កងរាជអាវុធហត្ថរាជធានីភ្នំពេញ - GRKPP

កម្លាំងកងរាជអាវុធហត្ថរាជធានីភ្នំពេញ ចូលរួមល្បាត ការពារ​សន្តិសុខ​ សុវត្ថិភាព​ រក្សាសណ្ដាប់​ធ្នាប់​ និងសង្គ្រោះបន្ទាន់ ​ជូន​បងប្អូន​ប្រជាពលរដ្ឋ​ ធ្វើដំណើរកំសាន្ត នៅតាមដងផ្លូវថ្មើរជើង (Walk Street) ថ្ងៃទី២៧-២៨ ខែមិថុនា ឆ្នាំ២០២៦។

ការប្រកួតបាល់ទាត់មិត្តភាពរវាង⚽️ កងរាជអាវុធហត្ថរាជធានីភ្នំពេញ vs ក្រសួង កសិកម្ម រុក្ខាប្រមាញ់ និងនេសាទ ទីតាំង https://maps.app.goo.gl/jvvR5dpNhnmy9AYo9?g_st=ic

ក្រុមការងារ អាវុធហត្ថរាជធានីភ្នំពេញ នាំយកអំណោយឧបត្ថម្ភដល់គ្រួសារសមាជិក ដែលមានប្រពន្ធទើបសម្រាលកូន! នៅថ្ងៃទី២៤ ខែមិថុនា ឆ្នាំ២០២៦ លោកវរសេនីយ៍ទោ សៅ លឿត ប្រធានមន្ទីរ ផែនការ ប្រតិបត្តិការ និងហ្វឹកហ្វឺន កងរាជអាវុធហត្ថរាជធានីភ្នំពេញ បានចាត់ឲ្យក្រុមការងារនាំយកអំណោយ និងថវិកាប្រគល់ជូន លោកអនុសេនីយ៍ឯក នួន ច័ន្ទមនោ នាយរងការិយាល័យ បំភ័ន្តអក្ខរៈ ដែលមានប្រពន្ធទើបសម្រាលកូន កំពុងសម្រាកថែទាំសុខភាពនៅគេហដ្ឋាន។ ក្នុងឱកាសនោះ ក្រុមការងារ ក៏បានពាំនាំនូវការផ្តាំផ្ញើសួរសុខទុក្ខពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងបាននាំយកថវិកាដែលបានចូលរួមពី នាយ-នាយរង នៃមន្ទីរមន្ទីរ ផែនការ ប្រតិបត្តិការ និងហ្វឹកហ្វឺន ក្នុងស្មារតីសាមគ្គីភាព សរុបចំនួន ៧៨០,០០០រៀល ជាអំណោយសួរសុខទុក្ខផងដែរ៕

ឧត្តមសេនីយ៍ឯក រ័ត្ន ស៊្រាង បន្តជួយដល់គ្រួសារអតីតអ្នករួមការងារនាសម័យរដ្ឋកម្ពុជា!  បន្ទាប់ពី លោក ម៉ែន មក់រ៉ុន ហៅ វណ្ណ សុផាត ដែលជាអតីតអ្នកធ្លាប់រួមការងារនាសម័យរដ្ឋកម្ពុជា បានទទួលមរណៈភាព លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ ក៏បានសន្យាបន្តជួយឧបត្ថម្ភជីវភាពប្រចាំខែដល់គ្រួសារលោក ម៉ែន មក់រ៉ុន នូវថវិកាចំនួន ២០ម៉ឺនរៀល រួមជាមួយអង្ករ ០២ការុង ជារៀងរាល់ខែ។ ជាក់ស្តែង នៅថ្ងៃទី២៦ ខែមិថុនា ឆ្នាំ២០២៦ លោកឧត្តមសេនីយ៍ឯក រ័ត្ន ស្រ៊ាង បានបន្តចាត់ឲ្យក្រុមការងារ នាំយកអំណោយរួមមាន៖ អង្ករ និងថវិកា សម្រាប់រយៈពេល ០៣ខែ ទៅប្រគល់ជូនដល់គ្រួសារ លោក ម៉ែន មក់រ៉ុន ហៅ វណ្ណ សុផាត ដល់គេហដ្ឋាន នៅភូមិព្រែកពោធិ៍ ឃុំទឹកវិល ស្រុកស្អាង ខេត្តកណ្តាល៕

ក្នុងឱកាស ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៦ ឧត្តមសេនីយ៍ឯក រ័ត្ន ស៊្រាង រំលឹកបទពិសោធន៍ ធ្លាប់មើលថែរនិងអប់រំស្តារនិតិសម្បទាយុវជនជាប់សារធាតុញៀន រហូតបំផុសគំនិតរៀបចំជាបទចម្រៀងដាស់តឿនរំលឹកនិងអប់រំយុវជនឲ្យជៀសឆ្ងាយពីគ្រឿងញៀន! តាមរយៈផេកផ្ទាល់ខ្លួនរបស់ លោកឧត្តមសេនីយ៍ឯក រ័ត្ន ស៊្រាង បានរៀបរាប់ថា៖ " ក្នុងឱកាស ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៦ នឹកឃើញដល់យុវជនជាប់សារធាតុញៀន ជាច្រើនរយពាន់នាក់ ដែលខ្ញុំធ្លាប់មើលថែ និងអប់រំស្តារនីតិសម្បទាផ្តាច់សារធាតុញៀន ក្នុងបញ្ជាការដ្ឋានកងរាជអាវុធហត្ថខេត្តបន្ទាយមានជ័យ កាលខ្ញុំនៅជាមេបញ្ជាការនៅទីនោះ ដោយមានការយកចិត្តទុកដាក់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រានី ហ៊ុនសែន ដែលបានផ្តល់ថវិកា កសាងអាគារស្នាក់នៅ និងរបបអាហារប្រចាំថ្ងៃ សម្រាប់យុវជនផ្តាច់ញៀន ព្រមទាំងតាមដានសុខទុក្ខជាប្រចាំ។ មានយុវជនជាច្រើន បានបង្ហាញនូវវិប្បដិសារី ក្រោយការស្តារនីតិសម្បទារួច ដោយអ្នកខ្លះលង់ខ្លួនព្រោះភ្លើតភ្លើន អ្នកខ្លះលង់ខ្លួនព្រោះការឆោតល្ងង់ចង់សាកចង់ដឹងដោយការមិនជឿថាគ្រឿងញៀនអាចបំផ្លាញខ្លួនបាន ឯអ្នកខ្លះលង់ខ្លួនព្រោះការបញ្ចុះបញ្ចូល លួងលោម ញុះញង់ ឬប្រើឧបាយកលផ្សេងៗ ពីអ្នកដទៃដែលជិតស្និតរួមទាំងមិត្តភក្តិនិងសាច់ញាតិផងដែរ។ ជាមួយវិប្បដិសារីរបស់ពួកគេទាំងនេះ បានបំផុសគំនិតខ្ញុំក្នុងការផ្តួចផ្តើមរៀបរៀងឡើងជាបន្តបន្ទាប់នូវបទចម្រៀងដែលមានគោលបំណងដាស់តឿនរំលឹកនិងអប់រំយុវជនឲ្យជៀសឆ្ងាយពីគ្រឿងញៀន បន្ថែមពីលើការងារស្នូល បង្ការទប់ស្កាត់និងបង្ក្រាប ក្នុងនាមសមត្ថកិច្ច។ សូមស្តាប់នូវអត្ថន័យខ្លឹមសារ នៃបទចម្រៀងដែលបានដកស្រង់ចេញពីវិប្បដិសារីនៃយុវជនធ្លាប់ជាប់សារធាតុញៀន ទាំងអស់គ្នា! "

អាវុធហត្ថរាជធានីភ្នំពេញ បញ្ជូនជនសង្ស័យ០៤នាក់ ទៅតុលាការពាក់ព័ន្ធ ០៤ករណីផ្សេងគ្នា! នៅថ្ងៃទី២៣ ខែមិថុនា ឆ្នាំ២០២៦ កម្លាំងការិយាល័យជំនាញ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យចំនួន ០៤នាក់ ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធករណី ៤ករណីផ្សេងគ្នា បន្ទាប់ពីត្រូវបានឃាត់ខ្លួនបានជាបន្តបន្ទាប់ ក្នុងនោះរួមមាន៖  -ជនសង្ស័យទី១ ឈ្មោះ សាត វិទូ ភេទប្រុស អាយុ១៥ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ធ្វើការឃាត់ខ្លួនកាលពីថ្ងៃទី២១ ខែមិថុនា ឆ្នាំ២០២៦ ពាក់ព័ន្ធករណីរួមភេទជាមួយអនីតិជនអាយុក្រោម១៥ឆ្នាំ ប្រព្រឹត្តចំនុចនៅផ្ទះជួលគ្មានលេខ ផ្លូវបេតុង ភូមិកន្ទោកជើង សង្កាត់ កន្ទោក ខណ្ឌកំបូល រាជធានីភ្នំពេញ កាលពីអំឡុងខែឧសភា ឆ្នាំ២០២៥ និងថ្ងៃទី០៩ ខែវិច្ឆិកា ឆ្នាំ២០២៥។ - ជនសង្ស័យទី២ ឈ្មោះ សុខា សុខណា ហៅ អាប់ ភេទប្រុស អាយុ១៨ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ធ្វើការឃាត់ខ្លួនកាលពីថ្ងៃទី២១ ខែមិថុនា ឆ្នាំ២០២៦ វេលាម៉ោងប្រមាណ ១៧ និង ០០ នាទី នៅចំណុច ម្តុំផ្សារចិនជិតក្រសួងការបរទេស ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ព័ន្ធករណីហិង្សាដោយប្រើកាំបិតប៉័ងតោ និងដំបងដែកគប់ទៅលើជនរងគ្រោះបណ្តាលឲ្យរងរបួស និង ប្រើប្រាស់ដោយខុសច្បាប់នូវសារធាតុញៀន។ -ជនសង្ស័យទី៣ ឈ្មោះ សុខ ណា ភេទប្រុស ២៧ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ធ្វើការឃាត់ខ្លួនកាលពីថ្ងៃទី២៣ ខែមិថុនា ឆ្នាំ២០២៦ ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន និងលួចដុំដូយរថយន្ត កាលពីថ្ងៃទី២២ ខែមិថុនា ឆ្នាំ២០២៦ វេលាម៉ោងប្រមាណ ១៨ និង ៣០នាទី នៅចំណុច ក្បែរផ្លូវប្រឡាយ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ - ជនសង្ស័យទី៤ ឈ្មោះ សុខ លឿនឧត្តម ភេទប្រុស អាយុ១៩ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ធ្វើការឃាត់ថ្ងៃទី២៣ ខែមិថុនា ឆ្នាំ២០២៦ វេលាម៉ោងប្រមាណ ១៥និង៣០នាទី ពាក់ព័ន្ធករណីលួចមានស្ថានទម្ងន់ទោស (ឆក់ទូរស័ព្ទដៃ) កាលពីថ្ងៃទី២១ ខែមិថុនា ២០២៦ វេលាម៉ោងប្រមាណ២២ និង៣០នាទី នៅចំណុច ស្តុបអូឡាំពិក ផ្លូវ២៧៤ សង្កាត់វាលវង់ ខណ្ឌ៧មករា រាជធានីភ្នំពេញ។

២៦ មិថុនា ជាទិវាអន្តរជាតិប្រយុទ្ធប្រឆាំងគ្រឿងញៀន ដែលត្រូវបានប្រារព្ធឡើង ជារៀងរាល់ឆ្នាំ ដើម្បីបង្កើនការយល់ដឹងជាសកលអំពីគ្រោះថ្នាក់នៃគ្រឿងញៀន និងលើកកម្ពស់កិច្ចសហប្រតិបត្តិការក្នុងការលុបបំបាត់ការប្រើប្រាស់ និងការជួញដូរខុសច្បាប់។ សូមបងប្អូន គ្រប់វ័យ គ្រប់ស្រទាប់ ចូលរួមសហការ ជាមួយ អាជ្ញាធរមានសមត្ថកិច្ច ដើម្បីរួមគ្នា បង្ការ ទប់ស្កាត់ និងកាត់ផ្តាច់ឫសគល់នៃបញ្ហាគ្រឿងញៀននៅកម្ពុជា ឲ្យបានជាអតិបរិមា ដើម្បីរក្សានូវសណ្តាប់ធ្នាប់ សន្តិសុខ និងសុវត្ថិភាពសង្គមយើង។ ជាមួយគ្នានេះ សម្រាប់បងប្អូននៅរាជធានីភ្នំពេញ ដែលបានដឹងព័ត៌មាន ស្តីពីបទល្មើសគ្រឿងញៀន ក៏ដូចជាបទល្មើសផ្សេងៗ សូមរាយការណ៍ទៅកាន់អាវុធហត្ថរាជធានីភ្នំពេញ តាមរយៈលេខទូរស័ព្ទបន្ទាន់ ១២៩១ ឬ ទាក់ទងតាមបណ្តាញ Telegram, WhatsApp, CoolApp ដែលមានលេខ 031 5555 669 ឬអាចឆាតទៅកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie ជាបន្ទាន់៕

២៦ មិថុនា ជាទិវាអន្តរជាតិប្រយុទ្ធប្រឆាំងគ្រឿងញៀន ដែលត្រូវបានប្រារព្ធឡើង ជារៀងរាល់ឆ្នាំ ដើម្បីបង្កើនការយល់ដឹងជាសកលអំពីគ្រោះថ្នាក់នៃគ្រឿងញៀន និងលើកកម្ពស់កិច្ចសហប្រតិបត្តិការក្នុងការលុបបំបាត់ការប្រើប្រាស់ និងការជួញដូរខុសច្បាប់។ សូមបងប្អូន គ្រប់វ័យ គ្រប់ស្រទាប់ ចូលរួមសហការ ជាមួយ អាជ្ញាធរមានសមត្ថកិច្ច ដើម្បីរួមគ្នា បង្ការ ទប់ស្កាត់ និងកាត់ផ្តាច់ឫសគល់នៃបញ្ហាគ្រឿងញៀននៅកម្ពុជា ឲ្យបានជាអតិបរិមា ដើម្បីរក្សានូវសណ្តាប់ធ្នាប់ សន្តិសុខ និងសុវត្ថិភាពសង្គមយើង។ ជាមួយគ្នានេះ សម្រាប់បងប្អូននៅរាជធានីភ្នំពេញ ដែលបានដឹងព័ត៌មាន ស្តីពីបទល្មើសគ្រឿងញៀន ក៏ដូចជាបទល្មើសផ្សេងៗ សូមរាយការណ៍ទៅកាន់អាវុធហត្ថរាជធានីភ្នំពេញ តាមរយៈលេខទូរស័ព្ទបន្ទាន់ ១២៩១ ឬ ទាក់ទងតាមបណ្តាញ Telegram, WhatsApp, CoolApp ដែលមានលេខ 031 5555 669 ឬអាចឆាតទៅកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie ជាបន្ទាន់៕

ក្រុមការងារ អាវុធហត្ថរាជធានីភ្នំពេញ នាំយកអំណោយឧបត្ថម្ភដល់គ្រួសារសមាជិក០២នាក់ ដែលមានប្រពន្ធទើបសម្រាលកូន! នៅថ្ងៃទី២៣ ខែមិថុនា ឆ្នាំ២០២៦ លោកវរសេនីយ៍ទោ កេត វណ្ណដេត ប្រធានមន្ទីរសម្ភារៈបច្ចេកទេស កងរាជអាវុធហត្ថរាជធានីភ្នំពេញ បានចាត់ឲ្យក្រុមការងារនាំយកអំណោយ និងថវិកាប្រគល់ជូន លោកអនុសេនីយ៍ទោ សែម សុណា នាយរងការិយាល័យ គីមីសាស្ត្រ និង លោកអនុសេនីយ៍ទោ សំអុល ប្រសិទ្ធិ ជំនួយការ ការិយាល័យ ផែនការដឹកជញ្ជូន ដែលមានប្រពន្ធទើបសម្រាលកូន កំពុងសម្រាកថែទាំសុខភាពនៅគេហដ្ឋាន។ ក្នុងឱកាសនោះ ក្រុមការងារ ក៏បានពាំនាំនូវការផ្តាំផ្ញើសួរសុខទុក្ខពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងបាននាំយកអំណោយរបស់លោកមេបញ្ជាការ និងថវិកាដែលបានចូលរួមពី នាយ-នាយរង នៃមន្ទីរសម្ភារៈបច្ចេកទេស ក្នុងស្មារតីសាមគ្គីភាព សរុបរួមចំនួន ១,៧៨០,០០០ រៀល, ទឹកសុទ្ធ ០៤កេស ជាអំណោយសួរសុខទុក្ខផ្ដល់ជូនដល់ក្រុមគ្រួសារអ្នកទាំង០២ ផងដែរ៕