ERA ኢትዮጵያ መንገዶች አስተዳደር

ነባሩ የአዲስ አበባ - ሞጆ - መቂ መንገድ ከባድ ጥገና በመካሄድ ላይ ይገኛል አዲስ አበባ ፣ መስከረም 14/2017 ዓ.ም 108 ኪሎ ሜትር የሚረዝመው ነባሩ የአዲስ አበባ - ሞጆ - መቂ መንገድ ከባድ ጥገና እየተደረገለት ይገኛል ፡፡ የዚህ መንገድ አካል የሆነው በቢሾፍቱ በሚገኘው አየር ኃይል መግቢያ እስከ ፈጣን መንገድ መግቢያ ድረስ ያለው 5.3 ኪሎ ሜትር የሚረዝመው መንገድ በመጠናቀቅ ላይ ነው ፡፡ ከዚህም ባሻገር ከገላን ወደ ሞጆ በሚወስደው መንገድ ላይ አልፎ አልፎ ያጋጠሙ ከባድ ብልሽቶች ጥገና ሲደረግላቸው ቆይቷል ፡፡ በቀጣይም እንደጉዳቱ መጠን እየታየ በሌሎች ቦታዎች ላይም ጥገናው ተጠናክሮ እንደሚቀጥል ታውቋል ፡፡ አሁን ላይ በዓለምገና ዲስትሪክት አማካኝነት ተገቢው ጥገና እየተካሄደለት የሚገኘው ይኸው መንገድ በዚሁ ዓመት ሙሉ በሙሉ እንደሚጠናቀቅ እና በቀጣይም ተገቢ ክትትል እንደሚደረግለት ተገልጿል፡፡ በመስመሩ በርካታ ከተሞች የሚገኙ ሲሆን ፣ የመንገዱ መጠገን ከዚህ ቀደም የሚስተዋለውን የትራፊክ መጨናነቅ ያቃልላል ተብሎ ይታመናል፡፡ እንደሚታወቀው ለመንገዶች ግንባታ እና ጥገና የሚውለው መዋዕለ ንዋይ ከፍተኛ ከመሆኑ አንፃር ተገቢውን አገልግሎት ይሰጡ ዘንድ ሁሉም ባለንብረትና አሽከርካሪ በህግ በተደነገገው የክብደት መጠን መሰረት በመጫን ግዴታውን ሊወጣ ይገባል፡፡ በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

ማሳሰቢያ!!

መልካም በዓል !

የኢትዮጵያ መንገዶች አስተዳደር ም/ዋና ዳይሬክተር ሆነው ላለፉት በርካታ ዓመታት ሲያገለግሉ የቆዩት አቶ የትምጌታ አስራት ከመስከረም 1 ቀን 2017 ዓ.ም ጀምሮ የከተማና መሠረተ ልማት ሚኒስቴር ሚኒስትር ድኤታ ሆነው ተሾመዋል። የኢትዮጵያ መንገዶች አስተዳደር ቤተሰብም ክቡር ሚኒስትር ድኤታ አቶ የትምጌታ አስራት እንኳን ደስ አሎት እያለ መጪው የስራ ጊዜዎ የስኬት እንዲሆንልዎ  መልካም ምኞቱን ይገልጻል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

መልካም አዲስ ዓመት! ምርጥ መንገዶች ለኢትዮጵያ ብልጽግና!

መልዕክት!! በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የኢትዮጵያ መንገዶች አስተዳደር በአድዋ ድል መታሰቢያ ሙዚየም በተዘጋጀው "የአፍሪቃ ከተሞች ፎረም" ላይ እየተሳተፈ ይገኛል። አዲስ አበባ ፣ ነሃሴ 29/2016 ዓ.ም ለተከታታይ ሦስት ቀናቶች በሚቆየው ፎረም ላይ ከ 47 በላይ ሀገራት፣ ከ30 በላይ የአህጉሪቱ ከተማ ከንቲባዎች፣ ተመራማሪዎች እንዲሁም የተለያዩ የፋይናንስ ተቋማት ይሳተፋሉ፡፡ ከ1ሺህ 500 በላይ ተሣታፊዎች በዚሁ መድረክ ላይ እንደሚታደሙ ይታመናል። በኢትዮጵያ ለመጀመሪያ ጊዜ የሚከናወነው ይኸው መድረክ "ዘላቂ የከተሞች ልማት ለአፍሪካ ትራንስፎርሜሽን አጀንዳ 2063" በሚል መሪ ቃል ነው በመካሄድ ላይ የሚገኘው። ፎረሙ በከተማና መሰረተ ልማት ሚኒስቴር እና በአፍሪካ ኅብረት አጋርነት የተሰናዳ ሲሆን ፣ ሀገራችን በዲፕሎማሲ፣ በማኅበረ-ኢኮኖሚ እንዲሁም ፖለቲካዊ መስኮች የምታተርፍበት ስለመሆኑም ተገልጿል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads

የጥንቃቄ መልዕክት!!

አመታዊው  የመንገድ ጥናት ኮንፈረንስ ተካሄደ አዲስ አበባ፣ ነሀሴ 22/2016 ዓ.ም  አመታዊው  የመንገድ ጥናት  ኮንፈረንስ  በኢትዮጵያ  መንገዶች አስተዳደር  የመንገድ  ምርምር  ማዕከል  ለሰባተኛ ጊዜ  "ዘለቄታዊ  የመንገድ  መሠረተ  ልማት  እና አስተዳደር   በምርምር"  በሚል  መሪ  ቃል  ተካሄዷል፡፡ በኮንፈረንሱ  ላይ  የከተማና  መሠረተ  ልማት ሚ/ር ዴኤታ  ኢንጅነር ወንድሙ ሴታ ፣ የኢትዮጵያ መንገዶች አስተዳደር ከፍተኛ የስራ ኃላፊዎች እንዲሁም ጥሪ የተደረገላቸው ባለድርሻ አካላት ተገኝተዋል። በዕለቱ የመርሃ-ግብሩ ተጋባዥ እንግዶች  ያለፉት  የመንገድ ዘርፍ ፕሮግራሞች (RSDP) ትግበራና ፈተናዎች እንዲሁም የባለድርሻ አካላት የእውቀትና የቴክኖሎጂ ሽግግርን አስመልክቶ ገለፃ አድርገዋል። ከዚህም ባሻገር በመርሐ-ግብሩ ላይ  በተጋባዥ እንግዶች  እና በተቋሙ  ባለሙያዎች  የተለያዩ  የምርምር  ጥናቶች ቀርበዋል። የኢትዮጵያ የመንገድ መሰረተ ልማት አጀማመር እና ፈተናዎች ፣ የመንገድ ግንባታ ፕሮጀክቶች የጤና እና ደህንነት ግምገማ ፣ የግንባታ ቁሳቁሶች የላቦራቶሪ ሙከራ አፈፃፀም፣የመንገድ ንጣፍ አሰራር ቴክኖሎጂ ፣ ከመሬት በስተጀርባ ያለው የፔኔትሬቲንግ ራዳር (ጂፒአር)ያለበት ደረጃ  እንዲሁም የመሬት መንሸራተትን ለመከላከል የተሰሩ ስራዎቸን በሚመለከቱ ጥናቶች ላይ ገለፃ ተደርጓል። በቀረቡ የጥናትና ምርምር ስራዎች  ዙሪያ በእለቱ የተገኙ ባለድርሻ አካላት ጥያቄዎች ያነሱ ሲሆን የቀረቡ ጥያቄዎችም በምርምሩ  በተሳተፉ  የዘርፉ  ባለሙያዎች  በኩል  ምላሽ  ተሰጥቶባቸዋል። ኢመአ  በመንገድ መሰረተ ልማት ዘርፉ የሚስተዋሉ ችግሮችን ለመከላከል የሚያስችሉ ምርምሮች እና በዘርፉ አዳዲስ የቴክኖሎጂ ውጤቶችን ለመተግበር  የሚያስችሉ  እንቅስቃሴዎች  በማድረግ  ረገድ እያከናወነ የሚገኘው ዘርፈብዙ ስራዎቸ ለውጥ ለማምጣት የሚያግዙ መሆናቸውም ተገልጿል ። በተቋሙ የመንገድ ምርምር ማዕከል አማካኝነት እየተደረጉ የሚገኙ በርካታ ምርምሮች የሀገሪቱን  የመንገድ መሰረተ ልማት ለማሻሻልና ለማሳደግ ብሎም በዘርፉ ለውጥ ለማምጣት  ከፍተኛ አስተዋጽኦ የሚኖራቸው በመሆኑ ይህንን መሰል ጥናቶች ተጠናክረው ሊቀጥሉ ይገባል ተብሏል። በተጨማሪ › አጭር መልዕክት 8561 › ፖስታ ሳጥን ቁጥር 1770 › ድህረገጽ www.era.gov.et › ፊስቡክ https://www.facebook.com/www.era.gov.et › ቴሌግራም https://t.me/ethioroads › ትዊተር https://twitter.com/EthiopiaRoadsAd › ኢሜል communication@era.gov.et › ዩቲዮብ www.youtube.com/@ethioroads