زاد الرّحيل.

الصبر رغم إنه من أعظم العبادات، إلا إنه مش دايمًا بيكون سهل على النفس، وأوقات بيكون مصحوب بحزن وتعب ومجاهدة كبيرة. إنك تصبر على حاجة نفسك فيها ومتحصلش، أو على ابتلاء مش عارف نهايته، أو على أمر نفسك يتغير ولسه مستني فرج ربنا.. كل ده مش سهل. ومن الآيات اللي بتطمن قلبي، قول ربنا سبحانه وتعالى: ﴿إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ﴾. سبحان الله، قد إيه في الآية دي مواساة! ربنا عالم بكل تعب بنمر بيه، وبكل مجاهدة بنجاهدها عشان نصبر، وأجر الصابرين عنده بغير حساب. ربنا يرزقنا الصبر والرضا، ويجبر قلوبنا جبرًا يليق بكرمه.