"Piskent hayoti" gazetasi rasmiy kanal

#_30 июл Халқлар дўстлиги куни БИЗНИНГ ЭНГ БЕБАҲО БОЙЛИГИМИЗ Бирлашган Миллатлар ташкилоти Бош Ассамблеясининг қарорига мувофиқ 30 июлнинг бутун дунёда Ҳалқаро дўстлик куни деб эълон қилиниши  юртимизда қадимдан амал қилиб келинаётган  этник хилма-хиллик ноёб мижтимоий ходиса хисобланади. Ушбу муҳим омилга асосланган Ўзбекистонимиз сўнгги йилларда инсон қадри улуғланадиган, хақиқий маънодаги тинчлик, дўстлик ва мехр-оқибат диёрига айланиб бораётганлиги билан ҳақли равишда фахрланамиз. Ўзбекистонимиз кўп миллатли, байналминал мамлакат бўлиб, хозирги кунда юртимизда 130 дан ортиқ миллат  ва элат, 16 та диний конфессия вакиллари бир оила фарзандлари бўлиб ахил ва иноқликда ҳаёт кечириб, Ўзбекистонимиз равнақига ўзларининг муносиб хиссаларини қўшмоқдалар. Президентимиз таъкидлаганидек, жамиятимизда ҳукм сураётган тинчлик ва осойишталик, миллатлараро  ва динлараро дўстлик, бағрикенглик ҳамда ҳамжихатлик бизнинг энг бебахо бойлигимиздир. Мамлакатимизда фаолият юритаётган 1576 та миллий маданий марказ ва 46 та дўстлик жамиятининг  янада самарали фаолият юритиши учун мамлакатимизда барча шарт-шароитлар яратиб берилаётган  бўлиб, буларнинг барчаси мамлакатимизнинг маданий-маънавий қиёфасини белгилаш билан бирга, халқимизга хос бўлган одамийлик, бағрикенглик ва инсонпарварлик каби фазилатларни янада яққол намоён этади. Мамлакатимизнинг таълим муассасаларида ўқув жараёнларининг етти тилда олиб борилиши  ва бу мактабларнинг дарслик  ва адабиётларининг барчаси давлатимиз томонидан таъминлаб берилаётгани, бундан ташқари мамлакатимизда 14 тилда  газета ва журналлар нашр этилиб,  телерадиоканаллар орқали 12 тилда кўрсатув ва эшиттиришлар олиб борилаётгани Ўзбекистонимизда олиб борилаётган байналминал сиёсатнинг ёрқин ифодасидир. Бугунги байрам  муносабати билан  Президентнинг мамлакатимиз аҳолисига  билдирган  табригида ҳам , “Ҳеч  шубҳасиз, ушбу қувончли байрамда  кўп миллатли халқимизнинг  олийжаноб интилишлари, амалий ҳаракатлари билан  жамиятимизда ҳукм сураётган, тинчлик ва осойишталик, миллатлар  ва динлараро дўстлик, бағрикенглик  ҳамда  ҳамжихатлик  бизнинг энг бебаҳо бойлигимиз  эканини яада чуқурн ҳис этамиз.  Кейинги йилларда “Бизнинг кучимиз – бирлик ва ҳамжихатликда”  деган эзгу ғоя  асосида юртимизда миллатлараро тутувлик ва  бағрикенгликнинг ўзига хос  ибратли моделини  яратганимиз  билан хар қанча  фахрлансак арзийди, -дея эътироф этгани   ҳамда “Ҳеч қачон унутмайлик, халқлар дўстлиги –муқаддас қадрият, тинч, эркин  ва фаровон ҳаёт гаровидир “,-дея таъкидлагани юртимиздаги миллатлараро тотувлик, ўзаро дўстлик ва  ва ҳамжихатликнинг ёрқин ифодасидир. Шуниси эътиборга моликки, бизнинг туманимизда ҳам тожик, татар, қозоқ, қирғиз, рус, корейс каби 10 дан ортиқ миллат вакиллари бир-бирлари билан тинч ва тотувликда, дўсту биродар, қуда –анда бўлиб ҳаёт кечирмоқдалар. Туманимиздаги 3 та мактаб қозоқ ва тожик, битта мактаб эса рус тилида фаолият олиб бормоқда. Шунингдек туманимизда тожик ва қозоқ байналминал марказлари фаолият кўрсатиб, уларнинг барчаси жонажон юртимиз бўлган Ўзбекистонимизнинг янада гуллаб –яшнаши учун ўз хиссаларини қўшиб келмоқдалар. Ўзбекистонимизнинг ҳақиқий бойлиги эса унинг кўп миллатли халқи бўлиб, бу миллий ва маданий хилма-хиллик Янги Ўзбекистонимизнинг ҳақиқий  инсонпарвар давлат сифатини янада мустахкамлашга хизмат қилади. Саврон Мирзаев, Тошкент вилояти Тожик байналминал маркази рахбари. @piskenthayoti