កងរាជអាវុធហត្ថរាជធានីភ្នំពេញ - GRKPP

អាវុធហត្ថរាជធានីភ្នំពេញ បញ្ជូនជនសង្ស័យ០៤នាក់ ទៅតុលាការពាក់ព័ន្ធករណីលួច ២ករណីផ្សេងគ្នា! នៅថ្ងៃទី២៦ ខែតុលា ឆ្នាំ២០២៦ កម្លាំងការិយាល័យជំនាញ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យចំនួន ០៤នាក់ (ជនជាតិចិន០២នាក់) ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធករណីលួច២ករណីផ្សេងគ្នា បន្ទាប់ពីត្រូវបានឃាត់ខ្លួនជាបន្តបន្ទាប់ ក្នុងនោះរួមមាន៖ ករណីទី១៖ តាមរយៈលេខទូរស័ព្ទបន្ទាន់ ១២៩១ អាវុធហត្ថរាជធានីភ្នំពេញ នៅវេលាម៉ោង ០២និង៣០នាទី ថ្ងៃទី២៤ ខែតុលា ឆ្នាំ២០២៦ មានប្រជាពលរដ្ឋប្តឹងថាមានករណីលួចកាត់ខ្សែភ្លើង បង្កឡើងដោយក្រុមជនសង្ស័យមេក្រុមបានធ្វើសកម្មភាពកាត់ខ្សែភ្លើងរបស់ប្រជាពលរដ្ឋនៅចំណុច KTV មហាតាន់ ស្ថិតនៅផ្លូវ សប៊ិត ភូមិ14 សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ក្រោយពេលទទួលព័ត៌មាន កម្លាំងជំនាញអាវុធហត្ថរាជធានីភ្នំពេញ ក្នុងមូលដ្ឋានខណ្ឌចំការមន បានចុះទៅដល់កន្លែងកើតហេតុសហការជាមួយប្រជាពលរដ្ឋធ្វើការឃាត់ខ្លួនជនសង្ស័យជាជនជាតិចិនចំនួន ០២នាក់ ភ្លាមៗ រួមមាន៖ 1/ឈ្មោះ HU XING BING ភេទប្រុស ជនជាតិចិន, 2/ឈ្មោះ SIANG XIA DAN ភេទប្រុស ជនជាតិចិន ព្រមទាំងចាប់យកវត្ថុតាមមួយចំនួនទៀត បញ្ជូនទៅអាវុធហត្ថរាជធានីភ្នំពេញ ដើម្បីចាត់ការតាមនីតិវិធី។ ករណីទី២ ៖ កាលពីវេលាម៉ោង ០៨និង០០នាទី ថ្ងៃទី២៣ ខែតុលា ឆ្នាំ២០២៦ មានមេការស្ថានីយ៍ឥន្ធនៈបានប្តឹងទៅលើបុគ្គលិកដឹកហ្គាសដាក់ឲ្យអតិថិជនបានធ្វើការលួច (ហ្គាស) នៅចំណុច ស្ថានីយ៍ប្រេងឥន្ធនៈ យីហោ លឹម ឡុង ផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ។ ក្រោយពេលទទួលបានបណ្តឹង កម្លាំងជំនាញអាវុធហត្ថរាជធានីភ្នំពេញ ក្នុងមូលដ្ឋានខណ្ឌព្រែកព្នៅ បានចុះទៅដល់កន្លែងកើតហេតុសហការជាមួយមេការស្ថានីយ៍ឥន្ធនៈខាងលើធ្វើការឃាត់ខ្លួនជនសង្ស័យឈ្មោះ សូ សៀងហន់ ភេទប្រុស អាយុ៣៤ឆ្នាំ។ បន្ទាប់មក កម្លាំងមូលដ្ឋានអាវុធហត្ថខណ្ឌព្រែកព្នៅ បានបន្តទៅឃាត់ខ្លួនជនសង្ស័យ ឈ្មោះ ឆាយ លីហេង ភេទប្រុស អាយុ២០ឆ្នាំ នៅចំណុច ផ្លូវបេតុង ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ដែលជាប់ពាក់ព័ន្ធប្រព្រឹត្តអំពើទទួលផល ចោរកម្ម ដោយបានទទួលទិញហ្គាសពីជនសង្ស័យ សូ សៀងហន់ បញ្ជូនទៅអាវុធហត្ថរាជធានីភ្នំពេញ ដើម្បីចាត់ការតាមនីតិវិធី។

កម្លាំងកងរាជអាវុធហត្ថរាជធានីភ្នំពេញ ចូលរួមល្បាត ការពារ​សន្តិសុខ​ សុវត្ថិភាព​ រក្សាសណ្ដាប់​ធ្នាប់​ និងសង្គ្រោះបន្ទាន់ ​ជូន​បងប្អូន​ប្រជាពលរដ្ឋ​ ធ្វើដំណើរកំសាន្ត នៅតាមដងផ្លូវថ្មើរជើង (Walk Street) ថ្ងៃទី២៤-២៥ ខែតុលា ឆ្នាំ២០២៦។

ចាប់ផ្តើមថ្ងៃថ្មីជាមួយថាមពលពេញលេញ! 🏃‍♀️💨 រត់ជាមួយគ្នា ដើម្បីសុខភាព និងមិត្តភាពក្នុងសហគមន៏ 🥰 #កីឡាជាមួយកងរាជអាវុធហត្ថរាជធានីភ្នំពេញ

អនុវត្តតាមបទបញ្ជាយ៉ាងម៉ឺងម៉ាត់របស់ថ្នាក់ដឹកនាំ ក្នុងការលុបបំបាត់ក្រុមក្មេងទំនើង និងពង្រឹងគោលនយោបាយ «ភូមិ-ឃុំ-សង្កាត់មានសុវត្ថិភាព» និងមានការណែនាំពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ កម្លាំងកងរាជអាវុធហត្ថរាជធានីភ្នំពេញ ក្នុងមូលដ្ឋានខណ្ឌដូនពេញ បានចេញល្បាតក្នុងភូមិសាស្ត្រខណ្ឌ ក៏ប្រទះនឹងក្រុមក្មេងទំនើងមួយក្រុមធំ ដែលកំពុងប្រមូលផ្តុំគ្នានៅពេលរាត្រី បង្កការរំខានដល់ប្រជាពលរដ្ឋ និងនាំឲ្យបាត់បង់សណ្ដាប់ធ្នាប់សាធារណ: នៅចំណុចភូមិ១(តំបន់បឹងកក់) សង្កាត់ស្រះចក ខណ្ឌដូនពេញ រាជធានីភ្នំពេញ។ ភ្លាមៗកម្លាំងមូលដ្ឋានអាវុធហត្ថខណ្ឌដូនពេញ ធ្វើការចាប់ប្រមូលយកទៅមូលដ្ឋានអាវុធហត្ថខណ្ឌ ដើម្បីធ្វើការអប់រំ ធ្វើកិច្ចសន្យាបញ្ឈប់រាល់សកម្មភាពទំនើងដែលនាំឲ្យប៉ះពាល់ដល់ការសិក្សា បំផ្លាញទ្រព្យសម្បត្តិក៏ដូចជាកិត្តិយសគ្រួសារ ព្រមទាំងបង្ករការភ័យខ្លាចដល់អ្នកជុំវិញ បង្ករភាពអនាធិបតេយ្យក្នុងសង្គមបន្តទៀត។ សមត្ថកិច្ចអាវុធហត្ថជធានីភ្នំពេញ សូមជម្រាបជូនសាធារណជន និងបងប្អូនប្រជាពលរដ្ឋ សូមចូលរួមសហការផ្តល់ព័ត៌មានទាក់ទងនឹងសកម្មភាពក្មេងទំនើង ឬភាពមិនប្រក្រតីនានាក្នុងភូមិសាស្ត្ររាជធានីភ្នំពេញ ដើម្បីរួមគ្នាថែរក្សាសន្តិសុខ សណ្តាប់ធ្នាប់ និងភាពសុខសាន្តជូនប្រជាពលរដ្ឋ សូមបងប្អូនហៅទូរស័ព្ទទៅកាន់លេខ១២៩១ ឬ អាចទាក់ទងតាមបណ្តាញ Telegram, WhatsApp, CoolApp របស់កងរាជអាវុធហត្ថរាជធានីភ្នំពេញ ដែលមានលេខ 031 5555 669 ឬអាចឆាតទៅកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie។

សូមគោរពអញ្ជើញ ចូលរួម ដោយសេរី និងឥតគិតថ្លៃ កម្មវិធីរត់កម្សាន្ត GRKPP FUN RUN ជាមួយកងរាជអាវុធហត្ថរាជធានីភ្នំពេញ ។ 📅 ថ្ងៃសៅរ៍ ទី២៤ ខែតុលា ឆ្នាំ២០២៦ ⏱️ ម៉ោង១៧:០០ល្ងាចតទៅ 👉 ចុះឈ្មោះឥឡូវនេះ Link ចុះឈ្មោះ៖ https://docs.google.com/forms/d/1cB7vM-Hc6y9ExXUzKPx-DYp__1mL3rpLISoq6k4KMOs/viewform?usp=sf_link ទីតាំង៖ ក្នុងពហុកីឡដ្ឋានជាតិអូឡាំពិក (ទីធ្លាមុខមូលដ្ឋានអាវុធហត្ថខណ្ឌ៧មករា) https://maps.app.goo.gl/AWtSMQmmVyLK33Qq8?g_st=ic

ចោរលួចកាច់កម៉ូតូ០១នាក់ ត្រូវបានអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការ! នៅវេលាម៉ោងប្រមាណ ០៩ និង ៣០នាទី ថ្ងៃទី១៩ ខែតុលា ឆ្នាំ២០២៦ មានករណីលួចម៉ូតូ បង្កឡើងដោយជនសង្ស័យម្នាក់ បានធ្វើសកម្មភាពលួចកាច់កម៉ូតូ០១គ្រឿង ម៉ាកឌ្រីមសង់ សេ១២៥ ពណ៌ខ្មៅ សេរីឆ្នាំ២០២៥ ពាក់ស្លាកលេខ ភ្នំពេញ 1LQ-8006 ដោយជនរងគ្រោះជាម្ចាស់ម៉ូតូបានចតទុកនៅក្រោមបន្ទប់ជួល។ បន្ទាប់មកម្ចាស់ម៉ូតូក៏បានរាយការណ៍តាមលេខទូរស័ព្ទបន្ទាន់ ១២៩១ អាវុធហត្ថរាជធានីភ្នំពេញ ដើម្បីសុំអន្តរាគមន៍ករណីខាងលើនេះ។ ភ្លាមៗក្រោយពេលទទួលព័ត៌មាន កម្លាំងជំនាញអាវុធហត្ថរាជធានីភ្នំពេញ ក្នុងមូលដ្ឋានខណ្ឌដង្កោ បានចុះទៅដល់កន្លែងកើតហេតុធ្វើការស្រាវជ្រាវជាបន្តបន្ទាប់ក៏ពើបប្រទះឃើញជនសង្ស័យនៅបុរីសន្តិភាព២ ភូមិដំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ បានធ្វើការចាប់ ឃាត់ខ្លួនជនសង្ស័យឈ្មោះ ស៊ន តុលា ភេទប្រុស អាយុ៣៣ឆ្នាំ បញ្ជូនទៅអាវុធហត្ថរាជធានីភ្នំពេញ ដើម្បីចាត់ការតាមនីតិវិធី ព្រមទាំងបានដកហូតម៉ូតូរបស់ជនរងគ្រោះប្រគល់ជូនម្ចាស់ដើមវិញផងដែរ។ ក្រោមវិធានការជំនាញជនសង្ស័យបានសារភាពឲ្យដឹងថា ខ្លួនពិតជាបានប្រព្រឹត្តអំពើលួចកាច់កម៉ូតូរបស់ជនរងគ្រោះនៅទីតាំងខាងលើ ប្រាកដមែន។ ជនសង្ស័យខាងលើ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

រថយន្តពន្លត់អគ្គីភ័យរួមទាំងកម្លាំងកងរាជអាវុធហត្ថរាជធានីភ្នំពេញ និងកម្លាំងមូលដ្ឋានអាវុធហត្ថខណ្ឌមានជ័យ និងខណ្ឌពោធិ៍សែនជ័យ បានចេញអន្តរាគមន៍ជួយសង្រ្គោះ និងបាញ់ពន្លត់អគ្គីភ័យ ចំនួន០២ទីតាំងគឺ៖ នៅចំណុចសិប្បកម្មធ្វើសាឡុង ផ្លូវលំ ក្រុម១៧ ភូមិឬស្សី៣ សង្កាត់ស្ទឹងមានជ័យ២ ខណ្ឌមានជ័យ នៅវេលាម៉ោង ១និង១០នាទីរំលងអធ្រាត្រឈានចូល ថ្ងៃទី២២ ខែតុលា ឆ្នាំ២០១៦ និងនៅចំណុចផ្សារក្នុងបុរីសន្តិភាព២ ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ នៅវេលាម៉ោង ១០:០០នាទី នាទី ថ្ងៃទី២២ ខែតុលា ឆ្នាំ២០១៦។