Muhammad Sameh

هل هي هواية جديدة ممكن ترجع الشغف تاني ؟

حقيقي مش فاهم ليه ميتا مصرة تشوه فيسبوك بكل ما تملك، دلوقتي بيزقوا ان الـReels تكون الاساس في فيسبوك، ولما تفتح الابلكيشن يفتح على الريلز بدل ما كان بيفتح على الـFeed الي فيه البوستات. حاليًا ممكن تغير ده في الاعدادات وتفضل على الشكل التقليدي، بس الله اعلم بعدين ممكن يشيلوا الاختيار ده، وغصب عنك تفتح على الريلز. مش فاهم ايه الاستماتة في نسخ تطبيق TikTok بالشكل الفظيع ده، طب انت قلبت انستجرام وخليته نسخه من تيكتوك بالفعل، ليه بتعمل كدا مع فيسبوك برضه، ايه الفكرة ان يكون عندك تطبيقين شبه بعض باختلاف المسميات!

موقع Freepik بكل هدوء عمل Rebranding وبقى اسمه Magnific. الريبراندينج ده كان ضروري عشان يخلع نفسه من عباءة موقع الستوكات ويبقى موقع لأدوات الذكاء الاصطناعي.

ريبراندينج جديد لـ Gmail كل ما تعطل اديها واحدة جريدينت 🫡

ابتداءًا من اليوم هيتم تفعيل التوقيت الصيفي في مصر. 🚨 وده معناه ان النهاردة الخميس لما الساعة تبقى 12:00 بالليل لازم ناخد كل ساعات البيت ونظبطها تبقى 1:00 بإختصار الوقت هيتقدم ساعة، بالمناسبة كدا بقينا ماشيين مع توقيت السعودية مش زي الأول بدري ساعة عشان لو حد شغال مع شركات سعودية ياخد باله. بالتالي مواعيد الصلاة اختلفت عن الي احنا متعودين عليه، ودي مواعيد الصلاة الجديدة بعد تفعيل التوقيت الصيفي. هنفضل ماشيين بالتوقيت الصيفي لمدة 6 شهور تقريبًا وهنرجع للتوقيت الجميل بتاعنا في آخر يوم خميس من شهر اكتوبر.

هدية مني ليكم تفعيل ويندوز 11 صالح لـ 20 الف جهاز 🎁 QTYNM-3R4QT-X297V-XQ4M6-VCFDB

لو انت معاك MacBook فأكيد انت عارف انه متصمم عشان يفضل دايمًا شغال وميتعملش ليه Shutdown، ودي ميزة من أكبر مميزاته بالنسبالي. بس المشكلة انك لو عملت له Sleep أو Shutdown وضغطت على أي زر في الكيبورد الماك هيفتح تاني، وبالتالي تنظيف الكيبورد هيبقى صعب جدًا. الأداة الصغيرة دي هي الحل، ببساطة لما بتفتحها بتعطل كل الزراير الي في الكيبورد حتى زر الـ Power، وهيسبلك التاتش باد شغالة عشان تعرف تنظف الكيبورد من غير ما تبوظ حاجة تانية. الأداة دي هتبقى برضه مفيدة لو عندك طفل صغير وعاوز يخبط على الكيبورد شوية 😃 لو محتاج الأداة هسيبلك لينك في الرسالة الجاية.

ايه ده اصلا

عرض لفترة محدودة على اشتراك Mobbin الربع سنوي خصم 100٪ أو خصم 45 دولار على الخطة السنوية. ادخل من هنا: https://eshterysa7.com/Mobbin باستخدام الكود ده (اضغط عليه هيتنسخ): MOBBINXCONTRA2026 وهتحتاج بس تدخل أي كارت شغال أونلاين ودي قصة خلاص قُتِلَت بحثاً. السادة الـDesigners ده عرض ممتاز جداً ليكم بالتوفيق، وشكراً لمازن أحد أصدقاء برنامجنا، لتنبيهه بالعرض على جروب المناقشات

بس رمضان لسه بكرة يا صاحبي!

هل هي عودة المحتوى؟ 👀 بقالي فترة كبيرة شغفي منقطع عن التدوين والتكنولوجيا بشكل عام، بس النهاردة وصلتني هدية لطيفة اوي، وحاجة سمارت وليها علاقة بالتيك من منظور جديد. تقدر تخمن ايه هي؟ ولأ مش شاشة ولا لابتوب 🫡

على غرار دسكورد وكام ابلكيشن تانيين، دلوقتي في واتساب هتقدر تعمل منشن لكل الجروب مرة واحدة عن طريق انك تكتب @all

أعظم خدمة ممكن تقدمها لنفسك إنك تبطل توثق اللحظة بالصور بس، وتبدأ تركز على الفيديوهات.. حتى لو كان فيديو مدته ثانيتين أو تلاتة. الفيديو بيحافظ على المشاعر، الحركة، الصوت، كل دي تفاصيل الصور مش بتقدر تنقلها. جرب تعمل كده، وهتدعيلي بعدين.

🕊️

بقالي كتير مستني ان حد يطور تقنية تنقل الروائح عن طريق الأجهزة الإلكترونية؛ اظن الموضوع ده هيعمل ثورة في عالم الترفيه والتسويق! تخيل تبقى بتتفرج على فيلم عندك في البيت ولما مشهد ييجي في الشاطي تشم ريحة الحبر مثلا ! بلاش ده، تخيل انك فاتح ويب سايت بيبيع برفيوم، ولما تختار حاجة منهم تشم ريحتها عن طريق الموبايل قبل ما تشتري، حرفيًا ثورة في عالم الايكوميرس. الموضوع يبان خيال وغير قابل للتطبيق، بس معظم اللي بنعتبره طبيعي النهارده كان في وقت من الأوقات مجرد خيال. على الرغم من المشاكل الكتير الي عاملاها التكنولوجيا والذكاء الاصطناعي، بس أنا سعيد اني عايش في العصر ده وبشوف بعيني مستوى رفاهية مكنش حد يتخيله من 100 سنة فاتت.

They called me a madman لما اشتريت ٩٦ جيجا رامات.

شباب لما تخلوا ChatGPT يكتبلكم كونتنت بالله عليكم امسحوا اي جملة بالشكل ده: "ده مش مجرد كونتنت، دي حكاية عريقة" "ده مش مجرد عرض، دي مفاجأة كبيرة" "ده مش مجرد برجر، دي فرائد تشيكن" اي حاجة بالوزن ده امسحوها خالص عشان بتتلقط بسرعة وبيبقى شكلكم وحش اوي.

دايمًا الألوان في الشاشات بتختلف عن الالوان في الطباعة، وده لأن الالوان على الشاشات الرقمية بتكون بنظام اسمه RGB أما في الطباعة بتكون بنظام CMYK في معظم الحالات؛ ومن هنا اتولدت شركة PANTON؛ بانتون جت وقالتلك انا هعمل نظام جديد للألوان تفهمه الشاشات ومكن الطباعة في نفس الوقت عشان احل مشكلة اختلاف الالوان دي واللون الي هتشوفه على الشاشة هو اللون الي هيتطبع وعملتلك مكتبة لونية تقدر تحملها على برامج التصميم أو تشتريها مطبوعة عشان تشوف اللون قدام عينك. على مدار 26 سنة من اول سنة 2000 حتى الآن كانت بانتون بتختار لون واحد مميز كل سنة يبقى واجهة للسنة دي وبيحدد توجه الموضه والفاشون وبيبقى زي تريند للمصممين والرسامين أنهم يستخدموا اللون ده في أعمالهم تم اختيار بانتون عام 2016 وكان من نصيب PANTONE 11-4201 واسمه Cloud Dancer.

اخيرًا عروض الجمعة البيضاء بتاعت فري-بيك نزلت على الموقع، كالمعتاد بتتأخر كل مرة! لو ناوي تشتري ده احسن وقت عشان في الأغلب مش هنلاقي عروض بنفس القوة لحد اخر السنة، وفري بيك اصلًا اسعارها عليت اوي الفترة الي فاتت بسبب مميزات الذكاء الاصطناعي، فدي اسعار كويسة. لو اشتركت سنة في الـ Premium هتقف عليك بـ93 يورو بدل 180 ودول تقريبًا 4450 جنيه مصري. ولو اشتركت سنة في الـ +Premium هتقف عليك بـ206 يورو بدل 408 ودول تقريبًا 9250 جنيه مصري. اما لو اشتركت سنة في الـ Pro هتقف عليك بـ1272 يورو بدل 2500 ودول تقريبًا 9250 جنيه مصري. نصيحتي ليك تشترك في +Premium عشان تاخد مميزات الذكاء الاصطناعي انليمتد، وعدد الكريديتس فيها منطقي شوية عن الـ Premium مع العلم ان اشتراك فري بيك بيشتغل على 3 اجهزة في نفس الوقت يعني ممكن تقسم فلوسه مع 2 صحابك وساعتها الواحد هيدفع 1500 جنيه للبريميم أو 3100 للاشتراك البلس. لو مش معاك جروب تشترك معاه ممكن تشوف في الكومنتات وان شاء الله تلاقي، وشوف اول كومنت ضروي قبل ما تشترك.