សាលាជាតិរដ្ឋបាលមូលដ្ឋាន ក្រសួងមហាផ្ទៃ

ពិធីបើកវគ្គបណ្តុះបណ្តាលអន្តរាគមន៍អភិវឌ្ឍសមត្ថភាព ————————— ខេត្តព្រៃវែង៖ ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ លោក សុខ សួរ ប្រធាននាយកដ្ឋានស្រាវជ្រាវ និងផ្សព្វផ្សាយ នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ និងលោក អន ភារៈ អភិបាលរងនៃគណៈអភិបាលខេត្តព្រៃវែង បានអញ្ជើញជាគណៈអធិបតីក្នុងពិធីបើកវគ្គបណ្តុះបណ្តាលអន្តរាគមន៍អភិវឌ្ឍសមត្ថភាព សម្រាប់ក្រុមគោលដៅជាមន្ត្រីរាជការដែលបម្រើការងារនៅរដ្ឋបាលខេត្ត និងរដ្ឋបាលក្រុង ស្រុកដែលមានសិក្ខាកាមសរុបចំនួន៥៣រូប ស្ត្រី១៥រូប។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

ថ្នាក់ដឹកនាំសាលាជាតិរដ្ឋបាលមូលដ្ឋានចំនួន៣រូប ចូលរួមវគ្គបណ្តុះបណ្តាលស្តីពីនវានុវត្តន៍ និងការអប់រំប្រកបដោយចីរភាពក្នុងតំបន់ នៅសាធារណរដ្ឋកូរ៉េ ————————— ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថ្នាក់ដឹកនាំសាលាជាតិរដ្ឋបាលមូលដ្ឋានចំនួន៣រូនដឹកនាំដោយឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន បានអញ្ជើញចូលរួមវគ្គបណ្តុះបណ្តាលស្តីពីនវានុវត្តន៍ និងការអប់រំប្រកបដោយចីរភាពក្នុងតំបន់ (Regional Innovation and Sustainable Education - RISE) ដែលរៀបចំដោយ វិទ្យាស្ថានអភិវឌ្ឍន៍មន្ត្រីរដ្ឋបាលមូលដ្ឋាន (LOGODI) នៃក្រសួងមហាផ្ទៃ និងសុវត្ថិភាព នៃសាធារណរដ្ឋកូរ៉េ ចាប់ពីថ្ងៃទី១៩ ដល់ថ្ងៃទី២៧ ខែកក្កដា ឆ្នាំ២០២៦ នៅសាធារណរដ្ឋកូរ៉េ។

ពិធីបើកវគ្គបណ្តុះបណ្តាលគ្រូបង្គោលស្តីពីបរិយាបន្នពិការភាព ក្នុងការគ្រប់គ្រងហានិភ័យគ្រោះមហន្តរាយ និងការប្រែប្រួលអាកាសធាតុ ————————— រាជធានីភ្នំពេញ៖ ថ្ងៃព្រហស្បត្តិ៍ ៩កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦ លោក គង់ ចាន់ថន នាយករងសាលាជាតិរដ្ឋបាលមូលដ្ឋាន តំណាងដ៏ខ្ពង់ខ្ពស់ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញជាអធិបតីក្នុងពិធីបើកវគ្គបណ្តុះបណ្តាលគ្រូបង្គោលស្តីពីបរិយាបន្នពិការភាព ក្នុងការគ្រប់គ្រងហានិភ័យគ្រោះមហន្តរាយ និងការប្រែប្រួលអាកាសធាតុ ដែលរៀបចំឡើងដោយសាលាជាតិរដ្ឋបាលមូលដ្ឋាន ដោយមានការគាំទ្រពីអង្គការ WaterAid ប្រចាំកម្ពុជា។ វគ្គបណ្តុះបណ្តាលនេះ មានការចូលរួមពីសំណក់ លោក លោកស្រី ដែលអញ្ជើញមកពីសាលាជាតិរដ្ឋបាលមូលដ្ឋាន ក្រសួងមហាផ្ទៃ អង្គការជនពិការកម្ពុជា អង្គការវ័តធឺអេត ប្រចាំកម្ពុជាក្រសួងបរិស្ថាន ក្រសួងអភិវឌ្ឍន៍ជនបទ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ក្រសួងកិច្ចការនារី គណៈកម្មាធិការជាតិគ្រប់គ្រងគ្រោះមហន្តរាយ ក្រុមប្រឹក្សាសកម្មភាពជនពិការ សរុបចំនួន៣៥រូប នៅ SUN & MOON Riverside Hotel។

វគ្គបណ្តុះបណ្តាលស្តីពីការពង្រឹងការអនុវត្តនូវក្រមសីលធម៌វិជ្ជាជីវៈមន្ត្រី និងបញ្ញាអារម្មណ៍ ————————— ខេត្តកណ្តាល៖ លោក សុខ សុផាន់ណា អនុប្រធាននាយកដ្ឋាននៃនាយកដ្ឋានបណ្តុះបណ្តាល សាលាជាតិរដ្ឋបាលមូលដ្ឋាន ក្រសួងមហាផ្ទៃ និងលោក ហេង គង់ម៉េង អនុប្រធាននាយកដ្ឋាន នៃអគ្គនាយកដ្ឋានរដ្ឋបាល ក្រសួងមហាផ្ទៃ បានអញ្ជើញចូលរួមជាគ្រូឧទ្ទេសក្នុងវគ្គបណ្តុះបណ្តាលស្តីពីការពង្រឹងការអនុវត្តនូវ ក្រមសីលធម៌វិជ្ជាជីវៈមន្រ្តី និងបញ្ញាអារម្មណ៍ សម្រាប់នាយករងរដ្ឋបាល នាយក នាយករងទីចាត់ការអង្គភាព និងប្រធានការិយាល័យនៃរដ្ឋបាលខេត្តកណ្តាល សរុបចំនួន ៤៥រូប ស្រី២២រូប។ សូមជម្រាបថា វគ្គបណ្តុះបណ្តាលនេះរៀបចំឡើងក្រោមកិច្ចសហការរវាងសាលាជាតិរដ្ឋបាលមូលដ្ឋាន ក្រសួងមហាផ្ទៃ និងរដ្ឋបាលខេត្តកណ្តាល សម្រាប់រយៈពេល២ថ្ងៃ ចាប់ពីថ្ងៃទី២១ ដល់ថ្ងៃទី២២ ខែកក្កដា ឆ្នាំ២០២៦ ក្នុងគោលបំណងដើម្បីការយល់ដឹងអំពីច្បាប់ និងលិខិតបទដ្ឋាន គតិយុត្ត ការលើកកម្ពស់សុចរិតភាព តម្លាភាព និងការបង្ការអំពើពុករលួយ ព្រមទាំងការពង្រឹងវិន័យការងារ និងសាមគ្គីភាពផ្ទៃក្នុង។

ពិធីបើកវគ្គបណ្តុះបណ្តាលស្តីពី ការរៀបចំថវិការដ្ឋបាលថ្នាក់ក្រោមជាតិតាមបែបចូលរួម និងប្រកបដោយបរិយាបន្ន ————————— ខេត្តស្ទឹងត្រែង៖ នៅព្រឹកថ្ងៃអង្គារ ៧កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែកក្កដា ឆ្នាំ២០២៦ លោក សូកាន ណារិទ្ធិ អនុប្រធាននាយកដ្ឋានកិច្ចការទូទៅ នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញចូលរួមជាគណៈអធិបតីក្នុងពិធីបើកវគ្គបណ្តុះបណ្តាលស្តីពី ការរៀបចំថវិការដ្ឋបាលថ្នាក់ក្រោមជាតិតាមបែបចូលរួម និងប្រកបដោយបរិយាបន្ន ក្រោមអធិបតីភាព លោក ម៉ែន គុង អភិបាលរង នៃគណៈអភិបាលខេត្តស្ទឹងត្រែង ដោយមានការគាំទ្រពីអង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (CPDD) ដែលមានអ្នកចូលរួមមកពីក្រុង ស្រុក និងឃុំ សង្កាត់ នៃខេត្តស្ទឹងត្រែង ខេត្តរតនគិរី និងខេត្តក្រចេះ សរុបប្រមាណ ៤៥រូប (ស្រី្ត២០រូប)។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

លោកស្រី ជី ច័ន្ទរស្មី អញ្ជើញជាវាគ្មិនកិត្តិយសក្នុងសិក្ខាសាលា ស្តីពី ការលើកកម្ពស់ការគាំទ្រពីដៃគូពាក់ព័ន្ឋក្នុងលុបបំបាត់រាល់ទម្រង់នៃការរើសអើងចំពោះស្រ្តីដែលមានពិការភាព ........................... ភ្នំពេញ៖ ថ្ងៃចន្ទ ៦កើត ដល់ថ្ងៃអង្គារ ៧កើត ខែទុតិយាសាឍ អដ្ឋស័ក ព.ស.២៥៧០ ត្រូវនឹងថ្ងៃទី២០-២១ ខែកក្កដា ឆ្នាំ២០២៦ លោកស្រី ជី ច័ន្ទរស្មី នាយករងសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញចូលរួមជាវាគ្មិនកិត្តិយសក្នុងសិក្ខាសាលា ស្តីពី ការលើកកម្ពស់ការគាំទ្រពីដៃគូពាក់ព័ន្ឋក្នុងលុបបំបាត់រាល់ទម្រង់នៃការរើសអើងចំពោះស្រ្តីដែលមានពិការភាព នៅសណ្ឋាគារកាំបូឌីយ៉ាណា រាជធានីភ្នំពេញ ក្រោមអធិបតីភាពលោកជំទាវ ញ៉េម មរកត រដ្ឋលេខាធិការក្រសួងកិច្ចការនារី ដែលមានសមាសភាពចូលរួមសរុប១៥៧នាក់ ស្រី ១១០នាក់ រួមមានថ្នាក់ដឹកនាំ មន្រ្តីក្រសួងកិច្ចការនារី ក្រសួងស្ថាប័នពាក់ព័ន្ធ មន្ទីរកិច្ចការនារី រជធានីខេត្ត ដៃគូអភិវឌ្ឍន៍ សង្គមស៊ីវិល និងវិស័យឯកជន។ ប្រភព៖ ក្រសួងកិច្ចការនារី ដើម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន » Facebook »Telegram »YouTube » Website 📲ទាញយកកម្មវិធីទូរសព្ទដៃ iOS | Android

បច្ចុប្បន្ន ចោរព័ត៌មានវិទ្យាកំពុងប្រើឯកសារភ្ជាប់ដែលមាន ផ្នែកខាងចុង (Extension) មួយចំនួន ដើម្បីលួចទិន្នន័យ ឬដំឡើងមេរោគលើឧបករណ៍ឌីជីថលរបស់អ្នក។ ⚠️ សូមកុំបើក កុំចុច ឬដំណើរការ (Run) ឯកសារដែលមានផ្នែកខាងចុង (Extension) ដូចជា៖ • .exe • .bat • .vbs • .ps1 • .sh • .msi • .scr ឯកសារប្រភេទទាំងនេះអាចផ្ទុកមេរោគ ឬកម្មវិធីអាក្រក់ (Malware) ផ្សេងៗ ដែលអាចលួចព័ត៌មានផ្ទាល់ខ្លួន ពាក្យសម្ងាត់ គណនីធនាគារ ឬគ្រប់គ្រងឧបករណ៍របស់អ្នកពីចម្ងាយ។ ដើម្បីការពារខ្លួន សូមអនុវត្ត៖ ✅ បើកតែឯកសារពីប្រភពដែលអ្នកទុកចិត្ត។ ✅ ពិនិត្យផ្នែកខាងចុង (Extension) ឯកសារមុនពេលបើក។ ✅ កុំចុច “Run” ឬ “Install” ប្រសិនបើមិនប្រាកដពីប្រភព។ ✅ ប្រើកម្មវិធីការពារមេរោគ និងធ្វើបច្ចុប្បន្នភាព (Update) ជាប្រចាំ។

កិច្ចពិភាក្សាការងារជាមួយមន្រ្តីទទួលបន្ទុកហិរញ្ញវត្ថុរបស់វិទ្យាស្ថានមេគង្គ ស្តីពីគោលការណ៍ណែនាំនៃការអនុវត្តហិរញ្ញវត្ថុ និងសកម្មភាពគម្រោង ------- នារសៀលថ្ងៃទី១៧ ខែកក្កដា ឆ្នាំ២០២៦ លោក​ សុខ​ សួរ​ ប្រធាននាយកដ្ឋានស្រាវជ្រាវ​ និងផ្សព្វផ្សាយ​ និងលោកស្រី​ ម៉ៅ​ ម៉ាលីស​ ប្រធាននាយកដ្ឋានកិច្ចការទូទៅ​ បានដឹកនាំក្រុមការងារនៃសាលាជាតិរដ្ឋបាលមូលដ្ឋានបានជួបពិភាក្សាការងារជាមួយមន្រ្តីទទួលបន្ទុកហិរញ្ញវត្ថុរបស់វិទ្យាស្ថានមេគង្គ ពាក់ព័ន្ធនឹងគោលការណ៍ណែនាំនៃការអនុវត្តហិរញ្ញវត្ថុ និងសកម្មភាពគម្រោង Mekong-BRIDGE ។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

ពិធីបិទវគ្គបណ្តុះបណ្តាលស្តីពី «ការធ្វើបរិវត្តកម្មឌីជីថលនៃប្រព័ន្ធរដ្ឋបាលសាធារណៈ» នារសៀលថ្ងៃទី១៧ ខែកក្កដា ឆ្នាំ២០២៦ នៅទីស្តីការក្រសួងមហាផ្ទៃ សាលាជាតិរដ្ឋបាលមូលដ្ឋាន (NASLA) សហការជាមួយបណ្ឌិត្យសភាប្រធានាធិបតីនៃសហព័ន្ធរុស្ស៊ី (RANEPA) និងស្ថានទូតសហព័ន្ធរុស្ស៊ីប្រចាំព្រះរាជាណាចក្រកម្ពុជា បានរៀបចំពិធីបិទវគ្គបណ្តុះបណ្តាលស្តីពី «ការធ្វើបរិវត្តកម្មឌីជីថលនៃប្រព័ន្ធរដ្ឋបាលសាធារណៈ» បន្ទាប់ពីបានបញ្ចប់កម្មវិធីបណ្តុះបណ្តាលរយៈពេល ៦ សប្តាហ៍ ទាំងតាមប្រព័ន្ធអនឡាញ និងដោយផ្ទាល់ ប្រកបដោយជោគជ័យ។

កិច្ចប្រជុំពិនិត្យវឌ្ឍនភាពការងាប្រចាំឆមាសទី១ និងទិសដៅការងារឆមាសទី២ របស់សាលាជាតិរដ្ឋបាលមូលដ្ឋាន ————————— រាជធានីភ្នំពេញ រសៀលថ្ងៃទី១៤ ខែកក្កដា ឆ្នាំ២០២៦​ សាលាជាតិរដ្ឋបាលមូលដ្ឋានបានរៀបចំកិច្ចប្រជុំពិនិត្យវឌ្ឍនភាពការងាប្រចាំឆមាសទី១ និងទិសដៅការងារឆមាសទី២​ ក្រោមអធិបតីភាពឯកឧត្តម កុល វីរក្ស និងឯកឧត្តមបណ្ឌិត ទូច វិសាលសុខ រដ្ឋលេខាធិការ​ ក្រសួងមហាផ្ទៃ ព្រមទាំងមានការចូលរួមពីឯកឧត្តម លោកជំទាវអនុរដ្ឋលេខាធិការ ឯកឧត្តមនាយកសាលាជាតិរដ្ឋបាលមូលដ្ឋាន លោក លោកស្រីនាយករង​ លោក ប្រធាននាយកដ្ឋាន លោក​ លោកស្រីអនុប្រធាននាយកដ្ឋាន ប្រធានការិយាល័ យអនុប្រធានការិយាល័យ និងមន្រ្តីរាជការទាំងអស់ចំណុះសាលាជាតិរដ្ឋបាលមូលដ្ឋាន ដែលមានអ្នកចូលរួមសរុបប្រមាណ៤៥រូប ស្រី៨រូប។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

កិច្ចប្រជុំពិនិត្យវឌ្ឍនភាពការងាប្រចាំឆមាសទី១ និងទិសដៅការងារឆមាសទី២ របស់សាលាជាតិរដ្ឋបាលមូលដ្ឋាន ————————— រាជធានីភ្នំពេញ រសៀលថ្ងៃទី១៤ ខែកក្កដា ឆ្នាំ២០២៦​ សាលាជាតិរដ្ឋបាលមូលដ្ឋានបានរៀបចំកិច្ចប្រជុំពិនិត្យវឌ្ឍនភាពការងាប្រចាំឆមាសទី១ និងទិសដៅការងារឆមាសទី២​ ក្រោមអធិបតីភាពឯកឧត្តម កុល វីរក្ស និងឯកឧត្តមបណ្ឌិត ទូច វិសាលសុខ រដ្ឋលេខាធិការ​ ក្រសួងមហាផ្ទៃ ព្រមទាំងមានការចូលរួមពីឯកឧត្តម លោកជំទាវអនុរដ្ឋលេខាធិការ ឯកឧត្តមនាយកសាលាជាតិរដ្ឋបាលមូលដ្ឋាន លោក លោកស្រីនាយករង​ លោក ប្រធាននាយកដ្ឋាន លោក​ លោកស្រីអនុប្រធាននាយកដ្ឋាន ប្រធានការិយាល័ យអនុប្រធានការិយាល័យ និងមន្រ្តីរាជការទាំងអស់ចំណុះសាលាជាតិរដ្ឋបាលមូលដ្ឋាន ដែលមានអ្នកចូលរួមសរុបប្រមាណ៤៥រូប ស្រី៨រូប។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

កម្មវិធីគ្រប់គ្រងកម្រិត១ វគ្គ១ និងវគ្គ២ ឆ្នាំ២០២៦ ————————— រាជធានីភ្នំពេញ៖ ថ្ងៃចន្ទ ១៤រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែកក្កដា ឆ្នាំ២០២៦ លោកឧត្តមសេនីយ៍ទោ ប៉ាន់ សុវណ្ណារិទ្ធ ប្រធាននាយកដ្ឋាននីតិកម្ម ផែនការ និងបណ្តុះបណ្តាល នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន បានផ្ដល់បទឧទ្ទេសលើប្រធានបទ “ការយល់ដឹងអំពីគ្រឿងញៀន” ក្នុងកម្មវិធីគ្រប់គ្រងកម្រិត១ វគ្គ១ និងវគ្គ២ ឆ្នាំ២០២៦ សម្រាប់ក្រុមគោលដៅជាប្រធាន និងអនុប្រធានការិយាល័យនៃទីស្តីការក្រសួងមហាផ្ទៃ និងនៅរាជធានី ខេត្តគោលដៅ ចំនួន១៨ សរុបចំនួន ១២០រូប (ស្រី ៣៨រូប)៕ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

វគ្គបណ្តុះបណ្តាលស្តីពីការធ្វើបរិវត្តកម្មឌីជីថលក្នុងប្រព័ន្ធរដ្ឋបាលសាធារណៈ — រាជធានីភ្នំពេញ៖ ថ្ងៃចន្ទ ១៤រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែកក្កដា ឆ្នាំ២០២៦ សាលាជាតិរដ្ឋបាលមូលដ្ឋាន និងបណ្ឌិត្យសភាសេដ្ឋកិច្ចជាតិ និងរដ្ឋបាលសាធារណៈនៃប្រធានាធិបតីរុស្ស៊ី នៃសហព័ន្ធរុស្សី បានសហការរៀបចំដោយផ្ទាល់នូវវគ្គបណ្តុះបណ្តាលស្តីពីការធ្វើបរិវត្តកម្មឌីជីថលក្នុងប្រព័ន្ធរដ្ឋបាលសាធារណៈ (Digital Transformation in Public Administration System)។ វគ្គបណ្តុះបណ្តាលនេះ មានសិក្ខាកាមសរុបចំនួន២០រូប ស្រី១រូប អញ្ជើញមកពីក្រសួងមហាផ្ទៃ ក្រសួងមុខងារសាធារណៈ ក្រសួងសេដ្ឋកិច្ច និងហិរញ្ញវត្ថុ ក្រសួងប្រៃសណីយ៍ និងទូរគមនាគមន៍ ក្រសួងសង្គមកិច្ច អតីតយុទ្ធជន និងយុវនីតិសម្បទា និងមកពីថ្នាក់ក្រោមជាតិរួមមាន រដ្ឋបាលរាជធានីភ្នំពេញ និងរដ្ឋបាលខេត្តកណ្តាល។ សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

វគ្គបណ្តុះបណ្តាលស្តីពីការធ្វើបរិវត្តកម្មឌីជីថលក្នុងប្រព័ន្ធរដ្ឋបាលសាធារណៈ — រាជធានីភ្នំពេញ៖ ថ្ងៃចន្ទ ១៤រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែកក្កដា ឆ្នាំ២០២៦ សាលាជាតិរដ្ឋបាលមូលដ្ឋាន និងបណ្ឌិត្យសភាសេដ្ឋកិច្ចជាតិ និងរដ្ឋបាលសាធារណៈនៃប្រធានាធិបតីរុស្ស៊ី នៃសហព័ន្ធរុស្សី បានសហការរៀបចំដោយផ្ទាល់នូវវគ្គបណ្តុះបណ្តាលស្តីពីការធ្វើបរិវត្តកម្មឌីជីថលក្នុងប្រព័ន្ធរដ្ឋបាលសាធារណៈ (Digital Transformation in Public Administration System)។ វគ្គបណ្តុះបណ្តាលនេះមានរយៈពេល៦សប្តាហ៍ ចាប់ពីថ្ងៃទី៨ ខែមិថុនា រហូតដល់ថ្ងៃទី១៧ ខែកក្កដា ឆ្នាំ២០២៦ ក្នុងនោះសិក្ខាកាមត្រូវសិក្សាតាមប្រព័ន្ធអនឡាញ (Online Webinars) ២សប្ដាហ៍ សិក្សាតាមថ្នាលឌីជីថល(E-learning) ៣សប្ដាហ៍ និងសិក្សាផ្ទាល់នៅទីស្តីការក្រសួងមហាផ្ទៃជាមួយគ្រូបណ្តុះបណ្តាលមកពីសហព័ន្ធរុស្ស៊ីចំនួន១សប្ដាហ៍។ វគ្គបណ្តុះបណ្តាលនេះ មានសិក្ខាកាមសរុបចំនួន២០រូប ស្រី១រូប អញ្ជើញមកពីក្រសួងមហាផ្ទៃ ក្រសួងមុខងារសាធារណៈ ក្រសួងសេដ្ឋកិច្ច និងហិរញ្ញវត្ថុ ក្រសួងប្រៃសណីយ៍ និងទូរគមនាគមន៍ ក្រសួងសង្គមកិច្ច អតីតយុទ្ធជន និងយុវនីតិសម្បទា និងមកពីថ្នាក់ក្រោមជាតិរួមមាន រដ្ឋបាលរាជធានីភ្នំពេញ និងរដ្ឋបាលខេត្តកណ្តាល។ សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

កិច្ចប្រជុំ ពិភាក្សា និងផ្តល់យោបល់លើសេចក្តីព្រាងនិយាមនីតិវិធីប្រតិបត្តិ ស្ដីពីការគ្រប់គ្រង និងអភិវឌ្ឍធនធានមនុស្សក្រសួងមហាផ្ទៃ ————————— រាជធានីភ្នំពេញ៖រសៀលថ្ងៃសុក្រ ១១រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកក្កដា ឆ្នាំ២០២៦ លោកស្រី​ កុយ​ ភារម្យ​ អនុប្រធាននាយដ្ឋានកិច្ចការទូទៅ​ និងលោក គង់​ វុទ្ធី​ អនុប្រធាននាយដ្ឋានបណ្ដុះបណ្ដាល​ បានចូលរួមកិច្ចប្រជុំ ពិភាក្សា និងផ្តល់យោបល់លើសេចក្តីព្រាងនិយាមនីតិវិធីប្រតិបត្តិ ស្ដីពីការគ្រប់គ្រង និងអភិវឌ្ឍធនធានមនុស្សក្រសួងមហាផ្ទៃ ក្រោមអធិបតីភាពឯកឧត្ដម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយកនៃអគ្គនាយកដ្ឋានធនធានមនុស្ស នៅបន្ទប់ប្រជុំខេត្តសៀមរាប នៃទីស្ដីការក្រសួងមហាផ្ទៃ។​ កិច្ចប្រជុំពិភាក្សា បានពិនិត្យនិងផ្តល់យោបល់ពាក់ព័ន្ធនឹងផ្នែក (ការអភិវឌ្ឍសមត្ថភាពមន្រ្តី) ទាំង៣ក្របខ័ណ្ឌ ដែលស្ថិតក្រោមសមត្ថកិច្ចក្រសួងមហាផ្ទៃ។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

កិច្ចប្រជុំពិភាក្សាការងារជំរុញការកសាងសមត្ថភាព និងនិរន្តរភាពការងារគណនេយ្យភាពសង្គមនៅថ្នាក់មូលដ្ឋាន ————————— រាជធានីភ្នំពេញ៖រសៀលថ្ងៃសុក្រ ១១រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកក្កដា ឆ្នាំ២០២៦ លោក លឹម ពុទ្ធារី ប្រធាននាយដ្ឋានបណ្ដុះបណ្ដាល តំណាងឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋានបានដឹកនាំសហការីចូលរួមកិច្ចប្រជុំពិភាក្សាការងារជំរុញការកសាងសមត្ថភាព និងនិរន្តរភាពការងារគណនេយ្យភាពសង្គមនៅថ្នាក់មូលដ្ឋាន ជាពិសេសពាក់ព័ន្ធការងារថ្នាលសិក្សាពីចម្ងាយ(E-Learning Platform) ជាមួយឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានគ្រប់គ្រងគម្រោងគណនេយ្យភាពសង្គមនៃលេខាធិការដ្ឋាន គ.ជ.អ.ប. ដែលមានអ្នកចូលរួមចំនួនប្រមាណ១៦រូប ស្រី៥រូប តាមរយៈប្រព័ន្ធអនឡាញZOOM។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android

កិច្ចប្រជុំពិភាក្សាការងារពិនិត្យលទ្ធភាពក្នុងការសហការគ្នាក្នុងក្របខណ្ឌនៃការអនុវត្តគម្រោង —————— នារសៀលថ្ងៃពុធ ១០រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦​ លោក សុខ សួរ ប្រធាននាយកដ្ឋានស្រាវជ្រាវ និងផ្សព្វផ្សាយ នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ ព្រមទាំងសហការី អញ្ជើញជួបពិភាក្សាការងារជាមួយលោកស្រី នៅ សុវត្ថា នាយកប្រតិបត្តិ IMPACT HUB ភ្នំពេញ ដើម្បីកៀរគរកិច្ចសហប្រតិបត្តិការពីភាគីពាក់ព័ន្ធនានា។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website

ដោយទទួលបានគោលការណ៍អនុញ្ញាតដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងការអនុញ្ញាតដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាថ្ងៃទី៩ ខែកក្កដា ឆ្នាំ២០២៦ សាលាជាតិរដ្ឋបាលមូលដ្ឋានបានចុះអនុស្សរណៈនៃការយោគយល់ជាមួយមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ីនៅកម្ពុជាស្តីពីការលើកកម្ពស់សមត្ថភាព ការស្រាវជ្រាវ និងការអភិវឌ្ឍស្ថាប័ន។ អនុស្សរណៈនៃការយោគយល់នេះមានរយៈពេល៥ឆ្នាំ ដោយគ្របដណ្តប់លើសកម្មភាពកិច្ចសហប្រតិបត្តិការមួយចំនួន ជាពិសេសការលើកកម្ពស់សមត្ថភាពស្ថាប័នរបស់សាលាជាតិរដ្ឋបាលមូលដ្ឋាន និងការសម្របសម្រួលដើម្បីតភ្ជាប់សាលាជាតិរដ្ឋបាលមូលដ្ឋានជាមួយស្ថាប័នស្រាវជ្រាវ និង/ឬស្ថាប័នអប់រំពាក់ព័ន្ធនៅក្នុងសហព័ន្ធរុស្ស៊ី។

សិក្ខាសាលាពិគ្រោះយោបល់លើសេចក្តីព្រាងផែនការយុទ្ធសាស្ត្របញ្រ្ជាបយេនឌ័រក្រសួងមហាផ្ទៃ (២០២៦-២០៣០) ————————— ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨​ ខែកក្កដា ឆ្នាំ២០២៦​ លោកស្រី ជី ច័ន្ទរស្មី នាយករងសាលាជាតិរដ្ឋបាលមូលដ្ឋាន និងជាប្រធានក្រុមការងារយេនឌ័រ នៃសាលាជាតិរដ្ឋបាលមូលដ្ឋាន ក្រសួងមហាផ្ទៃ បានដឹកនាំក្រុមការងារអញ្ជើញចូលរួមសិក្ខាសាលាពិគ្រោះយោបល់លើសេចក្តីព្រាងផែនការយុទ្ធសាស្ត្របញ្រ្ជាបយេនឌ័រក្រសួងមហាផ្ទៃ (២០២៦-២០៣០) ក្រោមអធិបតីភាពដ៏ខ្ពង់ខ្ពស់លោកជំទាវ អុង សុភាវី រដ្ឋលេខាធិការ និងជាប្រធានក្រុមការងារយេនឌ័រក្រសួងមហាផ្ទៃ។ សិក្ខាសាលាពិគ្រោះយោបល់ នេះ មានបេសកកម្មក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី ក្នុងក្របខ័ណ្ឌក្រសួងមហាផ្ទៃ និងបានផ្តោតសំខាន់លើការអភិវឌ្ឍសមត្ថភាពជំនាញ ការបង្កើនចំនួនស្ត្រីក្នុងមុខតំណែងគ្រប់គ្រង និងមុខតំណែងវិជ្ជាជីវៈ ព្រមទាំងការបង្កឱកាសដល់ស្ត្រីក្នុងការចូលរួមគ្រប់វិស័យ និងការបំពេញតួនាទី ភារកិច្ច របស់មន្ត្រីរាជការក្នុងក្របខ័ណ្ឌមន្ត្រីរាជការស៊ីវិល មន្រ្តីនគរបាលជាតិ និងមន្ត្រីពន្ធនាគារ ទាំងនៅថ្នាក់ជាតិ និងថ្នាក់ក្រោមជាតិ។

កិច្ចសម្ភាសន៍ជាមួយស្ថានីយ៍វិទ្យុ និងទូរទស្សន៍មហាផ្ទៃ ស្ដីពីវឌ្ឍនភាពការងារសម្រេចបាន ប្រចាំឆមាសទី១ របស់សាលាជាតិរដ្ឋបាលមូលដ្ឋាន ក្រសួងមហាផ្ទៃ ————————— ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨​ ខែកក្កដា ឆ្នាំ២០២៦​ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ បានអញ្ជើញផ្តល់បទសម្ភាសន៍ដល់ស្ថានីយ៍វិទ្យុ និងទូរទស្សន៍មហាផ្ទៃ ស្ដីពីវឌ្ឍនភាពការងារសម្រេចបាន ប្រចាំឆមាសទី១ របស់សាលាជាតិរដ្ឋបាលមូលដ្ឋាន ក្រសួងមហាផ្ទៃ។ ដេីម្បីទទួលបានព័ត៌មានផ្សេងៗ របស់សាលាជាតិរដ្ឋបាលមូលដ្ឋាន សូមចុចតំណភ្ជាប់ខាងក្រោម៖ » Facebook » Telegram » YouTube » Website 📲ទាញយកកម្មវិធីទូរសព្ទដៃ iOS | Android