ИБРАТЛЫ СӨЗЛЕР...

#Тымсал ДЕНСАЎЛЫҚ, БАХЫТ, ДӘЎЛЕТ. Баяғыда тоқсанға келген ғаррыға ақлығы жуўырып келип, ата есиктиң алдына Бахыт келип тур депти. Усы ўақытқа дейин қонбаған бахыт енди маган кереги жоқ деп, ғарры орнынан қозғалмай отыра берипти. Ақлығы екинши мәрте жуўырып келип ата есиктиң алдына Дәўлет келип тур депти. Усы ўақытқа дейин қонбаған Даўлеттиң енди маған кереги жоқ деп, орнынан қозғалмай отыра берипти ғарры. Сонда ақлығы үшинши рет жуўырып келип ата есиктиң алдына Аманлық ден-саўлық келип тур деген екен. Сонда ғарры таяғына сүйене жығылып сүринип есигиниң алдына шығып мени, мениң урпақларымды усы ўақытқа дейин аман сақлап жүрген Денсаўлығым төрге шық деп төринен орын берипти. Сонда Бахыт пенен Даўлет босағасына келип жайғасыпты. Ҳәммеңизге тилегимиз қайўақытта да Аманлық ден-саўлық төрлериңизден орын алып Бахыт пенен Дәўлет босағаларыңызға келип турсын🤲 https://t.me/ibratli_sozler

#Китаптан үзинди Ҳәр ким ҳәр кимниң көзине шөп салыўы мүмкин, ҳәр ким ҳәр кимге қыянет етиўи мүмкин, тек "АНА" өз баласына ҳеш қашан қыянет етпейди. Бәлким, инсан турмысының сонша жыллардан берли даўам етип киятырганы соннан шығар. ✍Өткир Хошимов 📚"Дүняның ислери" https://t.me/ibratli_sozler

Мың қəдемге жол, бир адымнан басланады. ✍Конфуций. ✨✨✨✨✨✨✨✨✨✨✨ Қайырлы түн əзизлер. Сизге, сиз арқалы жақынларыңызға түн тынышлығын тилеймиз. Хəмийше алға умтылыўдан шаршамаң, өткен күн елес, өткенге өкинбең!! Каналымызға ағза болыуды умытпаң! 👉https://t.me/ibratli_sozler

#Қарақалпақша сөзлик қоры "Қумған (қуман) басын ыбырық қуртар" ➖ астарлы мақал сөз.  Мәниси: ҳасылдың баҳасы қасындағылардың, әтирапындағылардың, қәлпеки нәрселердиң себебинен түсиўи, қәдирсизлениўи. Бул фраза адамның жүрген орталығы, қарым-қатнасып жүрген дөгерегиндегилери менен байланысы қандайлығына қаратада да айтылады. Мысалы бир жигит өзи жақсы, текли-тамырдың туқымы бирақ өз ортасында емес, мүнәсип емес жеңил-желпи адамлар менен жүрипти. Бул жерде: Қумған(қуман)--қәдимги әдеттеги шойын, темирден исленеди, баҳасы қымбат суў қуйыў, жуўыныў қуралы. Ал ыбырықты болса саз ылайдан соғылған қуманға айтылады, бул базарда арзан, бирақ сапасыз, арзан болған соң сынып қалса шамасы келмеген адам ыбырық сатып ала береди. Яғный "Қумғанның баҳасын ыбырық түсиреди" деген мәнисте айтылған сөз дизбеги. Дерек: Шахзода Алламуратова каналы. https://t.me/ibratli_sozler

Бир сынаған жаманды, Еки қайтып сынама. Жасыңда қалжың болсаң, Үлкейгенде мылжың боласаң. Ийт арбаның көлеңкесинде киятырып, "Мен тартып киятырман" дейди. Көрмес - түйени де көрмес. Кәрўан көшер от қалар, Адам өлер ат қалар. Тегин жеген мал, Тесип шығады. Өтирикшиниң дурыс сөзи заяға кетеди. Өспейтуғын бала, Өнбейтуғын даўды даўлайды.

АЗАМАТ БОЛАР ‎ ‎Еркеклер бир болар сыртқы пишимде, ‎Сақалы өсиңки және мурт болар. ‎Әттең азаматы аздур ишинде, ‎Тек те мәрти ақыл айтып журт болар. ‎ ‎Көбиси былшырап өсек айтады, ‎Журт түўе үйине үлкен дәрт болар, ‎Ўәде берсе лебизинен қайтады, ‎Гәсине намыс-ар  бәрҳа шәрт болар. ‎ ‎Ел ушын бир хызмет етпес нәмәрти, ‎Етсе бир ис өмиринше гәп қылар. ‎Толайым еркектиң аз болар мәрти, ‎Нағыз еркек елдиң ишин бағ қылар. ‎ ‎Арақ ишип көшелерде бақырған, ‎Балондай қап-қалың онда бет болар. ‎Сөгинип ул-қызын  барып шақырған, ‎Журтқа дым керексиз ҳарам ет болар. ‎ ‎Өзгеге бир пайда тийгизбес ҳасла, ‎Гей еркек иритки жаман қурт болар ‎Тамсанып келеди табақда асқа, ‎Нағыз арсыз аўқат толған урт болар. ‎ ‎Ел сүйер, мүтәжин шығарар көптиң, ‎Ол еркек келиси салтанат болар. ‎Неге керек сүўретлеме көп гәптиң, ‎Нағыз еркек билсең, азамат болар. ‎ ‎Басын буғып қашпас таса-пасаға, ‎Ел ушын өз буршы бәрҳа шәрт болар, ‎Нағыз еркек елди таслап қаша ма?! ‎Бир сөз айтса сөзи шешим, ўәрт болар. ‎ ‎19-июнь 2026-жыл. ‎Абат Крамов. ‎Каналымыз: @Kramov_Abatbay_poeziya

#Өмир сабақлары. Орнымнан тура алмай қалғанымда. Көринбеди көзге жыйған малымда. Өмир өтип кеткендей мисли. Елеслейда алыс бир сағымда. Мен билдим сол мәўритлер Бир қәдем еки дүнья арасы. Ийем өзи мәдадкар екен. Жазылса өмир жалғасы. Зәрре бағыш,табылар еми. Дәртлериңе даўа болғандай. Дүньяның да питеди кеми. Тикейесең қайта туўғандай. Енди қара ,қара өзгеше әлем. Таңда қуяш,гүллер берер сәлем Кеўлиң бир өзге нама шалады. Жақты нурын төкпекте Ийем. О-О .. Әлҳәбиз яратқан саған. Бахыт,саўлық инам ет маған. Өзлигимди өзгеше танып. Ашық болып қалайын саған. Таўап етип, сорайын саодат. Саўап ушын етип ибадат. Жолларыма берегөр нур ,сәўле. Жақты еткей жайнаған. шапақ ✍.Гүлистан Реймова. https://t.me/ibratli_sozler

✍ Тилеўберген Жумамуратовтан Ҳеш ким билмес... (Сонет) 🍃 🍃 🍃 Ақсақ кемпир, бүкшеңлеген ғарры шал, Ҳәзиллести қыябанда гезлесип. Бир мәс сулыў ерси көрип болды лал, Илип өтти арасынан жол кесип. 🍃 🍃 🍃 Кемпир гөззал еди, ғарры мәрт еди, Мерекелес болған талай жасынан. Екеўин де ышқы дәрти өртеди, Әрман менен жаслық өткен басынан. 🍃 🍃 🍃 " - Алжығанлар не бар екен гәп таўып" - Деген сөзге кемпир пақыр егилди. Жас келиншек тап сол күни муқ қаўып, Әттең, әттең... жер астына көмилди... 🍃 🍃 🍃 Ҳеш ким билмес қайсы гүлдиң солмағын, Қай денениң қара топырақ болмағын !... https://t.me/ibratli_sozler

Биз дүньяға менменлик ушын келмедик. Биз, меҳир-мухаббат ушын, басқалардың меҳирин сезиниў ушын, бәрше жаратылысты жақсы көриў ушын, сол жаратылысларға реҳим етип муҳаббат көрсетиў ушын дүньяға келдик #Умытпаң! https://t.me/ibratli_sozler