ማጽዳት፣ ሚስክና ጥሩ ሽቶ መጠቀም፣ ባሏ ባለበት ጊዜ ራሷን ማስዋብ፣ ሐሜትን መተው፣ የባሏን ቤተሰቦችና ዘመዶች ማክበር፣ ከባሏ የምታገኘውን ትንሽ መልካም ነገር እንኳን እንደ ትልቅ ጸጋ መቁጠር ይገባታል።» 📚 ምንጭ፦ ኪታቡል ከባኢር፣ ገጽ 174–175 ተብሎ ተጠቅሷል።