Addis Insight -አዲስ እይታ

💥 ሰበር ዜና፡ ፕሬዚዳንት ዶናልድ ትራምፕ በኢራን ላይ «የማይቀመስ ከባድ አደብ የማስተማሪያ ጥቃት እንሰነዝራለን» ሲሉ ዛቱ! የአሜሪካው ፕሬዚዳንት ዶናልድ ትራምፕ ከፎክስ ኒውስ ጋር ባደረጉት ቃለ-መጠይቅ፣ በዮርዳኖስ በሚገኙ የአሜሪካ ኃይሎች ላይ የተቃጣውን ያልተጠበቀ የኢራን የባሊስቲክ ሚሳይል ጥቃት በመኮነን አሜሪካ እጅግ በሐይል የተሞላ ምላሽ እንደምትሰጥና ኢራንን «አደብ እንደሚያስተምሯት» አስታወቁ። ፕሬዚዳንቱ በሰጡት ጠንካራ መግለጫ፣ የአሜሪካ አየር መከላከያ ኃይሎች የተኮሱትን ሚሳይሎች ለማከሸፍ የነበራቸው ጊዜ ጥቂት ደቂቃዎች ብቻ እንደነበረ ገልጸው፣ የጦር ኃይሎቹ በቅጽበት ባደረጉት ቅንጅት ሚሳይሎቹን ሙሉ በሙሉ አየር ላይ ማክሸፍ መቻላቸውን አደንቀዋል። በተጨማሪም ትራምፕ ሌሊቱን ከአሜሪካ እና ከሳዑዲ ዓረቢያ ጋር በመቀናጀት በኢራቅ በሚገኙ የኢራን ድጋፍ በሚደረግላቸው የሺዓ ታጣቂዎች ላይ የተፈጸመው የአየር ጥቃት ከኢራቅ መንግሥት ጋር በሙሉ ስምምነት የተካሄደ መሆኑን ገልጸዋል።

የዘመን አቆጣጠራችን ይቀየር ተባለ‼️ በምክክሩ ላይ የኢትዮጵያን የዘመን አቆጣጠር በተመለከተ የተለያዩ አማራጮች ቀርበዋል። በኢትዮጵያ የዘመን አቆጣጠር ውስጥ የሂጅራ ወይም የእስላማዊ የዘመን አቆጣጠር ይካተት፣ «ዓመተ ምህረት» የሚለው ይቅርና አሁን ያለው የፈረንጆቹ አቆጣጠር ይቀጥል፣ እንዲሁም ከእስልምናም ሆነ ከክርስትና ሃይማኖቶች ነፃ የሆነ የዘመን አቆጣጠር እንከተል የሚሉ ምክረ ሃሳቦች መቀረባቸው ታውቋል። በተነሱት አጀንዳዎች ላይ እስካሁን ውሳኔ ደረጃ ላይ አልተደረሰም፣የውሳኔ ሂደቱ ገና መሆኑን ገልፀዋል።

92 ሚሊዮን የሚጠጋ የኢትዮጵያ ሕዝብ "ጤናማ የምግብ ሥርዓት" ለመከተል አቅም እንደሌለው የተመድ የምግብ ዋስትና ሪፖርት አመለከተ። በኢትዮጵያ ጤናማ የምግብ ሥርዓትን ለማስጠበቅ በነፍስ ወከፍ የሚወጣው ወጪ ከምሥራቅ አፍሪካ ከፍተኛው መኾኑን ሪፖርቱ ጠቅሷል። ባለፈው የአውሮፓዊያን ዓመት የኢትዮጵያ የነፍስ ወከፍ ጤናማ የምግብ ወጪ 4 ነጥብ 7 ዶላር እንደነበርና ይህም ከኬንያ፣ ኡጋንዳና ታንዛኒያ የበለጠ መሆኑን ሪፖርቱ አመልክቷል። ከአውሮፓዊያኑ 2023 እስከ 2025 60 በመቶ ኢትዮጵያዊያን "መካከለኛ" እና "ከፍተኛ" የምግብ ዋስትና እጦት ገጥሟቸው እንደነበርም ሪፖርቱ ጠቅሷል። ሪፖርቱ የትግራይ ክልልን መረጃ አላካተተም። የቴሌግራም ቻናላችንን join በማድረግ ወቅታዊ መረጃዎችን በቀላሉ ይከታተሉ፣ሊንክ👇

በተፈጥሮ ዓለም ውስጥ መሳሪያን በዓላማ ተጠቅሞ ምግብ የሚያገኝ ፍጡር እጅግ ጥቂት ነው። ከእነዚህ አስደናቂ ፍጥረታት መካከል አንዱ ግሪን ሄሮን ነው። ይህ ወፍ ዳቦ ቁራጭ፣ ቅጠል፣ ትንሽ እንጨት ወይም ነፍሳትን በውሃ ላይ በመጣል አሳዎችን ወደ ራሱ ይስባል። አሳዎቹ ይህን እንደ ምግብ በማሰብ ሲቀርቡ፣ በሰከንድ ክፍል ውስጥ አንገቱን እንደ ፀደይ ወንጭፍ በማስወንጨፍ በትክክለኛ ጥቃት ይይዛቸዋል። ነገር ግን የዚህ ወፍ እውነተኛ አስደናቂነት በአደን ችሎታው ብቻ አይደለም። የተጠቀመበት ማጥመጃ ውጤት ካላመጣ፣ መልሶ በማንሳት ሌላ ቦታ ይጥለዋል፤ ይህም ሁኔታውን በመገምገም ስልቱን ማስተካከል እንደሚችል ያሳያል። በእንስሳት ሥነ ምግባር ጥናት፣ ግሪን ሄሮን መሳሪያን በማወቅ እና በዓላማ በመጠቀም ከሚታወቁ ጥቂት ወፎች መካከል ይመደባል። ይህ ደግሞ ብልህነት የሰው ልጅ ብቻ የተገደበ ባህሪ እንዳልሆነ፣ ተፈጥሮ በትናንሽ ፍጥረታት ውስጥም ያልተጠበቀ የአእምሮ ችሎታ እንዳስቀመጠች ያረጋግጣል።

የገጠመን የህልውና አደጋ ነው:- ደብረፂዮን‼️ በፌዴራል መንግሥቱ የተቋቋመውን ጊዚያዊ አስተዳደር አፍርሶ ስልጣን የያዘው የህወሓት ቡድን በዛሬው ዕለት ዶክተር ደብረፂዮን ምክር ቤቱን ሰብስበው አወያይተዋል። በዚህም "የፌደራል መንግስቱ የትግራይ ህዝብን ለማጥፋት ኢኮኖሚያዊ፣ ፖለቲካዊና ወታደራዊ ዝግጅቶችን በማጠናቀቅ የትግራይ ህዝብን ዳግም ለመውረር እየሰራ ይገኛል ብሏል። የትግራይ ህዝብ አሁን ከተደቀነበት የህልውና አደጋ ለመታደግና ያሉትን መሰረታዊ እና ወሳኝ የህዝብ ጥያቄዎች በመመለስ የትግራይ ህዝብ ህልውናን ለማረጋገጥ ለነገ  የማይባል ስራ መሆኑን ተገንዝበን  እነዚህን የህዝብ ጥያቄዎች ለመመለስ መንግስት በቁርጠኝነት ለመስራት እቅድ መያዙንም ዶ/ር ደብረፂዮን ተናግረዋል ፡፡  አሁን ላይ ያጋጠመንን የህልውና አደጋ በመመከት ራስን በራስ የማስተዳደር መብት በማረጋገጥ  በኢኮኖሚ እራስዋን የቻለች ትግራይን በመፍጠር የትግራይ መልሶ ግንባታ እንዲፋጠን በትኩረት እንደሚሰራም ለምክርቤቱ አብራርተዋል"። የቴሌግራም ቻናላችንን join በማድረግ ወቅታዊ መረጃዎችን በቀላሉ ይከታተሉ፣ሊንክ👇

ሀዋሳ ቅዱስ ገብርኤል በሀዋሳ ደብረ ምህረት ቅዱስ ገብርኤል ገዳም ሐምሌ 19 በደማቅ ሁኔታ የሚከበረውን የቅዱስ ገብርኤል ንግስ በዓልን ተከትሎ፣ ወደ ቅዱስ ገብርኤል (ሱሙዳ አደባባይ) የሚወስዱ ዋና ዋና መንገዶች እንደሚዘጉ የሀዋሳ ከተማ ፖሊስ መምሪያ አስታውቋል። እንደ ፖሊስ መረጃ፣ ከዛሬ ሐምሌ 18 ቀን 2018 ዓ.ም ከአሁን 9:00 ጀምሮ በዓሉ ተጠናቆ እስኪያበቃ ድረስ ወደ ቅዱስ ገብርኤል (ሱሙዳ አደባባይ) ከሁሉም አቅጣጫ የሚያስገቡ መንገዶች ለሁሉም የትራፊክ እንቅስቃሴ ሙሉ በሙሉ ዝግ ይሆናሉ። - ከሳውዝ ስታር (መስቀል አደባባይ)፣ - ከሰሜናዊ ሲዳማ ዞን አስተዳደር፣ - ከትሩፋ በሎጊታ፣ - ከጤና ቢሮ (ማር ሲል)፣ - ከክብሩ ሆስፒታል፣ - ከፒያሳ ዳሽን ባንክ፣ - ከታቦር 1ኛ ደረጃ ትምህርት ቤት ወደ ገብርኤል (ሱሙዳ አደባባይ) የሚያቀኑ መስመሮች በሙሉ ይዘጋሉ። ፖሊስ አሽከርካሪዎች የመንገድ መዘጋቱን አስቀድመው በመገንዘብ አማራጭ መስመሮችን እንዲጠቀሙ፣ ከፀጥታ አካላት ጋርም በመተባበር የትራፊክ መጨናነቅና አደጋ እንዳይከሰት አስፈላጊውን ትብብር እንዲያደርጉ ጥሪ አቅርቧል።

ማስተዋል ከጠፋ፣ ዛሬም ነገም ተጎጂ ሁላችንም ነን ⚠️ ጦርነት የማንንም ድንበር አያከብርም፤ እንደ ሰደድ እሳት ተስፋፍቶ ቤትን፣ ንብረትን፣ ሕይወትንና ሰብአዊነትን ያወድማል። ይህ አውዳሚ መቅሰፍት በነደደ ቁጥር የሚጠፋው የአንድ ወገን ህልውና ሳይሆን፣ የሁላችንንም የጋራ ህልውና ነው። በአንድ በኩል በሰሜን አቅጣጫ የሚኖረው ሕዝብ በጦርነት እሳትና በከባድ ሰቆቃ ውስጥ እየተቃጠለ ሳለ፣ የቀረው የሀገራችን ሕዝብ ግን የእሳቱን ነበልባል ለማጥፋት ከመተባበር ይልቅ፣ የማገዶ እንጨት እየጨመረ ማቀጣጠሉ ልብን የሚያቆስልና ከባድ ታሪካዊ ስህተት ነው። ጦርነት ሲባባስ የሚቃጠለው የአንድ ወገን ቤት ብቻ አይደለም፤ መላው ሀገር ነው። ዛሬ በዝምታ፣ በግዴለሽነት ወይም በተሳሳተ እልህ ለጦርነት ነዳጅ የሚሆኑ ሰዎች፣ ነገ የዛሬው እሳት ወደ ራሳቸው ማኅበረሰብ እንደሚዛመት ሊገነዘቡ ይገባል። «"እሳት ለባሹን ገድሎ አይተኛም።" ይባላል።» ጦርነትን በእልህ፣ በጥላቻ ወይም በድፍን ብሔርተኝነት ማበረታታት መጨረሻው የሁሉም ሽንፈት እንጂ የማንም ድል አይደለም። ሀገርን አመድ ከማድረጉ በፊት፣ ሕዝባችን ከእንቅልፉ ነቅቶ ሰላምን፣ ይቅርታንና የጋራ አብሮነትን ከማንኛውም ልዩነት በላይ ማስቀደም አለበት። ይህ ምስልና መልእክት የሚያስተምረን አንድ ግልጽ እውነት አለ፤ የጥፋትን መንገድ ትተን ለሰላም፣ ለይቅርታ፣ ለፍትሕና ለጋራ ህልውናችን መቆም ያለብን ዛሬ ነው፤ ምክንያቱም የጦርነት እሳት አንዴ ከተለኮሰ ማንን እንደሚያቃጥል አይመርጥም። ምስል ኤ አይ (ለማስተማሪያነት ብቻ )

ሰበር መረጃ‼️ የኢትዮጵያን መንግስት ለመጣል ያለመ ስብሰባ በኤርትራ ድንበር ተደረገ፣ስብሰባውን የመሩት አቶ አማኑኤል አሰፋ ናቸው። ሕወሓት የብልጽግናን መንግስት አስወግዳለሁ እያለ ነው፡፡ ቡድኑ ካለፈው እሁድ አንስቶ 'ህልውናችን የሚረጋገጠው በብልጽግና መቃብር ላይ ነው' በሚል መሪቃል ስብሰባዎችን እያደረገ ይገኛል፡፡ በእነዚህ ስብሰባዎች ላይ ከወትሮው በተለየ መልኩ የሕወሓት አመራሮች ‹‹ብልጽግናን ከስልጣን ማስወገድ አለብን›› በማለት በግላጭ እየተናገሩ ነው፡፡ በሚዲያዎቻቸውም የፌደራል መንግስቱን 'ጄንኖሳይዳዊ አገዛዝ' የሚል ስያሜ ሰጥተው በትግራይ ቴሌቪዥን ጭምር ዜና መስራት ጀምረዋል። የፌደራል መንግሥቱ ለህወሓት የጦርነት ጉሰማ በቀጥታ የሰጠው ምላሽ የለም። (አዩዘሀበሻ) =====================

የድሮን ጥቃት‼️ በአማራ ክልል ደቡብ ወሎ “በመካነ ሰላም ቅድስት አርሴማ አንድነት ገዳም በድሮን ጥቃት የመነኮሳት ህይወት አለፈ”‼️ በዛሬው ዕለት ሐምሌ 15/2018 ዓ.ም በምዕራብ ወሎ በመካነ ሰላም በዓባይ ወንዝ ዳርቻ በሚገኘው ዓባይ ገዳመ አስቀጤስ የሰማእቷ ቅድስት አርሴማ አንድነት ገዳም ተብሎ በሚጠራው ቦታ ላይ 4:30 አካባቢ በተፈፀመ የድሮን ጥቃት ምክንያት በገዳሙ ውስጥ የሚኖሩ 2 ሴቶች ወዲያው ህይወታቸው ማለፉን እና ሌሎች መቁሰላቸውን ምንጮች ገልጸዋል። ምግብ እየሰሩ በነበረበት ወቅት ነው ጥቃት የተፈፀመው ብለዋል። ጥቃቱ የተፈፀመው በአካባቢው የፋኖ ሀይሎች ከትመዋል በሚል ነው ተብሏል። ሰላም ለሀገራችን🕊🕊 (አዩዘሀበሻ)

💔 የአንድ ዘመን እንባ... አንድ ቀን የዓለምን ስታዲየሞች በጭብጨባ ያናወጡ ሰዎች፣ ዛሬ በዝምታ እንባቸውን እየጠረጉ ይታያሉ። ሮናልዶ... ሜሲ... ኔይማር... ሦስቱም በተለያየ ሀገር ተወለዱ፤ በተለያየ መንገድ አደጉ፤ ግን በአንድ ነገር ተመሳሳይ ነበሩ—ለሕዝባቸው የዓለም ዋንጫን ለማምጣት ልባቸውን ሰጥተው ተዋጉ። ሰዎች ጎላቸውን ያስታውሳሉ፣ እነሱ ግን ያመለጣቸውን ዕድል ያስታውሳሉ። እነዚህ እንባዎች የሽንፈት አይደሉም... የትልቅ ህልም ዋጋ ናቸው። ስታዲየሙ ባዶ ይሆናል፤ የደጋፊዎች ጩኸት ይጠፋል፤ መብራቶቹም ይጠፋሉ። የሚቀረው ግን በሣሩ ላይ የወደቁት እንባዎች እና በሚሊዮኖች ልብ ውስጥ የተጻፈው ታሪክ ብቻ ነው። ጊዜ አዳዲስ ኮከቦችን ያመጣል፤ ነገር ግን ዘመን የሚፈጥሩ ተጫዋቾች በየትውልዱ አንዴ ብቻ ናቸው። ዛሬ የምናየው የሦስት ተጫዋቾች እንባ አይደለም... የአንድ ትውልድ ትዝታ ቀስ ብሎ ሲዘጋ የምንሰማው የልብ ስብራት ነው። 💔⚽ ለአንድ ትውልድ የማይረሳ ደስታን ሰጣችሁ። በአስደናቂ ጎሎቻችሁ ዓለምን አስደመማችሁ። በታሪካዊ ፉክክሮቻችሁ ሚሊዮኖችን አዝናናችሁ። ለድል ስትታገሉ ላባችሁን አፈሰሳችሁ፤ አንዳንድ ጊዜም እንባችሁን አስመለከታችሁን። ከሁሉም በላይ ግን፣ ለእግር ኳስ ታሪክ በወርቅ ፊደል የማይጠፋ ምዕራፍ ጻፋችሁ። እናመሰግናለን...! ❤️⚽