ادبیات سئونلر

اوشاق ادبیاتی «حبیب فرشباف» «باجاريق‌»    بنؤشه‌نين‌ آتاسي‌ اونا دؤرد شيرني‌ وئردي‌،  اؤز بالاجا باجين‌لا آپار ياري‌ بؤل‌ - دئدي‌!  بنؤشه‌ده‌ گؤتوردو شيرني‌‌نین اوچ‌ ايري‌سين‌،  او خيردا باجي‌سينا وئردي‌ تكجه‌ بيري‌سين‌.  آتاسي‌ بونو گؤروب ‌ سوروشدو بنؤوشه‌دن‌  - قيزيم‌ بس‌ سن‌ سايماغي‌ باجارماييرسان‌ نه‌ دن‌؟!  بنؤوشه‌ آتاسينا جاواب‌ وئردي‌ سئوينجك‌:  آتا! من‌ باجاريرام‌  باجارمايير بو چيچك‌  2  «مدرسه‌دن‌ گلنده‌»    قاييداركن‌ مدرسه‌دن‌ سالام‌ وئرديم‌ آتاما من‌؛  آتام‌ دئدي‌: قيزيم‌ گلدين‌؟  سؤيله‌ گؤروم‌ نه‌ اؤيرندين‌؟  دئديم‌: آتا بير قولاق‌ آس‌ ! فارسلار دئيير اوراغا، داس‌.  اؤيرنميشم‌ اَليف‌ بِ يي‌،  اوخويورام‌ من‌ هر شئيي‌،  بو بابادير، باخ‌ بودا آب‌  بوآت‌ بو ديش‌، بودا جوراب‌؛  اؤيرنميشم‌ بخش‌ ائتمه‌يي،‌ دئييرسن‌سه‌، دة‌ هر نه‌يي‌.  اللريم‌له‌ پارچالارام‌، سسلريني‌ من‌ سايارام‌؛  سسلر ديَجَك‌ قولاغيما گتيره‌رم‌ بارماغيما.    آتام‌ دئدي‌: «بو آلماني‌  بير پارچالا گوروم‌ هاني‌؟»  آلمالاري‌ گؤره‌ن‌ چاغي‌ گتيرديم‌ من‌ تئز پيچاغي،‌  بونو گؤرجك‌ آتام‌ گولدو ، ائله‌ گولدو، ائله‌ گولدو  گؤزلريندن‌ ياش‌ تؤكولدو؛  دئدي:‌ قيزيم‌ كلاسدا سن‌  ائله‌ بئله‌ بخش‌ ائديرسن‌؟!  اؤز يئريمده‌ دايانديم‌ من‌،  آتامدان‌ برك‌ اوتانديم‌ من‌.   https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی «روزبه صمدی» "کیرپی"   اوشاقلار آی اوشــاقلار بیزیم باغدا کیــرپی وار باشدان اوخشار سیچانا آمـــــان وئــرمز ایلانا خیـــرداجادیر قیچلاری تیکانلی‌دیـــــر پالتاری گؤرسه بیردن دوشمنین گیرده‌لنــــر توپ کیمین اوستو چونکی تیکاندی اَل وورمایین آمــــاندی https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی سئوگی افسانه سی۳ یازار: صمد بهرنگی چئویرن: منیژه جم‌نژاد 💗 آما نه دانیشیردی، نه ترپشیردی. حکیم‌لری دال‌بادال باشی او٘سته گتیریب آپارمالارینی قویوردو. پادشاهین امر ایله کیمسه قیزی‌نین بدنینه ال وورا بیلمه‌دییی اوچون هئچ بیر حکیم اونو توخدادا بیلمه دی.  بیرگون قوجا، قریب بیرحکیم  گلیب دئدی: من ناخوشون بدنینه ال وورمادان اونو گؤروب درمانی‌نی دئیه بیلرم. یوخسا بوینومو وورون. پادشاه اونو قیزین یانینا گؤندردی. قوجا حکیم اوزون زامان قیزین یانیندا اوتورب باخدی. سونرا دئدی: اونون تکجه علاجی "سئوگی افسانه"سی دیر. اونون توخداییب یوخلاماسی اوچون  بیری  باشی او٘سته اوتوروب "سئوگی افسانه سی " دئمه‌لی‌دیر. پادشاه بویوردو جارچی‌لار شهرین دؤرد گوشه سینده جار سالدی‌لار: کیمسه "سئوگی افسانه سی" باشاریرسا گلیب پادشاهین قیزینا سؤیله‌ییرسه، پادشاه اونو دونیا مالیندان دویوراجاق. چوخ‌لاری تاماه‌لانیب گلدیلر بیز "سئوگی ناغیلی" باشاریریق دئیه، آما قیزین اوتاغیندا پرده دالینا یئتیشینجه یالان‌لار قوشماغا مجبور اولدولار، البتده پادشاهین قیزینا دا تاثیر قویمادی، پادشاه دا هامی‌سینی جلاد الینه وئردی. داها کیمسه‌نین گلمه‌یه جسارتی یوخودو. نئچه‌گو٘ن کئچدی. گئنه قوجا قریب حکیم تاپیلیب گلدی. پادشاها دئدی: بو نئجه شهردیر کیمسه "سئوگی افسانه‌سی" بیلمه‌ییر؟ فلان داغ‌دا جوان بیر چوبان یاشاییر. او سئوگی ناغیلی بیلیر. گئدین اونو گتیرین. آما پادشاه بونو دا بیل اؤزون اونون دالینجا گئتمزسن، داغ‌دان ائنمز. حکیم قویوب گئتدی. پادشاه نئچه آدامی‌له آتا مینیب یولا دو٘شدو. گئدیب داغین اته یینه  یئتیشدیلر . جوان چوبانی سسله دیلر. چوبان داغین باشیندان دئدی: کیم سینیز؟ نه ایستیرسینیز؟ پادشاه دئدی: من پادشاهام. منیم قیزیمین ناخوش‌لاماسی‌نی ائشیتمه‌میسن؟ ایستیرم گلیب اونا...پادشاه حکیمین دئدیینی اونوتدو. چوبان یادینا سالدی: "سئوگی افسانه سی" ایسته‌ییرسن؟ پادشاه دئدی: ائله دیر. دئدیین کیمی. قوجا قریب بیر حکیم سنین باشاردیغینی سؤیله دی. جوان چوبان دئدی: هه، باشاریرام. پادشاه دئدی: قیزیمی توختادا بیلسن ایسته دیین قیزیلی، گو٘موشو وئررم. چوبان آشاغی ائنرکن دئدی: پادشاه دونیا مالیندان دانیشسان گلمرم. اونون آدی " سئوگی افسانه سی " دیر. پادشاه داها بیر سوز دئمه‌دی. بو فضول چوبانی جلاد لارا تاپشیرماق ایسته‌ییردی، آما بیرسوز دئمه دی. جوان پادشاهین آتینین دالینا میندی، یولا دو٘شدولر. قصره یئتیشینجه، چوبانی بیر پرده دالیندا اوتوردوب دئدیلر: ائله بوردان دئ. نامحرم گؤزو پادشاه قیزی‌نین او٘زونه دو٘شمه‌مه‌لی دیر. جوان چوبان دئدی: " سئوگی افسانه"سی ده هامی ائشیتمه‌لی بیر شئی دئییل. من‌له قیزدان سونرا کیمسه بورالادا اولماسین. یوخسا افسانه‌نین اثری اولماز. هامی اوزاقلاشسین. پادشاه چاره سیز  قیزین قصرینی بوشالتدیردی. قصرده یالنیز چوبان قالدی، بیرده پادشاهین قیزی. جوان چوبان پرده‌نی چکیب اوتاغا گیردی. قیز دینج اوزانمیشدی. کیمسه ایله ده ایشی یوخودور. چوبان قاپی آغزیندا اوتوروب اوجادان- اوجادان دئدی: آی گوزل قیز، آی قیز خانیم، سـئوگی ناغیلی سؤیلمک ایستیرم، قولاغ آسیرسان؟ سانکی قیز  تانیش سس ائشیتدی، چؤنوب گؤزونو جوان چوبانا تیکیب دئدی: هه قولاق آسیرام دئ. چوبان "سئوگی افسانه" سی‌نی باشلادی: گو٘ن‌لرین بیر گو٘نونده بیر پادشاه واریدی، آلتی یئددی یاشلاردا بیر قیزی واریدی. بو قیزین چوخلو نوکری، قوللوقچوسو واریدی. اؤزوندن بیر آز بویوک قوچ‌علی آدیندا بیر نوکری واریدی.  یئمک واقتی قیزین مندیلی دو٘شرکن، قوچ‌علی وئرردی. اویناماق واقتی توپو اوزاغا گئدیرکن، قوچ‌علی گتیرردی. گاه‌دان‌دا قیز پیل‌دسته اویناماغا ماراق‌لاناردی. پیل‌دسته سی قیزیل‌دان گو٘موش‌دن ایدی. قیز یاتیرکن، قوچ‌علی‌نین ایشی قاپی دالیندا یاتماق ایدی. نوکرلر، قوللوقچولار خانیمین یاتدیغی‌نی بیلیب، دینیب دانیشماسینلار. پادشاهین قیزی نه بویورسایدی، قوچعلی پادشاه قیزی‌نین بویروقلارینا  ایستکلی اولاراق باخاردی، ایشی‌نی چوخ یاخشی گؤرردی، قیز هئچ واقت اونا ال قووزامامیشدی. قوچ‌علی پادشاهین قیزینا عاشیق ایدی. آچیق آیدین سئوردی. اؤزونه گؤره بونون دا هئچ عیبی ایرادی یوخودور. آخی سئومه‌یین نه عیبی اولا بیلر کی؟ بیرلیک‌ده باغ‌دا اولاندا، پادشاهین قیزی کپنک توتارکن، یا دا پیل‌دسته اوینارکن، قوچ‌علی بتر یو٘نگول‌لشردی. اونا باخماقدان هئچ دویمازدی. سئوردی قیز الینی توتماسینی، اونونلا کپنک توتماغی قویسون. آما پادشاهین قیزی کیمسه‌نی بَینمزدی، قوللوقچولارا، نوکرلره ایت دئییب، اونلاری یانینا قویمازدی. قوچ‌علی بئله‌سی شاد، یونگول یاشاردی، بیرگو٘ن او٘ره‌یی‌نین سیررینی قیزا دئمک‌ایسته‌دی. او او٘زدن کپنک توتماق واقتی قیزا دئدی: شازدا خانیم، من سیزه عاشیقام. خواهش ائلیرم ایکیمیزده بؤیوینده ائولنک. آردی وار...

اوشاق ادبیاتی حیاتین شیرین لری سئویریک سیزی....

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar