Mereja TV

በአፋብን ወለጋ ቢዛሞ ቀጠና አይሻ ሰይድ ዕዝ ይበልጣል መኮነን አዲስ አለም ክ/ጦር ባደረገው የተጠና ኦፕሬሽን በኪረሙ ወረዳ ስር ቦቃ፣ ነጭሎ፣ ወዴሳ ዲማ የተባሉ ሦስት ቀበሌዎችን ጨምሮ ሃሮ አዲስ አለም ከተማን መቆጣጠሩን አስታወቀ። ትናንት ሃምሌ 23/2018 ዓ/ም በተካሄደው በዚህ አውደ ውጊያ፡ የብልፅግና መከላከያ ሠራዊት ከክልሉ ጥምር ኃይል በጋራ ሆኖ የተሰለፈ ቢሆንም ከወደ ፋኖ የተሰነዘረበትን ጥቃት መቋቋም አቅቶ ተሽመድምዷል። በዚህ ተጋድሎ 36 የጠላት ወታደሮች ሲገደሉ፡  42 ወታደሮች ደግሞ ሲቆስሉ በድምሩ 78 የአገዛዙ ወታደሮችን ከስምሪት ውጭ ማድረግ ተችሏል። በተጋድሎው፡ ጀግኖቹ የይበልጣል መኮነን አዲስ አለም ክ/ጦር አርበኞች ጠላትን አይቀጡ ቅጣት በመቅጣት አዲስ አለም ከተማን ጨምሮ በጊዳ ኪረሙ ወረዳ ስር ቦቃ፣ ነጭሎ፣ ወዴሳ ዲማ የተባሉ ሦስት ቀበሌዎችን በቁጥጥራቸው ስር አስገብተዋል። በተያያዘ! ከሆሮ ጉዱሩ ወለጋ ዞን አቤ ዶንጎሮ ወረዳ መነሻውን ያደረገ የጠላት ጦር ወደ ምስራቅ ወለጋ ዞን ጊዳ ኪረሙ ወረዳ እገዛ ለማረግ እየተንቀሳቀሰ እንዳለ በአይሻ ሰይድ ዕዝ ስር የጌጤ ግርማ መብረቁ ክ/ጦር አርበኞች መንደር 21 ቀበሌ ልዩ ቦታው አንገር መድሃኒያለም ላይ በፈፀሙት የደፈጣ ጥቃት፡ በርካታ የጠላት ወታደሮች ሙትና ቁስለኛ ሲደረጉ፡ ጠላት የእንቅስቃሴ እቅዱ መክኖበት ብትንትኑ ወጥቷል። በተመሣሣይ ከይበልጣል መኮነን አዲስ አለም ክ/ጦር እና ከአንገር ጉትን ክ/ጦር የተወጣጡ አሃዶች በቅንጅት በወሰዱት እርምጃ በርካታ የጠላትን ጦር ደምስሰው በኪረሙ ወረዳ የጎላ ወታደራዊ ጠቀሜታ ያላት ቆፍቆፌ ከተማን በቁጥጥራቸው ስር አስገብተዋል። በዚህ ስፍራ ከመደምሰስ የተረፈው የጠላት ኃይል ሙትና ቁስለኛውን እያዝረከረከ የጊዳ አያና ወረዳ መቀመጫ ወደሆነችው ጊዳ ከተማ ፈርጥጧል። ከወደፋኖ የተወሰደበትን እርምጃ መቋቋም ያልቻለው የአገዛዙ ሰራዊት እንደለመደው ንፁኋንን ኢላማ ያደረገ የከባድ መሳሪያ ድብደባ በማድረግ ወደሳ ዳማ በተባለ ቀበሌ ላይ የ13፣ የ15ና የ16 ዓመት ታዳጊ ልጆችን በአሰቃቂ ሁኔታ መግደሉ ነው የተሰማው።