"Piskent hayoti" gazetasi rasmiy kanal

Бу воқеа Америкадаги университетларнинг бирида содир бўлди. Профессор аудиторияга кириб келди. Келдию, 1 галлонлик шиша банкани стол устига қўйди. Банка бўш эди. Талабалар бир муддат кузатиб турдилар. Профессор эҳтиёткорлик билан банкага бильярд шарларини жойлай бошлади. Банка тўлгач, ўтирган талабалардан “Банка тўлдими?”, деб сўради профессор. Талабалар бир овоздан “Ҳа!” деб жавоб беришди. Шу пайт профессор майда пушти, денгиз бўйида учрайдиган тошларни битта-битта банкага ташлай бошлади. Тошлар шиша банка ичидаги бильярд шарлари орасидан банка тубига (“чинг-чилинг-чинг” деб товуш чиқариб) туша бошлади. Профессор яна сўради: — Банка тўлдими? — “Энди тўлди”, - дейишди талабалар. Профессор талабаларга қараб бир жилмайди. Енидаги кичкина темир чой идишдаги сариқ ранг қумни бильярд шарлар ва пушти тошлар жойлашган банкага бўшата бошлади. “Фисссссс” деган товуш чиқди. Профессор банка тўлганми йўқми деб яна сўради. Бу сафар аудиторияга сукунат чўкканди. Профессор стол устида турган стакандаги қулупнайли чойни банкага қуя бошлади. Талабалар ундан бу воқеада нима ҳикмат яшринганини сўрашди ва улар эшитган жавоб уларни бир муддат ўйлантириб қўйди. Қуйида профессор айтган гаплар келтирилган. Бу банка бизнинг ҳаётимиз. Ундаги бильярд шарлари эса сиз билан бизнинг ҳаётимизда катта аҳамиятга эга нарсалардир; сизнинг саломатлигингиз, ота-онангиз ва оилангиз, динингиз, яқин қариндош ва дӱстларингиз, ва ҳоказо. Банкадаги пушти тошлар эса бильярд шарларидан аҳамияти пастрок нарсалардир, ишингиз, ўқишингиз, ишингизда у идорадан бу идорага югиришингиз... Қумга келсак, бу бекор ўтказган вақтингиз, дўстлар билан қилган айш ишратингиз, ўйнаган компьютер ўйинларингиз, томоша қилган футбол матчларингиз.... Агар банкага қум ва пушти тошларни биринчи солиб тӱлдирганимизда эди, бизда бильярд шарлар учун жой қолмаган бўларди. Шунинг учун аввал сизга муҳим нарсалар учун вақт сарфланг ва ҳаётингизда жой ажратинг, қолганлари эса шунчаки сариқ тупроқдир. Бу гаплардан талабалар оз муддат ўйга толдилар, аудиторияда Жимлик хукумрон эди. Шу пайт бир талаба савол берди: - Банкага нега чойни қуйдингиз? “Бу саволни берганингдан хурсандман. Чойнинг маъноси шуки, ҳаётда қанча ишлар билан банд бўлмайлик, доимо бир пиёла чой устида яхши ҳамсуҳбатга вақт топишимиз керак.” деб жавоб берибди профессор. @piskenthayoti

#Биласизми 🏬 Қонунчиликка кўра, хусусий пудрат ташкилотлари томонидан тайёр ҳолда топшириш шартисиз қурилган уйлардаги квартираларни (хоналарга бўлинган ва пардоз ишларига тайёр) бирламчи уй-жой бозорида сотиб олиш учун ипотека кредитларини ажратишга ҳамда улар бўйича ва ипотека кредити бўйича фоизларнинг бир қисмини қоплаш учун субсидия тўлашга рухсат берилган. Каналга уланиш👇👇👇 https://t.me/huquqiyaxborot

* * * Ифлос инсоннинг қўлига катта бойликни топшириб қўйиш худди ўқдони ўққа тўла тўппончани калтафаҳм болага бериб қўйгандай гап! Абдулқодир Полвонов @piskenthayoti

#кайфият Таниқли шоир Эркин Воҳидовга мухбир савол берди: – Келинойи билан салкам эллик йил яшаётган экансизлар, қандай қилиб танишгансизлар? – Мен тақдиримни узоқ-узоқлардан қидириб юрибман. Буни қарангки, ўзимизнинг маҳаллада, ўзимизни кўчамизда, қўшни экан! Шуни айтадилар-да " Фалокат оёқ остида" деб... @piskenthayoti

OБУНА МАСАЛАСИ КУН ТАРТИБИДАН ТУШМАЙДМИ. Биз туманимизга янги тайинланган ахборот хизмати рахбари билан сухбатлашар эканмиз, газетамизнинг ададини эшитиб ҳайрон бўлиб қолди. “Нахотки айтилаётган шунча гап-сўзлар, тушунтиришларга қарамай ҳеч қандай ўзгариш бўлмаган бўлса, раҳбарлар билан ишламаяпсизларми”- деди. Ҳа. Ишлаш бўлса шунчалик бўлар. Ўзини раҳбар санаб, қўлидан ҳеч бир иш келмаса ҳам, отдан тушса ҳам узангидан тушмайдиган баъзи кимсаларнинг айби билан обуна мавсумини шу кунга қадар ёпа олмаяпмиз. Бундан бир неча кун аввал бўлиб ўтган вилоят ҳокимлигининг кенгайтирилган йиғилишида вилоят ҳокими томонидан таъкидланганидек, “Мен обуна бўлишни ҳоҳлайман, ҳоҳламайман деб ўтирганлар бекор айтибти. Обуна масаласи кун тартибидан тушмайди ва обуна давом этади”. Биз ҳам шу кунгача бамайлихотир юрган баъзи рахбарларимизга шуни эслатиб ўтмоқчимизки, кеча бўлиб ўтган вилоят маънавият ва маърифат Кенгашининг кенгайтирилган йиғилишида айтилганидек, маънавият масаласида йўл қўйилган хато эртага тузатиб бўлмас хатоларни келтириб чиқариши мумкин. Шундай экан, раҳбарлик масъулиятини бўйнингизга олдингизми, берилган топшириқларни ҳам ҳақиқий раҳбарга хос тарзда бажариш кераклигини унутманг! Маънавият масаласи билан хазиллашиб, маърифат масаласига панжа орасидан қараб бўлмайди. Газета –бу мафкура. Ҳеч қайси давлат ёки миллат мафкурасиз яшай олмайди. Чунки мафкура бизга маёқ каби йўлларимизни ёритиб, ҳамиша энг тўғри йўлни кўрсатади. Обуна масаласи кун тартибидан тушгани йўқ ва у давом этади! Тахририят. @piskenthayoti

#_китобхонлик ЭНГ ФАОЛ КИТОБХОН Яқинда "КИТОБХОНЛИК ФЕСТИВAЛИ" доирасида Тошкент вилояти Болалар кутубхонаси томонидан 8-11-синф ўқувчилари ўртасида “Энг фаол китобхон ўқувчи“ кўрик танловининг вилоят босқичи ўтказилди. Танловда туман, шаҳар босқичида ғолибликни қўлга киритган мактаб ўқувчилари иштирок этдилар. Тадбир жараёнида Нурафшон шаҳар 1-умумтаълим мактабига вилоят Болалар кутубхонаси томонидан 57 номдаги 140 дона китоб совға қилинди. Қизғин баҳслашувда қуйидаги мактаб ўқувчилари ғолибликни қўлга киритдилар. 1-ўринни туманимиздаги 11-мактаб ўқувчиси Шоҳсанам Тоштемирова, 2-ўринни Олмалиқ шаҳар 16-мактаб ўқувчиси Дурдона Хасанова, 3-ўринни Паркент тумани 16-мактаб ўқувчиси Мадина Нажмуддинова эгаллади. Кўрик-танловнинг энг зукко ғолибларига "КИТОБХОНЛИК ФЕСТИВAЛИ"да диплом ва эсдалик совғалари топширилади. @piskenthayoti