Federal Ethics And Anti- Corruption Commission

ኮሚሽኑ ለተቋማት የሥነምግባርና ፀረ-ሙስና ሥራ አስፈጻሚዎች በዲጂታል ሀብት ምዝገባ አተገባበር ላይ ስልጠናዊ ውይይት አካሄደ ********************* (ፌ.ሥ.ፀ.ሙ.ኮ ሰኔ 4/2018 ዓ.ም) የፌደራል የሥነምግባርና የፀረ-ሙስና ኮሚሽን ለተቋማት የሥነምግባርና ፀረ-ሙስና ሥራ አስፈጻሚዎች በዲጂታል ሀብት ምዝገባ አተገባበር ላይ ተግባር ተኮር ስልጠናዊ አካሂዷል። የስልጠናው ዓላማ የዲጂታል ሀብት ምዝገባ አተገባበር ምን ላይ እንዳለ በመገምገም ያጋጠሙ ችግሮችን ለመለየት እና የቀጣይ ውጤታማነቱን አጠናክሮ ለማስቀጠል ትኩረት ያደረገ ነው። በመድረኩ ንግግር ያደረጉት በኮሚሽኑ የሙስና መከላከል ጥናት ዘርፍ ም/ኮሚሽነር ክቡር አቶ እሸቴ አስፋው ዲጂታል የሀብት ምዝገባ ስርዓት በከፍተኛ ሁኔታ እየተተገበረ ያለና ውጤታማ የሆነ ስርዓት ነው። በዚህም የተቋማት የሥራ ኃላፊዎችና ሰራተኞች ሀብታቸውን በዲጂታል ስርዓት እያስመዘገቡ ይገኛሉ ብለዋል። የዲጂታል ሀብት ምዝገባ ሥርዓት ሙስናን ለመከላከል አንዱ መንገድ ነው ያሉት ም/ኮሚሽነሩ ይህን የበለጠ ውጤታማ ለማድረግና አቅሙን ለማሻሻል ሲስተሙን ወደ ክላውድ ማሳደግ መቻሉን ገልጸዋል። በኮሚሽኑ የሥነምግባር ግንባታ ዘርፍ ም/ኮሚሽነር ክቡር አቶ ፍቃዱ ሰቦቃ በበኩላቸው የሀብት ምዝገባ ሥራ በባህሪው አስቸጋሪ በመሆኑ ቴክኖሎጂን መጠቀም ውጤታማ ያደርጋል። ለዚህ ደግሞ የዲጂታል ሀብት ምዝገባ ስርዓት ትልቁ ማሳያ ነው ብለዋል። አክለውም ሀብታቸውን ማስመዝገብ ያለባቸው የተቋማት አመራርና ሰራተኞች ሁሉ ሥርዓቱን ተጠቅመው እንዲያስመዘግቡ ግንዛቤ መፍጠሩ ላይ ትኩረት ተደርጎ መሠራት እንዳለበት ተናግረዋል። የዲጂታል የሀብት ምዝገባ ስርዓቱን ውጤታማነቱን ለማስቀጠል ምዝገባውን በካላንደር መምራት የበለጠ ውጤታማ ያደርጋል ያሉት ደግሞ በኮሚሽኑ የሀብት ምዝገባና የጥቅም ግጭት መከላከል መሪ ሥራ አስፈጻሚ ወ/ሮ ኮከብ አንበርብር ናቸው። በመድረኩ በበጀት ዓመቱ የተቋማት የዲጂታል ሀብት ምዝገባ አፈጻጸም ሪፖርት ቀርቦ ውይይት የተደረገ ሲሆን፣ በሪፖርቱ ከ128 ሺህ በላይ የሥራ ኃላፊዎችና ሰራተኞች ሀብታቸውን በዲጂታል ሥርዓቱ እንዳስመዘገቡም ተገልጿል። ከእነዚህ ወስጥ ከዕቅዳቸው በላይ የሰሩ ተቋማት እንዳሉ ሁሉ ከዕቅድ በታች የሰሩ በመኖራቸው ለምን ወደኃላ ቀሩ የሚለውን ማየት እንደሚያስፈልግ ተጠቁሟል። በመድረኩ በዲጂታል ሥርዓቱ ላይ እስካሁን ያጋጠሙ ችግሮችን በየጊዜው በመለየት መፍታት መቻሉም ተመላክቷል። በስልጠና መድረኩ የዘርፎችና ተጠሪ ተቋማት የሥነምግባርና ፀረ-ሙስና ሥራ አስፈጻሚዎች የተገኙ ሲሆን፤ ከተሳታፊዎች ጥያቄ፣ ሀሳብና አስተያየቶች ተነስተው ምላሽና ማብራሪያ ተሰጥቶባቸዋል፡፡ ትውልድን በሥነምግባር፤ ተቋምን በአሰራር! የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾 #NCRS ሞባይል መተግበሪያ #ለAndroid ስልክ ተጠቃሚዎች https://play.google.com/store/apps/details... #ለApple or iPhone ስልክ ተጠቃሚዎች https://apps.apple.com/us/app/ncrs/id659366231 ለሀብት ማሳወቅና ምዝገባ፦ https://feaccears.gov.et/ ዌብሳይት፦ https://www.feacc.gov.et ፌስቡክ፡- https://www.facebook.com/feaccOfficial/ ቴሌግራም፦ https://t.me/feacc ዩትዩብ፡- https://www.youtube.com/@federalethicsanti-corrupti149 ትዊተር፦ https://twitter.com/EthiopiaFeacc በመወዳጀት ይከታተሉን።