All About Docs.collections ធនាគារឯកសារ

បំណិនសំខាន់ៗសម្រាប់សតវត្សទី 21 គឺ5Cs and D ++++++++++++++++++++ កាលពីមុន ការអប់រំផ្តោតសំខាន់ទៅលើ "4Cs" - ការគិតត្រិះរិះពិចារណា (Critical Thinking) ការទំនាក់ទំនង (Communication) ការសហការ (Collaboration) និងការបង្កើតថ្មី/ច្នៃប្រឌិត (Creativity)។ បំណិនទាំងនេះត្រូវបានចាត់ទុកថាជាមូលដ្ឋានគ្រឹះសម្រាប់ភាពជោគជ័យនៅក្នុងការអប់រំបែបប្រពៃណី និងវិជ្ជាជីវៈ។ ទោះជាយ៉ាងណាក៏ដោយ នៅពេលដែលពិភពលោកបាននិងកំពុងវិវត្ត និងមានបច្ចេកវិទ្យាជឿនលឿន ការអប់រំត្រូវការបំណិនថ្មីបន្ថែមទៀតសម្រាប់រស់នៅក្នុងពិភពដ៏ស្មុគស្មាញនៃសតវត្សទី 21 ។ ការណ៍នេះបាននាំឱ្យមានការបន្ថែមនូវសមាសភាគសំខាន់ពីរគឺ៖ ការគិតតាមបែបគណនា (Computational Thinking) និងអក្ខរកម្មទិន្នន័យ និងបញ្ញាសិប្បនិម្មិត (Data & AI Literacy) ។ ការគិតតាមបែបគណនាពាក់ព័ន្ធនឹងការដោះស្រាយបញ្ហាដោយប្រើហេតុផលតក្ក (logical reasoning) និងបញ្ញត្តិវិទ្យាសាស្ត្រកុំព្យូទ័រ (Computer Science)។ វាចាំបាច់សម្រាប់ការយល់ដឹងពីរបៀបដែលបច្ចេកវិទ្យាដំណើរការ និងប្រើប្រាស់វាឱ្យមានប្រសិទ្ធភាព។ ម្យ៉ាងវិញទៀត Data & AI Literacy ផ្តល់ឱ្យបុគ្គលម្នាក់ៗនូវសមត្ថភាពក្នុងការយល់ បកស្រាយ និងប្រើប្រាស់ទិន្នន័យប្រកបដោយប្រសិទ្ធភាព ព្រមទាំងចំណេះដឹងនៃបញ្ញាសិប្បនិម្មិត និងកម្មវិធីរបស់វា។ នៅពេលដាក់រួមគ្នា គេអាចបង្កើតបាននូវក្របខ័ណ្ឌថ្មីគឺ 5Cs និង D ដែលផ្ដុំបំណិនចាំបាច់ទាំងអស់សម្រាប់ភាពជោគជ័យនៅក្នុងពិភពលោកដែលពាក់ព័ន្ធគ្នា និងជំរុញដោយទិន្នន័យនាពេលបច្ចុប្បន្ននេះ។ តាមរយៈបំណិនទាំងនេះ បុគ្គលម្នាក់ៗអាចសម្របខ្លួនទៅនឹងការផ្លាស់ប្តូរ នវានុវត្តន៍ និងរីកចម្រើនក្នុងសតវត្សទី 21 ។ #21stCenturySkills #5Cs #DataLiteracy #AI #FutureSkills #Education #Cambodia