សាកលវិទ្យាល័យប៊ែលធីអន្តរជាតិ-BELTEI IU

ការសិក្សា ត្រូវផ្សារភ្ជាប់ ប្រវត្តិសាស្រ្ត ………………………………………………. អបអរសាទរ! ដំណើរទស្សនកិច្ចសិក្សារបស់និស្សិត ឆ្នាំទី៤ ឆមាសទី១ ចំនួន ១,៧៧២ អង្គ/នាក់ នៃសាកលវិទ្យាល័យ ប៊ែលធី អន្តរជាតិ ទៅកាន់វិមានឈ្នះ-ឈ្នះ (រាជធានីភ្នំពេញ) ================== នេះជាសកម្មភាពរបស់និស្សិតសាកលវិទ្យាល័យ ប៊ែលធី អន្តរជាតិ ទីតាំងទី១-ទួលស្លែង ឆ្នាំទី៤ ឆមាសទី១ (វេនសៅរ៍-អាទិត្យ) ចំនួន ៨៨នាក់ ធ្វើទស្សនកិច្ចសិក្សាទៅកាន់វិមានឈ្នះ-ឈ្នះ។ ដំណើរទស្សនកិច្ចសិក្សានេះ បានរៀបចំឡើងក្នុងគោលបំណង៖ ១. ស្វែងយល់ប្រវត្តិសាស្ត្រពិត៖ ដើម្បីជំរុញការសិក្សារបស់និស្សិតឱ្យស្វែងយល់កាន់តែស៊ីជម្រៅអំពីប្រវត្តិសាស្ត្រពិតរបស់កម្ពុជា ក្នុងដំណើរបញ្ចប់សង្គ្រាមស៊ីវិលទាំងស្រុង។ ២. ដឹងគុណតម្លៃនៃសន្តិភាព៖ដើម្បីឱ្យនិស្សិតបានសិក្សាស្វែងយល់ពីការស្វែងរកសន្តិភាពដោយលំបាក តាមរយៈការដាក់ចេញនូវ «នយោបាយឈ្នះ-ឈ្នះ» របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា។ ៣. ពង្រឹងស្មារតីឯកភាពជាតិ៖ ដើម្បីអប់រំនិស្សិតអំពីតម្លៃនៃវិមានប្រវត្តិសាស្ត្រ ដែលជាមូលដ្ឋានគ្រឹះ នៃឯកភាពជាតិ ឯកភាពទឹកដី និងសន្តិភាពពេញលេញនៅកម្ពុជា។ ៤. បង្កើនសាមគ្គីភាព និងការទំនាក់ទំនង៖ ដើម្បីបង្កើតបរិយាកាសរីករាយ បណ្តុះស្មារតីសហការ និងពង្រឹងទំនាក់ទំនងល្អ រវាងនិស្សិតនិងនិស្សិត តាមរយៈការសិក្សាក្រៅថ្នាក់។ ៥. ផ្សារភ្ជាប់ទ្រឹស្តីទៅនឹងការអនុវត្ត៖ ដើម្បីឱ្យនិស្សិតយកចំណេះដឹងពីការទស្សនកិច្ច មកសរសេរជារបាយការណ៍សង្ខេប សម្រាប់ដាក់ពិន្ទុប្រចាំឆមាស (On-going Assessment)។ ដំណើរទស្សនកិច្ចសិក្សានេះបានរៀបចំឡើងនារសៀលថ្ងៃសៅរ៍ ៦កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែមិថុនា ឆ្នាំ២០២៦ នៅវិមានឈ្នះ-ឈ្នះ (រាជធានីភ្នំពេញ)។ #BELTEI_IU #BELTEI_International_University