Nikodimos Christian center

ይህ ተስፋ በአዲስ ኪዳን ሙሉ ፍፃሜውን አግኝቷል በክርስቶስ የመዳን በር ያለ ልዩነት ለሁሉም ተከፍቷል ሐዋርያት ስራ ምዕራፍ 8 ላይ የምናገኘው ኢትዮጵያዊው ጃንደረባ የዚህ ምስክር ነው በክርስቶስ ያመኑ ሁሉ ከወንዶችና ከሴቶች ልጆች የሚበልጥ መታሰቢያቸው ስማቸው በሰማይ መዝገብ መፃፉ ነው የሚጠጉት ፡ የሚወዱት ፡ የሚያገለግሉት ፡ ሰንበትን የሚያከብሩ ኪዳኑን የሚጠብቁ ሁሉ ወደ ተቀደሰው ተራራው ደርሰዋል! “ቤቴ ለህዝቦች ሁሉ ፀሎት ቤት ተብሎ ስለሚጠራ ነው” የእግዚአብሔር አላማ አለም ሁሉ እንዲድን ነው በእውነተኛ ልብ ወደ እርሱ የሚመጡትን ያለ ልዩነት ይቀበላል “8. የተበተኑትን እስራኤል የሚሰበስብ፣ጌታ እግዚአብሔር እንዲህ ይላል፤“ከተሰበሰቡት በተጨማሪ፣ሌሎችን እንደ ገና እሰበስባለሁ።”(አ.መ.ት) ዛሬም እግዚአብሔር እየሰበሰበ ነው የዮሐንስ ወንጌል 10 16 ከዚህም በረት ያልሆኑ ሌሎች በጎች አሉኝ፤ እነርሱን ደግሞ ላመጣ ይገባኛል ድምፄንም ይሰማሉ፥ አንድም መንጋ ይሆናሉ እረኛውም አንድ። የእግዚአብሔር ቤተሰብ (መንጋው) እኛ ከምናስበው በላይ ትልቅ ነው ከቁጥር 9-12 ክፉ ፡ እራስ ወዳድና የማያስተውሉ እረኞችን ይወቅሳል ህዝቡን በመጠበቅና በመምራት ፋንታ የራሳቸውን ጥቅምና ጊዜያዊ ደስታ ያሳድዳሉ የዮሐንስ ወንጌል 10 11 መልካም እረኛ እኔ ነኝ። መልካም እረኛ ነፍሱን ስለ በጎቹ ያኖራል። መንፈሳዊ መሪነት ትልቅ አደራና ሀላፊነት ነው ምን እንማር ? 1. እምነታችንን እንኑረው ፡ ፀጋ የተሰጠን ይህን ሊያስችለን ነው 2. እግዚአብሔር ያለ ልዩነት ተቀብሎናልና ያለመወደድና ተቀባይነት የማጣትን ስሜት እናስወግድ 3. በክርስቶስ አርፈናል ፡ አሁን የቀረው እግዚአብሔር ሁሉን በክርስቶስ ሊጠቀልል : ሲሰበስብ አብሮ ሰራተኛ መሆን ነው 4. መንጋው ሰፊ ነውና ልባችንን እናስፋ ትንቢተ ኢሳያስ ምዕራፍ 57 ተግሳጽና መፅናናት “1ጻድቃን ሲሞቱ ማንም ትኲረት አይሰጠውም፤ ደጋግ ሰዎች በሞት ሲወሰዱ ከክፉ ነገር እንዲድኑ የተወሰዱ መሆናቸውን ማንም ሰው ሊያስተውለው አይችልም። 2ቀጥተኛ ሕይወትን የሚኖሩ ሰዎች ሰላም ይኖራቸዋል፤ በሚሞቱበትም ጊዜ ዕረፍትን ያገኛሉ።”(አ.ት) ሞትን ሁልጊዜ እንደ ክፉ ነገር መቁጠር ተገቢ አይደለም ይልቁንም ምክንያቱን ማስተዋል ነው ያለብን እግዚአብሔር በቅንነት የሚሄዱትን ለአኗኗራቸው ብቻ ሳይሆን ለአሟሟታቸውም ይጠነቀቅላቸዋል ሰላማቸው ሳይደፈርስ ወደ እረፍታቸው ይገባሉ ወደ ፊልጵስዩስ ሰዎች 1 23 በእነዚህም በሁለቱ እጨነቃለሁ፤ ልሄድ ከክርስቶስም ጋር ልኖር እናፍቃለሁ፥ ከሁሉ ይልቅ እጅግ የሚሻል ነውና፤ እግዚአብሔር ሞትን የሚያይበት መንገድ እኛ ከምናይበት መንገድ እጅግ የራቀ ነው ብዙዎቻችን ስለሞት አለኝ የምንለው እምነት የምንወዳቸውን በማጣት ወይንም እኛ ራሳችን ከሞት ጋር ስንፋጠጥ ተፈትኖ ወድቋል 3-9 የጣኦት አምልኮን ማጋለጥ ጣኦት አምልኮ መንፈሳዊ ግልሙትና ነው እውነተኛውን አምላክ በመተው የውሸት አማልክትን ከመከተል ባሻገር ለእግዚአብሔር ብቻ ሊኖራቸው የሚገባውን ፍቅር ፡ በእርሱ ብቻ ሊኖራቸው የተገባውን መተማመን ለሌሎች ባዕዳን መሰጠትም ነው ከ 10-13 የጣኦታት ከንቱነት “ደከምሽ ፡ ግን ተስፋ የለውም አላልሽም” ከሀጢአት ውስጥ ደስታን መፈለግ ያደክማል ፡ ግን ሰዎች ቶሎ ተስፋ ቆርጠው አይመለሱም “11“እኔን ባለማስታወስና ስለ እኔ ባለማሰብ ውሸት የተናገራችሁት ማንን ፈርታችሁ ነው? እኔን ያልፈራችሁኝ ለብዙ ጊዜ ዝም ስለልኩና እንዳላየ ስለሆንኩ ነውን?”(አ.ት) የእግዚአብሔር ዝምታ እንዳንፈራው(እንደናከብረው) ሊያደርገን አይገባም “የሰበሰብሻቸው ጣኦታትሽ እስኪ ያድኑሽ !” ለክፉ ቀን ብለን የሰበሰብናቸው ነገሮች እምነታችንን እና ፍቅራችንን ከእግዚአብሔር ላይ አንስተው ከወሰዱት አያድኑንም ፡ “ነፋስ ጠራርጎ ይወስዳቸዋል” 1ኛ የዮሐንስ መልእክት 2 17 ዓለሙም ምኞቱም ያልፋሉ፤ የእግዚአብሔርን ፈቃድ የሚያደርግ ግን ለዘላለም ይኖራል። 13-14 የንስሀ ጥሪ “እኔን መጠጊያው ያደረገ ሰው ግን ምደሪቱን ይወርሳል” “14. እንዲህ ይባላል፤“አብጁ፤ አብጁ፤ መንገድ አዘጋጁ፤ከሕዝቤ መንገድ ዕንቅፋት አስወግዱ።”(አ.መ.ት) መጥምቁ ዮሐንስ ይህንን ጥሪ አስተጋብቷል የማቴዎስ ወንጌል 3 3 በነቢዩ በኢሳይያስ። የጌታን መንገድ አዘጋጁ ጥርጊያውንም አቅኑ እያለ በምድረ በዳ የሚጮህ ሰው ድምፅ የተባለለት ይህ ነውና። ዛሬም እግዚአብሔር ወደ እርሱ እንዳንመለስ ያደረገንን እንቅፋት እንድናስወግድ ጥሪ ያደርጋል ያልተገባ ጓደኝነት ፡ አላስፈላጊ ልምምዶች ፡ የገንዘብና የአለም ፍቅር ……. ምንም ይሁን ምን እንቅፋት ከሆኑብን መወገድ አለበት “15ከፍተኛውና ከሁሉ የላቀው፥ ለዘለዓለም የሚኖር ቅዱሱ እንዲህ ይላል፦ “እኔ በተቀደሰና በከፍተኛ ቦታ፥ እንዲሁም ልባቸው ከተሰበረና መንፈሳቸው ትሑት ከሆኑት ጋር እኖራለሁ፤ ይኸውም ትሑት መንፈሳቸውንና የተሰበረ ልባቸውን ለማደስ ነው።”(አ.ት) እግዚአብሔር እኖርባቸዋለሁ ያላቸው የሀብቱ ስፍራዎች ልዩነት በጣም አስደናቂ ነው 1. በተቀደሰና በከፍተኛ ስፍራ 2. ልባቸው ከተሰበረና መንፈሳቸው ትሁት ከሆኑት ጋር የማቴዎስ ወንጌል 5 3 በመንፈስ ድሆች የሆኑ ብፁዓን ናቸው፥ መንግሥተ ሰማያት የእነርሱ ናትና። እግዚአብሔርን የሚስበው ትህትና እንጂ የሰው ብርታት ፡ ብልፅግና ወይንም ሌላ አይደለም “16እኔ ዘወትር ሰውን አልወቅስም..." እግዚአብሔር የሚቆጣው በአላማና በገደብ ነው ፡ አላማው እንዲመለሱ ስለሆነ እስኪደመሰሱ በቁጣው አይፀናም “መንገዶቹን አይቻለሁ ቢሆንም እፈውሰዋለሁ” የሚፈውሰው ስለማያውቅ ሳይሆን ፀጋው ከሰው ልጆች ሀጢአት ስለሚበልጥ ነው ወደ ሮሜ ሰዎች 5 20 -21 በደልም እንዲበዛ ሕግ ጭምር ገባ፤ ዳሩ ግን ኃጢአት በበዛበት፥ ኃጢአት በሞት እንደ ነገሠ፥ እንዲሁ ደግሞ ጸጋ ከጌታችን ከኢየሱስ ክርስቶስ የተነሣ በጽድቅ ምክንያት ለዘላለም ሕይወት ይነግሥ ዘንድ፥ ጸጋ ከመጠን ይልቅ በለጠ። “19በሩቅና በቅርብ ላሉትም ሁሉ ሰላም ይሁን! እኔ ሕዝቤን እፈውሳለሁ፤”(አ.ት) ይህ ሰላም የተገኘው በክርስቶስ ኢየሱስ ነው ወደ ኤፌሶን ሰዎች 2 17 መጥቶም ርቃችሁ ለነበራችሁ ለእናንተ ሰላምን፥ ቀርበው ለነበሩትም ሰላምን የምስራች ብሎ ሰበከ፤ 20-21 ክፉዎች ግን ሰላም የላቸውም ! ምክንያቱም ሰላም በሀጢአት ውስጥ አይገኝም ምን እንማር ? 1. ጥንታዊም ሆነ ዘመናዊ ጣኦት አምልኮ መንፈሳዊ ግልሙትና ነው 2. እግዚአብሔርን ስለ ዝምታው እናክብረው እንጂ አንናቀው 3. እግዚአብሔርን የሚስበው የኛ ምድራዊ ስኬት ሳይሆን ትህትና ነው 4. ወደ እግዚአብሔር እንመለስ ፡ እርሱ ሊፈውሰን ተዘጋጅቶ ይጠብቀናል