MoR West Addis Ababa (ምዕራብ)

አዲስ የግብር ከፋይ መለያ ቁጥር ላወጡ ድርጅቶች የግማሽ ቀን ስልጠና ተሰጠ በገቢዎች ሚኒስቴር የምዕራብ አዲስ አበባ አነስተኛ ግብር ከፋዮች ቅ/ጽ/ቤት አዲስ የግብር ከፋይ መለያ ቁጥር በነሃሴና መስከረም ወር ላወጡ ድርጅቶች በመሠረታዊ የታክስ ህጎች ላይ የአንድ ጊዜ የግማሽ ቀን የግንዛቤ ማስጨበጫ ስልጠና ሰጥቷል፡፡ አዲስ የግብር ከፋይ መለያ ቁጥር ያወጡ ድርጅቶች ስለታክስ ግንዛቤ ኖሯቸው መብታቸውንና ግዴታቸውን እንዲረዱ ማድረግ፤ ሳያውቁ ወደቅጣት እንዳይገቡ ግንዛቤ መፍጠር የስልጠናው ዓላማ መሆኑን ስልጠናውን የሰጡት የታክስ ከፋዮች ትምህርት ዋና መሪ ባለሙያ አቶ ኃይለሩፋኤል ኑርጊ በመግለፅ አዲስ የግብር ከፋይ መለያ ቁጥር ያወጡ ድርጅቶች ቀጣይ ማድረግ ስለሚገባቸው ተግባር አስረድተዋል፡፡ በስልጠናው ስለ ታክስ ምንነት፣ የደረሰኝ ህትመትና አጠቃቀም፣ ግብር ቀንሶ ስለማስቀረት (ዊዝሆልዲንግ) ታክስ፣ ስለተጨማሪ እሴት ታክስ፣ ስለሂሳብ መዝገብ አያያዝና ሌሎች አዲስ የግብር ከፋይ መለያ ቁጥር ያወጡ ድርጅቶች ማወቅ ስለሚገባቸው ጉዳዮች ከታክስ ህጉ አንፃር ገለፃ አድርገዋል፡፡ ከግብር ከፋዮች ለተነሱ ጥያቄዎችም ምላሽና ማብራሪያም ሰጥተዋል፡፡ ተጨማሪ መረጃዎችን ለማግኘት፡- https://t.me/morwestaa https://www.facebook.com/profile.php?id=100090259834322 https://www.youtube.com/@morwestaddisababasto www.tiktok.com/@morwestaa

ቅርንጫፍ ጽ/ቤቱ የነሃሴ ወር ዕቅድ አፈጻጸሙን ገመገመ በገቢዎች ሚኒስቴር የምዕራብ አዲስ አበባ አነስተኛ ግብር ከፋዮች ቅ/ጽ/ቤት በ2019 በጀት ዓመት የነሃሴ ወር ዕቅድ አፈጻጸሙን የስራ ኃላፊዎች በተገኙበት በዛሬው ዕለት ገምግሟል፡፡ የ2019 በጀት ዓመት የነሃሴ ወር አፈጻጸማችን የሚበረታታ ነው ለዚህ ደግሞ የአመራሩ፤ የሰራተኛውና የታማኝ ግብር ከፋዮች ሚና የጎላ በመሆኑ ምስጋና ይገባቸዋል ያሉት የስራ አስኪያጅ ተወካይና የታክስ ስርዓት ዘርፍ ም/ስራ አስኪያጅ አቶ ቢሊሱማ ባይሳ በቀጣይ ወራት ትኩረት ተሰጥቷቸው መከናወን ስለሚኖርባቻው ስራዎች በዝርዘር አንስተዋል፡፡ ቅርንጫፍ ጽ/ቤቱ በነሃሴ ወር 301,770,997.15 (ሦስት መቶ አንድ ሚሊዮን ሰባት መቶ ሰባ ሺህ ዘጠኝ መቶ ዘጠና ሰባት ከ15/100) ብር ለመሰብሰብ አቅዶ 435,401,862.39 (አራት መቶ ሰላሳ አምስት ሚሊዮን አራት መቶ አንድ ሺህ ስምንት መቶ ስድሳ ሁለት ከ39/100) ብር በመሰብሰብ የዕቅዱን 144.28 በመቶ ማሳካት መቻሉን የዕቅድና በጀት ክትትል ቡድን አስተባባሪ አቶ ጎሶምሳ ተሰማ ገልፀዋል፡፡ በወሩ የተናወኑ ዝርዝር ተግባራት፤ የጋጠሙ ችግሮችና የተወሰዱ መፍትሔዎችና ቀጣይ ተግባራትን በዝርዝር አቅርበዋል፡፡ በቀረበው ሪፖርትና ቀጣይ አቅጫዎች ላይ ውይይት የተደረገ ሲሆን የታክስ ኦፕሬሽን ዘርፍ ም/ስራ አስኪያጅ ወ/ሮ ሺሻይት አባዲ እና የተቋማዊ አቅምና ድጋፍ ዘርፍ ም/ስራ አስኪያጅ አቶ ሂካ ባርባ በተነሱ ጉዳዮችና በቀጣይ አቅጣጫዎች ላይ ከዘርፋቸው አንጻር ምላሽና ማብራሪያ ሰጥተዋል፡፡ ተጨማሪ መረጃዎችን ለማግኘት፡- https://t.me/morwestaa https://www.facebook.com/profile.php?id=100090259834322 https://www.youtube.com/@morwestaddisababasto

በቅርንጫፍ ጽሕፈት ቤቱ በሕፃናት ማቆያ ውስጥ ለቆዩ ህፃናት የሽኝት መርሃ ግብር ተካሄደ። በገቢዎች ሚኒስቴር የምዕራብ አዲስ አበባ አነስተኛ ግብር ከፋዮች ቅ/ጽ/ቤት በሕፃናት ማቆያው ውስጥ ሲንከባከባቸው የቆዩትንና አሁን ላይ ቅድመ-መደበኛ ትምህርትን ለሚቀላቀሉ አራት ዓመት ለሞላቸው ሕፃናት የሽኝት መርሃ ግብር ተካሂዷል። በመርሃ ግብሩ ላይ የመክፈቻ ንግግር ያደረጉት የቅርንጫፍ ጽ/ቤቱ ተቋማዊ አቅምና ድጋፍ ዘርፍ ም/ስራ አስኪያጅ አቶ ሂካ ባርባ እንኳን ለ2019 አዲሱ ዓመት በሰላም አደረሳችሁ በማለት መልካም ምኞታቸውን የገለፁ ሲሆን የህጻናት ማቆያው በ2018 በጀት ዓመት ለ49 ህፃናት አገልግሎት እየሰጠ መቆየቱን በማንሳትከነዚህ መካከል 8 ህፃናት ቅድመ መደበኛ ትምህርትን ስለሚቀላቀሉ የሽኝት መርሃ ግብሩ መዘጋጀቱን ገልፀዋል፡፡ የተቋሙ ሴት ሰራተኞች ስራቸውን ተረጋግተው እንዲሰሩ የህጻናት ማቆያው ከፍተኛ አስተዋጽኦ እንደነበረው በማንሳት ማቆያው በ2018 በአዲስ አበባ መስተዳደር ከተመረጡት የህፃናት ማቆያዎ ማዕከላት ውስጥ አንደኛ ደረጃ ሞዴል ሆኖ በመመረጡ ለአመራሮችና ሰራተኞች ምስጋናቸውን አቅርበዋል፡፡ በሽኝት መርሃ ግብሩ ላይ ለህፃናቱ ሰርቲፍኬት የመስጠትና የተለያዩ ፕሮግራሞች የቀረቡ ሲሆን በቅርንጫፍ ጽ/ቤቱ ስራ አስኪያጅ ተወካይና የታክስ ስርዓት ዘርፍ ም/ስራ አስኪያጅ አቶ ቢሊሱማ ባይሳ ማጠቃለያ መልዕክትና ቀጣይ አቅጣጫ ተሰጥቷል፡፡ ተጨማሪ መረጃዎችን ለማግኘት፡- https://t.me/morwestaa https://www.facebook.com/profile.php?id=100090259834322 https://www.youtube.com/@morwestaddisababasto www.tiktok.com/@morwestaa

አዲስ የግብር ከፋይ መለያ ቁጥር ላወጡ ድርጅቶች የአንድ ጊዜ ስልጠና ተሰጠ በገቢዎች ሚኒስቴር የምዕራብ አዲስ አበባ አነስተኛ ግብር ከፋዮች ቅ/ጽ/ቤት አዲስ የግብር ከፋይ መለያ ቁጥር ላወጡ ድርጅቶች በመሠረታዊ የታክስ ህጎች ላይ የግማሽ ቀን የግንዛቤ ማስጨበጫ ስልጠና ሰጥቷል፡፡ አዲስ የግብር ከፋይ መለያ ቁጥር ያወጡ ድርጅቶች ስለታክስ ግንዛቤ ኖሯቸው መብታቸውንና ግዴታቸውን እንዲረዱ ማድረግ፤ ሳያውቁ ወደቅጣት እንዳይገቡ ግንዛቤ መፍጠር የስልጠናው ዓላማ መሆኑን ስልጠናውን የሰጡት የታክስ ከፋዮች ትምህርት ዋና መሪ ባለሙያ አቶ ኃይለሩፋኤል ኑርጊ በመግለፅ አዲስ የግብር ከፋይ መለያ ቁጥር ያወጡ ድርጅቶች ቀጣይ ማድረግ ስለሚገባቸው ተግባር አስረድተዋል፡፡ በስልጠናው ስለ ታክስ ምንነት፣ የደረሰኝ ህትመትና አጠቃቀም፣ ግብር ቀንሶ ስለማስቀረት (ዊዝሆልዲንግ) ታክስ፣ ስለተጨማሪ እሴት ታክስ፣ ስለሂሳብ መዝገብ አያያዝና ሌሎች አዲስ የታክስ ከፋይ መለያ ቁጥር ያወጡ ድርጅቶች ማወቅ ስለሚገባቸው ጉዳዮች ከታክስ ህጉ አንፃር ገለፃ አድርገዋል፡፡ ከግብር ከፋዮች ለተነሱ ጥያቄዎችም ምላሽና ማብራሪያም ሰጥተዋል፡፡ ተጨማሪ መረጃዎችን ለማግኘት፡- https://t.me/morwestaa https://www.facebook.com/profile.php?id=100090259834322 https://www.youtube.com/@morwestaddisababasto www.tiktok.com/@morwestaa

በ2019 በጀት ዓመት የአገልግሎት አሠጣጥን ለማሻሻል እና የገቢ ዕቅድ ለማሳካት ልዩ ድጋፍ የሚደረግባቸዉ ዋና ዋና ተግባራት ላይ የመግቢያ ውይይት ተደረገ በገቢዎች ሚኒስቴር የምዕራብ አዲስ አበባ አነስተኛ ግብር ከፋዮች ቅ/ጽ/ቤት በ2019 በጀት ዓመት የአገልግሎት አሠጣጥን ለማሻሻል እና የገቢ ዕቅድ ለማሳካት ልዩ ድጋፍ የሚደረግባቸዉ ዋና ዋና ተግባራት ላይ የመግቢያ ውይይት ከዋናው መስሪያ ቤት ከመጡ የድጋፍና ክትትል ቡድን አባላት ጋር ተደርጓል፡፡ ዋናው መስሪያ ቤት ቅርንጫፍ ጽ/ቤቱን በመደገፍ ውጤታማነቱን ማስቀጠል  የድጋፍና ክትትሉ ዋና ዓላማ መሆኑን በገቢዎች ሚስቴር የታክስ ከፋዮች ምዝገባና አገልግሎት ዳይሬክተር አቶ ደረጄ ፋና ገልፀዋል፡፡ የአገልግሎት አሰጣጥን ማሻሻል፤ የስራ ባህልን ማሳደግ፤ ትብብርና መደጋገፍን ማጠናከር ለውጤታማ አፈጻጸም መሰረቶች መሆናቸውን የጥናትና ምርምር ዳይሬክተር አቶ መስፍን ጉልላት አንስተዋል፡፡ ወደ ቅርንጫፍ ጽ/ቤቱ ለመጡት የድጋፍና ክትትል ቡድን አመራሮች የእንኳን ደህና መጣችሁ መልዕክት ያስተላለፉት የቅርንጫፍ ጽ/ቤቱ ስራ አስኪያጅ ተወካይና የታክስ ስርዓት ዘርፍ ም/ስራ አስኪያጅ አቶ ቢሊሱማ ባይሳ የተሰጠንን ተልዕኮ በብቃት ለመፈጸም አመራሩንና ፈጻሚውን ለተልዕኮ ዝግጁ የማድረግና ስምሪት የመስጠት ስራዎች መከናወናቸውን በማንሳት የገቢ ዕቅድን ማሳካት ብቻ ሳይሆን የአገልግሎት አሰጣጥን እና የፊዝካል ስራዎችን በጥራት ማከናወን ይገባል ብለዋል፡፡ በመግቢያ ውይይቱ ላይ የቅርንጫፍ ጽ/ቤቱ ም/ስራ አስኪያጆች፤ የስራ ሂደት አስተባባሪዎችና ተወካዮች የተገኙ ሲሆን ቀጣይ ስለሚከናወኑ ተግባራት አቅጣጫዎችን ማስቀመጥ ተችሏል፡፡ ተጨማሪ መረጃዎችን ለማግኘት፡- https://www.youtube.com/@morwestaddisababasto